Акафист Богородице в честь иконы "Ченстоховская"

Акафист Богородице в честь иконы "Ченстоховская" АКАФИСТ Преславней Владычице нашей Богородице нового прославления ради иконы «Ченстоховская»

Кондак 1
Взбранной от всех родов Заступнице рода христианскаго, страну нашу православную во дни апостасии сугубо ограждающей и к соборному покаянию призывающей, благодарственная пения приносим Ти, Владычице, о новом прославлении иконы Твоея Ченстоховския. Ты же, яко всемилостивая Заступнице всех с верою к тебе притекающих и с сонмом святых новомучеников и исповедников страны Российстей молящихся во дни беззакония и отступления от истины от всяких нас бед свободи, да зовем Ти:
Радуйся, Матерь Божия Ченстоховская, всесильным заступлением Твоим к духовней брани верных призывающая.

Икос 1
Ангелом радость приимшая, благоволила еси Владычице, пред Успением Твоим избрати из среды Себе божественнаго Луку, яко живописца предивна. И той, подкрепляемый постом и молитвою, написа образ Твой Ченстоховстей, первых гонимых христиан в пещере близ града Пелле им укрепляяй. Сего ради со умилением зовем Ти:
Радуйся, мужественным взором Твоим верных христиан в первом, и в последнем вецех в бедах никогдаже оставляющая;
Радуйся, об исполнении времен нас оповещающая.
Радуйся, тайну Господню о прощении народа Святой Руси нам открывающая;
Радуйся, вестию о предстоящем чуде воскресения народа-Богоносца нас укрепляющая.
Радуйся, гнев Божий праведный преложити на милость со святыми новомучениками и исповедниками Российскими испросившая;
Радуйся, с Царем Страстотерпцем благодатное прощение наше у Господа вымолившая.
Радуйся, в Доме Твоем Российстем злодеяний нечестивых людей обличение;
Радуйся, гордыни их низложение.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 2
Видящи, Всенепорочная, от престола Славы Сына Твоего уничижения и скорбь народа православнаго Его, благоволила еси явити нам икону Твою Ченстоховскую, да вси чающие спасения своего в покаянии взывают Богу: Аллилуиа.

Икос 2
Разуму нашему просвещение свыше исходатайствуй, Пресвятая Богородице, в царствование равноапостольнаго князя Константина образ Твой Ченстоховстей равноапостольная царице Елено от палестинских христиан за усердие в умножении храмов святых прияла еси, назидаяй вси люди Твоя непрестанными гласы восхваляти:
Радуйся, новым прославлением честныя иконы Твоея тму лютых обстояний от нас отгоняющая;
Радуйся, надеждою о спасении страны Российстей нас согревающая.
Радуйся, честною иконою Твоею последнего Царя Святей Руси и перваго Царя Константина благословляющая;
Радуйся, грядущим возвращением России святаго престола самодержавнаго монарха сердца наша окрыляющая.
Радуйся, всех православных христиан во дни апостасии вожделенная Помощнице;
Радуйся, всех уповающих на Тя непостыдная надеждо.
Радуйся, образ Твой Ченстоховстей чрез святых равноапостольных Кирилла и Мефодия славянам даровавшая;
Радуйся, дивный образ Твой в благословение вечнаго единения с Апостольстей Восточней Церковию избравшая.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 3
Силу божественныя благодати даруй нам, Пресвятая Богородице, во еже в истине и любови Христовой устояти, спасительные заповеди Господа нашего в окружении попущеннаго Богом торжества антихристов исполняти, и узы тяготящей тмы претерпевати. Ты нас, Владычице, молитвенным покровом огради, во еже воспевати всемогущемуБогу: Аллилуиа.

Икос З
Имуще Тя, богоизбранная Заступнице рода христианскаго, в Галиции у града Белзе, яко щит богоизбранный чудо избавления христиан от нашествия татар чрез образ Твой Ченстоховстей явила еси. Мы же, в сем веце нашествие духовных темных полчищ зря, припадаем к честней иконе Твоея и с древнею надеждою вопием Ти сице:
Радуйся, сохраняти и спасати всех призывающих Тя обещавшая;
Радуйся, к Сыну Твоему и Богу нашему молитвы верных неизменно приносящая.
Радуйся, уничижение святынь христианских пресекающая;
Радуйся, стрелы вражия от народа Божия отвращающая.
Радуйся, нечестивых заступления Твоего лишающая;
Радуйся, оружие их против самих себя направляющая.
Радуйся, божественныя благодати верным подательнице;
Радуйся, Всемилостивая за нас пред Богом Заступнице.
Радуйся, Матерь Божия Ченстоховская, всесильным эаступлением Твоим к духовней брани верных приэывающая.

Кондак 4
В души людей хлад последних времен проникает и пред Богом благим нас православных тайно и явно разъединяет. Мати Пречистая с Сыном Твоим нас прости, имуще державу непобедимую от теплохладности нас свободи. Во дни испытаний прости нас, спаси народ-богоносец в покаянии малое стадо зря, верно вопиющего Богу: Аллилуиа.

Икос 4
Божиим попущением дивный образ Твой, Пречистая Владычице, землю Галицкия Руси покинул еси, князем помраченным увезенный и в селении Ченстохово в церкви приходстей, в честь Успения Твоего освященней, до сего дня волею Твоею оставленный. Мы же видения лика Твоего святаго жаждем, вопия Богу сице:
Радуйся, образ Твой Ченстоховстей изнести из храма князю-отступнику не давшая;
Радуйся, избранием обители латинскаго ордена святаго Павла тайну Промысл аБожия показавшая.
Радуйся, польскую обитель прославити возжелавшая;
Радуйся, в нападении неверных удары саблей по лику Твоему на образе святем Ченстоховстем принявшая.
Радуйся, хулителей образа Твоего незамедлительно наказавшая;
Радуйся, бежати прочь от святыни православныя им приказавшая.
Радуйся, демонские полки всегда побеждающая;
Радуйся, во дни всемирной глобализации пред приходом антихриста нас не оставляющая.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 5
Боготочная звезда явися нам, Владычице, честная Твоя икона Ченстоховская, страну Российскую благодатными лучами к духовному возстанию из рабства греховнаго призывающая и надеждею на помощь Божию мрак неведения и малодушия из сердец наших изгоняющая и на путь стояния в истине наставляющая с верою к Тебе притекающих и вопиющих Богу: Аллилуиа.

Икос 5
Во дни лютых скорбей и злых обстояний, вновь даровала еси, Владычице, ко святому прославлению честную икону Твою Ченстоховскую, да вси неведением разделенные с верою молящиеся пред нею мир Христов и твердость веры обретают во спасение. Сего ради и мы, прославляя Твое милосердие неизреченное, усердно вопием Ти сице:
Радуйся, светом истиннаго богопознания во дни апостасии нас просвещающая;
Радуйся, Российская Вратарнице, в последние времена двери райския верным отверзающая.
Радуйся, список с иконы честныя Твоея князю Михаилу Кутузову чрез освобождение им Ченстоховстей обители от нечестивых повстанцев даровавшая;
Радуйся, образом Твоим честным Богородице-Рождественский придел Казанскаго собора града Петербурга украсившая.
Радуйся, благим намерениям помогающая;
Радуйся, злыя начинания пресекающая.
Радуйся, православное сложение перстов Сына Божия на образе Твоем Ченстоховстем – нам благословение;
Радуйся, душ наших тихое освящение.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 6
Воспеваем Твое милосердие досточудное и многое к нам снисхождение, Пресвятая Богородице, верен Бог и по молитвам Твоим святым людей Своих не оставляяй, в дни суровых испытаний к покаянию милости просящих призываяй, со святыми верно вопиющих Богу: Аллилуиа.

Икос 6
Возсиявает в души наша, омраченные скорбию грядущаго духовнаго принуждения и возможнаго гонения, свет благодатнаго утешения: надеждею близкаго во Христе Отечества нашего пробуждения и спасения. Сердце исполняет благодатное веселие, духа радости возбуждение, подвизаяй пети щедрому Богу сице:
Радуйся, в духовных битвах смиренному терпению нас научающая;
Радуйся, вся помышления наша в духовней брани к распятому Спасу направпяющая.
Радуйся, обетованием Покрова Святой Руси к соборному покаянию призывающая;
Радуйся, соборною молитвою грех народа-богоносца исцелити силою Божией обещающая.
Радуйся, правосудием Божиим ожесточенных и чуждых покаянию устрашающая;
Радуйся, от теплохладности и равнодушия богоибранное священство предостерегающая.
Радуйся, обетованием будущих небесных благдуховные раны наша умащающая,
Радуйся, решительным взором лика Твоего с иконы Ченстоховския нас воодушевляющая.
Радуйся, Матерь Божия Ченстоховская, всесильным эаступлением Твоим к духовней брани аерных призывающая.

Кондак 7
Хотяй всем человеком спастися и в разум познания истины прийти, премилосердный Господь, благодатным избранием по чистоте души ведение времен верным воинам Своим открывает и немощные сердца людей мира дольнего к соборному покаянию настойчиво во спасение России призывает. Мы же, дела Твои благие зря, с радостию и умилением, вопием Господу: Аллилуиа.

Икос 7
Новую показа милость всех Творец и Владыка наш Господь, егда положи во гневе Своем народ Божий в отступлении от чистоты православной веры наказати и тем к покаянию душ и упованию на Спаса призвати. Сего ради и мы, Владычице, к честному образу Твоему Ченстоховскому припадающе, усердно молим Тя: не даждь нам погибнути до конца, милосердия двери отверзи нам, вопиющим Ти сице:
Радуйся, верных непрестанное вразумление;
Радуйся, христолюбиваго воинства тайное утешение.
Радуйся, Заступнице всех за правду и веру гонимых;
Радуйся, в духовной брани рождающая воинов Христовых со злом непримиримых.
Радуйся, благодатное безстрастие в помощь подающая;
Радуйся, лукавство диавола отвергших возлюбившая.
Радуйся, чистоты сердечной умножение;
Радуйся, ревнующим о правде укрепление.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 8
Страннии и пришельцы есмы на земли сей, в дни апостасии разделение от врага ощущаяй, в молитвах на вразумление и духовное вспоможение пред иконою Твоею Ченстоховстей на Тя уповаем, от ереси экуменизма свободи нас, Мати Света, в покаянии призываем, воспевая Богу: Аллилуиа.

Икос 8
Вся бывши горе, у престола Царя царей предстояши, Пресвятая Богородице, нас грешных в мире дольнем заступлением всесильным пред Господом и Сыном Твоим усердно покрываеши. Мы же суетою отягченные и ядом гордости, тщеславия опоенные в духовней немощи боязливостию ослепленные, тихо, со слезами упования на милости Твоя вопием Ти:
Радуйся, многажды нас к послушанию Тебе призывающая;
Радуйся, всех святых и ангелов Церкви Торжествующей Твоим усердием в заступлении о нас, грешных, удивляющая.
Радуйся, от тленнаго богатства и служения мамоне сердца наша отводящая;
Радуйся, твердость веры в час трудный проявити призывающая.
Радуйся, отчуждающей от Бога славы человечи искати нам возбраняющая;
Радуйся, сладчайшее имя Господа нашего Иисуса Христа усты непрестанно произносити в избавление бесовския напасти нас побуждающая.
Радуйся, душ наших в час победы над страстями умиление;
Радуйся, ожесточенных сердец, ищущих Спаса скорое прозрение.
Радуйся, Матерь Божия Ченстоховская, всесильным эаступлением Твоим к духовней брани верных призывающая.

Кондак 9
Всякое естество ангельское удивися делу твоего милосердия, Господи, яко в дни духовной смуты, в дни воинствующего неведения и молчаливаго пред злом отступления даровал еси нам толико твердую и теплую Заступницу в испрошение пред образом честным Ея Ченстоховстем Самодержавной монархии возстановления и Церкви воинствующей в дни апостасии ограждения, да прославим Господа, воспевая: Аллилуиа.

Икос 9
Люди страны богоизбранныя, всердце боговедением никогдаже просвещеннии, предзлатым тельцем главу свою сложили, благодатнаго преображения в Таинствах Церкви Спасающей себе лишайя. Сего ради Божие гневное посещение всему миру зряще, мы, грешнии, смиренно молим Тя, Владычице, пробуди от сна греховнаго страну богоизбранную, вопиющую со слезами Ти сице:
Радуйся, Твоея помощи и заступления никогдаже каюшихся лишаеши;
Радуйся, ум наш омраченный небрежением святым Твоим Покровом озаряеши.
Радуйся, воинов Христовых от духа разделения избавляеши;
Радуйся, в чистых душах благодатные дары умножаеши.
Радуйся, яко прах – греховный сон душевныя нашея лености – отрясаеши;
Радуйся, сердечное сокрушение в нас о гресех рождаеши.
Радуйся, на соборную молитву о спасении России – Дома Твоего, от нечестия верных собирающая;
Радуйся, помощь Сына Твоего всей Церкви Торжествующей благодатным духом радости христолюбивому воинству обещающая.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 10
Спасти хотя многие люди от обдержащих искушений, веру во всесильное заступление Твое, Владычице, укрепила еси и образ Твой Ченстоховский даровала еси, да вси, видяще Твою милость, вопиют со умилением Богу: Аллилуиа.

Икос 10
Стена еси, Богородице Дево, народу русскому от греховнаго сна в пробуждение и разоряющим Дом Твой Российстей в предостережение образ Твой в далеком граде Ченстохове страны Польския явила еси, христолюбивым воином в благодатное окормление и в благочестивое единение, державней власти в очищение. Сего ради припадающе к честной иконе Твоей Ченстоховстей, радостно вопием сице:
Радуйся, богоизбранному народу русскому Покрове и утверждение;
Радуйся, от призывов к служению золотому тельцу избавление.
Радуйся, сущих в пленении освобождение;
Радуйся, от глада и болезней наше спасение.
Радуйся, благодатный источник церковнаго единения;
Радуйся, разделения народа Божия уничижение.
Радуйся, Христовой жертвенности насаждение;
Радуйся, спасительнаго несения креста великое вспоможение.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 11
Пение хвалебное и благодарственное приносим Ти, Владычице: мужественным ликом иконы Твоея Ченстоховския от греховней безпечности в час решающей брани пробуждаеши, к стоянию в истине пред приходом антихриста призываеши, под державный Покров Твоего всесильнаго заступления чрез покаяние направляеши. Все упование наше на Тя возложивше, радостно вопием Богу: Аллилуиа.

Икос 11
Два следа от сабельных ударов на лике Твоем Ченстоховстем нас, Пречистая Владычице, от сна греховнаго пробуждают, тревогою предстоящего противостояния с антихристами души христианския сердца наполняют, да не услышим и мы грознаго гласа Жениха: Не вем вас! Помози нам, Владычице, собери, укрепи нас, да благодарственно воспоем Ти сице:
Радуйся, воспоминанием грядущего суда Божия от малодушия нас избавляеши;
Радуйся, в грозные времена апостасии души верных мужеством Твоим наполняеши.
Радуйся, теплохладные сердца наша молитвами в богообщении воспламеняти нам помогаеши;
Радуйся, архипастырей, к апостольскому служению призванных, безпокойством народа Божия вразумляеши.
Радуйся, землю русскую заступлением Твоим никогдаже оставляеши;
Радуйся, из рова беззаконий наших заступлением Твоим пред Богом нас исхищаеши.
Радуйся, душевныя раны маловерия нашего елеем мироточащих икон Твоих умащающая;
Радуйся, от равнодушия и боязливости сердца наша избавляющая.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 12
Благодать от Господа прияла еси, Владычице: благочестивых чад Церкви Христовы прощати и вразумляти, в духовных бранех победу даруя, веру православную в Уделе Твоем Российстем в чистоте содержати, и уловления духовнаго в сетях лукаваго врага избегати. Возбуди нас от сна греховнаго, Владычице, да благодарственно вопием Богу: Аллилуиа.

Икос 12
Поюще Твоя чудеса, хвалим Тя, Владычице, яко живоносный источник божественней благодати образ Твой Ченстоховстей к новому прославлению явила еси, неистощиму реку чудес и радости новой встречи даровала еси и теперь Стеною правды пред нами пойди, из сердец наших малодушие, страх и лукавство изведи. Сего ради поем Ти:
Радуйся, Церкве небесныя и земныя соединение;
Радуйся, христолюбивому воинству солнечный щит и небесное ограждение.
Радуйся, печаль и скорбь нашу заступлением Твоим в радость притворяющая;
Радуйся, молитвами Твоими с Господом нас, грешных, соединяющая.
Радуйся, иконою Твоею Ченстоховския нас к брани последних времен вдохновляющая;
Радуйся, явленным благовестием народ православный в благодатные приходы церковные собирающая.
Радуйся, верных Сыну Твоему милостию не оставляющая;
Радуйся, Скоропослушнице, стояти в истине до Второго пришествия Сына Твоего помогающая.
Радуйся, Матерь Божия Ченстоховская, всесильным заступлением Твоим к духовней брани верных призывающая.

Кондак 13
О всепетая Мати, Ченстоховская Владычице! Приими ныне сие малое моление наша и величия ради благости и неизреченной любви Твоея исполни во благих прошения наша: заступи, спаси, помилуй, сохрани нас! Да избавит нас Господь в сей частревожный от немощей духовных, да очистит, да озарит нас ведением благочестивым и Царствия Небеснаго наследники сотворит, верно вопиющих Богу: Аллилуиа.
Сей Кондак читаетсятрижды, затем Икос 1 и Кондак 1

Молитва
О мира дольняго Заступнице усердная, Мати Всемилостивая, Владычице наша Дево Богородице! Со страхом, верою и любовию припадающе пред вновь открытой нам честною иконою Твоею Ченстоховския, в дни русской смуты, воинствующего неведения, малодушия, от узкаго пути спасения святых отцев всеобщего отчуждения, в дни нарастающего вала осквернения, усердно молим Тя: не отврати лица, Всемилостивая, не премолчи на наша упования, всех русских новомучеников ради Христа распятаго нам в помощь призови! Спаса Христа и Бога нашего к нам погибающим Твоею Материнскою рукою приведи! Нас ослепленных золотым тельцем и омраченных теплохладностию, под знаком зверя яко заложников плененных и беззаботностию усыпленных, от диавольскаго уловления сего, Всемилостивая, свободи, сея деяния и дух его в нас истреби, Царя обетованнаго отцам, на престол святый Самодержавный возведи, источником всепобеждающаго Духа Свята Помазанника Божия среди достойных сотвори, нам: нищим, обездоленным, заблудшим чадам и воинам христолюбивым в благое единение солнцем правды на Святой Руси его яви и врагов Отечества, врагов спасения нашего его устами правды и рукою твердою в суде от нас по ревности духовной отжени.
Да укрепит Святую Церковь православную, да дарует народу русскому силу Божию, силудержавную, да отвратит от нас расколы и гонения, да обличит малодушие скрытаго безбожнаго неверия. Избави Мати, Всезаступнице, нас от гордости, тщеславия, от сребролюбия и любостяжания, от скорбей и болезней свободи, чад наших в дни последние в сим дольнем мире к Богу приведи! Даруй нам дух сокрушения, дух ведения греха, смирение сердца, строй чистых мыслей, силу покаяния и духовное преображение на безконечные со Господем века!
Да благодарственные воспевающе величия Твоя, Царице, сподобимся как дара Царствия Небеснаго, и тамо со святыми предстоя, прославим имя пречестное в Троице Бога славимаго всегда: Отца, иСына, и Святаго Духа. Аминь.