Кондак 1
Избранный Предвечным и Всеблагим Творцом и Промыслителем всего Сущего, от великого сонма Небесных Сил бесплотных, началами нарицаемых, на служение народу нашему православному, прехвальный хранителю града Москвы, к тебе мы ныне взываем и просим тебя: укрепи нас в надежде на мудрость и милосердие Троицы Всесвятой, подай нам все потребное к здравию и спасения и приими величание наше:
Радуйся, ангел святой, града Москвы хранителю благословеннный, в Иерусалим Небесный дороги наши направляющий!

Икос 1
Ангелов собрания бесчисленные и сонм праведников спасенных, от разных градов и весей к Отцу всех пришедших, неустанно в радости великой величают и славословят Триипостасного Бога Нашего; с ними же и ты, благий хранитель града Москвы, гимны хвалебные Господу воспеваешь. Сего ради и мы величания таковые тебе возсылаем:
Радуйся, мудростью спасительной нас обогащающий.
Радуйся, от суеты и пустословия избавляющий;
Радуйся, из плена страстей греховных свобождающий;
Радуйся, взоры душ наших к небесному царствию обращающий;
Радуйся, дела земные благоуспешно устроять помогающий;
Радуйся, милосердие Отца Небесного к нам приклоняющий;
Радуйся, о спасении нашем Спасителя постоянно умоляющий;
Радуйся, благодатные плоды Духа Святого взращивать помогающий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 2
Видя премудрость Господа Всеблагаго, во творении явленную, вместе со всеми сонмами бесплотных прославил еси Вседержителя и верность Ему явил еси, внегда вместе с верховным архистратигом Михаилом не послушал еси лести гордаго денницы и сбросил еси его в сени Тартара преисподняго. Сего ради просим тебя, Небесный покровителю града Москвы, сотвори нас верными всегда Творцу быть, да купно с тобою воззовем Ему в радости вечной пение благодарственное: Аллилуйя!

Икос 2
Разумно и благоговейно сохраняти заповеди Господни настави нас, благий ангеле, да не соблазнимся мы ни бесовскими наваждениями, ни сладостию скоропреходящих благ мира сего, но благочестиво восприимем учение евангельское, и емуже следуя ежедневно, будем возрастать в благодати Божьей и благо ближним своим творить. Сему же начало положить нас сподоби, ангеле святый, и приими благосклонно величания наши:
Радуйся, от бесовских соблазнов избавление;
Радуйся, от соблазнов демонских быстрое исцеление;
Радуйся, помрачения умов прехвальное просветление;
Радуйся, закостенелых сердец благодатное преображение;
Радуйся, от угара страстей душетленных благодатное врачевание;
Радуйся, добродетелей богоугодных в душах вкоренение;
Радуйся, от губительства бесовскаго нас оберегающий;
Радуйся, милость Божию к отчизне нашей приклоняющий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 3
Силу и славу Всемогущаго Творца созерцаеши непрестанно, благий ангеле, и зриши в Боге и альфу и омегу, начало и конец всего Сущего; сего ради мы просим тя: настави нас в непрестанном уповании на всепобеждающую силу и великое милосердие Творца Нашего, да не хвалимся ни телесною преходящею силой, ни быстротою ума, но в смирении и сотрудничестве с Богом обрящем благодать, воспевая Ему с тобой вместе: Аллилуйя!

Икос 3
Имуще в Тебе, ангеле благословеннный, предстателя перед Возлюбленным нашим Богом, к заступничеству твоему прибегая, молимся Господу, да укрепит нас в борьбе со страстями, похотьми и соблазнами жизни земной, сего ради, мы грешные, с надеждою взываем к тебе:
Радуйся, помраченных умов просветителю.
Радуйся, скорби и печали в радость претворяющий.
Радуйся, Судию Праведнаго за грешные люди умоляющий.
Радуйся, всех скорбящих и плачущих утешителю;
Радуйся, колеблющихся в вере твердое ограждение;
Радуйся, погибающих надеждо и исправление.
Радуйся, телес наших врачу и хранителю;
Радуйся, душ наших в Царствие Небесное возведение.
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 4
Бури греховной желая избежать и унаследовать мир Господень желая, взываем к тебе с надеждой, святой ангеле, и просим тебя, умоли Всесвятаго Утешителя Духа всем нам дары кротости и благости ниспослать, да откажемся мы от ссор и препирательств суетных, и тако обрящем обещанное Спасителем блаженство миротворцев и сынами Божиими наречемся и в вечности блаженной воспевать возможем вместе с тобой Отцу Небесному: Аллилуйя!

Икос 4
Слышавше о чудесах и явлениях ангелов, мы радуемся и славу Всемудрому Творцу Нашему возносим, ибо – Он - Великий в милосердии Своем, посылает бесплотных служителей Своих на спасение людям грешным, на исцеление от недугов и избавления от бед. Мы же, таковаго упования исполненные, с надеждою на тя, ангеле святый, величаем тя сице:
Радуйся, за красоту мира благодарить Святую Троицу наставляющий;
Радуйся, устремление душ наших к вечности нетварной направляющий,
Радуйся, от паутины греховной помыслы наших исцеляющий;
Радуйся, от яда злобы и гневливости слова наши очищающий;
Радуйся, доверие и твердую любовь к Спасителю пробуждающий;
Радуйся, в бедах и напастях помощь нам подающий;
Радуйся, козни духов злобы разрушающий.
Радуйся, даром понимания вещей богоугодных нас обогащающий;.
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 5
Божественнаго милосердия и любви неизреченной исполнилось торжество, егда сын Божий претерпел муки великие, распятый на древе Крестнем, и Кровию Своею искупил весь род человеческий, все народы существовавшие и грядущие; сие же ныне воспоминая, просим тя, святой Ангеле, молениями твоими утверди веру в торжество искупления и нас, да вместе со всем собором праведников возможем приити на вечную вечерю Агнца Божьего воспевая Ему: Аллилуйя!

Икос 5
Видя благие деяния великого князя Юрия Долгорукаго, Премудрый Господь наш благослови устрояемое им созидание града нового, Москвою именуемаго, и повеле тебе, святый ангеле, хранителем новосозидаемаго града быти. Мы же славословим всемилосердную волю Отца небеснаго и тебе, верному Его служителю и покровителю взываем с надеждою сице:
Радуйся, о спасении нашем Господа умоляющий.
Радуйся, к истинному покаянию и исправлению приводящий.
Радуйся, к подвигу воздержания всех призывающий.
Радуйся, всем борящихся со грехами покровителю Богодарованный.
Радуйся, о добром людей вещать научающий;
Радуйся, к истинному богомыслию разум наш приучаюший;
Радуйся, от забвения заботы о ближних врачующий;
Радуйся, нести Свет Христов и благо ближним помогающий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 6
Проповедует неустанно святая Христова Церковь славу Всенепорочной Девы и Матери Всевышняго и Имя Ея свято и благоговейно почитается во граде нашем и иконы Ея святые чтятся с любовию и надеждою благочестивыми христианами. Сего ради молим тя, ангеле святый, сотвори с нами молитву твою к Чистейшей херувим и славнейшей без сравнения серафим, да сподобимся вместе с Нею в вечности блаженной неустанно Христа прославлять ангельским пением: Аллилуйя!

Икос 6
Воссияла на небе слава Всенепорочной Богородицы, Ей же все силы небесные, архангелы и ангелы, все начала со смирением и радостью служат; с ними же и ты, святой ангел, хранитель града Москвы, величаешь Деву и Матерь Всевышняго и нас призываешь величать и прославлять Царицу ангелов. Сего ради и мы просим тя: приклони милосердия Ее к нам, да зовем ти сице:
Радуйся, достойно и праведно чтить Владычицу нас подвизающий;
Радуйся, яко на молитвы к Ней нас собирающий.
Радуйся, яко вместе с Ней в радости Всесвятую Троицу созерцающий;
Радуйся, с Нею же вместе о милосердии к нам Христа умоляющий.
Радуйся, иконам Ея честь достодолжную воздавати наставляющий;
Радуйся, к горению в молитве души наши вдохновляющий;
Радуйся, ум наш к Богу благоуспешно приводящий;
Радуйся, уста наша благодарением Господу за вся исполняющий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 7
Желая житие наше с Божией нетленною правдою устрояти, просим тебя, ангеле благословенный, направи ум наш ко исканию единаго на потребу, укрепи наши силы душевныя, помоги нам достойно и успешно все дела земныя осуществити, научи на путях земных помнить о нетленных благах небесных и воспевать Вечнаго и Всемилосерднаго Бога, добротой Своей нас одарившаго и благами постоянно насыщающаго, Емуже приносим песнь радости и благодарнения: Аллилуйя!

Икос 7
Новые будем вместо старых и слабых, греховным страстям подвластных; и так возможем исполнить заповедь Христову, ибо Господь через бесплотных служителей своих Им поставленных начальствовать над народами и градами, укрепляет и преображает детей Своих, сего ради и мы, тебе, доброму наставнику нашему Небесному, взываем вновь:
Радуйся, заблудшим и ослепленным путь правый показующий.
Радуйся, от пагубных ересей отвращающий;
Радуйся, ко истинной вере приводящий.
Радуйся, мглу греховную озаряющий;
Радуйся, мрак неверия разгоняющий.
Радуйся, из глубины греховной извлекающий;
Радуйся, страх Божий в сердца вселяющий;
Радуйся, очи наши сердечные просвещающий.
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 8
Странники и пришельцы все мы на земли сей, житие наше суетно и скоротечно. И нечасто помышляем о Великом Суде Христове, внегда праведному судии надлежит нам предстать и дать ответ о всяком деле же и слове. Тем же молим Тебя, Ангеле-хранителю града Москвы, возбуди нас от сна греховнаго, да сподобимся Твоим ходатайством получить прощение грехов и во гласе радования воспевать Христу Богу: Аллилуиа!

Икос 8
Всем притекающим к тебе, ангеле преблагословенный, усердно и многомилостивно благодеешь, ибо в вышних обителех пребываеши, но и нас не оставляеши твоими молитвами и предстательством у Христа – Царя славы и Господа Бога нашего. Сице молим тя: не лиши Твоего заступления во время испытаний и искушений, утверди и наша сердца по Бозе гореть, и во всяческих обстояниих помощь твою нам ниспошли и прими величания сия:
Радуйся, всякую ненависть, злобу, вражду в нас укрощающий;
Радуйся, мир о Духе Святе в сердце вселяющий.
Радуйся, зависть, клевету, ревность и злопамятство истребляющий;
Радуйся, братолюбием нас ущедряющий.
Радуйся, благодатную росу исцелений верным источающий;
Радуйся, нечистые помыслы пожигающий;
Радуйся, от греховных чувств отрезвляющий.
Радуйся, искушения и соблазны от нас прогоняющий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 9
«Несть власть, аще не от Бога», - учит наш апостол первоверховный; сему следуя просим тебя, святый Ангеле, сотвори молитву твою о земных управляющих градом стольным, да обогатятся они духом смирения, любви к народу нашему, да исполнятся духа мудрости, и да не влекутся страстями века сего, но уразумеют свою ответственность перед Богом и вместе с нами, к Господу, Мудрости вечной источнику, в смиренном уповании взывают: Аллилуйя!

Икос 9
Витии велеречивые на языке человеческом воспети не могут всей меры любви Бога к грешникам людям Своим. Ибо ради тойже любви постави тебя Господь, святой ангеле, быти хранителем града Москвы, и наставником нашим для спасения. Мы же с радостью в сердцах такие песнословия тебе возносим:
Радуйся, благоговети пред святыней научающий.
Радуйся, ревностию ко спасению воодушевляющий;
Радуйся, духовное нечувствие в нас подавляющий.
Радуйся, храмы Божии почитати внушающий;
Радуйся, в них отраду находити вдохновляющий.
Радуйся, жажду Святого Причащения возбуждающий;
Радуйся, ибо Тобою злые начинания пресекаются;
Радуйся, ибо тобою добрые желания наша исполняются.
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 10
Спасительнаго делания нашего попечитель и Богомудрый наставник буди, о святый Ангеле, приведи нас к началу всего сущего, Всемудрому и всеблагому Богу, посети нас милостивно щедротами Твоими и, как в о времена древние отцам нашим помощь Твою явил еси, тако и нас, смиренных, не лиши Твоего заступления во время благопотребно, да не постыдимся во уповании нашем на Господа, посылающаго ангелов своих на спасение людем и вместе с тобою воззвовем Ему: Алллилуйя!

Икос 10
Стена еси всем, прибегающим к твоему предстательству, святый ангеле, темже и нас в доброделании убогих от всякого злого обстояния огради, от нищеты, болезни и нужд различных избави, да с верою к тебе воззовем:
Радуйся, от черствости и праздности больные сердца исцеляющий;
Радуйся, трезвению духовному и молитве сердечней на всяко время нас научающий;
Радуйся, души наша в покаянии воскрешающий и ревностью по Бозе устрояющий;
Радуйся, злые наша помыслы искореняющий.
Радуйся, хотение наше ко благу наставляющий.
Радуйся, всякий мрак заблуждения от нас прогоняющий.
Радуйся, приятное молитвы кадило, за спасение мира у престола Святой Троицы присно благоухающий;
Радуйся, проповедников евангельские истины благодатное вдохновение;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 11
Пение благодарности с надеждою, радостью и умилением возносим тебе, Преблагословенный ангел-хранитель стольнаго града Отечества земного нашего, ибо ты нас избавляеши от суеты и волнений суетных, утверждаеши в надежде на Божественнаго Спасителя Нашего, милость Его к нам приклоняеши и учиши с детским доверием Христу взывать: Аллилуйя!

Икос 11
Свет незаходимый и свет нетварный созерцаеши ныне, Преблагословенный ангел-хранитель града Москвы, мы же с надеждою молим тя: помилуй нас и Царствия Небеснаго достигнути сподоби премощным ко Господу Иисусу предстательством твоим, потомком же нашим веру Православную помоги в непорочности соблюсти, и светом благодати Божией озари нас, грешных, со светлой надеждой взывающих к тебе:
Радуйся, безвестные и тайные премудрости Божия нам открывающий;
Радуйся, благие мысли и чувства в недоумении нам сущим внушающий.
Радуйся, внутренний мрак душ наших светом Христовым озаряющий.
Радуйся, в перенесении испытаний и тягот нас укрепляющий.
Радуйся, гнев Божий, праведно движимый, скоро утоляющий;
Радуйся, сердца злых людей, враждующих против нас, смягчающий;
Радуйся, от разбойников на пути ны охраняющий;
Радуйся, татей и тайных убийц от домов наших отводящий.
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 12
Благодать и милость Свыше подаждь нам, ангеле Божий, от иконы Твоей Святой, яко в знамение заступления Твоего создали христиане благочестивые и всем тебя чтущим излей милость твою, истину Христову и братолюбие в нас утверди, неверие же во граде Москве посрами. Тем же поклоняемся ти и молимся: в Православии соблюди нас, заступниче наш, и сподоби до конечного дыхания нашего верно пети Богу: Аллилуйя!

Икос 12
Воспевая любовью твою к нам и помощь многообразную, святый ангеле-хранителю града Москвы, смиренно просим тя, небеснаго заступника нашего: в час грозный смертный, егда убогая душа наша к исходу своему приближится, покажи нам премощное твое заступление, и избави нас предстательством твоим от власти сил темных, преграждающих душе человеческой восход в горние обители, их же достигнуть сподоби нас молитвами твоими, да зовем тебе:
Радуйся, сосуде молитв многомощных, имиже демоны далече отступают;
Радуйся, кадило чистаго благоухания, сердца наша благодатным миром исполняющий;
Радуйся, светильниче неземнаго сияния, истинной любви друг ко другу искати нас научивый.
Радуйся, живоносный источниче, струи исцелений нам изливающий;
Радуйся, от мучительнаго недуга пианства страждущих избавляющий;
Радуйся, отчаянным надежду на помощь подающий;
Радуйся, от рва погибельнаго безнадежных спасающий;
Радуйся, к подвигу воздержания всех призывающий;
Радуйся, ангеле святой, града Москвы хранителю благословенный, в Иерусалим Небесный дороги наши направляющий!

Кондак 13
О благий ангел-хранитель первопрестольнаго града Москвы, прими милостиво приносимое тебе наше пение акафистное и не преставай молитися за всех недугующих и скорбящих, к твоему предстательству с верою притекающих, и подавай и всем нам твоими богоприятными молитвами все благопотребное в жизни сей и к вечному спасению полезная, и сподоби вместе с тобою во Царствии Небесном непрестанно пети Богу: Аллилуйя.

Благословенно для келейного чтения

Наименование Хранителя относится к ангелам, которые исполняют определенные виды служения. Одни из них, по замечанию преподобного Иоанна Дамаскина, «оберегают области земли; и управляют народами и странами, смотря по тому, как повелено им Творцом». «Сии умы,- пишет святитель Григорий Богослов,- прияли каждый одну какую-либо часть Вселенной или приставлены к одному чему-нибудь в мире, как ведомо сие было все Устроившему и Распределившему...». В Книге пророка Даниила такие ангелы названы «князьями» (т. е. правителями) иудейского, греч. и персид. царств (10. 13-21). Однако ангелы, как свидетельствует Свящ. Писание, управляли и др. царствами и народами. «И фараону ангелом, поставленным над египтянами,- читаем в «Ареопагитиках»,- и царю Вавилонскому своим ангелом в видениях было возвещено о промысле и власти Управляющего всем и над всем Господствующего». Некоторые отцы Церкви (святители Григорий Богослов, Епифаний Кипрский, Амвросий Медиоланский и др.) утверждали, что Своего ангела-хранителя имеет каждая христианская Церковь. «Вас печалит обращается свт. Василий Великий к пресвитерам Никопольской Церкви что извергнуты вы из ограды стен; но вы водворитесь в крове Бога Небесного, и с вами - ангел - блюститель Церкви» . Ангелам из чина начал Господь по Премудрости Своей поручает хранить не только каждого из христиан, но и грады и страны, есть такой ангел-хранитель и у стольного града Отечества Нашего. И поэтому в нач. XX в. появились изображения Ангела-хранителя на фоне Московского Кремля: иконы письма В. П. Гурьянова 1901 г. (Ц. свт. Николая в Клённиках. Москва) и 1912 г. В 1997 г., к 850-летию Москвы, в иконописной мастерской ц. свт. Николая в Клённиках была создана икона «Ангел-хранитель града Москвы», которая хранится в московском храме святого Николая Чудотоврца на Маросейске.