КОНДАК 1
ВЗБРАННЫЙ ВОЕВОДО И СОЗДАТЕЛЮ МИРА, УСЛЫШИ НАС ГРЕШНЫХ, МОЛЯЩИХСЯ ТЕБЕ, ТВОРЦУ И ПРОМЫСЛИТЕЛЮ НАШЕМУ, ПРИЗРИ С ВЫСОТЫ СВЯТАГО ЖИЛИЩА ТВОЕГО НА ЖЕСТОКИЕ СЕРДЦА НАША И ОБНОВИ ИХ БЛАГОДАТИЮ ПРЕСВЯТАГО ТВОЕГО ДУХА, ДА И МЫ, БЛАГОДЕТЕЛЮ И ВЛАДЫЦЕ ЖИВОТА НАШЕГО, ЗОВЕМ ТИ:
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
ИКОС 1
АНГЕЛОВ ТВОРЧЕ, ВЕЛИКИЙ И ВСЕМОГУЩИЙ БОЖЕ НАШ, ТЫ, ПОКОРИВЫЙ ПОД НОГИ СВОЯ ВСЯ СТИХИИ, ТЫ, ГОСПОДИ, ОДНИМ СЛОВОМ СВОИМ ЗАПРЕТИВЫЙ БУРЕ И ПОВЕЛЕВЫЙ БЫТИ ТИШИНЕ НА ОЗЕРЕ ГЕНИСАРЕТСКОМ, ПРИИМИ НЫНЕ ПРЕКЛОНЕНИЯ НАША ВСЕМОГУЩЕСТВУ ТВОЕМУ И ПЕНИЯ СИЦЕВАЯ:
ИСТОЧНИЧЕ МИРА И ЛЮБВИ, ПОГАСИ НЕНАВИСТЬ И ЗАВИСТЬ В ЛЮДЕХ ТВОИХ.
ИСТОЧНИЧЕ МИРА И ЛЮБВИ, ОРОСИ КАПЛЕЮ БЛАГОДАТИ СВЯТАГО ТВОЕГО ДУХА ОЛЕДЕНЕВШИЕ СЕРДЦА НАША.
ИСТОЧНИЧЕ МИРА И ЛЮБВИ, ВОЗРАСТИ В СЕРДЦАХ ЛЮДЕЙ ТВОИХ ДОБРОДЕТЕЛИ КРОТОСТИ И СМИРЕНИЯ.
ИСТОЧНИЧЕ МИРА И ЛЮБВИ, ИСКОРЕНИ В НАС МНОГООБРАЗИЕ ЛУКАВСТВИЯ И ЛИЦЕМЕРИЯ.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 2
ВСЕДЕРЖИТЕЛЮ И СПАСИТЕЛЮ НАШ, НЕ ОСТАВИ НАС СИРЫХ, НО ВОНМИ МОЛЕНИЮ НАШЕМУ, С ВЕРОЮ ЗОВУЩИХ ТИ: АЛЛИЛУИА.
ИКОС 2
РЕЧЕ ГОСПОДЬ СВОИМ УЧЕНИКОМ: "ЗАПОВЕДЬ НОВУЮ ДАЮ ВАМ, ДА ЛЮБИТЕ ДРУГ ДРУГА, ЯКОЖЕ ВОЗЛЮБИХ ВЫ". ВНЕМЛЯ СЕМУ, СО УМИЛЕНИЕМ ВЗЫВАЕМ ТИ:
ИСТОЧНИЧЕ МИРА И ЛЮБВИ, МИР МИРОВИ ТВОЕМУ ДАРУЙ.
ИСТОЧНИЧЕ МИРА И ЛЮБВИ, АНГЕЛА МИРНА, ВЕРНА НАСТАВНИКА, ЛЮДЕМ ТВОИМ ПОШЛИ.
ИСТОЧНИЧЕ МИРА И ЛЮБВИ, УКЛОНИТИСЯ ОТ ЗЛА И ТВОРИТИ БЛАГО ВОЛЮ МОЮ НАПРАВИ.
ИСТОЧНИЧЕ МИРА И ЛЮБВИ, РАСПАЛИ ОГНЕМ БЛАГОДАТИ МИРА И ЛЮБВИ ДУШИ И СЕРДЦА НАША.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 3
СИЛОЮ СВЫШЕ ОБЛЕЧЕННЫЕ СВЯТЫЯ ТВОЯ УЧЕНИКИ И АПОСТОЛЫ, ШЕДШЕ В МИР И ПРОПОВЕДАША СВЯТОЕ ЕВАНГЕЛИЕ ТВОЕ И ВСЕМУ МИРУ БЛАГОВЕСТИША ЛЮБОВЬ И МИР, И С РАДОСТИЮ ВЗЫВАША ТИ: АЛЛИЛУИА.
ИКОС 3
ИМЕЯЙ БОГАТСТВО ЛЮБВИ И МИЛОСЕРДИЯ НЕИЗРЕЧЕННОЕ, ГОСПОДИ БОЖЕ НАШ, ОТВРАТИ РАЗДОРЫ И КЛЕВЕТЫ ОТ ПРИЗЫВАЮЩИХ ИМЯ ТВОЕ И ПОДАЖДЬ СКОРОЕ ПРИМИРЕНИЕ ЛЮДЕМ ТВОИМ, НАПОЛНИ СЕРДЦА НАША ТЕПЛОТОЮ ДУХА ТВОЕГО СВЯТАГО, ДА И МЫ РАДИ СЛАВЫ СВЯТАГО ИМЕНЕ ТВОЕГО, ТЕБЕ, СПАСИТЕЛЮ И БОГУ НАШЕМУ ПРИНОСИМ ПЕНИЯ СИЦЕВАЯ:
ИСТОЧНИЧЕ МИРА И ЛЮБВИ, К БРАТОЛЮБИЮ И УМИРЕНИЮ ОБРАТИ НАС.
ИСТОЧНИЧЕ МИРА И ЛЮБВИ, ЗАВИСТИ, ГНЕВА И БРАТОНЕНАВИДЕНИЯ ИЗБАВИ НАС.
ИСТОЧНИЧЕ МИРА И ЛЮБВИ, БЛАГОДАТЬ ГОСПОДА НАШЕГО ИИСУСА ХРИСТА И ЛЮБЫ БОГА И ОТЦА ДА БУДЕТ СО ВСЕМИ НАМИ.
ИСТОЧНИЧЕ МИРА И ЛЮБВИ, УМИРИ НАШУ ЖИЗНЬ, И УМИРИ МИР ТВОЙ, И ПОМИЛУЙ НАС.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 4
БУРЮ ЯРОСТИ И НЕНАВИСТИ ОТЖЕНИ ОТ НАС, ГОСПОДИ, И НАУЧИ НАС ЕДИНЕМИ УСТЫ И ЕДИНЕМ СЕРДЦЕМ ВЗЫВАТИ ТЕБЕ: АЛЛИЛУИА.
ИКОС 4
СЛЫША СВЯТЫЯ ТВОЯ УЧЕНИКИ И АПОСТОЛЫ ГЛАГОЛЫ ПРЕЧИСТЫХ УСТ ТВОИХ: "ИМЕЯЙ ЗАПОВЕДИ МОЯ И СОБЛЮДАЙ ИХ, ТОЙ ЕСТЬ ЛЮБЯЙ МЯ, А ЛЮБЯЙ МЯ, ВОЗЛЮБЛЕН БУДЕТ ОТЦЕМ МОИМ (И К НЕМУ ПРИИДЕМ И ОБИТЕЛЬ У НЕГО СОТВОРИМ)", МЫ ЖЕ ДИВЯЩЕСЯ НЕИЗРЕЧЕННОЙ ЛЮБВИ ТВОЕЙ, ДЕРЗАЕМ ПЕТИ ТЕБЕ:
ИСТОЧНИЧЕ МИРА И ЛЮБВИ, ОЧИСТИ НАС ОТ ГРЕХОВ НАШИХ, ИЗСУШАЮЩИХ В НАС ИСКРЕННЮЮ ЛЮБОВЬ (И ПРИИДИ К НАМ И СОТВОРИ СЕБЕ ОБИТЕЛЬ).
ИСТОЧНИЧЕ МИРА И ЛЮБВИ, ТЕПЛУЮ ЛЮБОВЬ К ТЕБЕ И К БЛИЖНЕМУ В НАС БЛАГОДАТИЮ СВЯТАГО ДУХА РАСПАЛИ.
ИСТОЧНИЧЕ МИРА И ЛЮБВИ, ВОДУ ИЗ КАМЕНИ В ПУСТЫНИ ИСТОЧИВЫЙ, ИСТОЧИ, ГОСПОДИ, ИЗ СЕРДЦА МОЕГО ЧЕЛОВЕКОЛЮБИЕ И МИЛОСЕРДИЕ.
ИСТОЧНИЧЕ МИРА И ЛЮБВИ, ОТ ВСЕХ ДУШЕТЛЕННЫХ СТРАСТЕЙ НЕВРЕДИМЫХ СОБЛЮДИ НАС.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 5
ТЫ БО ЕСИ БОГ НАШ, БОГ МИРА И ЛЮБВИ, МИР ОСТАВИВЫЙ ЛЮДЕМ СВОИМ, ПОСЕТИ НАС МИРОМ, ДА ТЕБЕ С БЛАГОДАРЕНИЕМ И ВЕСЕЛИЕМ В СЕРДЦАХ ЗОВЕМ: АЛЛИЛУИА.
ИКОС 5
ВЛАДЫКО НЕБЕСИ И ЗЕМЛИ, ОТЕЦ ЩЕДРОТ, ПРИСТАНИЩЕ МИЛОСЕРДИЯ, ЧЕЛОВЕКОЛЮБИЯ НЕИСТОЩИМЫЙ ИСТОЧНИЧЕ, ПРЕМУДРОСТИЮ ВСЯ СТРОЯЙ, В ЕГОЖЕ РУЦЕ СОДЕРЖАЙ ВСЯЧЕСКАЯ, ЕГО ЖЕ ПОСЛУШАЮТ ЗВЕЗДЫ, МОРЕ И ВСЯ, ЯЖЕ В НИХ. ТЫ УБО, ГОСПОДИ, ПРИЗРИ НА ЛЮДИ СОГРЕШИВШИЯ. ПОЩАДИ НАСЛЕДИЕ ТВОЕ ИЗ ГЛУБИНЫ СЕРДЦА ЗОВУЩИХ:
ИСТОЧНИЧЕ МИРА И ЛЮБВИ, ДАРУЙ НАМ ЛЮБИТИ ДРУГ ДРУГА, НИЖЕ СЛОВОМ, НО ДЕЛОМ И ИСТИНОЮ.
ИСТОЧНИЧЕ МИРА И ЛЮБВИ, УМИРОТВОРИ СЕРДЦА НАША В ИСТИНЕ И ЛЮБВИ.
ИСТОЧНИЧЕ МИРА И ЛЮБВИ, ДАРУЙ НАМ ВОЗЛЮБИТИ ТЯ ВСЕМ СЕРДЦЕМ И ВСЕЮ ДУШОЮ СВОЕЮ.
ИСТОЧНИЧЕ МИРА И ЛЮБВИ, ДАРУЙ НАМ ВО БЛАГОЧЕСТИИ И МИРЕ ПОЖИТИ ВСЯ ДНИ ЖИВОТА НАШЕГО.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 6
ПОМИЛУЙ НАС, ГОСПОДИ, ПОМИЛУЙ НАС, ВЗЫВАЮЩИХ К ТЕБЕ: АЛЛИЛУИА.
ИКОС 6
ВЕЛИЙ ЕСИ ГОСПОДИ БОЖЕ НАШ, ТЫ ТАКО ВОЗЛЮБИЛ МИР, ЯКО СЫНА СВОЕГО ЕДИНОРОДНАГО ДАЛ ЕСИ, ДА ВСЯК ВЕРУЯЙ В ОНЬ НЕ ПОГИБНЕТ, НО ИМАТЬ ЖИВОТ ВЕЧНЫЙ. МЫ ЖЕ УПОВАЯ НА НЕИЗРЕЧЕННУЮ ЛЮБОВЬ И МИЛОСЕРДИЕ, ДА БУДЕМ ПЕТИ ТЕБЕ ТАКОВАЯ:
ИСТОЧНИЧЕ МИРА И ЛЮБВИ, ПОДАЖДЬ НАМ МИЛОСЕРДИЕ И ДОЛГОТЕРПЕНИЕ.
ИСТОЧНИЧЕ МИРА И ЛЮБВИ, ОТЪИМИ ОТ НАС ЗАВИСТЬ, ГОРДОСТЬ И ПОМЫШЛЕНИЯ ЗЛАЯ.
ИСТОЧНИЧЕ МИРА И ЛЮБВИ, ИСКОРЕНИ В НАС ГНЕЗДЯЩУЮСЯ ПАГУБУ САМОЛЮБИЯ, КОРЕНЬ ВСЕХ ЗОЛ МОИХ И ОВЕЙ НАС ТИХИМ И РАДОСТНЫМ ЧУВСТВОМ БРАТОЛЮБИЯ.
ИСТОЧНИЧЕ МИРА И ЛЮБВИ, ПОСЛИ НАМ ВСЕГДА ЗРЕТИ СОГРЕШЕНИЯ НАША В СЕБЕ, ПРЕД ТОБОЮ И ВСЕМИ СМИРЯТИ СЕБЕ, БРАТА ЖЕ НИКОЛИЖЕ ОСУЖДАТИ, НО ЯКО САМОГО СЕБЕ ЛЮБИТИ ТОГО.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 7
ХВАЛИТЕ ИМЯ ГОСПОДНЕ, ХВАЛИТЕ, РАБИ ГОСПОДА, ПРИИМИ, ГОСПОДИ, МОЛЕНИЯ НАША, ТЕБЕ ВЕЛИЧАЮЩИХ И ВЗЫВАЮЩИХ: АЛЛИЛУИА.
ИКОС 7
"ДА ЛЮБИТЕ ДРУГ ДРУГА, ЯКОЖЕ АЗ ВОЗЛЮБИХ ВЫ, ДА И ВЫ ЛЮБИТЕ ТАКОЖДЕ", ВЕЛИЧАХУ ТВОЮ НЕИЗРЕЧЕННУЮ ЛЮБОВЬ, ГОСПОДИ, ДЕРЗАЕМ ТЕБЕ ВЗЫВАТИ ТАКОВАЯ:
ИСТОЧНИЧЕ МИРА И ЛЮБВИ, СВЯЗАВЫЙ ТВОЯ АПОСТОЛЫ СОЮЗОМ ЛЮБВИ, СВЯЖИ И НАС НЕЛИЦЕМЕРНО ЛЮБИТИ ДРУГ ДРУГА.
ИСТОЧНИЧЕ МИРА И ЛЮБВИ, РАСПАЛИ ПЛАМЕНЕМ ЛЮБВИ К ТЕБЕ СЕРДЦА НАША.
ИСТОЧНИЧЕ МИРА И ЛЮБВИ, К БРАТОЛЮБНОМУ И ДОБРОДЕТЕЛЬНОМУ ЖИТИЮ НАСТАВИ НАС.
ИСТОЧНИЧЕ МИРА И ЛЮБВИ, В СОГЛАСИИ И ЕДИНОМЫСЛИИ СЛАВИМ ТЯ, ЧЕЛОВЕКОЛЮБЦА.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 8
СОТВОРИ СО МНОЮ ЗНАМЕНИЕ ВО БЛАГО И ДА ВИДЯТ НЕНАВИДЯЩИИ МЕНЯ И ПОСТЫДЯТСЯ, ЯКО ТЫ, ГОСПОДИ, ПОМОГ МИ И УТЕШИЛ МЯ ЕСИ. ТЕБЕ, ПРОМЫСЛИТЕЛЮ НАШЕМУ И ПОДАТЕЛЮ БЛАГ ВЕЧНЫХ, ВОПИЕМ: АЛЛИЛУИА.
ИКОС 8
ВОЗЛЮБЛЮ ТЯ, ГОСПОДИ, КРЕПОСТЕ МОЯ, ГОСПОДЬ УТВЕРЖДЕНИЕ МОЕ И ПРИБЕЖИЩЕ МОЕ, И ТЕБЕ, БОГУ НАШЕМУ И СВЕТУ ИСТИННОМУ, ВОСПЕВАЕМ СИЦЕ:
ИСТОЧНИЧЕ МИРА И ЛЮБВИ, ОРОСИ НАС КАПЛЯМИ ТВОЕГО МИЛОСЕРДИЯ И ВОЗВЕСЕЛИ СЕРДЦА НАША.
ИСТОЧНИЧЕ МИРА И ЛЮБВИ, ВОЗБУДИ СОВЕСТЬ, СПЯЩУЮ ВО МНЕ И УКРЕПИ ГЛАС ЕЯ.
ИСТОЧНИЧЕ МИРА И ЛЮБВИ, ДАЖДЬ НАМ ПОЗНАТИ СИЛУ ЛЮБВИ ТВОЕЯ К ПАДШЕМУ ЧЕЛОВЕКУ.
ИСТОЧНИЧЕ МИРА И ЛЮБВИ, УМУДРИ НАС БЫТИ ПРОВОЗВЕСТНИКАМИ ЛЮБВИ ТВОЕЙ ДЛЯ БРАТИЙ НАШИХ.
ИСТОЧНИЧЕ МИРА И ЛЮБВИ, УКРАСИ НАС ЦВЕТАМИ И ПЛОДАМИ БЛАГИХ ЧУВСТВ.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 9
ВОЗЛЮБИМ ДРУГ ДРУГА, ДА ЕДИНОМЫСЛИЕМ ИСПОВЕМЫ ТЕБЕ: АЛЛИЛУИА.
ИКОС 9
ВИТИЯ МНОГОВЕЩАННЫЕ, ЯКО ЖЕ РЫБЫ БЕЗГЛАСНЫЕ, НЕ МОГУТ ГЛАГОЛАТИ СЛОВЕС ТВОИХ: "АЩЕ ЗАПОВЕДИ МОЯ СОБЛЮДЕТЕ, ПРЕБУДЕТЕ В ЛЮБВИ МОЕЙ, ЯКО ЖЕ И АЗ ЗАПОВЕДИ ОТЦА МОЕГО СОБЛЮДОХ И ПРЕБЫВАЮ В ЛЮБВИ ЕГО". МЫ ЖЕ ВОСПЕВАЕМ ПЕСНЬ ЛЮБВИ ТВОЕЙ:
ИСТОЧНИЧЕ МИРА И ЛЮБВИ, ВСЕМ НАМ МИР ПОДАВАЯЙ.
ИСТОЧНИЧЕ МИРА И ЛЮБВИ, НЕ ТЕРПЯЙ ВРАЖДЫ, ПРИМИРИ ВСЕХ ЛЮДЕЙ, ДА ВСИ В МИРЕ ПРЕБУДЕМ.
ИСТОЧНИЧЕ МИРА И ЛЮБВИ, НАСЫТИВЫЙ В ПУСТЫНЕ НАРОД ПЯТИЮ ХЛЕБАМИ, НАСЫТИ И НАС МИРОМ И ЛЮБОВИЮ.
ИСТОЧНИЧЕ МИРА И ЛЮБВИ, ПРЕТВОРИВЫЙ ВОДУ В ВИНО НА БРАКЕ В КАНЕ ГАЛИЛЕЙСКОЙ, ПРЕТВОРИ В СЕРДЦАХ НАШИХ НЕНАВИСТЬ В ЛЮБОВЬ.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 10
СПАСИ, БОЖЕ, ЛЮДИ ТВОЯ И БЛАГОСЛОВИ ДОСТОЯНИЕ ТВОЕ, ТЕБЕ ЗОВУЩИХ: АЛЛИЛУИА.
ИКОС 10
ГОСПОДИ СИЛ, ЧИСТОТЫ И ЦЕЛОМУДРИЯ, ИИСУСЕ ХРИСТЕ, РОСОЮ МИЛОСЕРДИЯ ТВОЕГО ПОГАСИ ПЛАМЕНЬ СТРАСТЕЙ НАШИХ, ДА ЧИСТЫМ СЕРДЦЕМ ВОПИЕМ ТЕБЕ ХВАЛЕБНУЮ ПЕСНЬ СИЮ:
ИСТОЧНИЧЕ МИРА И ЛЮБВИ, РУКОЮ АНГЕЛА ХРАНИТЕЛЯ ОТДАЛИ ОТ НАС ДУХА ГОРДЫНИ И ЗАВИСТИ.
ИСТОЧНИЧЕ МИРА И ЛЮБВИ, ОЧИСТИ СЕРДЦА НАША ОТ МЫСЛЕЙ НЕНАВИСТИ.
ИСТОЧНИЧЕ МИРА И ЛЮБВИ, ОГРАДИ НАС СВЯТЫМИ ТВОИМИ АНГЕЛАМИ И КРЕПКИМ ОПОЛЧЕНИЕМ ОТ ВСЕХ ВРАГ ВИДИМЫХ И НЕВИДИМЫХ.
ИСТОЧНИЧЕ МИРА И ЛЮБВИ, ОТЪИМИ СЕРДЦА КАМЕННЫЕ ОТ ПЛОТИ НАШЕЯ И ДАЖДЬ СЕРДЦЕ, ПЫЛАЮЩЕЕ ЛЮБОВИЮ К ЛЮДЕМ.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 11
ПРИКЛОНИ, ГОСПОДИ, УХО ТВОЕ И УСЛЫШИ НАС, ИЗ ГЛУБИНЫ СЕРДЦА ВЗЫВАЮЩИХ ТЕБЕ: АЛЛИЛУИА.
ИКОС 11
СЛАВА В ВЫШНИХ БОГУ И НА ЗЕМЛИ МИР (В ЧЕЛОВЕЦЕХ БЛАГОВОЛЕНИЕ), ВОСПЕЛИ АНГЕЛИ ТЕБЕ РОЖДЕННОМУ СПАСИТЕЛЮ МИРА, И МЫ, ГРЕШНИИ РАБИ ТВОИ, ДЕРЗАЕМ ПЕТИ ТЕБЕ СИЦЕВАЯ:
ИСТОЧНИЧЕ МИРА И ЛЮБВИ, ИЗ ПЛАМЕНЕ РОСУ ИСТОЧИВЫЙ, ИСТОЧИ РОСУ МИЛОСЕРДИЯ ИЗ СЕРДЕЦ НАШИХ.
ИСТОЧНИЧЕ МИРА И ЛЮБВИ, ПОДАЖДЬ МИР И ТИШИНУ ЖИЗНИ НАШЕЙ.
ИСТОЧНИЧЕ МИРА И ЛЮБВИ, УЧЕНИКОМ СВОИМ ГЛАГОЛАВЫЙ: "МИР ВАМ", ПОСЛИ, ГОСПОДИ, И НАМ МИР ТВОЙ.
ИСТОЧНИЧЕ МИРА И ЛЮБВИ, (БЛАГОВОЛИ НАМ И) ИСТОЧИ НЕПРЕКРАЩАЕМЫЕ СТРУИ ЛЮБВИ ТВОЕЙ В СЕРДЦА НАША.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 12
БЛАГОСЛОВИ (ГОСПОДИ) ЛЮДИ ТВОЯ, МИРОМ ВЗЫВАЮЩИЯ К ТЕБЕ: АЛЛИЛУИА.
ИКОС 12
ПЕРВУЮ И НАИБОЛЬШУЮ ЗАПОВЕДЬ ДАВЫЙ, ЛЮБИТИ ТЯ, БОГА И ТВОРЦА НАШЕГО ОТ ВСЕЯ ДУШИ И ВСЕЯ МЫСЛИ И КРЕПОСТИ НАШЕЯ, И ВТОРУЮ, ПОДОБНУЮ ЕЙ, ЕЖЕ ЛЮБИТИ ИСКРЕННЯГО, ЯКО САМОГО СЕБЕ. НА СИХ ДВУХ ЗАПОВЕДЯХ ЗИЖДУТСЯ ВЕСЬ ЗАКОН И ПРОРОЦЫ. ВНЕМЛЮЩЕ СЕРДЦЕМ ВЕЛИКУЮ БЛАГОДАТЬ СЛОВЕС ТВОИХ, ЗОВЕМ СИЦЕВАЯ:
ИСТОЧНИЧЕ МИРА И ЛЮБВИ, ДАВЫЙ ПОЗНАТИ НАМ НАИБОЛЬШУЮ ЗАПОВЕДЬ О ЛЮБВИ, ДАРУЙ ПОЗНАТИ ЕЖЕ ЕСТЬ НЕНАВИСТЬ НАИБОЛЬШИЙ ГРЕХ И ТЯГЧАЙШИЙ.
ИСТОЧНИЧЕ МИРА И ЛЮБВИ, НАРЕКИЙ МИРОТВОРЦЕВ СЫНАМИ БОЖИИМИ.
ИСТОЧНИЧЕ МИРА И ЛЮБВИ, УГАСИ ПЛАМЕНЬ НЕНАВИСТИ И ПРЕРЕКАНИЯ НАШЕГО.
ИСТОЧНИЧЕ МИРА И ЛЮБВИ, ОМЫЙ ПРОКАЗУ ВРАЖДЫ И ОЧИСТИ СЕРДЦА НАША.
БОЖЕ, ИСТОЧНИЧЕ МИРА И ЛЮБВИ, ВОДРУЗИ МИР И ЛЮБОВЬ В СЕРДЦАХ НАШИХ.
КОНДАК 13
О, ВСЕМОГУЩИЙ ГОСПОДИ БОЖЕ НАШ, ИСТОЧНИЧЕ ЖИЗНИ И ВСЕХ БЛАГ СОЗДАТЕЛЮ! ПРИИМИ НЫНЕ ОТ ВСЕГО СЕРДЦА ПРИНОСИМОЕ СИЕ МОЛЕНИЕ НАШЕ, УСЛЫШИ МОЛИТВЫ, ТЕБЕ ПРИНОСИМЫЯ, И УТОЛИ РАЗДОРЫ, НЕНАВИСТЬ, БРАТОНЕНАВИДЕНИЕ В СЕРДЦАХ НАШИХ И ПОДАЖДЬ МИР И ТИШИНУ, ЛЮБОВЬ И БЛАГОДЕНСТВИЕ ЛЮДЕМ ТВОИМ, ДА В РАДОСТИ ТЕБЕ, БОГУ НАШЕМУ И ИСТОЧНИКУ МИРА И ЛЮБВИ ЗОВЕМ: АЛЛИЛУИА, АЛЛИЛУИЯ, АЛЛИЛУИЯ.
СЕЙ КОНДАК ГЛАГОЛЕМ ТРИЖДЫ, ЗАТЕМ 1 -Й ИКОС И 1-Й КОНДАК
МОЛИТВА
ВЛАДЫКО НЕБЕСЕ И ЗЕМЛИ, ОТЕЦ ЩЕДРОТ И МИЛОСЕРДИЯ, ЛЮБВИ НЕИСТОЩИМАЯ ПУЧИНО И МИЛОСТИ БЕЗДНО! ТВОИМ ПРОМЫСЛОМ СОДЕРЖИВАЙ ВСЮ ТВАРЬ, ПРИКЛОНИ, ОТЧЕ ПРАВЕДНЫЙ, СЕРДЦЕ ТВОЕ К МОЛЕНИЮ НАШЕМУ, ОБНОВИ СЕРДЦА НАША ЛЮБОВИЮ ТВОЕЮ И ВОДРУЗИ МИР И РАДОСТЬ В ЖИТИИ НАШЕМ. О ПРЕМИЛОСЕРДНЫЙ ГОСПОДИ, УМ НАШ ПРОСВЕТИ И ОЧИСТИ НАС ОТ ГРЕХОВ И БЕЗЗАКОНИЙ НАШИХ, НА ПУТЬ ИСТИННАГО СМИРЕНИЯ НАПРАВИ, И ОХЛАДЕВШИЕ ОТ ГРЕХОВ СЕРДЦА НАША СОГРЕЙ ЛЮБОВИЮ ТВОЕЮ. МИР МИРОВИ ТВОЕМУ ДАРУЙ, УМИРИ ЖИЗНЬ НАШУ, ГОСПОДИ, ПОМИЛУЙ НАС, И МИР ТВОЙ, И СПАСИ ДУШИ НАША, ЯКО БЛАГ И ЧЕЛОВЕКОЛЮБЕЦ. АМИНЬ.
Редакция о. Тарасия, Храм Преображения Беляево
WWW.XRAM-NOVATOROV.RU,
89164739116@MAIL.RU