Кондак 1
Человеку Божию и человеку Церкви Христовой, великому избраннику Господню и каменю недвижиму исповедания веры Православныя. Явленному во времена, егда бурею стремлений мятежных волнуема и в пучину безбожия погружаема, Русь утопаше. Святителю Антоние, образом мученическаго жития своего, служению ревностному Богу нас научающему. Душу свою за люди своя полагавшему. Всеоружием Божия благодати вся козни врага веры Православныя победившему. Богомудрыми писании верным ко спасению путь во времена последняя указавшему. Мы же, тебе, досточудному земли Русския новострадальцу, благодарное приносим пение:
Радуйся, святителю Антоние, столпе Православия непоколебимый, во времена последняя во Святей Руси просиявший.

Икос 1
Ангельских миров Творец и всея твари содетель Господь, егда по грехом нашим нашествие иноплеменных, братоубийство, безбожных лютование попусти и земля Русская кровию обагрися, избрал тя всехвальне Антоние, архипастырем Церкви Христовы, яко адаманта твердейша, да во дни испытания веры, свидетельствуеши крепкое в ней стояние. Да мнозии людие во ограде церковней соблюдутся. О сем, тебе Владыко, яко сосуду избранному благодати Божия, воспеваем таковая:
Радуйся, яко от чрева матери Господом предизбранный и водительству Святаго Духа прилежавый;
Радуйся, яко в струях Иорданских крещенный;
Радуйся, яко разумом Божиим обдарованный и разум сей к славе Святаго имени Христова употребивый;
Радуйся, яко трапезу Христовых страданий за род наш вкусивый, яже истязания лютыя в темницех четверть века с верою крепкою претерпевый;
Радуйся, яко трижды и заточениях к убиению приговоренный и Промыслом Божиим сохраненный;
Радуйся, яко во узах темничных, во святительския одежды, благоволением Божиим, достойно облачен еси;
Радуйся, яко всю жизнь, даже до смерти своея жестоко гонимый;
Радуйся, яко старец, подвижник и богослов премудрый явился еси и тем служения святительскаго глубину всю подъял еси;
Радуйся, яко всех благодатных даров Духа Святаго преисполненный;
Радуйся, яко писании твоими совершенными, путь спасения во времена «света окончательнаго конца» верным указавый;
Радуйся, яко на новые, близгрядущие страдания за Христа, с верою непоколебимою идти призывавый.
Радуйся, святителю Антоние, столпе Православия непоколебимый, во времена последняя во Святей Руси просиявший.

Кондак 2
Мати твоя, сущею непраздною, чревоносящи тя, блаженне Антоние, Промыслом Господним, егда наста время рождества, во граде Святем пребывала еси. Глубина богатства и премудрости Божия, явися в рождестве твоем, яко в день отдания Успения Божией Матери и памяти светильника Церкви, богослова премудраго священномученника Иринея, епископа Лионскаго, в мир сей дольний пришел еси. Якоже плод красный, спасительнаго сеяния Господня показался. Мы же, сицевая похвалы Царю веков, о даровании избраннаго носителя Духа Божественнаго, благодарственно взываем: Аллилуиа.

Икос 2
В подобие, яко превышший всех пророк Иоанн, древле в течениих Иорданских струй, таинство страшное совершая, крестил Творца под его руку преклонившагося, тако и ты, преславне Антоние, отроча младо, по рождении, в Иордане реце крещаем был. В крещении, под небесный покров крайнему пророку, первому мученику и крестителю Христову посвящен был еси. Мы же, ти, избранниче Христов, похвальная восписуем:
Радуйся, яко Божиим изволением во святем Иерусалиме рожденный;
Радуйся, яко в честь славнаго пророка, предтечи и крестителя Спасова Иоанна, от святыя купели нареченный;
Радуйся, яко по рождении твоем, старцем во святем Граде, быти тебе велиим подвижником и защитетелем Православия преднареченный;
Радуйся, яко от юности в заповедех Божиих ходити вожделел еси;
Радуйся, яко измлада за Христа всем сердцем пострадати возжелал еси;
Радуйся, яко сердце твое юное трепетало, егда о подвизе мученистем пророка Исаии, пилою древяною распиляема, читал еси;
Радуйся, яко трижды преднаречение дивное в видении сонном, еще отроку сущу, еже пилою распиляема себя видеша, яко образ о грядущих страданиях твоих, по мнозех летех сбылся еси;
Радуйся, яко вмале премудрость Божию познаша, возжада душа твоя источника приснотекущаго;
Радуйся, яко Дух Святый издетска исполни сердце твое;
Радуйся, яко славу Небесную паче всего возлюбивый и закон Божий на скрижалях сердца твоего начертавый.
Радуйся, святителю Антоние, столпе Православия непоколебимый, во времена последняя во Святей Руси просиявший.

Кондак 3
Сила Вышняго излияся на тя, досточудне Антоние и укрепляша тя от юности твоея. Образ кротости, смирения и любви о Господе явился еси, яко священный сосуд Божественными дарами добродетелей обильно наполняемый. Мы же, Христу Богу нашему славно воздвигнувшему новое светило веры, во времена отпадения от Бога на Руси великаго, со благодарением восклицаем: Аллилуиа.

Икос 3
Разумевше сердцем и умом, яко вся благая мира сего суть скоротечни и скоропреходящи – единому Богу работати возжелев. Услышав о велием житии и благочестии богомудрых отцев и старцев оптинских, пришел еси во обитель к старцу великому Иосифу. Он же, провидя вся Божия произволения о тебе, под криле свое, яко птенца приял еси. Мы же, ти, от юности благий ярем Божий взявшему взываем:
Радуйся, яко осьми лет от роду, чудесным образом в Свято – Введенскую Оптину пустынь приведен еси и оптинских преподобных послушник сподобился быти еси;
Радуйся, яко светильник оптинский, преподобный Иосиф, в наставники дарован тебе и служение архиерейское тебе предвозвестивый;
Радуйся, яко юный Исаак, смиренно в руце Божии себя цела отдал еси, со отроческих лет волею родителей и родных более не видел еси;
Радуйся, яко по стопам святых отец, путь покаяния изведавших пошел еси,;
Радуйся, яко молитву Иисусову возлюбивый;
Радуйся, постниче, себя ради Христа утеснивый, яко в сугубом посте подвизался, до семи дней брашна не вкушал еси;
Радуйся, яко путь служения иноческий, самим Промыслом Божиим указан тебе, егда в день пострига, невеста твоя во огни сгорела еси;
Радуйся, яко в честь учителя монашества, Антония Великаго, пострижен был еси и частицу мощей пустынника преподобнаго в кресте носил еси;
Радуйся, девственнаго жития сладкогласый ублажателю и оптинскаго старчества достойный приемниче;
Радуйся, яко воздержанием, божественному Иоанну Предтечи уподобивыся и яко светильник, огнем Божественным возсиял еси.
Радуйся, святителю Антоние, столпе Православия непоколебимый, во времена последняя во Святей Руси просиявший.

Кондак 4
Бурею ярости и злобою неистовства распаляхуся врази Руси Святей – слуги диавола, мняху разрушити оплот Православия, державу Русскую. Нечестие же в народе нашем и правителех его, возжелавших власть самодержавную, Богом поставленную, низвергнути, зело умножишася. Спасти хотяй людие многия, Господь многомилостивый, испытания попусти: брань всемирную и беды велия на народ наш. Да вразумившись, людие к Богу возвратятся. О сем, Божиим спасительном промышлении восклицаем: Аллилуиа.

Икос 4
Сила Вышняго, немощныя врачующая и оскудевающая восполняющая, излияся на тя предивне Антоние, егда вся силы ада воздвигошася на Русь Святую. Имея ревность о страждущей матери – Руси, крестом и молитвою, аки щитом оградивыйся, на брань, в защиту удела Божией Матери пошел еси. Мы же, видеша тя, в подвизех воинских, на поле брани за Святое Отечество крепко стояще, яко ратоборцу, на ком Дух Божий явно почивает, песнь достохвальную приносим:
Радуйся, яко смерть презревши, волею страдати с народом на брань всемирную пошел еси;
Радуйся, яко во бранех мужество безприкладное являл еси, наградами геройскими увенчанный;
Радуйся, яко чудно, незримо Ангелом невредимо хранимый;
Радуйся, яко ураненный зело, просвещати словом Христовым люди, в страны дальния отправился еси, и дар совершенный, иными языками вещати стяжал еси;
Радуйся, яко заступничеством богоизбранной покровительницы земли Иверския, равноапостольной Нины, падением в пропасть земную, от агарянскаго убиения дивно спасен был еси;
Радуйся, яко промыслительно отец преподобный Нектарий оптинский, по возвращении тя, иконою сей угодницы Божией встречал еси;
Радуйся, яко сподвижником ближним патриарха Тихона, в защите Руси от безбожия и обновленчества был еси;
Радуйся, светило благочестия, нечестия сопротивоборче;
Радуйся, яко подвиги твоими сердца верных просвещаеши;
Радуйся, яко малодушие от сердец людей изгонял еси и на подвиг Христа ради призывал еси.
Радуйся, святителю Антоние, столпе Православия непоколебимый, во времена последняя во Святей Руси просиявший.

Кондак 5
Врагом спасения нашего наущении, слуги преисподней, ереси богоборческия, хитросплетенныя, яко жало змеиное, в тело Церкви Христовой вонзили еси. Суть: имяборцы – имя Господа нашего Иисуса Христа уничижавшия и имяславцы – имя Божие от самого Христа отделявшие. Тем делание спасительнейшее молитвы Иисусовой отвергавшие. Иерарси церковныя, суть ересей каверзных не раскрывша, прошение собору вселенскому о сем разрешении предложиша. Аки росу на руно Гедеоново дарова тя Господь, богомудре Антоние. Ты же, Творцом разумом Божиим обдарованный, вся козни злохитрыя вражия низложил еси и мудрыми изъяснениями правильному почитанию имени Господня вразумил еси. Тем же и мы, богомудрыми учении просвещаеми, подателю разума – Отцу Небесному возносим: Аллилуиа.

Икос 5
Боготечною звездою, многострадальне Антоние, явися житие твое, егда полчище сатанинское Христовых врагов, Русь державную распинаша, единство Церкви Православныя разориша и святыни Православныя попраша. Людей же, во тьме греховней обуреваемых и соблазном богоборчества колеблемых, словом Божиим, яко проповедник неустрашимый вразумлял еси. О сем, тебе, истиннаго просвещения и христианскаго благочестия насадителю взываем:
Радуйся, обличителю неправды, души верных от прелести вражией свобождавший;
Радуйся, разумению имени Божия с разумением научавший;
Радуйся, яко треми вехами путь спасительный указавый: суть молитвою, верою правою, скорбей жизненных терпением;
Радуйся, яко светильник свой присногорящий, елеем благодати преисполнил, егда в годину лютых гонений, в день апостолов превоверховных Петра и Павла, священный сан приял еси;
Радуйся, яко дар чудотворений и пророчеств стяжал еси;
Радуйся, престола Божия благоговейный предстоятелю;
Радуйся, яко убити многажды тя, во время служб церковных, злодей, врагом движимый, вознамеривыйся, с покаянием же слезным к тебе пришел еси;
Радуйся, яко по молитвам твоим, храм соборный от всеконечнаго огнем погубления сохранен еси;
Радуйся, яко о рассеянных по путем погибельным присно болезновавый;
Радуйся, яко проповедованием уст твоих медоточивых, алчущих и жаждущих правды Христовой насыщавый;
Радуйся, святителю Антоние, столпе Православия непоколебимый, во времена последняя во Святей Руси просиявший.

Кондак 6
Егда же Русь державная, древле храм живый, новому Вавилону в плен предадеся за грехи своя, тогда ты, Антоние исповедниче, взем крест на рамо, распеншемуся последовал Христу, того сообразующееся Божественным страстем. Яко воин Царя Великаго, о муках не радев, противился повелениям слуг диаволих, от потопления бурями безбожия люди русския спасаяй. Владыке же всяческих, благодатиею своею укреплявшему тебя на подвиги страдальческия, воззовем: Аллилуиа.

Икос 6
Яко пастырь, посреде волков лютых, собою жертвуя, сохранял люди для Церкви, не попуская отпасти от веры Православныя. Видя же козни бесовския, пролитие крови, паствы тебя защищавшей, готовившия, Духом Святым влекомый, волею нощию во узилище темничное, в руце безбожных предался еси и к убиению приговорен был еси. Мы же ти, с радостию велиею, совершающему волю святую Божию, приносим:
Радуйся, яко апостольское и святоотеческое веры исповедание твердо сохранял еси;
Радуйся, яко людем в скорбех и бедах изнемогавшим, состраданием и молитвою облегчение подававал еси;
Радуйся, яко жребий исповедничества облобызавый;
Радуйся, яко подвигом твоим сатана посрамися;
Радуйся, яко от беззакония ко Христу многия привел еси, зачерствелую совесть грешников нераскаянных к покаянию слезному приводил еси;
Радуйся, яко не убоялся тела убивающих, ниже смутился страха их ради;
Радуйся, яко гонитель твой, благословение на подвиг мученический у тя испроси, во еже на убиение вместо тя последовати;
Радуйся, непоколебимый каменю, силою Божественною укрепляемый;
Радуйся, яко истину Христову, паче всех сущих любити нас научающий.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 7
Ведал ты, угодниче Христов, Антоние, тайну велию и радостную домостроительства Божия, яко чрез страдания временная за Христа, ликование готовится верным вечное. К Свету Невечернему из юдоли плача возвысился, бурею безбожия испытуемый, смерти не ужаснулся, огнем Божественной любви распаляшеся, многовидныя мучения восприял еси, да не умолкнет песнь Богови на земли Русстей: Аллилуиа.

Икос 7
Странно есть маловерным и малодушным зрети, яко воистину воин Христов, дерзновенно обличает злобу и безумие безбожных. Враг же рода человеческаго, видя тя на высоту духовную вознесшагося, в ярости восхоте в конец погубити тя. В новое заточение ввержен был еси мучителями безбожными и к убиению приговорен. Но дивно десницею Господнею хранимый, подвигом крепкаго стояния за веру православную, Церковь святую Русскую озаривый. Тебе же, велие дерзновение ко Господу стяжавшему восклицаем:
Радуйся, яко уз темничных и изуверских умервщлений не убоялся еси;
Радуйся, яко люте истязаемый в темнице: сна и брашна, лето целое лишен был еси, молитвою Иисусовою, Духом Святым движимою, спасался еси;
Радуйся, яко мучитель, бившый тя, ниц сляченный пал еси, по молитве же твоей, вновь восстал еси;
Радуйся, яко лев дивий, на зрелищи цирковом, клеть покинуша, судию – мучителя жестокаго твоего растерзал еси и приговор неправедный ко убиению тя, раздрал еси;
Радуйся, яко в клеть львиную заточен еси и для воззрения людем, на стогны града поставлен еси;
Радуйся, яко слова евангельские: «Тогда предадят вы в скорби и убиют вы и будете ненавидими всеми языки имене моего ради» (Мф.24,9) на тебе исполнились еси;
Радуйся, яко с мирною душею на мучения шел еси, велию змиеви печаль творяще и Ангели радости исполняюще;
Радуйся, воззверившихся врагов веры Христовы укрощение;
Радуйся, яко мук разжжения претерпел еси, свыше благодати росу приял еси;
Радуйся, мудрый страдальче, яко угль, вещь безбожия попаляющ и сущыя во тьме просвещаеши;
Радуйся, яко паче естества мучений исполненный, князя тьмы низложил еси.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 8
Кто изочтет раны, беды и скорби твоя, страстоносче Христов Антоние, изгнания лютыя и уранения зельная терпеливо приявшаго и всякое лукавое нападение силою Божественною отгнавшаго. Яко воистину Бога возлюбил, пострадавшаго за грехи наша и злата светлейши просиял еси, яко сонаследник Христу прославиля. О сем Царю веков похвалу достойную возносим: Аллилуиа.

Икос 8
По заточении же, тяжцем, ты предивне Антоние, веры твердейший поборниче, люди спасати от сетей диаволих не престал еси. В лесах и местах потаенных, яко пастырь добрый, среди волков, паству окормлял еси. Зубы своими враг возскрипел еси. Во узы каторжныя Севера крайняго верже тя. Воля же Божия, святая, благая и совершенная, о угоднике Христовом исполнялась еси, яко в заточении сем, в сонм святителей своих, Господь возвести тя благоволи. Мы же ти, страдальче Христов, многоболезненныя струпы от многовидных мук подъявшему и благодать духовных даров приявшему, достойно возносим:
Радуйся, яко во узах людей крестил еси и Святых Даров причащал еси, в тернии и волчцех пшеницу веры Христовой взрастил еси;
Радуйся, святительскаго лика достойный сопричастниче, яко в заточении, чрез триех архиереев, сам Христос живоносною десницею тя во святительские одежды облачил еси;
Радуйся, Господом сохраненный, егда десницу твою безбожные ломаша, дабы людие не благословлял еси;
Радуйся, яко умертвляемый, врага умертвил еси, егда брашно смертное вкушал и жив был еси;
Радуйся, яко стужением мраза лютаго мучимый, в мокрей бане заморожен был еси, токмо молитвою Господнею спасенный;
Радуйся, яко сам в каторжных узах пребывая, пламенно Христа молил о принятии мучений соузников на себя;
Радуйся, яко для спасения людей, Богом промыслительно хранимый;
Радуйся, яко мученицы на Небесех о терпении твоем ликоваху;
Радуйся, стастотерпче победоносный, яко видеша страдания твоя, безропотная, Ангельския силы воспеша, бесов же множество восплакашася; Радуйся, образе неусыпнаго делания, Христу Богу работати прилежно наставляющий нас.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 9
Терпя усердно раны, славный страдальче, велиара змия уязвил крепко. Сам ярость богоборцев, мужества мечем посекл еси и соузников укреплял в страданиях тяжких. Лицы Ангельстии безплотнии, удивишася терпению твоему, Антоние, еже в телеси и восхвалиша Подающаго тебе, честный исповедниче, силу: Аллилуиа.

Икос 9
Ветия многовещанные недоумевают, како подвигами страдальческими за Христа, покрываются греси не токмо отец, но и грядущих по них, и како ими освящается земля наша в жилище Духа Святаго. Гонители же, безбожнии, зря яко крепко упование твое на Вседержителя, злобою неистовою распаляхуся, страдания новая лютая измышляху, мняху гладом, мразом и изнурении каторжными, веру твою поколебати, ты же терпением и мужеством врага обнажив, в студ его облекл еси. Сего ради, со благоговением зовем ти:
Радуйся, яко новаго заточения не убоялся, огнь любве Божественныя преславно внутрь носяще;
Радуйся, яко двадесять соузников, издевательства нестерпимии и христианския надругательства терпевши, на смерть за Христа заклатися благословил еси;
Радуйся, яко очима духовными бесов видел еси, за истязателями твоими стоявших и наущавших их скверноубийственными руками, власы на главе твоей истерзывати ;
Радуйся, яко молился еси о прощении мучителей озверевших;
Радуйся, яко людей в страданиях укреплял еси: «Не бойтесь убивающих тело, души же не могущих убити»;
Радуйся, яко Господом сохраненный, егда ураненный смертне в снегу замерзал еси;
Радуйся, яко соузников, безропотно переносить крест страданий научал еси и правильно, яко Промысел Божий, принимати все;
Радуйся, яко чадо духовное твое, в трепете велием зрела тя, в клети темничной, молящимся, на воздусе стоящим;
Радуйся, яко муками велиими и многообразными, на земли светильник веры возсиял еси;
Радуйся, яко лучами страданий твоих всяку душу озаряеши.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 10
Божий Промысел, глубины неудобозримыя, мняху бо Церковь Русскую разрушити, паче прежних славу ея преумноживши ибо Русь Святая множеством исповедник и новомученик всех древних страдальцев собрание превзыде. Ты же, святителю досточтиме, Антоние, колена пред Ваалом не преклонил еси и овцы своя во ограде церковней невредимо соблюл еси. Вразуми и нас, к вещем скорогибнущим земным, сердцем не прилеплятися, а паче о горних помышляти вопия Господу Сил: Аллилуиа.

Икос 10
Неисчетным множеством кровей святых, нечестия огнь погасися и вера соблюдеся. Ты же, блаженне Антоние, изряден архиерей Церкви Русския и благодати Божия сокровище явился еси, лучами духовными мир просвещал еси, во огни мук безчисленных искусился, светлее злата всякаго в любви Божественней явился еси. Мы же ти, житием своим научавшему тесным путем в заповедех Божиих ходити, восписуем:
Радуйся, яко в гонениях жестоких писания Богомудрыя слагал еси, како молитвою Иисусовою врага сражати;
Радуйся, яко Владыка Господь дарова ти молитву для зрения сокровенных таин Божиих;
Радуйся, яко один из немногих, душу очистивый, насколько естеству человечу возможно;
Радуйся, яко чада твоя, в трепете зревша свет огненный от иконы, на главу твою, в молитве, низходяща;
Радуйся, яко наставлял еси о Бозе памятование имети непрестанное;
Радуйся, яко возсиял еси духом и силою древних отцев;
Радуйся, яко научал еси действенней сути покаяния молитвы Иисусовой;
Радуйся, всех добродетелей пресветлое зерцало;
Радуйся, яко крест напрестольный, ангела молитвы, Иоанна Кронштадскаго, тебе промыслительно дарован еси;
Радуйся, светильниче Христов, на верху горы стоящий.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 11
Слышаше о тебе, всечестный Антоние, яко ты еси сосуд Божий избранный и благодатных даров преисполненный, потекоша к тебе людие от всех конец Руси. Ты же, пастырю Божественный, стадо Христово на пажити тайней упасший и во ограду Небесную вселился еси, идеже есть великий Пастырь и молишися тамо о нас присно. Сотвори и нас, яко овцы словесныя, достойны бытии пажити тоя. Да безпрестанно Творцу вопием: Аллилуиа.

Икос 11
Боготечно шествовал путем терновым от силы в силу, велия чудеса яви тебе Господь, яко угоднику своему. Дар прозрения, врачевания, ведение сердец сокровенная и грядущая, яко настоящая. О сем, избранниче Христов, Антоние, теплый человеков заступниче, цвете честный, сосуде, Духа преисполненный, мудре исповедниче достойно ублажаем тя:
Радуйся, яко воздеянием рук твоих, врата Небесныя верным отверзаются;
Радуйся, соле земли, от греховнаго тления нас сохраняющая;
Радуйся, болящих и от духов злых страждущих благодатное врачевание;
Радуйся, источниче, Божественную воду источающий;
Радуйся, многомилосердне, о чадех своих попечение присноимущий;
Радуйся, яко изсохшия души росою благодати орошающий;
Радуйся, учителю совершенный и спасения великий наставниче;
Радуйся, яко за грехи чад твоих болезни многия понесый;
Радуйся, яко чада своя в Царство Небесное управил еси;
Радуйся, яко образом жития твоего, сердца наша ревностию по Бозе возбуждаеши;
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 12
Воистину добрая твоя, многострадальне Антоние, купля, тленная бо оставив – нетленная восприял еси, от скорби великия в покой несказанный водворился еси и со Ангелы ликовствуеши. О сем, Царю Славы, просветившему святая своя паче злата, возносим: Аллилуиа.

Икос 12
Волки в овечьих шкурах новоявленныя, диаволу сокрыто служащие, мнящие народ Русский богоносец на путь нечестия совратити: овых расколами самосвятскими, сектами и униями, овых ересьми экуменическими, овых номерами антихристовыми. Ты же, ходатай наш пред Престолом Небесным, Антоние, в скорбех и мучениях сущим, источник радости о Бозе указавый и радость сию, яко зеницу ока, свято хранити нам вещавый. Помози твоим предстательством у Христа, верным путем нам шествовати и силу нечестивую, со всех сторон на ны движимую попрати. Мы же тебе, славу презревшему дольнюю и попираемую, Небесней же сподобившемуся славе и Христу спребывающу, превозносим таковая:
Радуйся, яко в терпении многострадальнем Агнцем Божиим увенчан еси;
Радуйся, яко на Небесех у Престола Вседержителя, в сонме святых и Небесных Сил, о нас присно ходатайствуеши;
Радуйся, яко Божественною премудростию в писаниях твоих нас озаряеши;
Радуйся, сосуде, вместивший зарю Пресвятыя Троицы;
Радуйся, яко Сиона Вышняго явился еси житель и Ангелом равночестен;
Радуйся, исповедников досточудных неувядаемое украшение;
Радуйся, яко в подвизе твоем имя Пресвятыя Троицы дивно прославися;
Радуйся, светильниче вселенныя, яко светлыми духа зарями всех просветил еси;
Радуйся, яко за веру Христову, даже до смерти стояти научал еси;
Радуйся, яко от Господа вечною славою на Небесех венчанный, святителей похвало и Церкви украшение.
Радуйся,святителю Антоние, столпе Православия непоколебимый, во времена последняя во Святей Руси просиявший.

Кондак 13
О, предивный избранниче Господень Антоние, святителю гонимыя Церкви Православныя, духом горяще, Богу непоколебимо служаще и жезлом сятости и правды гонимое стадо Христово от волков хищных храняще. Ныне же, Престолу Владычню предстоиши и огневидныя о помиловании Церкви и рода нашего молитвы приносиши. Помози нам, стаду словесному оставленному, к покаянию приити и заступлением своим огнь гнева Господня, праведно на ны движимаго, угасити. И да воскреснет Русь Святая поя Троице Всесвятей: Аллилуиа (трижды).
Сей Кондак читается трижды, по сем – Икос 1-й: «Ангельских миров Творец…» и Кондак 1-й: «Человеку Божию…».

Молитва
О, богоизрядный земли Русския страдальче, святителю Антоние. Образом пресветлаго жития своего, егда плачем и стенанием великим земля наша наполнилась, слова апостольские исполнил еси: ни скорбь, ни теснота, ни гонение, ни глад, ни нагота, ниже беда, ни меч не возмогут разлучити ны от любви Христовы. В Небесныя обители на колеснице страданий взошел еси, идеже молишися о нас присно.
Мы же, припадаем к тебе, святителю Божий и слезно взываем: благодать испроси нам у Отца нашего иже на Небесех, да простит нам безумное уклонение наше от правды Божия и подаст силу на всякий день нести крест свой. Охраняй и ныне Отечество наше святое от шатания умов и сердец и бед великих грядущих. Да не погибнет Русь Святая православная, Богом любимая. Да возсияет миру, погибающему во зле, яко звезда пресветлая.
Смиренно просим, умоли Судию, да в страшный день Судный сподобит и нас деснаго стояния, идеже Ангельские Силы со всеми святыми, ликовствуя воспевают Троицу Единосущную – Отца, и Сына, и Духа Святаго ныне и присно и во веки веков. Аминь.

Житие
Возлюбивший град Киев – мать городов русских и упокоившийся под ним, сын псаломщика Орловской губернии, рожденный в паломничестве во Иерусалиме, крещенный во Иордане и нареченный в честь Иоанна Крестителя, послушник Иоанно – Предтеченскаго скита Оптиной Пустыни, истинный христианский философ и литератор, автор выдающегося труда в отечественном богословии, магистр Императорской Киевской Духовной Академии, кавалер боевого ордена святого князя Владимира, дворянин, исповедник, четверть века проведший в тюрьмах и лагерях, премного возлюбленный Господом и оклеветанный сатаной как ни один святитель во все века, разрешивший переданный на усмотрение Вселенского Собора церковный вопрос о имени Иисуса Христа, раскрывший тайну спасения, написавший совершенное руководство в делании молитвы Иисусовой и преподнесший в дар Пресвятой Богородице акафист Царице Небесной «Афонской Игумении», заканчивающий монашество – архиепископ Антоний (Михайловский, 1889 – 1976) дан в наставление Самим Духом Божиим.
Все истинно спасающиеся в последния времена, обретут в нем своего Богомольца и Смиренного Старца.
В п. Лесная Буча (под Киевом) на могиле архиепископа Антония, по его завещанию, поставлен только дубовый крест.

Духовное завещание
« А вам, может быть, придется еще пострадать, но если придет такое время, то не устрашитесь, идите на Крест смело, с открытой грудью, не сомневаясь, ни о чем не жалея, с радостью принимая его. Тогда сила Божия осенит и укрепит, и вы устоите. А если мысленно попятишься от Креста, если в мыслях раздвоишься, поколеблешься, испугаешься за себя или за родных, то в это время демонская сила вмешается, благодать отойдет и уже не устоять в страданиях. Осознать надо, что пришел тот час, когда тебе нужно оправдать веру, свою верность Господу. Иди, как шли святые мученики. Господь укреплял их, они даже мучений не ощущали, а если ощущали, то понимали, что это дается для очищения прежних грехов. Просите у Бога помощи за детей, за родных, не страшитесь, нашими страданиями мы им поможем, и Господь их помилует. Наступает такое время, что если не выполнять молитвенного правила, то никто не устоит, какого бы он сана духовного не был. Боязнь скорби и желание покоя заставляет многих людей изменять Богу и добродетели. Катастрофическая тьма падения побеждается только Крестом – величайшими страданиями крестного пути. Тайна вечного спасения требует от верных терпения скорбей и страданий, и остерегаться внешних людей. Православный христианин твердо, крепко верит, что ни бесы, ни звери, ни злые разбойники и люди не могут нам сделать зло, если на это не будет воли Божией. А воля и промышление Божие разрешают только тогда сделать нам зло, когда это для нас душеспасительно, когда это зло идет во очищение грехов и в наследие Царства Славы Божией. Аминь.»

Архиепископ Антоний (Михайловский)
(+1976 г.)