Кондак 1
Возбранные от Вседержителя, всея твари Творца, Отца и Зиждителя данные нам заступницы и хранитилие предивные, Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, прославляем днесь прославльшаго вас Господа, благодарственное пение воспеваем вам, да молитвами вашими всякия сети вражия избегнем и душ наших спасения обрящем , величая вас:
Радуйтеся, вси святии небесныя безплотнии силы, к вечней жизни с Господом нас предуготовляющия!

Икос 1
Архангели и ангели и вся воинства небесныя, выну предстояще у престола святыя Троицы : святии Серафимы, Херувимы, Престолы и Власти, Господствия, Силы и Начала, Ангели и Архангели, любовию ко Господу и Творцу непрестанно горящии, и пение Вседержителю на небесех непрестанно воспеваете, со страхом глаголюще: "Свят, Свят, Свят Господь Саваоф, исполнь небо и земля славы Твоея". Мы же, вся сия ныне поминающее, просим вас: сподобите же и нас купно с вами приносити Триединому Богу пение хвалебное, и приимите от нас смиренне и благоговейне приносимые вам похвалы сия:
Радуйтеся, уста наша благодарением Господу за все исполняющия;
Радуйтеся, отвергнуться себя, взять Крест свой и следовать за Христом научающия;
Радуйтеся, светом райским нас на земли сокровенно озаряющие;
Радуйтеся, о скоротечности времени и безумии жизни для мира сего нам возвещающие;
Радуйтеся, стяжания Духа Святого и безстрастия, яко цель жизни по Бозе нам поставляющие;
Радуйтеся, непрестанное уныние и мрак душевный отгоняющие;
Радуйтеся, трезвению духовному и молитве сердечней на всякое время нас научающие;
Радуйтеся, души наша в покаянии воскрешающая и ревностию по Бозе устрояющие;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 2
Видяще очесами веры силу и величие молниеноснаго вида вашего, шестокрилатии Серафимы, мы, земнороднии, аще убо и грешнии и недостойнии, обаче с любовию почитаем вас, пламенем любве к Создателю неустанно горящии, и молим вас усердно: попалите наши страсти, да, вознесся от земных к Небесным, купно с вами воспоим Вседержителю, любящему и спасающему нас: Аллилуиа.

Икос 2
Разум богопросвещенный и любовь нелицемерную испросите нам у Бога, святые пламеннии Серафимы, вознесите благомощныя молитвы ваша ко Триипостасному Господу Нашему, да умягчит Всеблагий Творец грешныя ожесточенныя сердца наша, яко да научимчся вверяти Спасителю Нашему всех людей: добрых и злых, прощати обидящих нас, дабы и самим нам обрести прощение у Бога Нашего, сего ради умильно ублажим вас сице:
Радуйтеся, от жестосердия и теплохладия благодатно исцеляющия;
Радуйтеся, милосердие Божие к нам преславно приклоняющие;
Радуйтеся, своею любовию охладевшия сердца наша согревающие;
Радуйтеся, козни и напасти бесовския скоро разрушающие;
Радуйтеся, путь к благочестию и житию доброму нам отверзающие;
Радуйтеся, любити всех любовию Христовою научающие;
Радуйтеся, во внезапных на нас находящих скорбех и печалех скоро нас утешающие; Радуйсте, радостию о Бозе и милостех Его все житие наше преображающие;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 3
Силой Божией проникнуты и мудрости от Бога научаемии, Херувимы пресветлии, молите Всеблагага Господа Нашего Иисуса Христа, да помилует ны вашего предстательства ради, благословит ны, просветит умы и сердца наша светом своим тихим, да сподобимся и мы купно с другими безплотными непрестанно о кающихся грешниках вопиете Ему: Аллилуиа.

Икос 3
Имуще выну пред очима своима Сладчайшего Господа Нашего Иисуса, Ипостасную Премудрость Отца Небеснаго, святые Херувимы, трисвятую песнь воспеваете присно Животворящей Троице. Сице умиленно молим вы: воззрите на ны, исправьте ум, да снизойдет на ны, премудрость небесная, дабы не согрешати нам словом, дабы обуздать язык свой, дабы каждое деяние наше было направлено к славе Небесного Отца, Сего ради всякое ныне житейское отложим попечение и умильно ублажим вас сице:
Радуйтеся, премудростию Божественной нас исполняющая,
Радуйтеся, очи духовные нам всем отверзающая;
Радуйтеся, Правды Божией во всем мире утверждаюшие;
Радуйтеся, всех истины взыскующих богославно озаряющие;
Радуйтеся, несмысленных разумными соделовающая.
Радуйтеся, от растлевающих душу и тело соблазнов сохраняющие;
Радуйтеся, от опасных обстояний и внезапныя смерти избавляющие;
Радуйтеся, от бед и невзгод многообразных нас всех ограждающие;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 4
Буря моря житейскаго сокрушает нас волнами мирских попечений, страх и трепет объемлет нас, и где обрящем тихое пристанище спасения? Сего ради на вас по Бозе возлагаем надежду, Святые Непоколебимии, огненнии Престолы, Творца носящие и Ему служащие, правосудию Его вершитися помогающии, и просим вас: воззрите милостивно на нас, многогрешных, да утверждаемся вами, в хранении заповедей Божиих и вопием Господу: Аллилуиа.

Икос 4
Слышавшее благое учение отец святых о мире горнем и сему со благоговением внимая, просим вы, святии Престолы, Небеснии Умы, велие дерзновение ко Вседержителю имущии, и молим вы вас всеусердно: пробудите в душах наших благоговение пред Отцем Нашим Небесным и всемогуществом Его, Его славой и всеблагим промышлением, утвердите сердца наша по Бозе горети, яко да непреложно уповая на Всемилосерднаго Господа Нашего, обретем милость Его, сего ради умильно ублажим вас сице:
Радуйтеся, яко столпы для судов Божиих поставленнии;
Радуйтеся, всеми верными прославляемии и восхваляемые;
Радуйтеся, в добродетелях и почитании старших наставляющия;
Радуйтеся, страх смерти и болезни в душах наших побеждающия;
Радуйтеся, благодатную силу исцеления просящим подающия;
Радуйтеся, от проказы греховныя нас избавляющия;
Радуйтеся, ревности по Богу и благому трезвению научающия;
Радуйтеся, радостною любовиюк Троице Всесвятей дух наш окрыляющия;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 5
Божественныя славы носителие и благодати небесныя преисполненныя, святые Господства, выну пребывающие пред престолом Всемилосерднаго и Всемудраго Зиждителя Нашего, просим вы и молим: умолите Иисуса Христа, Спаса нашего, да запечатлеет царственную свою в немощи силу и дарует нам благодать, еюже да стяжем истинное познание немощи нашей, одолем дух тщеславия и иныя страсти душетленныя, обрящем простоту и чистоту душевную, обагамся кротостию Христовою и подлинным смирением и трезвления, исполнимся верой, надеждой и любовью ко Божественному Искупителю Нашему и воспоем ему: Аллилуйа.

Икос 5
Видевшее очесы веры, яко ты, всеславный и всепобедный Архистратиже Михаиле, Архангелов и Ангелов начальниче, силу велицей ревности по славе Божией в себе выну явлеши, яко стоиши пред престолом Божиим и слышиши всякаго человека, тя призывающего, просим тя: обереги весь мир христианский от пагубы и насилия, на всех путех жития нашего оберегай ны от падений греховных, исполни ны любовибю к Сппсителю и ближним нашим, да возгоримся и мы благою ревностью по Бозе, и принесем тебе похвалы сия:
Радуйся, добрый воеводо всего воинства Небеснаго;
Радуйся, возлюбленный людьми хранителю всего рода нашего;
Радуйся, яко о силе Божией громогласно возвещаеши;
Радуйся, яко диавола в геенну огненную навеки повергнеши.
Радуйся, от вредитетельства и напастей вражиих избавление;
Радуйся, страстотрпцев и мучеников Христовых утверждение.
Радуйся, кротостию и иныма дары духовныма нас обогащаяй;
Радуйся, вся царства и народы христианския присно опекаяй;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 6
Проповедует земная воинствующая и небесная торжествующая Церковь Христова славу и любовь вашу к роду человеческому, святые Небесные Силы. Сице просим вы: вознесите моления ваша ко Господу, да низведет в души наша сознание слабости и ограниченности, да выну пребудет место в нас Божественному действованию, в час кончины ниспошлите нам благодать, от Бога вам дарованную, да стяжаем милость от Господа Сил, Ему же подобает хвала и поклонение ныне свами купно воздавая воспоем: Аллилуиа.

Икос 6
Возсиял еси яко светило многосветлое, Архангеле Гаврииле, сокровеннии тайны Божии человеческому роду открываяй и сердца смирением исполняй, от осквернения души очищаяй и веселием духовным их исполняй, веру живую и действенную в сердцах возгревая, умиления дар подая и ожесточение сердечное милостивно врачуя. Сице молим тя, милостивый архангеле, и нам ныне ко спасению наставник буди. Таковыми бо похвалы величаем тя:
Радуйся, препрославленный Богом благовестниче.
Радуйся, апостолов Христовых тайное откровение.
Радуйся, нищих духом, святое благословение;
Радуйся, сердца окамененныя умягчаяй;
Радуйся, души от сна лености возбудаяй;
Радуйся, слезы умиления из потухших очес источаяй;
Радуйся, покаянием ко Господа сретати в пустыне сердец наших научающий;
Радуйся, к созерцанию нетварнаго света и тайн небесных верных сподобляющий;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 7
Хотяще явити миру источники милости своея неоскудевающия, Христе Боже наш, даровал еси нам предстателей и молитвенников к Тебе дерзновенных святых твоих ангелов, архангелов и иных от воинств небесных неисчетных. К вам же убо пребегая, святые Небесные Власти, молите за нас Небесного Отца, избавити ны, мощию вам от Бога данною нас от козней и прельщений духов лукавых, даруйте мудрость и рассуждение, да стяжаем ум чистый, ясный, молитвенный, сердце благостное, волю, ко Господу обращенную, и научимся нелицемерне воспевати Отцу нашему Небесному: Аллилуйа.

Икос 7
Дивный и пречудный покровителю и заступниче наш небесный, мнозими христианами горячо любимый, Архангеле Божий Рафаиле, ты бо, богоподобною любовию, еюже язык человечь воспети по достоянию николиже не возможет, горяй, от всяких недугов телесных и тяжких болезней душевных, нас милосердно врачуеши, одебелевшия сердца к покаянию обращаеши и сострадати немощным душею назидаеши. Сице молим тя: поспеши в помощь нам и елей сострадания твоего и нам подаждь вопиющим ти сице:
Радуйся, веру, надежду и любы в душех наших обновляй;
Радуйся, делам милосердия и благотворения научаяй;
Радуйся, безмездников и благотворителей добросердных радование;
Радуйся, от заблуждений, страхов и сомнений освобождение;
Радуйся, светом Божиим от растления нас сохраняющий;
Радуйся, от глада духовного и пристрастий душетленных всех нас избавляющий;
Радуйся, пиянства и иных душевных недугов исцеляющий;
Радуйся, любви к Божьему творению нас научающий;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 8
Странно и преславно благословение от Господа нам приносящия, о, святые Небесные Начала, благословите ны на исправление нерадивого жития, яко да угождим во всем Господу Спасителю во веки веков, умолите Господа нашего Иисуса Христа, чтобы сподобил нас положить начало благое, да воспоем мы Творцу Нашему, милующему и спасающему нас: Аллилуйа.

Икос 8
Весь в вышних пребывающи, и нижних никакоже отступаеши, премилостивый архангелы Урииле, ты еси сияние огня Божественного и просветитель помраченных грехами, просвети умы, сердца, и волю наша силою Святаго Духа, да умягчит Господь грешные ожесточенные сердца наши, да научимся вверяти Ему, Богу нашему, всех: и злых, и добрых, научи нас прощати обидящих нас, дабы и Господь простил ны. А тебе, небесному заступнику и покровителю нашему, воззовем сице:
Радуйся, к Богопознанию всех верных приводящий;
Радуйся, благоговение пред Творцем в сердца наша вселяющий;
Радуйся, духовное нечувствие в нас подавляющий;
Радуйся, свято почитати святыни Господни научающий;
Радуйся, ревностию ко спасению воодушевляющий;
Радуйся, к свету истины прельщенныя обращающий;
Радуйся, от пристрастия к земным благам и сребролюбия исцеление;
Радуйся, в состраданию и милосердии взрастати помогающий;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 9
Всяк человек земнородный обложен есть слабостию и немощию телесной, к вам уже убо прибегая, о святые Архангелы и ангели- хранители наши, просим вы усердно : сотворите всеблагомощныя молитвы ваша ко Господу нашему, яко яко да обновит естество наше благодатию своею и в час кончины ниспошлите нам благодать, от Бога данную, да стяжаем милость от Господа Сил, Ему с вами купно да воспоим: Аллилуйа.

Икос 9
Вития многовещанныя не возмогут по достоянию воспети Милосердие Творца Нашего, верных чад Своих выну хранящего и ангелы в помощь им посылающего. Сице величаем и славословим тя, Архангеле Божий Селафииле, ты бо Богом к погибающим от зноя в пустыне безводней, Агари и отроку послан бе и к колодезю путь им показа. Сего ради молим тя: даруй нам николиже не усомнитися в промышлении Всемогущаго Отца Небеснаго, чистой молитве настави ны и ближнего прощати ны сподоби выну и прими лики сия, от нас с любовию ти возносимыя:
Радуйся, нрав гневливый, на кроткий пременяющий;
Радуйся, воздержанию, долготерпению и кротости научающий.
Радуйся, изгнанный правды ради благодатно укреляющий;
Радуйся, образ Божий в ближнем зрети выну наующий;
Радуйся, сердца злых людей, враждующих противу нас, смягчающий;
Радуйся, кающихся пред Богом грешников непостыдный заступниче;
Радуйся, преподобных трудолюбцев изрядное венчание;
Радуйся, иноков благоскорбящих всевеселящее радование;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 10
Спасению нашему ходатаи есте, святые ангели-хранители наши, сего ради молим вы — будите нам помощницы в христианстем благочестии, предстательствуя за ны пред Отцем Небесным, помозите нам путь жтития нашего богоугодно проити, во обстояниех сложных и тяжких явите нам помощь вашу, в радости к благодарению Бога сподвигните ны, яко да возможем в радости бесперестаней Триипостасному Господу Нашему купно с вами возносити ангельское пение: Аллилуйа.

Икос 10
Стена еси и заступление наше, святый Архангеле Иегудииле, с упованием велием и надеждою несомненною величаем тя, и славословим Всемудраго Господа нашего рекшего о тебе пророку Своему Моисею - "Имя Мое на нем". Вспоминая ныне убо служение твое народу Израильскому, яко ты шествовал пред ним, для покорения земли Ханаанской, просим тя: помози нам страсти наши одолети, от уныния избави ны, да трезвимся и славим Господа Вседержителя неустанно. Сего ради тебе, служителю славы Божий, взываем сице:
Радуйся, алчущих и жаждущих правды, святое благословение;
Радуйся, стоящих за правду Божию присное защищение;
Радуйся, непрестанное уныние и мрак душевный отгоняющий;
Радуйся, от духов злобы поднебесных охранение;
Радуйся, благочестивых и праведных небесное благословение;
Радуйся, ветхим деньми и болящим силы обновляющий;
Радуйся, усталых и изнемогающих укрепляющий;
Радуйся, к венцам Божиим христиан привлекающий;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 11
Пение похвальное приносим вам, Архангелие святыя Михаиле, Гаврииле, Рафаиле, Урииле, Иегудииле, Варахииле и Иеремииле, вы бо благословение от Господа, всем верным на всякое дело благое обильно ниспосылате, на путь правды наставляете, и Святому Живоначальную Троицу непрестанно умоляте, да преуспеем и мы, многогрешнии, в делах праведности и с вами купно и всеми хоры ангельскима возможем в вечности блаженней Господеви Нашему воспевати: Аллилуиа.

Икос 11
Светоносный светильник пред Вседержителем предстояй и на всех путех ны защищаеши, всехвальне Архангеле Варахииле, сего ради просим тя:умоли Господа Вседержителя, да спасет и сохранит ны Господь от скорбей и от всякия болезни, от смертоносныя язвы и напрасныя смерти, проведи ны к Престолу Спасителя Нашего, и умоли Его благоутробие за грешныя души наша, да простит и помилует ны Господь и сохранит от всех враг и человек злых. Сего ради, с несомненною надеждою на благословение небесное озаряемые, взываем ти сице:
Радуйся, милостивых, святое благословение;
Радуйся, беззаконных навыков нетрудное преодоление;
Радуйся, всех христиан правоверных добрый хранителю;
Радуйся, радости небесныя всем нам подателю;
Радуйся, награды Божии странноприимцам, дарующий;
Радуйся, верных пастырей Церкви ободряющий и вразумляющий;
Радуйся, в мире и согласии всех чтущих тя присно утверждаяй;
Радуйся, благостию кроткою и любовию горячею души наша преображаяй;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 12
Благодатию, силою от Всемогущего Бога одаренный, Архангеле Иеремииле, рекл еси пророку Его, Ездре прехвальному, яко "Всевышний на весах взвесил век сей". Сице молим убо тя: настави ны на путь жития богоугоднаго, и умоли Господа Бога, да не привяжемся мы всецело сердцем и помышлением нашим к суетному миру сему, да восплачем о согрешениех наших, и с упованием вознесем Творцу и Владыче Нашему песнь покаяния и благодарения: Аллилуйа.

Икос 12
Поюще дивное и преславное служение твое Всемогущему Богу и грешному роду человеческому, о прехвальный архангеле Иеремииле, прославляем дерзновение твое и ревность твою, просим и молимся тебе, помози нам, святый заступниче небесный, во многоразличныя искушения, борения и напасти впадающим. Наипаче же укрепи и настави ны в стяжании подлинных плодов покаяния, ибо ты, Архангеле Иеремииле, волю слабую нашу укрепляеши и и во блазе выну утвердждаеши. Сего ради и вопием ти сице:
Радуйся, лукавых наветов отгнание;
Радуйся, простоты сердечныя благое венчание.
Радуйся, пророков Божиих возвышение.
Радуйся, радостотворнаго плача подание;
Радуйся, смехотворство безумное угасаяй;
Радуйся, суетную печаль по миру врачуяй;
Радуйся, мудрости духовной и трезвлению душевному научаяй;
Радуйся, Отечествие Небесное всем скорбящим о том уготовляй;
Радуйтеся, вси святии небесныя безплотнии силы, к вечней жизни с Господом нас предуготовляющия!

Кондак 13
О святое Небесное воинство, просим вас, приимите это малое моление наше, с горячею любовию возносимое и умолите Господа Бога нашего даровать всем христианам согласие и мирное житие, во всем благое поспешение, избавите ны от всяких бед, скорбей и напастей, от нестроений общественных, междоусобной брани и внезапной смерти, да сподобимся в жизни вечной вами купно и ликом праведников спасенных Всесвятей Троице воспевати : Аллилуйа.

Автор сего акафиста Евгений Владимирович Храповицкий