Кондак 1
Избранней от рода человеческого во спасение наше блаженней Отроковице Приснодеве Марии, яко избавльшеся Тобою от злых, похвальная воспоим Богородице. Ты же, яко имущая благодать все прошения наша к Творцу всех приносити и во благих их исполняти, ныне моления наши прими, да зовем Ти:
Радуйся, Всемилостивая Владычице, теплая о нас к Богу Молебнице!

Икос 1
Ангел предстатель с небесе послан бысть рещи Богородице: радуйся, и Матерь Господа и всех Владыки Тя зря, ужасашеся, радость Боговоплощения Ей возвещая. Мы же, подражая ему, зовем к Ней таковая:
Радуйся, молитвенная наша Радосте!
Радуйся, всех зовущих к Богу Сладосте!
Радуйся, благодати Божия Откровение!
Радуйся, молитвы благоприятное кадило!
Радуйся, молитв наших к Богу приношение!
Радуйся, по вере нашей всех прошений исполнение!
Радуйся, Всемилостивая Владычице, теплая о нас к Богу Молебнице!

Кондак 2
Видяща Тя Владычице, яко теплую Молебницу о душах наших, все прошения наша к Богу приносяща и во благо их исполняюща, все вернии радости исполняются, о Тебе Богу поя: Аллилуйя!

Икос 2
Разум неуразумеваемый разумения ищущи, все вернии в недоразумеваемых обстояниях к помощи Твоея прибегают, о Владычице, через Твое заступление вразумления и помощи Божией просяще, по вере своей исполнение прошений своих улучают. Сего ради вопиют Ти:
Радуйся, о самых скудоумных к Богу верная Просительнице!
Радуйся, всем просящим разума Подательнице!
Радуйся, в в неудоборазумеваемых обстояниях вразумление!
Радуйся, от хитросплетений суетного лживого века сего избавление!
Радуйся, тайны воли Божией верным открывающая!
Радуйся, всех верных по воли Божией жити научающая!
Радуйся, Всемилостивая Владычице, теплая о нас к Богу Молебнице!

Кондак 3
Силою, данною Ти свыше, улучила благодать отирати всякую слезу от лица люте страждущих, от бед их избавляти, все прошения благие к Богу приносити и и во благих их исполняти. Сего ради все спасении Тобою и поют Ти: Аллилуйя!

Икос 3
Имуще воистину благодать Мати Дево молитися за ны, всем бедам нашим сострадати, все моления и воздыхания слезныя к Тебе прибегающих принимати и прошения наши к Богу возносити. Сего ради, имуще таковую твердую Предстательницу и Молебницу нашу, неумолчно Тя песнословим:
Радуйся, о самых грешных и отверженных Верная к Богу Предстательнице!
Радуйся, о всех нуждах надежная наша Просительнице!
Радуйся, молитвенное наше ограждение!
Радуйся, всех прошений наших к Богу приношение!
Радуйся, всех верных к Богу дерзновение!
Радуйся, во благих желаний наших исполнение!
Радуйся, Всемилостивая Владычице, теплая о нас к Богу Молебнице!

Кондак 4
Бурю внутрь имея помышлений сумнительных, сыны суетного века сего, не ведая силы молитвы Матери Творца всяческих, недоумеют, како вернии к заступлению Твоему прибегают, во всех недоразумениях и обстояниях помощь от Тебя получают, о Тебе Богу рече: Аллилуйя!

Икос 4
Слыша тебя яко добрую Молебницу, верную к Богу Споручницу и Ходатаицу о нас, недостойных и грешных, все вернии к заступлению Твоему прибегают, чая от Тебя во всех недоумениях вразумление, от всех скорбей избавление и на радость их приложение и во благих прошений своих исполнение от тебя получити. Тако, непреложное упование на ходатайство Твое возложив, каеждый по мере веры своея исполнение прошений своих получает. Сего ради и поем Ти, реша:
Радуйся, непреложное наше упование!
Радуйся, молитвенное наше к Богу дерзновение!
Радуйся, кающихся грешников спасение!
Радуйся, всех скорбей на радость преложение!
Радуйся, душ и жития нашего доброе устроение!
Радуйся, и по смерти наше доброе упование!
Радуйся, Всемилостивая Владычице, теплая о нас к Богу Молебнице!

Кондак 5
Боготечную звезду воиситину узреша Тя все молящиеся к Тебе и во всех скорбных обстояниях к Тебе прибегающие, яко всех на заступление Твое надеющимся воистину молитвенное ограждение явилася еси, вопиющим о Тебе Богу: Аллилуйя!

Икос 5
Видеша Тебя, Христа Бога нашего Мати, родшую всех Владыку Творца, воистину всем во всем добрую Заступницу и Молебницу Тя исповеда, сего ради вопиют Благословенней:
Радуйся, Источние, благодатию Божию преизливающийся!
Радуйся, море, милосердия Божия исполненное!
Радуйся, ниво Божия, растящая изобилие щедрот!
Радуйся, всех верных насыщающая трапезо!
Радуйся, щите, от всех бед и скорбей века сего нас защищающий!
Радуйся, мечу, все вражеские поползновения надежно посецающий!
Радуйся, Всемилостивая Владычице, теплая о нас к Богу Молебнице!

Кондак 6
Проповедницы бывши все, к заступлению Твоему прибегающии и улучившии от Тебя милости, иже во всякой скорби утешение от Тебя обретают и во благих исполнение прошений своих по молитвам к Тебе получают, поя Богу о Тебе: Аллилуйя!

Икос 6
Возсия нам благодать Твоя, Богородице, яко свет и просвещение Истины, иже есть Господь наш Иисус Христос, яко Тобою в мир прииде и спасл еси всех причастников Того благодати. Сего ради, воспевая славное Рождество Твое, Им же избавльшеся от вечныя смерти к Богородице вопиим:
Радуйся, верная наша Молебнице!
Радуйся, всесильная наша Заступнице!
Радуйся, самых отчаянных непостыдная Надеждо!
Радуйся, всеми отверженных спасение!
Радуйся, Рождеством Своим державу ада разорившая!
Радуйся, породителя смерти Плодом Чрева Своего поправшая!
Радуйся, Всемилостивая Владычице, теплая о нас к Богу Молебнице!

Кондак 7
Хотяща всем верным непреложное упование даровати, весь мир христианский своими благодатными иконами исполнила еси. Среди них и земля наша Русская светло красуется, изобилуя чудотворными иконами Твоими. Сего ради вси православнии чудяся таковой неизреченней Твоей милости, непрестанно Богу зовут: Аллилуйя!

Икос 7
Новое среди Твоих чудотворных икон изображение лика Твоего возсия, иже Молебницею наречеся, на коем Сын Твой Христос Бог наш приемлет прошения Твоя, иже о нас грешных Тобою приносимо бывает. Сего ради и наши прошения Твоих молитв ради Сын Твой во благих исполняет, да видяще сия, воспоим Владычицу всех, вопиюще:
Радуйся, Судии праведного умоление,
Радуйся, кающихся грешников прощение,
Радуйся, нас, падших к Богу дерзновение!
Радуйся, всех кающихся согрешений несомненное прощение!
Радуйся, молитвенное наше устроение!
Радуйся, падших сынов Адама обожение!
Радуйся, Всемилостивая Владычице, теплая о нас к Богу Молебнице!

Кондак 8
Странно есть сынам суетного века сего видети упование верных на Твое молебное предстательство к Сыну Твоему о нас, недостойных и грешных, Иже от всех бед спасает и во благих все прошения наши исполняет всех вопиющих Ему: Аллилуйя!

Икос 8
Вся бо в вышних ныне пребываеши, о Владычице, аще и наша земнородная, но и нас нижних не оставляеши своим заступлением перед Сыном Твоим Христом Богом нашим, о всех бедах, нуждах и скорбях наших прошения, благодарения и воздыхания Тому принося. Сего ради и слышиши сия:
Радуйся, о всех нуждах наших Ходатаице!
Радуйся, всех грешных Споручнице!
Радуйся, о самых отверженных Просительнице!
Радуйся, во благих прошений наших Исполнительнице!
Радуйся, твердое молитвенное наше заступление!
Радуйся, нас, падших, грядущего небесного жития устроение!
Радуйся, Всемилостивая Владычице, теплая о нас к Богу Молебнице!

Кондак 9
Все православные христиане ведят Тя, яко теплую Молебницу и Ходатаицу о нас, недостойных и грешных, и ведуще сия, непрестанно моления и благодарения о всех и за вся Тебе приносят и по мере веры своея исполнение прошений своих от Тебя получают. Сего ради и слышиши же от всех: Аллилуйя!

Икос 9
Ветия многовещанныя, яко рыбы безгласныя, недоумеют о Тебе, Богородительнице, како бо молишися о нас, недостойных и молитвой Своей от погибели мир спасаеши, верных к Богу обращаеши и от бед их избавляеши, тем же и во благих все молебные прошения наши исполняеши. Мы же, непреложное упование на молебное предстательство Твое возложив, верно вопием Ти:
Радуйся, язв греховных исцеление,
Радуйся, доброе жития устроение!
Радуйся, щите, стрелы врага отражающий!
Радуйся, молитвенный покрове, от греховного потопа мир спасающий!
Радуйся, о стране нашей до Страшного Суда Сына Твоего верная к Богу Ходатаице!
Радуйся, о мире всего мира надежная к Богу Молитвеннице!
Радуйся, Всемилостивая Владычице, теплая о нас к Богу Молебнице!

Кондак 10
Спасти хотя мир, Иже всех Спаситель и мира Создатель нам Тебе, яко теплую Молебницу дарова, Ея же яко Матери Своея все молитвы приемлет. Сего ради и слышит от всех: Аллилуйя!

Икос 10
Стена еси всем, о Владычица, теплый молитвенный покров Твой, яко верных от всех бед спасаеши, от всякого зла избавляши, все прошения и во благих желания наши исполняши, и всем во всем добре вся устрояеши. Сего ради, несумненую надежду на Твое ходатайство возложив, верно Тебе возглашаем:
Радуйся, Свеча Богоприимная, Самим Богом для верных возженная!
Радуйся, кадильнице златая, аромат молитв наших к Престолу Божию приносящий!
Радуйся, к Творцу смыслов верно обращатися приглашающая!
Радуйся, молитвенно нас назидающая!
Радуйся, Премудрости Божией верных приобщающая!
Радуйся, в творении воли Сына Твоего нас смысл жизни видети научающая!
Радуйся, Всемилостивая Владычице, теплая о нас к Богу Молебнице!

Кондак 11
Пение умиленное всякий православный христианин непрестанно тебе приносит, о Всемилостивая наша Владычице, восхваляя твои непрестанные милости, иже являеши роду христианскому, о Тебе Богу поя: Аллилуйя!

Икос 11
Светоподательную свечу зрим икону Твою, Богородице, на ней же зрим изображение Твое и Младенца Твоего, молебные прошения и воздыхания о нас, во грехах погибающих, от Тебя милостиво приемлющего. Просвещенные к разуму Божественному зрением таковой неизреченной милости к нам, недостойным и грешным, почитаем Тя званиими сими:
Радуйся, молений наших усердная Скоропослушнице!
Радуйся, Божия милости скорая Подательнице!
Радуйся, недостойныя моления наши приемлющая!
Радуйся, самых отверженных молений не отвергающая!
Радуйся, благодатью Сына Твоего Христа Бога нашего верных просвещающая!
Радуйся, светом разума Христова всех просящих назидающая!
Радуйся, Всемилостивая Владычице, теплая о нас к Богу Молебнице!

Кондак 12
Благодати источник дати восхотев отпавшим Того благодати, Всех благих Податель нам икону твою дарова, яко сосуд милости Своея неисчерпаемыя. Сего ради и слышит от всех: Аллилуйя!

Икос 12
Поющего неизреченное Твое Рождество, хвалим Тя яко одушевленный храм, Богородице, и Молебницу о душах наших, Тобой бо рожденный Господь все моления и воздыхания наши добре приемлет и по вере нашей во благих их исполняет. Сего ради и научи вопити Тебе всех:
Радуйся, гнев Божий, праведно на ны движимый, утоляющая!
Радуйся, от погибели спасающая!
Радуйся, все козни вражия разрушающая!
Радуйся, требующим Твоея помощи вся потребная дарующая!
Радуйся, житие наше в мире сем многомятежном и грешном по молитвам верных устрояющая!
Радуйся, жития не земного, а небесного нас взыскати научающая!
Радуйся, Всемилостивая Владычице, теплая о нас к Богу Молебнице!

Кондак 13
О, Всепетая Мати, теплая о нас Богу Молебница, все молитвы наши приемлющая и Владыке всех приносящая! Нынешнее моления наши прими и ко престолу Царя всех принеси, от всех бед нас избави и все прошения во благо исполни о Тебе вопиющих: Аллилуйя!!!
Сей кондак глаголи трижды, затем икос 1 и кондак 1

Молитва перед иконой Божией Матери «Молебница»
О, Всепетая Мати Всемилостивого Владыки Христа Бога нашего! Не возгнушайся нас, грехами и скорбями обремененных, но призри на нас, недостойных и грешных, милостивно моления наши прими и к Престолу Сына Твоего Возлюбленного принеси. Буди нам, с сыновней любовью тебе вопиющим, верная наша во всем Покровительнице, о всех нуждах наших надежная наша Просительнице и Верная к Богу Ходатаице и о всех прошениях наших теплая к Богу Молебнице! Не посрами нашего на Тя упования, но все моления наша во благих надежно исполни. Наипаче же в час смертный буди надежная наша Предстательнице и теплая Молитвеннице о душах наших, да тако жития сего изшед, достигнем Царствия Сына Твоего и Бога нашего и восславим неизреченное Его милосердие и теплую любовь Твою к роду христианскому во веки веков. Аминь.

Составитель сего акафиста просит помолиться о нём и его близких:

О здравии р.Б.
Митрополита Лонгина
игумена Никона
иерея Максима
Игоря
Валентины (ж)
Елены
Ольги
Екатерины
Елизаветы
и всех благотворящих
и молящихся за нас

Спаси Господи!