Донская икона Божией Матери

Икона Божией Матери "Донская" получила свое имя в память великой победы русских воинов на поле Куликовом в 1380 г. Куликовская битва стала новым этапом велкого противостояния Руси татаро-монгольскому нашествию. Само существование русского государства и русского народа ставилось под вопрос.
Русскому народу были дарованы огромные духовные силы Самой Матерью Божией, благословившей преподобного Антония Печерскаго на создание своего земного Удела - Киевской Руси. Русь была призвана стать великим христианским государством, несущим окружающим народам свет веры Христовой, утверждая в мире идеалы братства илюбви. Однако народ, при крещении посвятивший себя Богу, перестал исполнять данные им обеты - вместо братолюбия и единства он избрал вражду и разделение. Следствием этого отступления от предназначения явилось вражеское нашествие и ужасающий военный разгром.
Всенародное покаяние положило начало духовной битве в тяжелейших условиях иноземного ига. Трудами великих подвижников Русской земли - св. Алексия, митрополита Московского (+ 1378 г.), преподобного Сергия Радонежского (+ 1392 г.), их учеников и последователей на Руси была восстановлена духовная жизнь, нарушенная вражеским нашествием и неустройством в стране. Вся Русская земля опоясалась духовной оградой - монастырями, твердынями духа. Монашество повело за собой русский народ, являя примеры праведной жизни и возвышая дух народа, направляя на путь жертвенного служения.
Первая победа была одержана в сердцах людских - миллионы русских людей, надломленных вековым рабством, преодолев страх перед врагом, укрепились в вере и надежде на благодатную помощь Божию. Теперь предстояло выйти на поле брани, выстоять и победить.
Великий князь, да и весь народ знал о приготовлениях Мамая и причинах его нашествия. О них ясно сказано в летописном повествовании о великом князе Димитрии Иоанновиче: "И рече Мамай князем своим и рядцем: "Прииму землю Русскую и разорю церкви християнския, и веру их на свою преложю и велю кланятися своему Махметю (т.е. Магомету); а идеже были церкви, ту ропати (мечети) поставлю, а баскаки посажю по всем градом Русским, а князи Руски избию". То есть, речь шла не о том, чтобы разграбить и опустошить Русь, а о разрушении храмов, насильном обращении народа в ислам, уничтожении русской государственности.
Смертельная опасность нависла над русской землей и народом ее.
Великий князь Дмитрий Иоаннович после совета с воеводами и духовными наставниками решил выступить с войском против Мамая, не допустив его в пределы Руси. Началось собирание воинских сил. 15 августа 1380 г., в день празднования Успения Пресвятой Богородицы, был назначен в Коломне сбор и смотр полков, вставших под стяг великого князя Московского. Русские воины и весь народ обращались к помощи и защите Божией Матери. Готовясь к битве с Ордой, великий князь с воеводами и отборной дружиной отправились за благословением к преподобному Сергию Радонежскому в Троицкую обитель. Святой старец укрепил князя в его решении выступить на защиту Отчизны и благословил крестом всех отправлявшихся на битву со словами: "Господь Бог будет ти Помощник и Заступник и тем победит и низложит супостаты твои и прославит тя".
6 сентября передовые отряды русских войск подошли к Дону и после совета с воеводами великий князь принял решение не ожидать удара татар, а переправиться, оставив Дон за спиной - в этом случае отступление означало гибель всего войска. Никоновская летопись сохранила слова Димитрия Иоанновича, сказанные после принятия решения о переправе: "Лутчи было не ити противу безбожных, ниже пришед и ничтоже сотворив, возвратитися вспять; преидем убо ныне в сий день за Дон вси и тамо положим главы своя за святыа церкви и за православную веру и за братию нашу, за христианство..."
8 сентября 1380 г. в день праздника Рождества Пресвятой Богородицы русские войска стояли на правом берегу Дона. "Чье поле, того и воля: биться не хотим, а поля не отдадим", в этих словах неведомый мудрец выразил главный смысл того, что должно было свершиться в тот день на поле Родины.
Перед началом битвы прискакал гонец с грамотой от преподобного Сергия, который духом прозревал чувства воинов и в самый нужный момент укрепил и вдохновил ратников на подвиг. Весть о Сергиевом гонце облетела ряды русских воинов. Великий князь Димитрий Иоаннович преклонил колени в молитве пред образом Спасителя, шитым золотом на великокняжеском стяге. В день битвы среди русских войск находилась икона Божией Матери, которая после победы была передана донскими казаками в дар великому князю Димитрию "в дар и помощь против врагов". Икону, укрепленную на древке как хоругвь, носили среди воинов для ободрения и помощи против врагов. Перед ней ночью молился великий князь и воины.
"Видя икону Богоматери, на поле брани от донских предел пришедшую, и, прияв от рук иноков послание Сергия Преподобного с напутием "Да поможет ти Бог и святая Богородица", возрадовался князь Димитрий, яко Сама Владычица грядет на супостаты, и воспрянув духом, с надеждою поведе воины своя на тьмочисленныя полчища и победу одержа" (Икос 4 акафиста Донской иконе). Образ, осенявший русское воинство на Куликовом поле, двухсторонний: на одной стороне его изображение Божией Матери с Богомладенцем, на другой - Успение Божией Матери. Этот образ стал благословением Божией Матери и обетованием победы русского воинства.
Божия Матерь на иконе изображена с Богомладенцем Христом на руках, нежно обнимающим Ее. Этот образ, известный в древнерусском искусстве под названием Умиление (в Византийской иконографии он назывался Елеуса, т.е. Милостивая), есть воплощение любви. Именно лик Елеуса из всех икон Божией Матери, пришедших из Византии, оказался наиболее близок национальному характеру и особенностям душевного склада русских людей, что отразиловь во всеобщем почитании первой на Руси иконы Елеуса, названной впоследствии Владимирской. Русский перевод слова Елеуса - Умиление - еще точнее отражал духовное содержание образа. Оно говорит о высочайшей радости Богообщения, об "умиленном" состоянии самого молящегося пред иконой. На Руси образ Умиление занимает первое место после икон Спасителя.
Божия Матерь на иконе склонила лик Свой к Богомладенцу: "Видяще Тя, Богородице, во объятиях Младенца Христа держащую и главою к Пречистому лику Его кротце притекшую, разумеваем Божественную любовь Твою и непрестанное о мире ходатайство" (Кондак 2 акафиста Донской иконе). Для верующих русских людей, вышедших на поле брани, пребывание с ними образа Божией Матери с Богомладенцем обретает особое значение, которое замечательно выразил в "Задонщине" Софроний Рязанец: "Нам земля подобна есть русская милому младенцу у матери своей".
В левой руке Своей Божия Матерь держит плат (в более поздних списках с иконы плат этот часто изображается белым). В акафисте Донской иконе поется об этом так: "В шуйце (левой руке) держиши плат чистый, еже слезы плачущих скоро осушати, да никтоже от Тебе неутешен изыдет" (Кондак 2). Вера в Покров Божией Матери и Ее чистый плат, осушающий слезы и утешающий плачущих в скорбях, сохранялась во все времена бытия Руси и России. И в 1914 г., в преддверии жесточайших испытаний русской земли, А.Ахматова напишет:

Сроки страшные близятся. Скоро
Станет тесно от свежих могил.
Ждите глада, и труса, и мора.
И затменья небесных светил.
Только нашей земли не разделит
На потеху себе супостат:
Богородица белый расстелит
Над скорбями великими плат.

Глубочайшего смысла исполнен и образ Успения, изображенный на обратной стороне иконы. "Благодатную помощь многажды являла еси Царице Небесная, чрез чудотворный образ Твой Донской, егда смерть вскоре предстояше людем. Сего ради на обратней стране иконы Твоея древния изображено есть всечестное Успение Твое, да всяк, подвизающийся во славу Бога и на благо ближняго, не убоится смерти, но взирая, како Твоя душа приемлется в руце Бога Живаго, с надеждею предает себе в час смертный Судии всех Богу, вопия Ему: Аллилуиа" (Кондак 11 акафиста Донской иконе).
Матери и жены, провожая воинов на Куликовскую битву, давали им "конечное целование" - так издревле прощались на Руси с теми, кто шел на верную смерть.
Созерцая образ Успения Божией Матери, русские ратники, шедшие на смертный бой, воспринимали обетование бессмертия. Та же вера в вечную жизнь звучала и в призыве великого князя Димитрия Иоанновича, когда он в последний раз перед битвой обходил полки, "со слезами глаголаше: "Отцы и братия, Господа ради подвизайтеся и святых церквей и веры христианскыа, сиа бо смерть нам ныне несть смерть, но живот вечный, ничтоже земнаго промышляйте, не уклонимся убо на свое, но венци победными уязвимся от Христа Бога Спаса душам нашим".
В праздник Рождества Пресвятой Богородицы 8 сентября 1380 г., когда русские воины сражались на поле брани, в монастыре преподобного Сергия, в церкви Живоначальной Троицы, стоял другой полк - полк воинов Христовых, иноков монастыря, собранных игуменом для молитвы за победу Руси. Епифаний Премудрый пишет в житии преподобного Сергия: "Телом стоял он на молитве во храме Пресвятой Троицы, а духом был на поле Куликовом, прозревая очами веры все, что совершалось там; он, как очевидец, поведал предстоявшей братии о постепенных успехах нашего воинства; от времени до времени называл павших героев по именам, сам приносил за них заупокойные молитвы и повелел то же делать братии". Преподобный Сергий возвестил братии и о победе русскго воинства. Эта победа была оплачена ценой огромных жертв. В "Задонщине" говорится: "... а Дон река три дни кровью текла" и "изгибло нас всей дружины пол 300000". Подвиг, совершенный русскими воинами во имя любви к Отчизне, принес им, как верует Святая Церковь, мученические венцы. В октябре 1380 г. в Троицкой обители преподобного Сергия было совершено первое поминовение воинов, убиенных на поле брани Куликовом.
В этой молитве участвовали и великий князь Димитрий Иоаннович с дружиной. По его просьбе в субботу перед 26 октября (8 ноября) - день ангела великого князя, память святого великомученика Димитрия Солунского - было установлено ежегодно совершать поминовение убиенных на поле Куликовом воинов. По благословению преподобного Сергия это поминовение должно совершаться до тех пор, пока стоит Русская земля.
После победы икона, осенявшая воинство на поле Куликовом, была названа Донской и стала почитаться защитницей Руси и покровительницей русских воинов. Великий князь Димитрий Иоаннович, также названный после победы Донским, поставил икону в Благовещенском соборе. Вскоре появляются списки с иконы, одним из первых был сделан список для Успенского собора в Коломне, который воздвигли по повелению князя в честь победы на Куликовом поле.
С того времени Божия Матерь неоднократно являла благодатную помощь стране нашей и граду Москве через чудотворную Свою икону Донскую. Перед Донской иконой молился царь Иоанн Васильевич Грозный, собираясь в победоносный поход на Казань в 1552 г. В 1563 г., отправляясь на Ливонскую войну, царь берет Донскую икону с собой.
В 1591 г. Русь подверглась грозной опасности - многочисленное войско крымских татар вторглось в пределы страны. Русские войска находились в это время на севере, где шла война со шведами. Зная об этом, татары стремительно приближались к Москве и даже не грабили по пути русские города, надеясь на богатую добычу в столице. 3 июля 1591 г. Казы-Гирей разбил свой стан под стенами Москвы. Немногочисленные русские войска создают укрепленный лагерь, преградив татарам путь к столице. Царь Феодор Иоаннович, памятуя о помощи, дарованной по молитвам Божией Матери на Куликовом поле, обратился с мольбой к Ней о помощи и заступлении. Он певелел совершить Крестный ход с Донской иконой вокруг города и затем поставил образ в походной церкви, посвященной преподобному Сергию Радонежскому, в обозе русского воинства. Ночь накануне битвы царь провел вместе с воинами в молитве пред Донской иконой. На следующий день татары после короткого боя, устрашенные невидимой силой, неожиданно отступили от Москвы и побежали; столица была спасена от разорения. В память этого избавления в 1591 г. на месте, где стоял походный храм с Донской иконой, был воздвигнут монастырь в честь Донской иконы Божией Матери и установлено празднование иконе 19 августа. В гласном храме монастыря поставили список с чудотворной иконы Божией Матери "да незабвенны пребудут нам великие щедроты Бога нашего и Пречистыя Его Матере, Владычицы нашея, помощь и заступление".
В течение многих веков Донская икона, как и икона Владимирская, были неразрывно связаны со многими событиями истории Русского государства. В 1598 г. перед Донской иконой Патриарх Иов совершил наречение на царство Бориса Годунова. Об этом событии вспоминает А.С.Пушкин в трагедии "Борис Годунов":

Заутра вновь святейший патриарх,
В Кремле отпев торжественный молебен ,
Предшествуем хоругвями святыми,
С иконами Владимирской, Донской
Воздвижется; а с ним синклит, бояре,
Да сонм дворян, да выборные люди,
И весь народ московский православный,
Мы все пойдем молить царицу вновь,
Да сжалится на сирою Москвою
И на венец благословит Бориса...

Покровительство Божией Матери и Ее заступничество было явлено через Донскую икону и в 1646 г., когда крымские царевичи Калга и Нурадын вторглись в пределы Русского государства. И снова, как и в прежние времена, русские люди вознесли свои молитвы о помощи к Божией Матери. По свидетельству "Слова известного" царь Алексей Михайлович, "воспомянув древле бывшее чудотворение и помощь на супостаты прародителям его от образа Пресвятыя Богородицы Донския, с великою верою и усердием притек к нему, моля Пречистую о заступлении". 2 января 1646 г. было совершено празднование Донской иконе, на следующий день - Крестный ход в Донской монастырь. И в том же месяце татар разгромили в Курской земле.
29 мая 1647 г. и 2 сентября 1648 г. снова возникла угроза нашествия крымских татар - и вновь по молитвам православных русских людей пред Донской иконой, Божия Матерь явила Свое заступление.
Связь образа Донской Божией Матери с иторическими событиями не утрачивается ни в XVIII, ни в XIX, ни в XX веках. Так, в память взятия Петром I Нарвы, совершившемся в августве 1704 г., митрополит Стефан Яварский написал "Слово на празднование образа Донской Богоматери".
В Донском монастыре с 1747 г. помещалась Славяно-Греко-Латинская Академия. Здесь же расположен некрополь, основанный царем Грузии Арчилом.
После Октябрьской революции Донской монастырь стал духовным центром Русской Православной Церкви, из него святейший патриарх Тихон управлял Церковью в самый жестокий и трудный период ее истории. Под покровом Донской иконы Божией Матери завершил святитель Тихон свой жизненный подвиг; здесь же, в малом Донском соборе, был он погребен после блаженной кончины 25 марта (7 апреля) 1925 г. в день праздника Благовещения Пресвятой Богородицы.
Образ Донской Божией Матери был написан великим художником древней Руси Феофаном Греком - учителем преподобного Андрея Рублева. До 1930 г. икона находилась в Благовещенском соборе Московского Кремля, слева от Царских врат. Ныне эта икона хранится в Государственной Третьяковской галерее вместе с Владимирской иконой.
В Московских храмах имеются чтимые списки с Донского образа в Богоявленском патриаршем соборе, в храме Живоначальной Троицы, что на Воробьевых горах, в храме Ризоположения, что на Донской улице.
В мае 1991 г. Донской монастырь возвращен Русской Православной Церкви. Промыслительно это событие для судьбы России. 400 лет исполнилось с того дня, когда Божия Матерь оградила столицу Руси от вражеского нашествия и благословила создание монастыря, ставшего духовной твердыней Москвы. И сегодня, когда каждому ясно, какая напряженная невидимая борьба идет за души людские, снова встает Донской монастырь в ряды духовных воинов. На наших глазах восстанавливается разрушенная духовная монастырская ограда Москвы и всей великой России.
Донская икона - это образ любви, отдающей себя до смерти " за други своя". Через него дарует Божия Матерь благодатную помощь всем, решившимся стать воинами Христовыми в духовной битве. В этой битве никто не может остаться в стороне, каждый человек должен сделать свой выбор. Необходимо и исторически справедливо поместить великую национальную святыню Русской Церкви в возрожденный монастырь. Икона должна быть среди тех, кто молитвенно обращается через нее к Божией Матери о защите и ограждении Отчизны нашей, об умножении любви и веры среди российских людей. Тогда с новой силой зазвучат в каждом сердце замечательные слова акафиста Донской иконе Божией Матери: "Радуйся, Владычице милостивая, града Москвы и страны нашея скорая Заступнице!"

Служба с акафистом
Пресвятей Богородице в день празднества чудотворней Ея иконе именуемей Донская
(месяца августа 19 дня)
На Велицей вечерни

Блажен муж: 1-й антифон.
На Господи, воззвах: стихиры, глас 1:
Приидите, верных собори, преславное избавление града Москвы воспразднуем, се бо полчища вражеская, яко потоцы воды быстротекущия, на прилежащия веси устремишася, и множество добрых воинов души своя положиша. О, чудо преславное, о, сила молитвы Богоматере! Течение неукротимое иконою преграждается и в бегство обращается, людие сия видеша, радостию исполнишася и вопияху Богородице: радуйся, победо непобедимая.
Веселится днесь светло славнейший град Москва и обитель Твоя, Богородице, яко чудотворную икону Твою тамо прославила еси чудесы Божественными, заступление Твое державное ею показавши и агаряны победивши, да вси благодарственно вопием Ти: радуйся, Благодатная, Господь с Тобою и Тобою с нами во спасение душ наших.
Дивна дела Твоя, Господи, Пречистую Матерь Твои церкви даровал еси: безпомощным скорую Послушницу, беззащитным Избавительницу крепкую, безответным теплое ходатайство, пристанище обуреваемым, погибшим взыскание, предстоящи бо Тебе, всех Владыце, молится непрестанно о всех нас.
Дивное величие Твое исповемы, Пресвятая Дево: взору веры предстоиши, яко гора величайшая добродетелей, лучами Солнца Правды, Христа, озаренная, чистотою девства присно блистающая, живоносную воду благодати Святаго Духа преизобильно изливающая на всех, с верою и любовию к Тебе притекающих.

Слава, и ныне, глас 4:
Гряди, гряди, Богородице, избавление носящи от сопротивных, Воевода еси полку святителей, яко Тобою Сына Божия познахом, Воевода еси полку мучеников, яко пред Крестом стоявшая. Тебе же Самой оружие сердце пройде, Воевода еси полку преподобных, яко Приснодева, чистотою ангелы превозшедшая, темже и нас защити, едина Заступнице Преблагословенная.

Вход. Прокимен дне и чтения Богородичная.
Бытия чтение (глава 28):
Изыде Иаков от студенца клятвеннаго и иде в Харрань. И обрете место, и спа тамо, зайде бо солнце; и взят от камения места того, и положи возглавие себе, и спа на месте оном, и сон виде: и се лествица утверждена на земли, еяже глава досязаше до небес, и ангели Божии восхождаху и низхождаху по ней. Господь же утверждашеся на ней и рече: Аз Бог Авраамов, отца твоего, и Бог Исааков, не бойся: земля, идеже ты спиши на ней, тебе дам ю и семени твоему. И будет семя твое, яко песок земный, и распространится на море, и ливу, и север, и на востоки, и возблагословятся о тебе вся колена земная и о семени твоем. И се Аз с тобою, сохраняяй тя на всяком пути, аможе аще пойдеши, и возвращу тя в землю сию, яко не имам тебе оставити, дондеже сотворити Ми вся елика глаголах тебе. И воста Иаков от сна своего, и рече: яко есть Господь на месте сем, аз же не ведех. И убояся, и рече: яко страшно место сие, несть сие, но дом Божий, и сия врата Небесная.

Пророчества Иезекиилева чтение (главы 43 и 44):
Тако глаголет Господь: будет от дне осмаго и прочее, сотворят иереи на олтари всесожжения вашего и яже спасения вашего, и прииму вы, глаголет Адонаи Господь. И обрати мя на путь врат святых, внешних, зрящих на востоки, и сия бяху затворена. И рече Господь ко мне: врата сия затворена будут и не отверзутся, и никтоже пройдет сквозе их, яко Господь Бог Израилев пройдет ими, и будут затворена. Яко игумен сядет в них снести хлеб. По пути еламских врат внидет и по пути его изыдет. И введе мя по пути врат святых, сущих к северу, прямо храму, и видех, и се испольнь славы храм Господень.

Притчей чтение (глава 9)
Премудрость созда себе дом и утверди столпов седмь. Закла своя жертвенная, и раствори в чаши своей вино, и уготова свою трапезу. Посла своя рабы, созывающи с высоким проповеданием на чашу, глаголющи: иже есть безумен, да уклонится ко мне. И требующим ума рече: приидите, ядите мой хлеб и пийте вино, еже растворих вам. Оставите безумие, и живи будете, и взыщите разума, да поживете, и исправите разум в ведении. Наказуяй злыя, приимет себе безчестие, обличаяяй же нечестиваго, опорочит себе. Обличение бо нечестивому - раны ему. Не обличай злых, да не возненавидят тебе, обличай премудра, и возлюбит тя. Даждь премудрому вину, и премудрший будет, сказуй праведному, и приложит приимати. Начало премудрости - страх Господень, и совет святых - разум. Разумети бо закон помысла есть благаго: сим бо образом многое поживеши время, и приложатся тебе лета живота.

На литии стихиры, глас 2:
Осуждения избави, Пресвятая Богоневесто, и лютых прегрешений смиренную мою душу, и смерти измени молитвами Твоими и даруй оправдание получити в день испытания, еже получиша святых собори; покаянием очищена мя прежде конца покажи и слезными излиянии.
Слезы покаяния, яко миро многоценное, в чистый плат со тщанием собираеши, Заступнице, да егда Страшному Суду грешная душа предстанет, плат сей, слезами исполненный, на весы Божия правосудия возложиши, да не имущей, чим грехи покрыти, милосердие Божие приклониши и адския муки молением крепким свободиши, кающихся прибежище.

Слава, и ныне, глас тойже:
Слезами радости паче жемчуга икона Твоя, Дево, украшается, множество плачущих нечаянную радость обретают, грешницы от внезапныя смерти избавляются, молитвами Твоими, Всещедрая.

На стиховне стихиры, глас 8:
Славное иконы Твоея на поле брани пришествие, Богородице непорочная, песнословим здесь и Твое державное нам заступление от нашествия агарян достойно празднуем, яко бо, Мати сущи Живота, от напрасныя смерти неповинных избавила еси и грады и веси от огня и меча сохранила еси, Путеводительнице Неложная нашего спасения.

Стих: Помяну имя Твое во всяком роде и роде.
О, преславнаго чудесе! О, божественнаго к нам, грешным, долготерпения, яко нашедшим на землю нашу лютым врагом и вере зело поругаемей, непостижимое возмездие от иконы совершается. Зрите убо, людие российстии, колико может молитва Девы Пречистыя, како древних чудес подобие днесь нам является, како страх смерти на враги обращается, беззащитный же град, вопли жен оглашаемый, веселием и радостию внезапу исполняется. Слава Тебе, Заступнице наша Благая и Скорая.

Стих: Слыши, Дщи, и виждь, и приклони ухо Твое.
Что Тя наречем, Пречистая? Реку ли тиху и многоводну, яко скорбъми изсушенная сердца наша и благодатию напаяеши? Стену ли необориму Христовы Церкве, стража ли града неусыпна, яко спасаеши от враг видимых и невидимых? Темже, от напастей внезапных избавляемии, возопиим Владычице: радуйся, Всемилостивая, надежды верных не посрамляющая.

Слава, и ныне, глас 4:
Преславная днесь совершаются, Взбранная Воевода и Царица Небесная грядет Сама на супостаты и чудотворную икону, яко щит несокрушим, противу злочестивых поставляет, страхом велиим и смятением полчища вражия поражает, в бегство неудержимое обращает, спасающи от огня и лютых град и чада Своя.

Тропарь, глас 4:
Заступнице верных Преблагая и Скорая, Пречистая Богородице Дево! Молим Тя пред святым и чудотворным образом Твоим, да якоже древле от него заступление Твое граду Москве даровала еси, тако и ныне нас от всяких бед и напастей милостивно избави и спаси души наша, яко Милосердая.

На Утрени

На Бог Господь: тропари по уставу.
По 1-м стихословии седален, глас 1:
Твоего милосердия сподобившеся, Богородице Дево, благодарственная Тебе приносим, зраку Пречистаго лица Твоего молящеся и давидски вопиюще: Ты еси гора, усыренная и колесница Божественная, носящая Спаса душ наших.

Слава, и ныне, праздника.
По 2-м стихословии седален, глас 4:
Бездну благоутробия рождшая, Дево, источник милости нам источаеши, к Тебе верою прибегающим, явилася бо еси спасение душ наших.

Величание:
Величаем Тя, Пресвятая дево, и чтим образ Твой святый, имже дивную победу на агаряны православным даровала еси.

Ино величание:
Величаем Тя, Пресвятая Дево, и чтим образ Твой святый, имже заступление дивное граду Твоему даровала еси.

Слава, и ныне, праздника.
По полиелеи седален, глас 1:
Радуйся, Благодатная Богородице Дево, предстательство и прибежище рода христианскаго, из Тебе возсия Солнце правды, Христос Бог Наш, и веселится богохранимый град Москва, восприем чудотворную Твою икону и Превечнаго Твоего Младенца, подающаго нам велию милость.

Слава, и ныне, праздника.
Таже степенна, 1-й антифон 4-го гласа.
Прокимен глас 4: Помяну имя Твое во всяком роде и роде. Стих: Слыши, Дщи, и виждь, и приклони ухо Твое. Всякое дыхание: Евангелие от Луки, зачало 4.

По 50-м псалме стихира, глас 6:
Знамение победное видевше, восхвалим Возбранную Горних Сил Воеводу, Всемощную Заступницу. Образ Твой чудный чтим, Пресвятая Дево, имже скорое заступление Твое получаем, Покров бо еси наш, дивную силу онаго издревле ведуще, имя Твое призываем. Приидите, все вернии, поклонимся образу Донския Божия Матере, град бо наш от огня и меча защищает. Возблагодарим же и Владыку Господа и Честному Кресту Его поклонимся, Сим бо побеждаем враги наша, зле нам досаждающия.

Канон, глас 4:

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся Тоя чудеса.
Отверзи слух мой, Богоизбранная Дево, во еже разумети словеса откровения и познати путь спасения, да веру иму твердую Избавителю Богу и воспою предивное Его о нас промышление.
Отверзи, душе моя, очи веры, и узриши многая благодеяния Божия Матере, во дни тяжких обстояний отечеству нашему издревле являемая, и воспой, радующися, милостивое Тоя заступление.
Немощных здравие, разслабленных исцеление, обидимых защищение, от насилия и злобы спасение, скорбных в нуждах Помощнице, не перестай молитися о чтущих Тя.
Познай, душе моя, силу Честнаго и Животворящаго Креста Господня, сим бо присно побеждаем полки враг видимых и невидимых, молитвами Богородицы и всех святых, в земли Российсей просиявших.
Слава: Грозное Божественное прещение врази разумеша пришествием чудотворнаго образа Твоего, Небесная Царице, страхом бо одержими, в бегство внезапное обратишася, силою свыше гонимии.
И ныне: Глас хвалы и благодарения приносим Ти, Владычице, и покланяемся пречистому образу Твоему, имже многажды на агаряны победу даровала еси и рог наш вознесла еси, Защитнице скорая рода христианскаго.

Песнь 3

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе, венцев славы сподоби.
Житейскими попечении и сластьми искушаемии, Тебе, источнику тишины и богомыслия, песни приносим: утли жажду духовную, ум наш к Небу возведи, превышшая Горних Сил.
Ума моего просвещение, воли слабыя укрепление, сердца унылаго радование Ты еси, Преблагословенная, молю Тя усердно: вся силы души моея обнови.
Слава Тебе, Всенепорочная, любящим Тя девам неотъемлемое сокровище, целомудрия источниче, Небесныя сладости откровение, уныния и печали истребление, смиренных и боголюбцев венчание и постников удобрение.
Изглади грехопадения юности, приими покаяния старости моея, Царице Небесная, се бо от чрева матере моея даже доныне враг не отступает, не попусти мя творити похоти его, но узы греховныя разреши и помилуй мя.
Слава: Како умолю Тя, Богоневесто, усты, злословия исполненными, или кую песнь вознесу, совестию обличаемь? Возмогу ли познати истину, лжи сослужитель, сосуд гнева Божия сый? Но, Жизнодательнице, страстьми умерщвленную душу мою оживи.
И ныне: Врагу лютому подступающу, многое множество старцев и жен простирают Ти немощнеи руце с воплем крепким: прииди, Мати Милосердия, прииди, от лютыя смерти избавляющая, ускори спасти град и люди Твоя.

Седален, глас 8:
Блажим Тя, вси роди, Богородице Дево, в Тя бо Невместимый Христос Бог наш вместися благоволи, день бо и нощь молишися о нас, и роди христианстии Твоими молитвами утверждаются. Тем воспевающе, вопием Ти: радуйся, Благодатная, Господь с Тобою.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный, Нетленною Дланию, и спасе зовущия: слава, Христе, силе Твоей.
О, великая сила слез! О, незлобие Владыки! За мене, падшаго, Сам страждет! Ты же, Богомати, у Креста Сына Своего стоявшая, неизследную глубину Божия снизхождения нам покажи и неосужденно причаститися святых и страшных Таин сподоби.
Мати чада злонравнаго побеждается сердоболием и не может его презрети, темже паче Ты, Благоутробная, преукрашенное жилище Божия снизхождения, мене, последнейшаго, не оставляеши и друг друга тяготы носити нас научаеши.
Облистай мя светом Божественнаго лика Твоего, Отрадо моя Пречистая, да нощная вознесу Ти моления, услыши воздыхания немолчная и памятию смертною от прелести греха спаси.
Плачет старость моя, лишися бо сынов и дщерей, несть опоры в жизни одиноцей, но буди мне столп и крепость, свобождение печалей, Благая Утешительнице, и до конца дний моих сохрани мя от зла.
Слава: Неизреченною силою благодати возбрани скверным помыслом, обуревающим мя, Дево Чистая, запрети им, и далече отгони, и Божественных песнопений делателя мя сотвори, да неленостно послужу Богу моему.
И ныне: Воинств благопоспешение, борцев мужество, храбрых споборнице, Воеводо Взбранная, молим Тя крепость оружию нашему даровати, да низложены будут востающии на ны, Тобою бо победы воздвижутся.

Песнь 5

Ирмос: Ужасошася всяческая о Божественней славе Твоей, Ты бо Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя, мир подавающая.
Прамати Ева, в Раю согрешивши, мук рождения содела мя причастну, но Ты, Благодатная, неболезненно Христа рождшая, чадородия ради душу мою спаси.
Яко цвет сельный, явися чадо мое в мир скорбей и дыханием смерти уже опалися, но по слову Господню воспою: блаженно детство, ибо Царство Небесное наследит, Ты же, Владычице, прекращение воздыханий, Сама, якоже веси, скорбь мою облегчи.
Очи Твои светлыя с любовию на нищих призирают, и рука всегда сиротам и вдовицам простерта, славим неусыпное о них ходатайство и, образ Твой честный лобызающе, просим: не отврати лица Твоего от нас, в нужде ожесточенных.
Тайны грех моих обличение ужасает мя, Пречистая, но ничтоже возможно утаити от Всевидящаго Ока, се прибегаю к Твоему милосердию, даждь ми силу к покаянию и Твоими молитвами покрый мою наготу.
Слава: Гнев, ревнование и злоба в души моей гордей и тщеславней гнездятся, сам падаю и падших осуждати дерзаю, к Тебе прибегох, обуреваемых Спасительнице, страстей моих смрадное море изсуши.
И ныне: Ужасает мя день Суда Божия, Господу бо ведома вся помышления, не надеюся на добрая дела моя, несть бо тех у мене, но прошу молитв Твоих, грешных Споручнице.

Песнь 6

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
Окаянную мою душу, влекомую лукавыми страстьми, свободи из плена, падших востание, радуется бо Владыка Твоему о грешных предстательству, прошения Твоя, яко Сын, исполняяй.
Воздыхания тяжкая слышиши, Преблагословенная, скорбь сердца моего ведущи, миро утешения и вино веселия возлей на раны душевныя, мрак уныния прогоняющи.
Помышляю труды подвижников: пост непрестанный, слезы сокрушения, молитвы всенощныя, послушание нелицемерное, терпение поношений, ужасаюся, Мати Судии Праведнаго, моему нерадению о спасении, от сна безчувствия мя пробуди.
Сущии во аде не могут Господа молити, Ты же, Всемощная Предстательнице, яко Мати, дерзновение к Сыну имаши, молим Тя о сродницех наших и всех преставльшихся, испроси им грехов разрешение.
Слава: В смертный час слышу глас Господа, пророком вещающ: предостави Ми чад твоих, Аз поддержу и препитаю сирых твоих. И Ты, Мати Божия, буди чадом моим прибежище в день скорби.
И ныне: На поли брани смерть царствует, Ты же, Владычице, верным воином молитвою матере жизнь сохраняеши, убиенных же души в Царство света незаходимаго вселяеши и тако от вечныя смерти избавляеши.

Кондак, глас 8:
Взбранной Воеводе, победительная, яко избавльшеся от злых, благодарственная восписуем Ти, раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Икос:
Ангел Предстатель с Небесе послан бысть рещи Богородице: радуйся! И, со безплотным гласом воплощаема Тя зря, Господи, ужасашеся, и стояше, зовый к Ней таковая:
Радуйся, Еюже радость возсияет;
Радуйся, Еюже клятва исчезнет.
Радуйся, падшаго Адама воззвание;
Радуйся, слез Евиных избавление.
Радуйся, высото, неудобовосходимая человеческими помыслы;
Радуйся, глубино, неудобозримая и ангельскима очима.
Радуйся, яко еси Царево седалище;
Радуйся, яко носиши Носящаго вся.
Радуйся, звездо, являющая Солнце;
Радуйся, утробо Божественнаго воплощения.
Радуйся, Еюже обновляется тварь;
Радуйся, Еюже покланяемся Творцу.
Радуйся, Невесто Неневестная.

Акафист
Пресвятей Владычице нашей Богородице в честь и память чудотворныя иконы Ея нарицаемыя Донския

Кондак 1
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую от всяких нас бед свободи, да зовем Ти:
Радуйся, Владычице милостивая, в напастех скорая Заступнице (в обычные дни).
Другой припев:
Радуйся, Владычице милостивая, града Москвы и страны нашея скорая Заступнице (на день праздника 19 августа).

Икос 1
Архангела благовестие слышавши о неведомем зачатии, Дева Пречистая соизволи воле Господа Своего и со смирением от боголюбивейшаго сердца отвеща: "Се раба Господня, буди Мне по глаголу твоему". Мы же дивящеся, како Сын Божий Сын Девы бывает, со Гавриилом Благодатную песньми почтим:
Радуйся, Отроковице, от всех родов Богоизбранная;
Радуйся, скиние, Духом Святым осененная.
Радуйся, живоносная обитель Света Божественнаго;
Радуйся, Мати Божия, Спаса миру рождшая.
Радуйся, Приснодево, пророков исполнение;
Радуйся, Богоневесто, Бога Слова плотию облекшая.
Радуйся, яко Тобою, Владычице, Невидимый нам видим бысть;
Радуйся, Всепетая, яко сотвори Ти величие Сильный.
Радуйся, яко почитанием икон Твоих величие сие возвещаем;
Радуйся, благодать и милость чудотворною иконою нам являющая.
Радуйся, Владычице милостивая, в напастех скорая Заступнице.

Кондак 2
Видяще Тя, Богородице, во объятиях Христа Младенца держащую и главу к Пречистому лику Его кротце приникшую, разумеваем божественную любовь Твою и непрестанное о мире предстательство. В шуйце имаши плат чистый, знаменуя благословенный дар Сына Твоего, во еже слезы плачущих скоро осушати, да никтоже от Тебе неутешен изыдет. Веруем, яко имаши велие дерзновение ко благосердию Владыки, вся от Него испросити могущи, и Богу, давшему нам Благую Заступницу, благодарственно поем: Аллилуиа.

Икос 2
Разум немощный не может постигнути высоту смиреннаго служения Твоего, Госпоже, на земли Искупителю нашему, не имевшему где главу подклонити. Орудие смертоносное прохождаше сердце Твое, Пречистая, во вся дни уничижения и страдания Сына невиновнаго. Недоумеем песнословити по достоянию величие души Твоея, толикия скорби претерпевшия; обаче побеждаеми любовию Твоею с сокрушением сердца глаголем:
Радуйся, незлобивая Агнице, вертеп и ясли смиренно приявшая;
Радуйся, Богоприимца скорбное проречение в сердце начертавшая.
Радуйся, Мати Света, во тьму египетскаго идолослужения со Младенцем безтрепетно бежавшая;
Радуйся, Спутнице странствию Владычню неразлучная.
Радуйся, поношению Праведника сострадавшая;
Радуйся, крестный путь Сына Человеческаго слезами оросившая.
Радуйся, муки Распятаго сердцем разделившая;
Радуйся, безмолвным Кресту предстоянием послушание воле Отца явившая.
Радуйся, гробу Сына Твоего благосердый плач принесшая;
Радуйся, Чистая, и красуйся, Богородице, о востании рождества Твоего.
Радуйся, Владычице милостивая, в напастех скорая Заступнице.

Кондак 3
Сила Вышняго содела Тя, Благодатная, источник неоскудевающ утешения бедствующим, многи бо скорби претерпевши, можеши и искушаемым помощи. Людем Российским люте страждущим от нашествия агарян , благоволила еси явити образ Твой в струях реки Дона и Знамение милости Твоея ко Отечеству нашему в защиту от враг видимых и невидимых, от них же избавляеми, поем победителю Богу: Аллилуиа.

Икос 3
Имуще Тя первую Подвигоположницу, шествующую по стопам Владыки Христа, мужества исполняхуся первосвятитилие Московстии и подвижницы благочестия, учаще народ духом Господеви работати, беды и напасти терпети, ибо сила Божия в немощи совершается. Мы же, видяще веру отец наших и явление благодати, нравы злыя в добрыя претворившую и вражду племен по единство крепкое обратившую, достойно Тя, наставницу верных ублажаем:
Радуйся, насаждение веры и благочестия;
Радуйся, образе несокрушимаго скорбей терпения.
Радуйся, надежды несумненныя оправдание;
Радуйся, духа уныния и боязни отгнание.
Радуйся, духа разума и крепости стяжание;
Радуйся, в струях донских икону Твою чудно явившая.
Радуйся, потоки слез народных Ею изсушившая;
Радуйся, многострадальныя Руси извечная Помощнице.
Радуйся, печальников святых земле российстей возрастившая.
Радуйся, Владычице милостивая, в напастех скорая Заступнице.

Кондак 4
Буря превеликаго нашествия агарянскаго потрясе землю Русскую, но не возможе угасити пламень веры в Покров Твой, Пречистая. Великий печальник наш преподобный Сергий, призвав на помощь Святую Троицу и Тя, Владычице, со упованием благослови великаго князя Димитрия с дружиною в поход противу злочестивых, прорекше: "Победиши враги твоя", темже научи всех пети всесильному Богу, в Троице славимому: Аллилуиа.

Икос 4
Слышав о пришествии на поле брани Куликовския честнаго образа Твоего, Заступнице, и, прияв от рук иноков послание преподобнаго Сергия с напутием "Да поможет ти Бог и Святая Богородица", возрадовася князь Димитрий, яко Сама Владычица грядет на супостаты, и, воспрянув духом, поведе воины на тьмочисленныя полчища, и победу одержа. Мы же, взирающе на образ Твой, некогда, яко хоругвь пред ратью носимый, радостно поем похвальная:
Радуйся, пришествием образа Твоего лучами Солнца Правды верных облиставшая;
Радуйся, Небесная Воеводо, Мати Господа сил.
Радуйся, Еюже силы Горния на враги устремляются;
Радуйся, Еюже демонския козни внезапу разрушаются.
Радуйся, иноков Пересвета и Ослябю на подвиг ратный укрепившая;
Радуйся, воином мужства неодолимаго дарование.
Радуйся, врага исконнаго грозное низвержение;
Радуйся, Отечество наше от ига агарянскаго свободишая.
Радуйся, славную победу православным даровавшая.
Радуйся, Владычице милостивая, в напастех скорая Заступнице.

Кондак 5
Богоявленою звездою возсия икона Твоя пресветлая, озаряя сердца верных воинов на брань подвигшихся со агаряны. Весь день той предстояше преподобный Сергий престолу Святыя Троицы, пророку Даниилу подражая, моляся Богу и Тебе Царице Небесной, да избавлено будет Отечество от челюстей вражиих. Вечеру уже бывшу победу старец духом провозгласи и благодарственное пение соверши, призывая и нас ныне велегласно воспети Всещедрому Богу: Аллилуиа.

Икос 5
Провиде очами веры течение велией битвы, призывая Божие благословение на ратоборцев поименно поминаше преподобный Сергий убиенных воинов. Мы же, имея завет его память о таковых особо творити, видяще силу молитвы, победу оружию приносящей, сице просим всемощную Покровительницу воинства нашего:
Радуйся, воинов непреоборимя Споборнице;
Радуйся, прискорбная за Отечество терпети их научающая.
Радуйся, воинский долг совершенно исполнити помогающая;
Радуйся, меч гнева Божия смелым вручающая.
Радуйся, из терния злостраданий венец победы соплетающая;
Радуйся, во бранех силу духа даже до подвига возвышающая.
Радуйся, больных и ранами уязвленных не оставляющая;
Радуйся, убиенных на поле брани вечному покою приобщающая.
Радуйся, родителей скорбных благодатное утешение;
Радуйся, Взбранная Воеводо, имущая державу непобедимую.
Радуйся, Владычице милостивая, в напастех скорая Заступнице.

Кондак 6
Провозвестник спасения Москвы от внезапнаго нашествия крымскаго хана явися образ Твой, Заступнице скорая, с верою и слезным молением обнесоша его людие по стенам и стонам града и поставиша среди воев в походной церковице Сергия преподобнаго. Враг нападе в канун праздника Сергиева и кровию оросишася прилежащия веси. Грозной нощи наставшей, супостатом во град внити готовым, малочисленнии защитницы токмо на помощь свыше уповаху, и Всемилостивому Спасу в вере непоколебимой взываху: Аллилуиа.

Икос 6
Возсиявшу солнцу, узреша стрегущии, яко опусте стан агарянский: нощию страх нападе на хана от некия велия силы, и бежаша неудержимо полки нечестивых даже за пределы Российстии и вси изгибоша. О, предивная Заступнице наша и богоносне отче Сергие, вашими молитвами скорое избавление сие бысть. Да исполнится же древний храм сей, возвысившийся на месте, идеже стояше чудотворный образ Донский, гласом хвалы сея:
Радуйся, града Москвы страже неусыпающая;
Радуйся, миротворца князя Даниила начало величию Москвы положити сподобившая.
Радуйся, молитвами святителей и Сергия преподобнаго град ограждающая;
Радуйся, преизящными храмы первопрестольную украсити изволившая.
Радуйся, многажды град со святынями всецело сохранившая;
Радуйся, в день лют плач верных чад в радость претворившая.
Радуйся, коварнаго врага внезапным бегством истребившая;
Радуйся, надежду на помощь Твою не посрамившая.
Радуйся, Благодатная, яко Тобою с нами Бог.
Радуйся, Владычице милостивая, в напастех скорая Заступнице.

Кондак 7
Восхотевши оградити Русь православную, Державная Покровительнице наша, многажды козни агарян и прочих враг разоряше, пределы страны нашея хранящи, и победы даже без крови даяше. Сего ради навыкоша людие издревле на всяко лет чествовати икону Твою и, яко знамение заступления и победы, по граду Москве с крестным ходом носити и велелепно провожати даже до Донския обители, немолчно взывая Спасителю Богу: Аллилуиа.

Икос 7
Новаго стража неусыпнаго града Москвы достойно почтити хотя, соборный храм начертание и образ четвероконечнаго креста имущий, людие благочестивии в Донстей обители соорудиша. На крылех храма воздвигоша изображение Донския иконы Твоея, Воеводо Взбранная, знаменуя сим божественное ограждение страны нашея, да отовсюду находящии врази отражени будут непобедимою силою Креста Господня и неотступными молитвами Твоими. Тебе же, яко выну сущей с нами, со умилением глаголем:
Радуйся, Бога Живаго храме одушевленный;
Радуйся Боголюбивая, страну Российскую достоянием Своим избравшая.
Радуйся, око недремлющее, козни вражии прозирающее;
Радуйся, доброе пристанище душам, ищущим спасения.
Радуйся, нощных бдений и молебных пений скорое слышание;
Радуйся, в сретение Сына Своего, с крестным ходом грядущаго, исходящая.
Радуйся, свеще неугасимая, светочи веры воспламеняющая;
Радуйся, силою веры от смерти избавляющая.
Радуйся, града Москвы и страны нашея всемощная Предстательнице.
Радуйся, Владычице милостивая, в напастех скорая Заступнице.

Кондак 8
Странно сумнящимся видети, како Русь нестроением разделенная не токмо от ига освобождается, но и велия держава содевается. Ты же, Госпоже Владычице Небесная, Великую и Малую Россию возсоединити благоволившая и силу Отечества в союзе мира и любве тем показавшая, укрепи правую веру в стране нашея и простри Покров Твой на воспевающими Вседержителю Богу: Аллилуиа.

Икос 8
Весь мир страждет грех ради человеческих, во зло его повергающих. Се бо от гордости ищущих тленныя славы и зависть исконнаго врага диавола восприявших рождаются кровопролитныя брани. Благодаряще Тя, Заступницу Державную, за присное избавление Отечества нашего от нашествия язык иноплеменных, просим Тя в мире глубоце вселенную сохранити, Тебе бо дадеся благодать всемирнаго заступления, да вси достойно ублажаем Тя сице:
Радуйся, средостение вражды разрушившая;
Радуйся, Благодатная, яко мир введе и царствие нам отверзе.
Радуйся, Виновница Благая попрания вечныя смерти;
Радуйся, всему миру Покров предивный, тучи гнева Божия отводящий.
Радуйся, всея Вселенней похвало высокая;
Радуйся, прекращением брани радость всем приносящая.
Радуйся, Мати мира страстей волны укрощающая;
Радуйся, Отечеству нашему победы обильныя дарующая.
Радуйся, икону Твою, яко знамя побед неотъемлемое, дивно даровавшая.
Радуйся, Владычице милостивая, в напастех скорая Заступнице.

Кондак 9
Всех немощных крепосте, печальных утешение, страждущих посещение, больных врачевание, кающихся совоздыхание, врагов низложение, внезапныя смерти избавление, верных дерзновение Ты еси, Пречистая Владычице Богородице, всех скорбящих под сень Креста приводиши, да вопиют Искупителю Богу: Аллилуиа.

Икос 9
Ветии многовещанныя не могут исчести, Человеколюбивая Мати, бездну щедрот Твоих на злостраждущия и безпомощныя изливаемых. И мы, сладость утешения в нужде познавши, благословляем Тя с верою и чествуем с любовию, моления вознося пред образом Твоим сицевая:
Радуйся, безмолвие дивное в земных скорбех показавшая;
Радуйся, скорбящих и плачущих отрадо и утешение.
Радуйся, болящих милосердая Целительнице;
Радуйся, долгонедужным сладости райския ниспослание.
Радуйся, омраченным смыслом ума просветеление;
Радуйся, страждущих любовию ближних окружающая.
Радуйся, вдов и сирот незримая Питательнице;
Радуйся, страдания, яко благодати вестник, встречати научающая.
Радуйся, яко паче жемчуга слезами радости икона Твоя украшается.
Радуйся, Владычице милостивая, в напастех скорая Заступнице.

Кондак 10
Спасти хотя мир, Сын Божий из тебе, Дево, плотию облекается и благодатию Его падшее естество человеческое грехом оскверненное, очищается, осужденное оправдывается. Сие Божие о нас смотрение Тобою исполняется, яко Ты еси воистину Взыскание погибших, и Тобою от отчаяния избавляеми, дерзаем с веселием пети Искупителю Богу: Аллилуиа.

Икос 10
Стена еси несокрушимая Церкве Христовы, Всенепорочная Дево, верных бо от искушений оберегаеши, и миром и любовию ограждаеши. Сице посещаеши и домы наша, идеже лампада теплится неугасимая пред образом Твоим и воздыхания молитвенныя даже и в нощи не умолкают, зовущих Ти:
Радуйся, от купели крещения Благая Восприемнице;
Радуйся, бедствия сиротства дивное избавление
Радуйся, супругов любовию благословенною венчание;
Радуйся, беззаконнующих светом правды обличающая.
Радуйся, матерем многотрудным изрядная Помощнице;
Радуйся, чад непокорливых твердая Наставнице;
Радуйся, враждующих нечаемое примирение;
Радуйся, грехи наша в море милосердия растворяющая.
Радуйся, домов благочестивых тихое веселие;
Радуйся, немощной старости сладкое собеседование.
Радуйся, Владычице милостивая, в напастех скорая Заступнице.

Кондак 11
Пение всеумиленное приносим Ти, приятелище премудрости Божией грешных спасающей. Ты бо уготовала еси церкви трапезу, на нейже рожденный от Тебе Агнец приходит заклатися и датися в снедь верным. О Мати Слова, сподобляй нас достойно причащатися Пречистаго Тела и Крове Сына Твоего, да получивше грехов разрешение, воспоим Жизнодавцу Богу: Аллилуиа.

Икос 11
Светом силы божественныя поражаеши, Воеводо Небесная, враг видимых и невидимых; нас же, чад Своих подвизаеши на брань и облекаеши во вся оружия Божия, яко возмощи нам стати противу козней диавольских, да зовем Ти:
Радуйся, мужество со страхом Божиим в в нас вселяющая;
Радуйся, щитом веры стрелы вражии отражати помогающая.
Радуйся, мечем поста страсти отсекати научающая;
Радуйся, трезвением и бдением дух нерадения отгоняти повелевающая.
Радуйся, молитву непрестанную усердно припадающим дарующая;
Радуйся, дивно чистотою нечистые помыслы попаляющая.
Радуйся, милостынею двери милосердия отверзающая;
Радуйся, миром, яко твердым копием, диавола в трепет приводящая.
Радуйся, исполнением воли Божией паче пищи укрепляющая;
Радуйся, шлемом спасения главу смиренных венчающая.
Радуйся, Владычице милостивая, в напастех скорая Заступнице.

Кондак 12
Благодатную помощь многажды являла еси Царице Небесная, чрез чудотворный образ Твой Донский, егда смерть вскоре предстояще людем. Сего ради на обратной стране иконы древния изображено есть и всечестное Успение Твое, да всяк подвизающийся во славу Бога и на благо ближняго, не убоится смерти, но взирая, како душа Твоя приемлется в руце Бога Живаго, с надеждею предает себя Судии всех, вопия: Аллилуиа.

Икос 12
Поюще Тя, в молитвах неусыпающую Богородицу, Святей Троице предстоящую, вопием Ти: пробуди нас светом живоноснаго Успения Твоего от смертоноснаго сна нерадения о спасении души, испроси нам во еже с Господом примирения, да Тобою водимии, достигнем Царства Небеснаго, зовуще:
Радуйся, Обрадованная, во Успении Твоем нас не оставляющая;
Радуйся, земли приверженных к горнему Иерусалиму возводящая.
Радуйся, богомыслия кладезю неисчерпаемый;
Радуйся, сокрушение сердца падшим дарующая.
Радуйся, Взыскание погибших, заблудших к Богу приводящая;
Радуйся, Утешительнице, причащения Животворящих Таин сподобляющая.
Радуйся, Водительнице, от воздушных врагов души немятежное прешествие;
Радуйся, Предстательнице, грешную душу даже от ада восхищающая.
Радуйся, Воеводо воинов добрых вечною славою венчающая;
Радуйся, Благая Вратарнице, двери райския верным отверзающая.
Радуйся, Владычице милостивая, в напастех скорая Заступнице.

Кондак 13
О Всемилостивая Владычице Богородице, Российская страны дивная Заступнице, плачущих утешение, обидимых прибежище, грешных спасение. Отчечество наше от враг защити и вселенную миром благослови. Веру православную укрепи, скорби и крест со упованием понести помози. В любви и согласии всех нас соблюди и в радость Господа внити сподоби, поющих Ему: Аллилуиа. (Трижды).

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.
Аще вся веси, Бога же не веси, ничтоже веси, ищущим мудрости вития возвещает. О Мати Божия! Неизследимая глубина Божиих откровений Тобою явися, просвети мой ум, во еже Господа Искупителя познати, Бога отец наших.
Чего ради оскверняются путие грешника? Отвещает пророк Давид: того ради, яко несть Бога пред ним. Открой очи мои омраченнеи, Чистая, да познаю вездесущие Творца всяческих, Бога отец наших.
Вижду покаяние Давидово: во вретище облекается, душу постом смиряет, питие плачем покаяния растворяет, полунощи встает на молитву, моя же молитва Богом отвергается, понеже не являю трудов, ни подвигов, имже мя, Благодатная, научи.
Небесных Сил Царице, разсей облаки печали, смятения и бурю помыслов укроти, даруй ми дух сокрушения и смирения, да из глубины сердца моего принесу чистую молитву Богу отец наших.
Слава: Сердце услаждается, егда благодать Твоя является, мир, умиление и слезы раждаются, о Дево, радосте моя неизреченная, не презри мя, ожесточеннаго, но Сама посети, да мук томления избавит мя Бог отец наших.
И ныне: Никтоже избавит мя от смерти, ни родителие, ни чада, не спасет дар, ниже приношение, знаемии проводят токмо до гроба, греси же мои останутся, услыши, Милосердая, вопль мой, да спасет мя огня вечнаго Бог отец наших.

Песнь 8

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
Возраст юности и жажда наслаждения пленяют мою душу, Благодатная, но к вечному блаженству и славе святых обрати моя помышления, да славословлю Господа моего и превознесу Его во вся веки.
Волны неверия и скорбей лютых покрывают мою душу, но слышу глас Господа глаголюща: маловерный, почто усумнился еси? К Тебе прибегох, Мати Божия, спаси мя и чада моя, в Тебе бо утверждение веры имамы, да превозносим Господа Творца во веки.
Чревоугодию, нечистоте служу прилежно, за обиды местию воздаю, обличаемь, гневаюся напрасно, злословлю не оказавших ми помощи, сам же немощных презираю, о Споручнице грешных, яви долготерпение и от греха свободи мя во веки.
Невозможно есть малою слезою великия скверны омыти и огнь геенский угасити, о Всемилостивая Мати, вижду ожесточение мое и молюся Ти: даждь ми слезы покаяния, да убелю одеяние души моея.
Слава: С мольбою неотступною, надеждою крепкою припадаю Ти, Державная Владычице: зриши врага лютаго приближение, услыши в слезах притекших, востани скоро и, яко Благая, защити, да славлю Тя, Мати Бога моего во веки.
И ныне: Плач мой в радость обрати и сетование в веселие, Мати Милосердия, и гордыя замыслы враг моих сокруши, да благословит Тя всяк язык и всяка плоть отныне и до века.

Песнь 9

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.
Призри на нищету душевную и всякую горечь услади, непостыдная надеждо наша, скорбящих ободрение, плачущих скорое утешение, неистощима бо сокровища Твоя и, радующися, даеши я всем, помощи требующим.
Вкусите и видите, яко благ Господь, за любовию бо следует Господа познание. О Трапезо таинственных дарований! Сподоби мя неосужденно Животворящих Таин причащатися, во очищение грехов моих.
Пред иконою Твоею, зри, Владычице, житейское море волнуется, спаси погибающих в волнах неверия и злобою истощенных, волною Твоего милосердия изнеси на берег спасения, да зовут Ти: радуйся, от вечныя смерти избавление.
Самомнением ослеплен, навыкох укоряти брата моего. Како сообщу свет ближнему, тьмою лжи покрыт сый? Даруй ми, о Мати света, зрети моя прегрешения и брата моего согрешения терпети и с любовию исправляти.
Слава: Ангел смерти нападе на мя, презирает моления, плачу не внемлет, разлучает мя безжалостно со чады, влечет мя насильно. О Богомати, с Сыном Твоим крестныя муки разделившая, матернюю скорбь о ближних утоли.
И ныне: Землю Российскую в достояние Себе избравшая и утвердившая нас во благочестии, под покровом Твоим соблюди, Всепетая, образом Твоим честным от всех напастей сохрани, да зовем Ти: радуйся, Всемилостивая, в напастех скорая Заступнице.

Светилен:
Торжествуем днесь, правовернии, во храме Твоем, Владычице, и Ты, Пречистая, приими любовию приносимыя Тебе песни благодарственныя.

На хвалитех стихиры, глас 5:
Подобен: Радуйся.
Красуйся, страно Российская, радуйся и веселися, граде Москва, се бо святая и чудотворная Богоматере икона от донских предел чудес зарями возсия и бысть нам во спасение от нашествия иноплеменных и иных враг, видимых и невидимых, и от всякия напасти.
Радуйся, земле Российская, торжествуй и веселися, всечестный граде Москва, се образ Богородицы с поля брани грядет к тебе, се радость победы милостию Божиею возвещается, тьма убо скорби твоея ныне отгоняется, людие сладкое приемлют утешение, воспойте священницы, воспойте песни хвалебныя, величия Богоматере достойныя, припадем, вернии, к Владычице всех, да пребудут покров и милость Ея над нами во веки.
Красуйся, златоглавый чудный граде Москва, радуйся и веселися, обителе Донская, се бо шествует к тебе икона Божия Матере, руками верных, яко знамение победное, носима, блистанием зрака Своего враги прогоняющи, чадом же подающи живот и велию милость.

Слава, и ныне, глас 2:
Грядите христоименитии людие, праздник честен составим и песньми радостными воспоем Преславную Матерь Божию, яко от иконы Ея святыя, нарицаемыя Донския, заступление граду Москве явися, темже поем Тебе, Владычице, песни хвалебныя, яко Заступнице Российския земли и Ходатаице нашего спасения.

Славословие великое. Ектении. И отпуст.
На Литургии Служба вся Богородице.
Молитва первая
О Всемилостивая Мати, Пречистая Дево Богородице! Ты еси свет ума моего, радость сердца моего, сила воли моея. Услыши и приими моление мое. Призри на язвы души и тела моего, обогатихся страстьми, обнищах смирением. Исполнен есмь студа за злая дела и трепещу суда Божия. Греси юности, забвеннии и утаеннии греси отягчают совесть мою. Омый мя струями слезными, сними бремя тяжкое греховное, да сотворю плоды достойные покаяния. Тернием скорбей усыпан есть путь мой. Вем, яко правда Божия наказует мя. Умоли милосердие Божие о мне, призри на слезы моя и исправи и спаси мя и чада моя, буди ми сокровище веры и хранилище благочествия. Даруй несокрушимое терпение в бедах, от веры проистекающее, отыми дух праздности, уныния, любоначалия. Изгони гнев, зависть, памятозлобие, нечистоту, леность: сими и большими пороки недугует душа моя. Примири враждующия, оправдай оклеветанныя. Просвети нас светом Сына Твоего и даждь нам глаголати слово истины, твердое в правде, мирное любве ради, растворенное благоразумием. Посети в болезнех и печалех сущих, да вси, под державным покровом Твоим сохраняеми безбедно Царствия Небеснаго достигнем, хвалу воздавающе за вся Человеколюбцу Богу всегда, ныне и присно и во веки веков. Аминь.

Молитва вторая
О Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящия, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго иного злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики ангелов и святых тамо восхвалити Пречестное Имя Сына Твоего, со Безначальным Его Отцем и Всесвятым и Благим и Животворящим Его Духом, во веки веков. Аминь.

Протоиерей
Николай Александрович Голубцов
автор службы с акафистом
Донской иконе Божией Матери

Голубцов Н.А. родился 12 октября 1900 г. в Сергиевом Посаде в семье профессора Московской духовной академии Голубцова А.П. Здесь же, в Сергиевом Посаде, мальчиком прислуживал в алтаре храма архангела Михаила. В 1918 г. окончил гимназию, после чего был мобилизован в армию. В 1920 году поступил в Тимирязевскую сельскохозяйственную академию, которую закончил в 1924 г. Последующие 25 лет работал в отделе библиографии сельскохозяйственной библиотеки ВАСХНИЛ. Уже в эти годы для многих сотрудников и знакомых был явно открыт его дар духовного рассуждения и авторитетность слова. Когда у людей возникали огорчения в личной жизни или трудности по службе, часто кто-нибудь предлагал: "пойдите к Николаю Александровичу, он рассудит". И он это делал всегда успешно, не боясь быть втянутым в ложные взаимные отношения и тяжбы; каждому старался помочь и облегчить жизнь.
1 сентября 1949 г., в день праздника в честь Донской иконы Божией Матери, Николай Александрович был рукоположен во диакона, а 4 сентября - во священника. С этого времени и до конца жизни о. Николай служил в храме Ризоположения и в малом соборе Донского монастыря.
Весь предшествующий жизненный путь и огромная работа над собой приготовили его к пастырскому служению, выковали в нем характер и проникновенное знание души человеческой. Отец Николай очень высоко ставил путь священника, совершителя таинств и пастыря душ человеческих. Приняв священство и прощаясь со своими сослуживцами по библиотеке он сказал, что переменил "род работы", стремясь еще усерднее послужить людям, чтобы раскрыть для многих, какое утешение приносит вера в Бога и какую исцеляющую силу имеет благодать Божия для всех самых тяжких страданий людских. Один человек по робости не решался стать священником и однажды сказал о. Николаю: "Хорошо бы принять священство и умереть". "Не умереть, а начать жить!" - горячо воскликнул о. Николай.
Многие верующие москвичи скоро узнали о новом священнике и потянулся народ к "доброму пастырю", поистине отдающему всего себя заботам о многочисленных духовных детях. К нему шли со всеми запутанными узлами житейских дел и напастей, со всеми скорбями и болью - душевной и телесной. А он был со всеми ровен, тих, ко всем всегда открыт и каждого принимал так, как будто только и ждал этого прихода, чтобы дать человеку с величайшей щедростью свои душевные силы. Эта полная самоотреченность в служении людям привлекала к нему все новых и новых духовных детей.
В нем было истинное смирение любви, на нем поистине сбывались слова преп. Серафима Саровского: "Стяжи дух мирен и тысячи спасутся около тебя". "Смирение и мир - эти слова имеют один корень", - часто повторял о. Николай.
Любовь людей к о. Николаю вызывала к нему зависть, подозрительность, создавала сложность в отношениях с другими священниками и духовным начальством. Архиепископ Макарий, недовольный долгой болезнью о. Николая, говорил, что такие священники ему в Москве не нужны.
Это казалось удивительным, но несмотря на многие скорби и тяжелые болезни, он никогда и ни на кого не раздражался, со всеми был спокоен, ровен. Постоянно окруженный народом, он так много давал людям, часто буквально на ходу разрешая сложные вопросы, одним властным словом успокаивал скорбные души, вселяя бодрость и зажигая в сердцах радость, желание жить и трудиться.
О. Николай имел апостольскую власть "вязать и решать" (Мф.18.18). В его лице Господь в наши дни даровал мудрого старца по образу и подобию великих Оптинских старцев. Он был для духовных своих детей и отцом, и наставником, и другом, и опорой. Для многих из них Донской монастырь и его храм стали родным и любимейшим местом. Сюда приходили к нему на исповедь, которой о. Николай придавал огромное значение. У него был личный духовник - протоиерей Иоанн Быков, а после его кончины - протоиерей Тихон Пелих. О. Николай обладал поразительным благодатным даром исповеди, после которой человек обновлялся, сокрушался сердцем, и никогда не отходил таким, каким был до исповеди.
В Донском соборе слышали приходящие его вдохновенные проповеди, согретые любовью к людям и отвечавшие на многие жгучие вопросы нашей многотрудной жизни. Он говорил в них:
"Никогда не осуждайте людей неверующих. Жалейте их , молитесь за них. Это вы, мы все виноваты в их неверии. Если бы все христиане соответствовали своему званию, если бы мы действительно несли всегда и везде одну любовь, один свет и радость, - то неверию не было бы места на земле!".
"Покажи мне верую твою без дел твоих, а я покажу тебе веру мою из дел моих" (Иак. 2.18) - учил апостол. Вот и вы действуйте не словами, не столько убеждениями, а самим примером своей жизни. Обратите внимание: сколько встречаешь на улице лиц хмурых, недовольных, озабоченных, иногда злых. Какие мы с вами несем лица людям? Если мы проникнуты нашей верой, нашей радостью общения с Господом, если мы идем из храма от божественной службы, сами лица наши должны отражать свет, мир, быть приветливыми и просветленными. И от света убежит всякая тьма".
Когда душа смущалась и изнемогала от болезней и скорбей, о. Николай говорил:
"Вы должны радоваться, а вы скорбите. Господь не всем посылает такие испытания. Если послал вам, значит находит вас готовых к такому тяжкому кресту. Нельзя же всю жизнь быть в первом классе! Надо же расти. Господь призывает нас к внутреннему росту, посылая крест, находит, что мы найдем силы понести его. Это должно укреплять, утешать и помогать вам. Господь вас за своих считает, а вы скорбите!"
Благодать Божия явно проявлялась в нем. Приведем лишь один случай, в котором приоткрылась тайна этого духоносного старца и прозорливца. Однажды во время ранней Литургии, которую служил о. Николай в малом соборе Донского монастыря, стало плохо пожилой женщине: было видно, что она умирает, и ее положили на скамейку у дверей храма. Сразу сообщили об этом о. Николаю в алтарь и послали за "скорой помощью". В храме по обычаю горели только лампады и свечи, до скамейки свет почти не доходил. В это время о. Николай вышел из алтаря с чашей со Святыми Дарами. Он не шел - шествовал, как великий иерей, служащий Богу, и когда подошел к умирающей, стоящие рядом увидели, что в чаше со Святыми Дарами - огонь, его свет озарял лицо о. Николая, казавшееся прекрасным, неземным. Причастив умирающую, он тих сказал стоящей возле нее: "Лучше умирать в своей постельке, чем в больнице". Приехала "скорая" и женщину увезли. На следующий день узнали, что ни в одной из больниц, где побывала "скорая", умирающую не приняли и отвезли ее в конце концов домой, где она и скончалась мирно "в своей постельке", как и сказал о. Николай.
Несмотря на крайнюю занятость пастырскими трудами, о. Николай находил время для занятий богословием и духовной литературой. Им написаны две службы с акафистами - в честь Донской иокны Божией Матери и иконы Божией Матери "Взыскание погибших", утвержденные Святейшим Патриархом Алексием I.
С большой любовью занимался о. Николай церковным искусством, им написан большой труд, посвященный изучению богословского содержания иконы "Святая Троица" преподобного Андрея Рублева.
Кончина о. Николая была истинно христианской: он исповедался, соборовался и причастился, затем углубился в молитву и вскоре тихо скончался. Случилось это 20 сентября 1963 г. в канун праздника Рождества Пресвятой Богородицы.
Отпевали его три архиерея и около тридцати священников, собралось множество народа. По воспоминаниям у всех присутствовавших на погребении в сердце была Пасха. Гроб с телом почившего обнесли вокруг храма и препроводили на Введенское кладбище в Москве.
Кто-то из бывших на погребении сказал об о. Николае: "Он был последний московский духовник". Осиротел после кончины о. Николая дивный храм в Донском монастыре, но память о добром пастыре и старце хранится во многих сердцах.
Апостол Павел в послании к Евреям говорит: "Поминайте наставников ваших, которые проповедывали вам Слово Божие, и, взирая на кончину их жизни, подражайте вере их" (Евр. 13. 7). И пусть эти заметки станут знаком благодарной памяти тому, кто "жил Крестом и на Кресте", как сказал об о. Николае митрополит Антоний Сурожский. Все служение о. Николая прошло под покровом Божией Матери и образа Ее Донского, усердным почитателем которого он был.
До сего дня хранит Донской собор особый дух, молитвенность, благоговейное пение. И не случайно в храме с гробницей великого печальника и молитвенника за землю Русскую - Святителя Тихона, Патриарха Московского и всея России, - до последнего вздоха служил Богу и людям замечательный пастырь и старец из числа тех, чьей верой, молитвой и подвигом живет и прославляется Церковь Христова.

ЛР №060430 от 25.11.1991 г.
Формат 60х90/16.
Печать офсетная. Тираж 30 000 экз.
Заказ № 580

Изд. "Журнал храм"
119021 г. Москва, а/я 573
Отпечатано с готовых диапозитивов.
Полиграфическая фирма "Красный пролетарий"
103473, Москва, Краснопролетарская, 16

Прим. в акафисте в икосах 3, 4, 6, 7, 8, 9 - по 9-ти хейретизмов, в остальных - 10.