Акафист Державному Образу Пречистыя Девы Марии

Акафист Державному Образу Пречистыя Девы Марии Акафист Державному Образу Пречистыя Девы Марии (2-й)
ОБРАЗУ ПРЕЧИСТЫЯ ДЕВЫ МАРИИ «ДЕРЖАВО НЕПОБЕДИМАЯ»

Кондак 1
Взбранной Воеводе, имущей Державу Непобедимую, Пречистой Деве Марии вознесем славу и честь! Пения похвальная воспоим Преблагословенней Ходатаице ко Господу нашему Иисусу Христу, в ликовании сердец и надежде непостыжаемой сицевая:
Радуйся, Пречистая, / воскресшаго народа русскаго Державо Непобедимая!

Икос 1
Вышшая всех ангел и архангел и всего мира Честнейшая Дево благоизволила явити Пресветлый лик Свой на иконе святей. Вся небесныя силы величают Тя, Пречистая, яко Ходатаицу Крепкую за Державу Святую и народ русский. Явлению Честнаго образа Твоего радующеся, вопиим во умилении таковая:
Радуйся, Царице Небесная, / наше спасение и защито непобедимая!
Радуйся, Пресветлая, / шествием образа Своего по скорбящия земли русския надежду спасения нам подающая!
Радуйся, Знамение Любви Божественныя, / радостию Боговоплощения Христова души иссохшия Благодатию напояющая!
Радуйся, Лествице Спасения, / сиянием красоты Божественныя небеса и землю соединяющая!
Радуйся, Врата Непроходимыя, / чистотою и целомудрием Русь Святую ограждающая!
Радуйся, Тайно вечная, / чад Божиих от плена вражия свобождающая!
Радуйся, Благая Вратарнице, / двери Царствия Небеснаго душам любящим отверзающая!
Радуйся, Державы Русския Управительнице, / расточенных по лицу земли чад Божиих Господу собирающая!
Радуйся, Пречистая, / воскресшаго народа русскаго Державо Непобедимая!

Кондак 2
-Спаси Русь Святую, Господи! - Взывает мир скорбящий. Молитвою взмывает к небесам пение птиц, шепот волн, журчание светлых родников. Слышит Господь и Бог наш каждый вздох и видит всякую слезу человеческую и ангельскую. Тако взывает Дево Пречистая о спасении погибающаго и обманутого народа русскаго, и слышит скорбный глас Ея Спаситель народов и языков. Сего ради в надежде и уповании воспоим: Аллилуиа!

Икос 2
Небеснаго разума проявление, смиреннаго сердца вдохновение явилися в пречудном Твоем посещении, о, Царица Преблагословенная! Тонкаго сна видением Твоего явления озарилось убогое крестьянское жилище. Волею Пречистыя и указанием обретен образ Ея Державный и благословлено моление и хождение крестное с сим образом. Да спасутся и помилование получат заплутавшие народы земли святей, подданными Державы русския именуемыя, Ходатаицею спасения путем царским ведомыя. Сего ради возопиим:
Радуйся, Пресветлая Надеждо наша, / село заповедное Архангельское Своим явлением освятившая!
Радуйся, Гостья Небесная Прекрасная, / скромное крестьянское жилище милостию Своего явления озарившая!
Радуйся, Любы Неизреченная, / ко спасению от века предызбранных посещающая!
Радуйся, Источниче Неистощаемый, / радостию и благодатию сердца наша напояющая!
Радуйся, Чистоты Славо, / девственниц и душ целомудренных усердная покровительнице!
Радуйся, Всеблагая Наставнице, / слезно молящихся Тебе защитнице!
Радуйся, Всеславная Игумения, / под крыло спасительное расточенныя по долам и весям иноцы собирающая!
Радуйся, Крепосте Неодолимая, / стеною их молитвы Державу русскую укрепляющая!
Радуйся, Пречистая, / воскресшаго народа русскаго Державо Непобедимая!

Кондак 3
Сила Вышняго осеняет праведных, с верою и благоговением к Тебе притекающих, о, Пречистая Госпоже наша Приснодево Марие! Уповающа на милость Твою во умилении зрим образ твой святый, и веруем, яко с любовию приемлеши трепетную молитву нашу, исполняя всякое благое прошение во благовремении. Пред пачеестественным Таинством Боговоплощения, архангельским гласом Тебе возвещенном, преклоняемся и вопиим Ти, покорно просяща: научи нас, Всемилостивая Ходатаице, како праведно воспети и прославити Всечестное и Всехвальное Имя Твое, да неосужденно Тебе и Господу воспоим: Аллилуиа!

Икос 3
Звездою путеводною явился образ Твой Честный, светом неприступныя славы осиявший пути прохождения новаго списка чудотворныя иконы Твоея «Державы Непобедимыя», по Руси Святей, подобно лучам солнечным шествующа. Теплым молением Богу в Троице Единому о мире страждущем и о каждой душе христианской стало воздыхание крестоходцев, священной хоруговью спасения пронесших образ всечестныя иконы Твоея. Ожидая Державныя милости, со умилением возопиим сицевая:
Радуйся, Царице Небесная, / пред Престолом Божиим за Русь ходатайствующая!
Радуйся, всего мира Владычице, / во времена смуты и нашествия иноплеменных царя народу русскому испросившая!
Радуйся, Усердная Молитвеннице, / Пресвятую Троицу за Русь святую упросившая!
Радуйся, Руко спасения, / благоподвизающихся укрепляющая!
Радуйся, Света блистание, / волю и разум нам возвращающая!
Радуйся, Истины зрение, / души наша на служение Истине благословляющая!
Радуйся, Правды Небесной Слово Твердое, / малодушие и слабость веры в людях исцеляющая!
Радуйся, Мужество Неистощимое, / за Христа стояти до смерти убеждающая!
Радуйся, Пречистая, / воскресшаго народа русскаго Державо Непобедимая!

Кондак 4
Полчища вражия, ненавидящия народ Божий русский, покрыли землю нашу многострадальную, подобно туче саранчи, затмившей свет солнечный. Но не закрыть им Бога нашего, хотя бы и вся земля покрылась тьмою! Христос воскресе! И умертвися ад! Христос воскресе! И восстала Русь Святая! Христос воскресе! И воскрес русский народ - народ Богоносец! О, Всесветлая Владычице и Царице народа Божия! Изгони врага с земли Твоея святыя, очисти Дом Свой от вражьих сил и отступников! Мы же всегда воспоим сицевая: Аллилуиа!

Икос 4
Веруем, яко услыша прошения Твоя за Россию скорбящую Сам Господь и Бог наш. Веруем, яко упросила Ты, Владычице, да пребудет благодать Божественная на молящихся пред иконою Твоею о народе Твоем. Да снизойдет светозарный луч славы радугами на Русь Святую, озаряя полки ангельския и даруя силы ратныя и созидательныя народу русскому, и Царю его Николаю Александровичу Романову – Великомученику, и поныне правящему Державою Своею. Яко скорой помощнице возопиим Ти сицевая:
Радуйся, Скоропослушнице, / моления наша ко благу исполняющая!
Радуйся, Предстательнице, / надеющихся на Тя скоро спасающая!
Радуйся, Утешительнице, / нужды наша и скорби зрящая!
Радуйся, Защитнице, / о нас непрестанно Христа Бога просящая!
Радуйся, Хранительнице, / нас от врагов закрывшая!
Радуйся, Предвозвестнице, / духовное созидание Собора Живоначальныя Троицы возвестившая!
Радуйся, Веры Святой сияние, / Своею Любовию нас освящающая!
Радуйся, Надежды свете, / силою благодати упование сердец наших не посрамляющая!
Радуйся, Пречистая, / воскресшаго народа русскаго Державо Непобедимая!

Кондак 5
Среди бисера прекраснаго чудных икон Твоих, О, Пречистая Дево, просиял и образ Державы Непобедимыя. Разумея знамение попечения Божественнаго о судьбе народа Божия, зрим грядущия грозныя события. Твердо веруем во благое Божие заступление и сил ангельских наступление, в Непобедимую Победу и возрождение Отчизны святей на земли, и обретение Отчизны небесныя в пакибытии. Сего ради вкупе со ангелы и архангелы вопиим: Аллилуиа!

Икос 5
Зряще чудное явление Твое, о Богомати, радостию и умилением исполняемся, и, лобызая иконы Твоя, трепещем недостоинства своего. Яко возсоздати Первообразное мним во иконе Державы Непобедимыя, именуя образ сей Ходатаице за Русь Святую и людей Божиих, да истинным заступлением за расточенных по лицу земли чад Божиих станет крестное исхождение из плена антихристова. Сия милость неизчерпаемая да будет ознаменована гласом благодарящим и вопиющим таковая:
Радуйся, Радостная,/ яко образу Твоему Пресветлому с любовию покланяемся!
Радуйся, Всемилостивая,/ яко Бога Слово почитающа во Святей Троице, заступлением Его хвалимся!
Радуйся, Путеводительнице,/ яко всему миру путь правый и прямой указующая!
Радуйся, Смиреннице,/ скоротечность времени и безумие алчности всему миру открывающая!
Радуйся, Скорбящая,/ чашею слез Своих души наша омывшая!
Радуйся, Державная,/ скипетр и державу Руси Святей сохранившая!
Радуйся, Всесправедливая,/ закон престолонаследия всем алчущим власти разъясняющая!
Радуйся, Царице Нетленная,/ самозванных правителей изгоняющая и посрамляющая!
Радуйся, Всесветлая,/ земным властям антихристовой стаи недоступная!
Радуйся, Пречистая, / воскресшаго народа русскаго Державо Непобедимая!

Кондак 6
Проповедуем милости и чудеса Твоя, о, Пресветлая. Род христианский покровом сияющим Своим покрывающи, сохраняеши для Царствия Небеснаго избранных и верных Своих, благонравных и богобоящихся чад Божиих. Сего ради вопием Богу сицевая: Аллилуиа!

Икос 6
Яко дивный ковчежец, Святаго Духа исполненный благодати неизреченныя, о, Дево Владычице, возсияй и нам во мраце скорбнаго жития нашего, радостию нетленною наполнив сердца благодарныя. Воспоим же Славе Божией таковая:
Радуйся, Целительнице,/ ослепшия очеса душ наших ко зрению грехов открывающая!
Радуйся, Столпе Огненный,/ избранныя к небесному отечеству возводящая!
Радуйся, Победительнице,/ силы зла во вселенней попирающая!
Радуйся, Облаче Светлый,/ путь истинный непрестанно осеняющая!
Радуйся, Покрове, ярче звезд сияющая,/ русскую землю, аки оплот веры истинныя, утверждающая!
Радуйся, Ангела седьмаго дня Тайно,/ лживыя пророчества упраздняющая!
Радуйся, Новое Небо,/ восьмаго дня Торжество являющая!
Радуйся, Пакибытия радосте,/ Царствия Божия вечнаго любовь и милость возвещающая!
Радуйся, Пречистая, / воскресшаго народа русскаго Державо Непобедимая!

Кондак 7
Токи чудес источающая от образа пречуднаго Своего, повелела еси Владычице молебныя пения пред иконою сею сотворяти. Преклоняя колена во умилении и надежде, чаем упразднение погибели и утоление печали. Сего ради крестным ходом по Державе земли святой русской проходяще, молим Деву Пречистую о спасении, воспевая Господу сицевая: Аллилуиа!

Икос 7
Многими скорбями подобает нам войти во Царствие Божие. Тако, созерцая пути многих человек, да не дерзаем судити прежде суда Божия страдания и горести чужия. Благ Господь и милость Его неизчерпаема. Не сотворил Господь зла и не научил соблазну. Лишь семя диавольское повинно в скорбях и муках чад Божиих. Лишь древнему змию и чадам его быти повинны за войны, глады, болезни, огнь и мрак. Мы же благодаряще Сущаго в Троице за воскресшие ко спасению разум и волю, в силе духа Истины возопиим:
Радуйся, Владычице,/ днесь по земли многострадальней победно ступающая!
Радуйся, Державы Управительнице,/ смирению и кротости научающая!
Радуйся, Строгая Наставнице,/ пустых и праздных мыслей Изгонительница!
Радуйся, Обличительнице,/ всех сил антихристовых, незаконно рвущихся ко престолу державному, усмирительница!
Радуйся, Целительнице,/ тщеславие и властолюбие человеческое, аки болезни смрадныя, открывающая!
Радуйся, Грозная Воительница,/ мерзкаго антихриста низложительница!
Радуйся, Державы Возрождение,/ царствующаго Дома Романовых Благословение!
Радуйся, Крине Небесный,/ земли святей цветение!
Радуйся, Пречистая, / воскресшаго народа русскаго Державо Непобедимая!

Кондак 8
Странники и пришельцы мы есмы на земли. По слову апостольскому, терпим скорби от лжебратии, от врагов и сродник. Терпяще страдания в лишениих многих и бедах, молим Тя о помощи и защите. Настави нас, Владычице, яко Благая Ходатаице, на путь спасения и к тихому пристанищу направи. Упроси Бога Твоего и нашего во Троице Святей Сияющаго подати прощения прегрешениям нашим в преступлении клятвы на верность царствующему Дому Романовых. - Простите нас, святии Царственные Великомученицы! - Да непрестанно возопиим Всемилостивому Богу: Аллилуиа!

Икос 8
Вся в вышних пребывающа Причастница Промышления Божия о роде христианстем явилася еси, Дево Пречистая. По Успении Твоем на небеса с Пречистою плотию возшедша, и на земли сущия не оставила еси. Сего ради Ти со умилением вопием:
Радуйся, Святая Служительнице,/ Божие промышление о чадех Божиих не оставляющая!
Радуйся, Благая Утешительнице,/ в тяжкое время сие от скорбей, напраслин и клевет нас спасающая!
Радуйся, Усердная Попечительнице,/ вечных благ и временных земных подательница!
Радуйся, Покаяния Проповеднице,/ чистою душою служити Богу научающая!
Радуйся, Царице Присноблаженная,/ блаженств небесных преисполненная!
Радуйся, Голубице Кроткая,/ честнейши херувим явльшаяся!
Радуйся, Славнейшая,/ славы и хвалы земныя и небесныя достойнейшая!
Радуйся, Пренепорочная,/ чистотою Своею весь мир озарившая!
Радуйся, Пречистая, / воскресшаго народа русскаго Державо Непобедимая!

Кондак 9
Видя образ Твой Святый, на нем же зряща Тя, умиленно взирающую на Господа Бога Своего Иисуса Христа, утешенныя радостию целомудрия и любви твоея, молим Тя, яко Всеблагую Матерь Света нам воссиявшего и вся содержащаго в деснице Своея Владыки: воззри на нас милостиво и упроси Господа, да помилует Русь и народ Божий. Сего ради возопиим Богу нашему: Аллиуиа!

Икос 9
Витии человечестии не могут достойно восхвалити Тя, Богоблаженную, даровавшую плоть Свою Пречистую Единому от Троицы Христу Жизнодавцу. Мы же, любовию к Тебе воодушевленнии, дерзаем пети тако:
Радуйся, Владычице милостивая,/ о нас пред Богом Ходатаице!
Радуйся, Премилосердная,/ благодать на землю русскую низпосылающая!
Радуйся, Преблагословенная,/ семьи благочестивыя укрепляющая!
Радуйся, Премудрая Дево,/ старчеству белоснежныя седины, аки знак чистоты, являющая!
Радуйся, Голубице Прекрасная,/ целомудрию дев юных научающая!
Радуйся, Мужества Образе,/ яко хранити чистоту плоти, души и духа поучающая!
Радуйся, Моления Сило,/ воинств православных крепкая защито от оружия вражия!
Радуйся, Истины Утверждение,/ Державы родныя нашея щите несокрушимый!
Радуйся, Пречистая,/ воскресшаго народа русскаго Державо Непобедимая!

Кондак 10
Чающа спасения чад Божиих, в унынии и малодушии пребывающих от обдержащих их скорбей и болезней, утверди веру нашу во всесильное Твое заступление, Владычице. Ходатаицею за Русь Святую и народ Божий явльшаяся, даруй нам надежду и веру во спасение. Да видящи являемую милость Твою, возопиим во умилении: Аллилуиа!

Икос 10
Светоприемная свеще, возжженная к просвещению разума и воли народа русскаго богоизбраннаго, явилася еси, о, Приснодево. Открыла истину Богоношения и веры святей во Троицу Единосущную и Нераздельную. Плоды нетленныя мужества и славы в народе святем обрела еси. Сего ради вопиим благодаряще:
Радуйся, Источниче чудес,/ водою живою истинныя веры вселенную напояющая!
Радуйся, Заступнице Усердная,/ чрез покаяние народ Божий с Богом примиряющая!
Радуйся, Подательнице Божественныя благости,/ во вся времена души верныя пищею небесною питающая!
Радуйся, Путеводительнице,/ по морю житейскому плавание наше управляющая!
Радуйся, Хранительнице Верная,/ всех по Бозе на Тя уповающих сохраняющая!
Радуйся, Оплоте Праведных,/ тельца златаго презирати научающая!
Радуйся, Торжество веры,/ во истине стояти твердо помогающая!
Радуйся, Омофоре Блистающий,/ красотами дивными мироздание украшающая!
Радуйся, Пречистая,/ воскресшаго народа русскаго Державо Непобедимая!

Кондак 11
Зряще гневное Божие посещение миру растленному и падшему, смиренно молим Тя, Пречистая Царице и Ходатаице народа Божия: собери нас, расточенных по лицу земли, и сохрани души наша для вечности. Сего ради во уповании возопиим: Аллилуиа!

Икос 11
Державо еси нерушимая, охраняющая народ Свой от погибели, изливаеши чудеса Твои, о, Дево Пречудная, явлением икон Твоих и обетований. Воинов Христовых укрепляющи, побуждаеши пети пред образом иконы Твоея сицевая:
Радуйся, Веры утверждение,/ уставший от скорбей народ Свой с колен отчаяния и рабства поднимающая!
Радуйся, Покрове Всепокрывающий,/ нападения адскаго врага предотвращающая!
Радуйся, Истино Божия,/ от ига злаго и плена сатанинскаго народ святой избавляющая!
Радуйся, Правды Небесныя Ревнительнице,/ прозрение ослепленной врагами Отчизне дарующая!
Радуйся, Грозная Обличительнице,/ богатых жрецов, продавших Русь Святую за тридцать сребреников, аки иуд новых, указующая!
Радуйся, Наказание Нелицеприятное,/ за Бога Христа Своего Распятаго и царя нашего умученного против лиходеев грозно вставшая!
Радуйся, Торжество Истины,/ хитрости их и лукавствия, аки главу змиеву, о камень несокрушимый Истины стершая!
Радуйся, Царства земнаго Защитнице,/ власть во Державе святей, врагами поруганной, в руце врагов не отдавшая!
Радуйся, Пречистая,/ воскресшаго народа русскаго Державо Непобедимая!

Кондак 12
Да созиждутся стены Державы русския! Да восплачут и возрыдают враги нашего спасения! Тако да звучит во всех сердцах народа Твоего призыв пламенный ко свобождению от рабства сатанинскаго, аки железною смрадною паучиною, весь мир и Русь святую оплетшаго! Сего ради крестным путем прохождения по границам земли своея родныя, чаем скораго непобедимаго воскресения Державы Святыя Русския и, процветши во Истине, принесем плоды веры, любви и надежды непостыжаемыя, Софии – Премудрости Божией воспевая сицевая: Аллилуиа!

Икос 12
Духа богатырскаго возстание ото сна мертваго чающа, отгоним, братие, малодушие и леность, нерадение и сомнения! Умолим Пречистую Владычицу, да подаст народу скорбному русскому волю и разум ко спасению и славе Божией велией! Да испросит нам Царица Всесильная помощи и защиты! Да поднимет в пособие нашему спасению вся силы небесныя, полки и воинства ангельския и архангельския на битву последнюю с коварным врагом Бога нашего – диаволом и семенем его. Сего ради возопиим Взбранной Воеводе народа святаго Божия:
Радуйся, Знамение Победы,/ отвагою сердца народа своего наполняющая!
Радуйся, Хоруговь Святая,/ полки несметныя Божиих воинств земных и небесных на бой с древним змием поднимающая!
Радуйся, Победа Непобедимая,/ тьму и мглу, скрывающия исчадия драконовы, аки ткань ветхую, разрывающая!
Радуйся, Мечу Обоюдоострый,/ за растерзанное страданием материнское сердце отмщающая!
Радуйся, Оружие Необоримое,/ победа Божия несокрушимая!
Радуйся, Земли потрясение,/ скалы и горы на убийц Слова Божия повергающая!
Радуйся, Волн возмятение,/ врагов Христовых в огненную серную пучину их злодейств ввергающая!
Радуйся, Огнь отмщения,/ земли и веси, укрывающия исчадие адское, пожигающая!
Радуйся, Пречистая,/ воскресшаго народа Божия Державо Непобедимая!

Кондак 13
О, Пречудная и Преблагословенная Заступнице и Владычице наша, Дево Пречистая! Твоим Всесильным ходатайством ко Всеблагому Господу нашему Иисусу Христу испроси нам вся благая, - временная и вечная, дабы устояти во истине, страха от врагов не устрашитися, пребыти опорою Державы родныя, покаяние принести совершенное и христианскую кончину живота нашего сподоби улучити, да с Тобою и всеми святыми, и со ангельскими лики в селениих праведных даруй воспети песнь благодарения Триипостасному Богу: Аллилуиа!
Трижды

Икос 1
Вышшая всех ангел и архангел и всего мира Честнейшая Дево благоизволила явити Пресветлый лик Свой на иконе святей. Вся небесныя силы величают Тя, Пречистая, яко Ходатаицу Крепкую за Державу Святую и народ русский. Явлению Честнаго образа Твоего радующеся, вопиим во умилении таковая:
Радуйся, Царице Небесная, / наше спасение и защито непобедимая!
Радуйся, Пресветлая, / шествием образа Своего по скорбящия земли русския надежду спасения нам подающая!
Радуйся, Знамение Любви Божественныя, / радостию Боговоплощения Христова души иссохшия Благодатию напояющая!
Радуйся, Лествице Спасения, / сиянием красоты Божественныя небеса и землю соединяющая!
Радуйся, Врата Непроходимыя, / чистотою и целомудрием Русь Святую ограждающая!
Радуйся, Тайно вечная, / чад Божиих от плена вражия свобождающая!
Радуйся, Благая Вратарнице, / двери Царствия Небеснаго душам верным отверзающая!
Радуйся, Державы Русския Управительнице, / расточенных по лицу земли чад Божиих Господу собирающая!
Радуйся, Пречистая, / воскресшаго народа русскаго Державо Непобедимая!

МОЛИТВА
О, Всемилостивая Пречистая Владычице наша Дево Марие! Приими моление наше, да ходатайствующа ко Господу и Богу нашему Иисусу Христу, испроси Руси святей многоскорбней силу и утешение, радость и милость, волю и разум ко спасению. Укрепи народ русский страждущий и защити от врагов, выведи из плена лукавнующих, разруши иго сатанинское. Непобедимою победою увенчай Державу святую, Тобою сохраненную для славы Божией. Да возсияет в мироздании созвездие яркое Державы Русския, нетленным светом Истины вселенныя озаряющее, научающее любви святей к поруганной родине своей, ополчающее персты на брань супротив супостатов. Да станет воскрешённая Богом в Троице Отчизна наша вечною хвалою Премудрости и Величию Бога нашего – Святей Троице Единосущней и Нераздельней: Богу Вседержителю, Богу Слово и Богу Святому Духу всегда – ныне и присно и во веки веков. Аминь.

Источник: http://www.stihi.ru/2014/04/18/5079

Тропарь, глас 8
Ангелов лицы благоговейно Тебе служат и вся Небесныя силы немолчными гласы Тя ублажают, Богородице Дево; усердно молим Тя, Владычице, да пребудет Божественная благодать на честней иконе Твоей «Державней», и светозарный луч славы чудес Твоих да нисходит от Нея на всех с верою Тебе молящихся и вопиющих Богу. Аллилуиа.

Тропарь, глас 4
Заступнице верных преблагая и скорая, Пречистая Богородице Дево! Молим Тя пред святым и чудотворным образом Твоим, да якоже древле от него заступление Твое граду Москве даровала еси, тако и ныне нас от всяких бед и напастей милостивно избави и спаси души наша, яко милосердая.

Ин Тропарь, глас 4
Града Сионска взыскующе, под Твой покров, Дева Чистая, днесь притекаем, и никтоже возможет на ны, яко несть град силен, аще не Сущаго Бога, и несть ина крепость, аще не милость Владычицы Девы.

Ин тропарь, глас 4
Век скончавается, любовь оскудевает, победу лукавый торжествует, и кто нам помощи может, аще не Ты, Дево, Чудная Мати, оградиши Крестом Сына Твоего.

Кондак, глас 2
В небесныя обители преселившаяся с плотию, сущия на земли никакоже оставила еси, Богородице, образ божественный и многочудесный Пречистаго лица Твоего зрети любящим Тя и покланятися даровала еси. Яко знамение Твоея благодати, чтим его, лобызающе.

Кондак, глас 8
Взбранной Воеводе победительная песни приносим, яко даровася нам держава Твоя, и ничесоже устрашимся, не от мира бо спасение наше, но превознесенныя Владычицы милосердием ограждаемся и тому днесь радуемся, яко прииде Заступнице на стражу земли Своея.

Ин Кондак, глас 8
Взбранной Воеводе, Заступнице нашей Державней, песни благодарственныя приносим о даровании нам иконы Ея святыя, еюже ограждаеми, ничесоже устрашимся, не от человек бо спасение наше, но Преблагословенныя Владычицы милосердием. Темже днесь радуемся и празднуем светло, яко прииде Державная на стражу земли Своея.

Ин Кондак, глас 8
Избранней от всех родов Заступнице рода христианскаго, покровом Своея благости покрывающей страну нашу православную, благодарственныя пения приносим Ти, Владычице, о явлении нам чудныя иконы Твоея Державныя. Ты же, яко Всемилостивая Заступница всех, с верою к Тебе притекающих, от всяких нас бед свободи, да зовем Ти:
Радуйся, Матерь Божия Державная, Заступнице Усердная рода христианскаго.

Величание
Величаем Тя, Пресвятая Дево, Богоизбранная Отроковице, и чтим Державный образ святыни Твоея, имже подаеши велию милость всем, с верою к нему притекающим.

Ино Величание
Достойно есть величати Тя, Богородице, честнейшую Херувим и славнейшую без сравнения Серафим.
Или сие: Достойно есть величати Тя, Богородице, земли Русския Царицу Небесную и людей православных Владычицу Державную.

Празднование 2/15 марта