Кондак 1
Избранную от рода человеческого в Матерь Создавшего рукою человеки и смерть за неблагодарный жестокосердый род людской приявшего Христа Бога нашего, похвальная воспоим Тя многогрешнии рабы Твои, Богородице. Ты же от всех нас бед и печалей спаси, а наипаче от вечныя муки заступлением к Сыну Своему избави и во всякой скорби утешение даруй, да зовем Ти:
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Икос 1
Ангельские воинства Небесных Сил бесплотных, зряща Владыку своего - Царя Славы Христа Бога нашего, за грехи наша от неблагодарного создания Своего поругана, оклеветаема, осуждена, оплеваема, по дражайшей Главе и Лику Святому биена, в темницу ввержена, по сем ко Кресту пригвождена и позорную Крестную Смерть приявша, с ужасом велиим закрыша лики своя.
Солнце помрачеся, земля потрясеся, раскрыв от боли утробу свою, камение распадеся, зря Создателя Своего от неблагодарного, в злой похоти свободной воли своея во зле своем добровольного укорененного создания Своего Страшную Смерть Принимающего.
Завеса церковная раздрася на двое с вышняго края до нижнего, гробы отверзошася, извергая телеса усопших святых, иже воссташа по воскресении Сына Твоего, и внидоша во Святый Град - Иерусалим, побивающий пророков своих, явишася многим во удостоверение Вольного Страдания и непреложного Воскресения Сына Твоего - Христа Бога нашего, Вольной Смертью Своей и Славным Воскресением Своим избавление от вечныя смерти и в вечную жизнь рождество нам Даровавшего.
Избранный же народ Твой, Господи, яко аспид глухий, закрыша очи и заткнуша уши своя, не желая видети и слышати милости и правды Божия, Отдавшего Сына Своего Единородного за грех мира.
Обаче злословили Того сердцами и устами своими: «Уа-а! Ины спасе, Себе ли не может спасти; Христос, Царь Израилев, да снидет ныне с Креста, да видим и веру имем Ему», не позволяя милости Божией проникнути в сердца своя, всеми силами души своея добровольно укореняясь в озлоблении своем.
Ты же, Пречистая Мати Божия, видя сия, сердцем и умом омрачеся, Скорби Сына Своего Возлюбленного в сердце Своем вместив, ныне утешение подаждь нам, от скорбей и страстей духом и умом помраченным, ищущим у Тебя утешения и зовущим таковая:
Радуйся, вся Премудростию Создавшего Сына Своего видевшая Оклеветаемого!
Радуйся, от создания Своего Создателя зревшая злобою Поругаемого!
Радуйся, от неправедных судей зревшая всех Судию Осужденного!
Радуйся, дар свободы и разума Давшего в темнице зревшая Заточенного!
Радуйся, рукой человеки Создавшего видевша руки Своя на Кресте за род людской Распростершего!
Радуйся, Жизнь Собою Являющего видевшая смерти причастна и радости жизни Лишенного!
Радуйся, видевшая Сына Своего рай Создавшего во гробе, яко тленного, Положенного!
Радуйся, во утробе Своей Подателя Жизни Носившая видевшая во Гробе каменем Закрытого и Запечатленного!
Радуйся, о светлой Радости Воскресения в сердце Своем Материнском Сыном Своим извещенная!
Радуйся, и нас в вечной радости Воскресения непреложно Собой утверждающая!
Радуйся, надеждою радости встречи с усопшими близкими нас извещающая!
Радуйся, на вечную Радость надеждою в мире сем скорбном Своим Рождеством укрепляющая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 2
Видя сердце Твое сострадательное, милосердие неизреченное и множество страданий, за Сына Твоего Христа Бога нашего, избавление всякой скорби человекам Принесшего, Тобой на земле перенесенных, всех благих Податель Господь в дар Тебя падшему человечеству дарова, да вси скорбями обремененные к Твоему ходатайству прибегая, В скорбях и печалях Утешение, болезней утоление и скорбей на радость преложение обретая, Богу о тебе зовут: Аллилуйя!

Икос 2
Разум недоразумеваемый разумети ищущи все вернии в тяжких скорбях и трудных житейских обстояниях бурного и многомятежного жития сего к Сыну Твоему прибегают, Владычице, ведуще, по словеси Сына Твоего, Христа Бога нашего, яко в мире сем скорбни будете, поелику вся в мире сем скорби бывает причастна: младость проходит, сила увядает, любы человеческая охладевает и изменяет, богатство мимо течет, слава человеческая суетная внезапно в поругание обращается, ибо, по слову пророка, всяк человек ложь. Сегодня кричит: «Осанна!», завтра: «Да пропят будет!». Так, суетен всяк человек. Обаче, ведуще Силу и Премудрость Иже от Тебя Рожденного и Твое всемилостивое перед Сыном Твоим заступление, все вернии в скорбях и печалях к Твоему ходатайству прибегают, зовуще Ти сице:
Радуйся, Первая по чистоте и милости пред Богом и множеству страданий, Тобою на земле перенесенных!
Радуйся, покрове милосердия всех в скорби прибывающих и сострадания лишенных!
Радуйся, учащая во всякой скорби видети волю Божию, иже вся ко благу устрояющую!
Радуйся, на Промысел Божий полагатися, иже вся на пользу направляющий научающая!
Радуйся, яко клевету, гонения и поношения терпевшая, всем оклеветанным и поносимым сострадающая!
Радуйся, всех оклеветанных и поносимых надеждою на милость Божию всемилостиво утверждающая!
Радуйся, яко Сама велия скорби на земле перетерпела еси, нас во всякой скорби утешаеши!
Радуйся, яко все земные временныя скорби к велией нашей пользе обращаеши!
Радуйся, все скорби Христа ради претерпевшим двери рая отверзающая!
Радуйся, через земные кратковременныя скорби вечный дом небесный верным созидающая!
Радуйся, земной, причастный скорби разум, иже буйство есть пред Богом, презирати научающая!
Радуйся, Христов всесветлый разум к радости в сем скорбном падшем мире обретати помогающая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 3
Сила Вышняго осеняла Тя, Мати Божия, егда велия скорби на земле ради Сына Твоего, Христа Бога нашего, взявшего на Себя скорбь мира, претерпети изволила еси, ихже без милости Божия претерпети никако же возможно бысть. Сего ради и нам, немощным, тяжкие скорби терпящим в мире сем, терпение даруй, да всем хотящим жати спасение, всегда пети сице: Аллилуйя!

Икос 3
Имуще Тебя, Пресвятая Дево Владычице, яко Всесильную скорбящих Утешительницу и Всех скорбящих Радость, Иже Сама, ради Сына Своего, Христа Бога нашего, Иже взял на Себя грехи наши и понес наши болезни, всезлобного дьявола скорби державу поправ, велия скорби на земле претерпела еси, можеши вся скорби наши в сердце Своем Материнском вместити и нам всем во всем сострадати. Сего ради все вернии в скорбных обстояниях земного жития своего к всесильному Твоему ходатайству прибегая, вопиют Ти таковая:
Радуйся, во всякой скорби наша Утешительнице!
Радуйся, всех молений наших Услышательнице!
Радуйся, надеждо наша известная!
Радуйся, упование христиан непостыдное!
Радуйся, всех скорбящих всемилостивое попечение!
Радуйся, избавления верных от вечныя скорби державы Своим Рождеством извещение!
Радуйся, обидимых и терпящих скорби Всемилостивая Покровительнице!
Радуйся, правды ради гонимых Усердная Защитительнице!
Радуйся, во всех лютых скорбях жития сего Всемилостивая нам Сострадательнице!
Радуйся, всем ради Христа претерпевшим скорбей на радость преложения Всемилостивая от Бога Подательнице!
Радуйся, лютыя скорби державу Своим Рождеством упразднившая!
Радуйся, Победителя скорби всем верным Своим Рождеством подарившая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Икос 4
Бурю внутрь имеют помышлений сумнительных не хотящие жити по воле Божией, благой, угодной и всесовершенной, вся устрояющей ко благу нашему. Горе, горе, блудящим окольными путями по похотям века сего, иже похоть плоти, похоть очес и гордость житейская, иже суть суетные боги века сего, яже ослепили умы всем служащим им, и како устоят в день грозного посещения Божия, в оньже испытуются дела благая же и злая. Мы же, благодаря Бога за скорби, иже есть посещение Божие в суетном и самонадеянном веке сем, Богу возопиим: Аллилуйя!

Икос 4
Слышаша Тебя, Многоскорбная Мати Божия, Первую Христову Мученицу, Иже велию скорбь на земле претерпети изволила еси, видя Сына Своего Безгрешного, Тобою на землю Пришедшего взяти грех мира и падшее заблудшее создание Свое от всякия скорби свободити, жесточайшия лютыя скорби и тяжкия Крестныя муки от заблудших, тяжкой ненавистью ослепленных и похоти ради свободной воли своея в заблуждении своем добровольно укорененных созданий Своих Претерпевающего, вси вернии, а наипаче тяжко страждущие матери страждущих чад своих к всемилостивому Твоему заступлению прибегают, чая в скорби утешение, полное избытие ея и совершенное на радость ее обращение от Тебя улучити, вся бо возможно Тебе по ходатайству к Сыну Твоему, Христу Богу нашему, поюще Ти реша:
Радуйся, Крестными муками Сына Своего Возлюбленного в сердце Материнское иногда уязвленная!
Радуйся, некогда всякого утешения лишенная!
Радуйся, и нас, скорбями века сего тяжко уязвленных, милостью Своей не оставляющая!
Радуйся, во всякой скорби верных милостью Своей утешающая!
Радуйся, молитвы матерей, о чадах своих слезы проливающих, приемлющая!
Радуйся, и всех верных воздыхания никогда же отвергающая!
Радуйся, надеждами благ вечных временныя скорби претерпевати помогающая!
Радуйся, все скорби претерпевших во временной и вечной жизни милостиво утешающая!
Радуйся, всех мучеников Христа ради сила непоколебимая!
Радуйся, всех скорби Христа ради терпящих надеждо непреложная!
Радуйся, всех верных прославляющая!
Радуйся, всех уповающих на Бога в надежде присно утверждающая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 5
Боготечныя звезды зрим иконы Твоя, Богородице, ихже в утешение верным во всякой скорби оставити изволила еси, среди них же и образ Твой «Не рыдай Мене, Мати», на нем же зрим тяжкия скорби Твоя и любовь к Сыну Своему Возлюбленному, Христу Богу нашему, Иже Крестныя муки спасения ради нашего подъял еси, непреложно утверждается, да все вернии, навыкая в дни скорбных обстояний и во всяких нуждах к Тебе прибегати и молитися пред образом Твоим, рекут Сыну Твоему: Аллилуйя!

Икос 5
Видя изображение лика Твоего, Многоскорбная Мати Божия, на иконе страдальчески к Сыну Своему склоненное, кое сердце страданиями Твоими не умилится, кой язык Тебя не прославит? Ум цепенеет, мысль замирает, всяка плоть человеча молчит, премудрость изнемогает и сознание окаменевает, зря Тебя, Христа Бога нашего Мати, над смертным ложем Сына Своего, за грехи наши Распятого. Мы же, ведуще велия скорби Твоя, ихже никакой же язык достойно изрещи не возможет, ужасом велиим исполняемся и со страхом вопием Благословенней:
Радуйся, дражайшей главой Своей перед страданиями Неповинного Сына Своего склонившаяся!
Радуйся, перед Крестом Сына Своего Возлюбленного сердцем материнским Ему сраспинавшаяся!
Радуйся, имевшая сердце, по проречению праведного Симеона, страдальчески оружием пронзенное!
Радуйся, яко Сама скорби велия претерпевшая, во всех скорбях людям сострадание являеши!
Радуйся, яко Тобою открываются от многих сердец помышления!
Радуйся, яко Тя ублажают все роды яко Мати Бога Духом Святым!
Радуйся, всех верных при Кресте Сына Своего в сердце Своем усыновившая!
Радуйся, и нашим скорбям сердцем материнским присно распинающаяся!
Радуйся, и нас во всех скорбях наших присно утешающая!
Радуйся, всем верным, скорби Христа ради претерпевшим, материнские объятия отверзающая!
Радуйся, на тяжком пути крестном верных укрепляющая!
Радуйся, всем верным с Сыном Своим Христом Богом нашим Царствие Небесное уготовляющая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 6
Проповедник богоносный быша Апостол и Евангелист Лука, иже, изображение лика Твоего пресвятого на дске изобразил, на него же взглянув Ты, Богомати Пречистая, рекла еси со властию: «С сим образом благодать и сила Моя и Рожденного Мною да пребудут», да вси вернии, на Твой честный образ взирающе, благодати Твоея приобщаются и вопиют о Тебе Сыну Твоему: Аллилуйя!

Икос 6
Возсия нам честное знамение Креста Сына Твоего и Бога нашего светлое просвещение истины, на Нем же Христос Бог наш простер руки Своя во оставление грехов рода человеческого, да Смертью Своею истребит работу всезлобного дьявола. Мы же, Тайне сей ужасней дивяшеся, к заступлению Твоему вседушно прибегаем, знамением Креста Сына Твоего и Бога нашего знаменуясь, в вере утверждаемся, любовью Бога нашего уязвляемся и сострадаем Тебе, Пречистой Божией Матери, сердцем Своим Сыну Своему сраспинавшейся, и вопием всехвально:
Радуйся, сердцем Материнским Сыну Своему, за род человеческий руки на Кресте распростершему, сострадавшая!
Радуйся, и нас всем в скорби прибывающим сострадати научающая!
Радуйся, учеников Сына Своего врагов своих всегда прощати наставляющая!
Радуйся, вселукавых похотей врага рода человеческого отвергатися повелевающая!
Радуйся, орудием Креста Сына Своего на битву с миром, плотию и дьяволом верных вооружающая!
Радуйся, победой Сына Своего над смертью нас возвеселяющая!
Радуйся, орудием Креста похоть плоти, очес и гордость побеждати вразумляющая!
Радуйся, на тяжком пути крестном нас всесильно укрепляющая!
Радуйся, все поползновения враг наших крестным знамением отражати вразумляющая!
Радуйся, и немощным победу над врагом всезлобным Крестом Сына Своего Возлюбленного всемилостиво вручающая!
Радуйся, земные временные скорби презирати научающая!
Радуйся, надеждами благ вечных верных в житии сем утешающая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 7
Хотяще страждущему роду человеческому утешение даровати, всех Творец и Утешитель нам Тебя Матерь Свою дарова, да все в бедах и печалях пребывающии и скорбями обремененнии к Твоему ходатайству прибегают и В скорбях и печалях Утешение, и скорбей на радость обращение в Тебе обретая, Богу о Тебе зовут: Аллилуйя!

Икос 7
Новую показа Тварь всех Творец и Зиждитель, из бессеменныя прозяб утробы, в сей юдоли скорбней воплотитися изволи, Матерью Своею в яслях бессловесных вертепа положен быв, в мире сем многомятежном и скорбнем с Самого Рождества Своего гонения, тесноту, лишения до Самыя Крестныя Смерти Своея претерпев, нам Пречистую Матерь Свою, сердцем Ему сострадавшую и у Креста с Сыном Своим сраспинавшуюся оставити нам изволи, да все мы, к Ней прибегающии, воспоем Ю, вопиюще:
Радуйся, с Сыном Своим тесноту, лишения и гонения претерпевшая!
Радуйся, и нас житием Своим гонимым сострадати научающая!
Радуйся, Духом Своим мир Создавшего Своим дыханием во мразе согревавшая!
Радуйся, хлеба, риз и крова лишенных нас миловати наставляющая!
Радуйся, всем в скорби пребывающим нас милости творити научающая!
Радуйся, к вечной радости земныя временныя скорби терпящих усердно направляющая!
Радуйся, скорбями, яко цветом многоценным, венцы небесныя всем верным украшающая!
Радуйся, и в земном сем скорбном житии нас утешения не лишающая!
Радуйся, всем воюющим за правду Милостивая Воздаятельнице!
Радуйся, даров от Сына Твоего – Подателя всех благ Всемилостивая нам Подательнице!
Радуйся, на пути Христовом Милостивая Укрепительнице!
Радуйся, всех правды алчущих в благих намерениях Всемилостивая их воли Утвердительнице!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 8
Странное чудо являет нам житие Твое Сын Твой, Богородице: како, любовью и милостью, чистотой и смирением всех дщерей рода человеческого превосходящую Отроковицу в Матерь Себе избрав, тяжкия лютыя скорби претерпети Деве Невинной попустил еси, да тяжкий Крест злостраданий с Сыном Своим понесет, сердцем Своим Материнским с Ним у Креста распинаясь, в скорби всех пребывающих и злостраждущих верной Ходатаицей и Защитницей да станет, верно вопиющих Сыну Ея: Аллилуйя!

Икос 8
Вся бо ныне в вышних пребываеши, о Владычице, телом и душею на небесех Престолу Сына Своего и Бога нашего предстоя, но и нас нижних никакоже отступаеши, всем вся нам, в скорби на земли пребывающим, являешися, Сама бо скорби велия в земном житии претерпев, иже не могут сынови человеческии уразумети и ветия искусныя запечатлети, алчущим Питательнице, болящим исцеление, нагим одеяние, Всем скорбящим Радость и Утешение, скорое скорбей и печалей утоление и на радость их преложение, Отчаянных единая Надеждо являешися, сего ради и слышиши от нас сия:
Радуйся, с Сыном Своим Христом Богом нашим злые скорби тяжко претерпевшая!
Радуйся, и нас грешных на тяжком пути крестном укрепляющая!
Радуйся, ныне с Сыном Своим вечно царствующая!
Радуйся, яко верным с Сыном Своим Христом Богом нашим Царствие уготовляеши!
Радуйся, земныя временныя скорби ради жизни вечныя претерпевати наставляющая!
Радуйся, тленныя богатства суетного века сего презирати научающая!
Радуйся, суетную славу сего века Рождеством Своим премудро обличающая!
Радуйся, всевечныя, а не временныя суетныя славы нас искати вразумляющая!
Радуйся, любовью души исцеляющая!
Радуйся, надеждой в Боге верных утешающая!
Радуйся, крепкое наше в вере утверждение!
Радуйся, упование христиан непостыдное!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 9
Всякое естество ангельское удивися неизреченной бездне милосердия Твоего, Всемилостивая наша Владычице, егда видяще Пречистая некоего человека, аще и беззаконна, однако на всяк день с верою и упованием пред честною Ея иконою долу повергающагося и архангельское приветствие приносящего, вняла и такого грешника славословию и моление его прияша, обаче и тогда не пристала еси от ходатайства о нем, егда показа Тебе Сын Твой язвы гвоздиная, грехи людскими Ему содеянныя, обаче падшего грешника милостиво и кротко обличила еси, к покаянию того подвизая, на Нечаянную Радость милосердия Сына Своего и Бога нашего неотступным к Тому молением подвигла еси, да видяще чудо сие, все мы, подобные тому падшия грешники прославим Сына Твоего, о Тебе Ему вопиюще: Аллилуйя!

Икос 9
Ветия многовещанныя, обаче и Богом просвещенныя, однако же не могут по достоянию изрещи скорби Твоя, сердцем Материнским сраспинавшуюся у Креста Сына Твоего, за грехи падшего создания Своего Распятого, обаче бездну милосердия Твоего, по ходатайству Твоему падшему человеческому роду Сыном Твоим милостиво дарованныя, да все в болезнех исцеление, в скорбях и печалях Утешение и совершенное их утоление, в житии сем многомятежном и скорбном Отраду и Утешение обретая, верно вопиют:
Радуйся, Невесто Вечного Царя, красой Своей всех жен земли превосходящая!
Радуйся, каменю драгий, сиянием своим корону всех Царя собою украшающий!
Радуйся, оружие непобедимое, во бранях верным данное!
Радуйся, мечу драгий, самим видом своим враг наших устрашающий!
Радуйся, являющая Собою скипетр славный всех Царя!
Радуйся, златая булава Всемилостивого Воеводы, силу ада Побеждающего!
Радуйся, всех верных посох, на пути Христовом укрепляющий!
Радуйся, трость скорописца мудрого, Сына Твоего и Бога прославляющего!
Радуйся, ко спасению нас вразумляющая и направляющая!
Радуйся, путь ко спасению ищущим всесветло разум обновляющая!
Радуйся, хитрословесных яко буесловных обличающая!
Радуйся, премудрости просящим просто разум просвещающая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 10
Спасти хотя мир мира сего Создатель и всех скорбей Избавитель, Иже от Тебя воплотитися изволи, да грехи и скорби рода человеческого понесет, нам Тебя, Матерь Свою дарова, Блаженное Чрево Твое в жилище Себе избрав, Домом Премудрости Божия утробу Твою соделав, да все вернии, а наипаче в скорбях пребывающии к ходатайству Твоему прибегая, сынами вечную радость всему миру несущей Премудрости да будут, Богу о Тебе вопия: Аллилуйя!

Икос 10
Стена еси роду христианскому, Мати Дево, все бо вернии, ведуща славное заступление Твое, от Творца и Бога нашего Тебе, Матери Божией, у Креста Распявшегося за нас Сына Своего Христа Бога нашего всех нас усыновившей, в скорбях, печалях и болезнях к Твоему ходатайству прибегая, во всех скорбях и печалях утешение, бремен всемилостивое облегчение и Нечаянную Радость всех благ исполнения по ходатайству к Сыну Твоему обретают, Иже вся приглашати Тебе научи:
Радуйся, златая булава, главу всегордого лукавого дракона поразившая!
Радуйся, победу над врагом спасения людского рода утвердившая!
Радуйся, от вечныя погибели спасающая!
Радуйся, на милость к падшим Судию Всемилостивого подвизающая!
Радуйся, со злом на битву мужественно ополчающая!
Радуйся, надеждой несомненной нас всемилостиво укрепляющая!
Радуйся, воюющих за правду Милостивая Споспешнице!
Радуйся, со злом на битву восстающих Мудрая Руководительнице!
Радуйся, клеветников немилосердных обличающая!
Радуйся, гонимых правды ради и оклеветаемых незримо оправдающая!
Радуйся, от отчаяния погибели спасающая!
Радуйся, верой и надеждой исцеляющая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 11
Пение всякое побеждается, спростретися тщащеся ко множеству многих щедрот Твоих, падшему человечеству являемых, Мати Дево, равночисленне песка морского, листвий земных, звезд небесных и капель морских песни аще принесем, ничтоже равное сотворим милостям Твоим, о Всесильная наша Владычице, обаче любовью Твоею подвизаемы, Сыну Твоему о Тебе вопием: Аллилуйя!

Икос 11
Светоприемную свещу, во мраке скорбного жития нашего Создателем всех возжженную, зрим Тебя, Всесвятая Дево, Твое бо Блаженное Чрево избра в жилище Себе Господь, Иже от честных кровей Твоих воплотися, вольныя велия скорби до самыя Крестныя Смерти Своея претерпев, нам Тебя Мати Свою, у Креста сердцем с Ним распинавшуюся, яко Наставницу к разуму Божественному, зарею светом Солнца правды падший ум наш просвещающую дарова, да все скорбями обремененныя и утешения лишенныя к Твоему всесильному ходатайству прибегают, почитая Тя званиями сими:
Радуйся, светом Солнца правды ум наш просвещающая!
Радуйся, всех угнетенных и радости лишенных милостиво защищающая!
Радуйся, на Путь спасения направляющая!
Радуйся, Свет Истины для верных возжигающая!
Радуйся, светильниче всесветлый, Путь в Христово Царство указующий!
Радуйся, лампадо чудная, во мраке скорбного жития сего горяяй и светяяй!
Радуйся, заре всесветлая света невечернего!
Радуйся, луно прекрасная Церкви земныя и небесныя!
Радуйся, ко спасению вразумляющая и направляющая!
Радуйся, путь ко спасению ищущим всесветло разум просвещающая!
Радуйся, любовью в вере утверждающая!
Радуйся, верою надежду укрепляющая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 12
Благодать дати восхотев всех благодати Податель пришед к отшедшим Того благодати, нам Тебя, Пречистую Матерь Свою, Первую по благодати и множеству скорбей, Тобой перенесенных в всесветлое жилище Своея благодати избрав, да раздрав рукописание всех грехов наших, слышит от всех сице: Аллилуйя!

Икос 12
Поюще Твое всесветлое Рождество, хвалим Тебя все, яко одушевленный храм и селение Бога Слова, Всемилостивая Богородице: во Твоей бо вселися утробе вся Создавый Господь, Иже избра Тебя в жилище Себе, да явит Тобой Свои неизреченныя милости к падшему созданию Своему, Избранную от всех дщерей земли Первую по чистоте и множеству страданий, Тобой на земле пренесенных, иже с Сыном Своим претерпела еси, Иже освяти, прослави и научи вопити Тебе всех в скорби Тебе прибегающих:
Радуйся, Рождеством Своим скорби державу поправшая!
Радуйся, смерти осужденным вечную жизнь даровавшая!
Радуйся, власть врага рода людского Своим Рождеством истребляющая!
Радуйся, и нам победу над ним ходатайством к Сыну Своему всемилостиво утверждающая!
Радуйся, Отчаянных Единая Надеждо!
Радуйся, погибающих непреложное упование!
Радуйся, от страстей нечистых свобождающая!
Радуйся, духовных сладостей Своей молитвой исполняющая!
Радуйся, все скорбные и пагубныя страсти Рождеством Своим всесильно истребляющая!
Радуйся, радость вечную любви всех верных души Своим Сыном исполняющая!
Радуйся, милость падшему людскому роду Рождеством Своим являющая!
Радуйся, о всех творящих милости к Подателю всех милости и благодати призывающая!
Радуйся, Многоскорбная Мати Божия, Не рыдай Мене, Мати - в скорби Своей слышавшая, и нас во всякой скорби утешающая!

Кондак 13
О, Всепетая Вселюбимая Многоскорбная Мати Божия, вечную Радость на скорбь обреченному тленному миру родившая и Рождеством Своим вечную скорби державу навек упразднившая! Вемы Тя, яко Первую Христову Мученицу, яко велии скорби на земле претерпела еси, ихже не может сердце человеческое вместити, видя Сына Своего Безгрешного – Бога и Человека, волею Твоим Рождеством на землю Пришедшего взяти на Себя грех созданных Им рукой человеков и падшее заблудшее создание Свое от всякия скорби Тяжкой Скорбной Смертью Своей свободити, жесточайшия лютыя скорби и тяжкия Крестныя муки от заблудших, тяжкой ненавистью ослепленных и похоти ради свободной воли своея в заблуждении своем добровольно укорененных созданий Своих Претерпевающего, Иже может все скорби наши в Своем Материнском сердце вместити, всякую печаль Собой утолити, от всякия скорби нас свободити и на радость ее преложение нам даровати! Сего ради молим Тя: от всякия скорби нас избави, а наипаче будущия изми муки, о Тебе Сыну Твоему вопиющих: Аллилуйя!
Сей Кондак чти трижды, по сем Икос 1 «Ангельские воинства…» и Кондак 1 «Избранную от рода человеческого…»

Молитва перед иконой Божией Матери «Не рыдай Мене, Мати»
О, Всепетая Вселюбимая наша Мати Божия! Перед образом Твоим предстоя, на нем же зрим лик Твой страдальческий, над Сыном Своим, Христом Богом нашим, за грехи наши Распятым, с великою скорбью склоненный, страданиям Твоим умиляемся и безмерных грехов наших, скорби тяжкия Тебе и Сыну Твоему приносящих, ужасаемся и милости Твоея просим. Сего ради взываем Тебе: о, Многоскорбная Мати Божия, Первая из дщерей земли, Избранная в Матерь Создателю нашему и по тяжести страданий, Тобой перенесенных!
Ты, Сама велия скорби претерпевшая, ихже не могут сыны человеческие вообразити, сердцем Своим Материнским Сыну Своему сострадавшая и у Креста с Ним сраспинавшаяся, можеши все скорби наши в сердце Своем вместити. Ты, род человеческий у Креста Сына Своего усыновившая, можеши всем нам сострадати и в тяжких скорбях жития нашего облегчение нам даровати. Ты, радость Воскресения Сына Своего в сердце Своем Материнском вместившая, можеши от всякия скорби совершенно нас свободити и на радость ее преложение нам даровати, Нечаянною Радостью Твоего утешения тяжесть нашего скорбного земного жития растворяя.
Ныне же, яко рече пророк Исаия, яко болящая приближается родити, и в болезнях своих вопияше, тако ныне есть рабом Твоим, в тяжких скорбях жития сего крест несущих. Да не напрасно пришли на нас скорби сии, не в применение и приложение осенение и в преддверие вечных мук скорби сии нам будут, да не погибнем в ожесточении нашем, но во славу вечную Иже Тобой Рожденного, да страха ради Сына Твоего, Христа Бога нашего, Дух Премудрости Его во чреве нашем да восприимем, и поболевши немного во временных скорбях жития сего, родим же наконец дух спасения, его же да сотворим на земли: не падем, но да по слову Сына Твоего: «претерпевый до конца той спасен будет» сердцем сокрушенным и духом смиренным вместе с благоразумным разбойником Рожденным Тобой Христом Богом нашим приняты да будем.
Сего ради молим Тя: буди нам, в тяжких скорбях земного сего жития крест несущих, Матерью милосердия. Да не напрасна будет Жертва Сына Твоего, Христа Бога нашего, за нас, грешных рабов Его, Господом нашим принесенная, и да не осудимся со злодеями, Сына Твоего распинавшими, не желавшими признать Правды и милости Его.
Принеси Своя всемощныя молитвы к Престолу Царя Славы - Рожденному Тобой Господу нашему Иисусу Христу, да дарует нам бремен облегчение, В скорбях и печалях Утешение, всех скорбей на радость обращение и по сем – Нечаянную Радость всех благ исполнения, да не погибнем во отчаянии и да не порадуется враг о погибели нашей, но да в единомыслии едиными усты и единым сердцем восславим радости и всех благ Подателя - Сына Твоего и Бога нашего и Твое Всемилостивое Матернее к Нему о нас грешных заступление во веки веков. Аминь.

Аще хочеши, читай сию молитву:

Молитва в страсти гнева
Предаю гнев мой в волю Твою, Христе Спасе мой!
Ты знаешь, что я человек грешный, страстный, суетный и не ведаю скрытых судеб Твоих. Ты, создавый рукою Своею человеки и ведый вся сокровенныя, вся твари создавый и имена им нарицаяй, создавый человека, из праха земного нашествием Пресвятого Твоего Духа по образу Своему и подобию, а наипаче по отпадении его в последние времена неизреченного Твоего человеколюбия смотрение удивил еси, посланием возлюбленного Твоего Отрока, Его же от безначальных недр Твоея Отеческия славы, неразлучным Божеством отрыгнул еси, да человеческое естество восприим, непреложно воплотившитися от Пречистой, Преблагословенней, Пренепорочной Девы Марии да изволит, тяжесть нашего падшего естества понесет и глаголы вечныя жизни нам да подаст. По сим, скорбь нашего жития восприим, гонения, поношения, всех благ лишения, от неправедных и нечестивых судей, властей и архиереев осуждение, поругание, заушение, оплевание, тяжкое крестоношение, по сем же ко Кресту позорное пригвождение претерпев, тем от древния клятвы нас избави. По сем во ад сошед и тем скорбную державу смерти поправ, непреложно трехдневно воскрес еси, тем на небеса падшее человеческое естество возведя и нас, отверженных, приглашати тем научи, суетный разум наш, помраченный страстями века сего, к небесам устремляя и не земного и тленного, ибо проходит образ века сего, а наипаче - небесного устроения жития взыскати нас научая, по глаголу евангельскому «ищите прежде Царствия Божия и правды его, и сия вся приложатся вам». Ты, заповедавший семь раз седьмерицею отпускати грехи, и обещавый оставлять нам долги наши, аще и мы отпускаем должником нашим, помоги и мне, грешному и страстному, отпустить обиду обидчику моему. Прости его, Господи, не дай ему погибнути мене ради, грешного и научи нас творити волю Твою, уготовляя тем к жизни небесней.
Отжени от сердец наших дух зависти, ненависти и злобы, производящий разделения и нестроения, и подвигающий творити неправду, и даждь нам дух целомудрия, смиренномудрия, терпения и любви, иже есть соуз совершенства, что не ищет своего, а пользы ближнего, не радуется неправде, а сорадуется Истине, Иже есть Господь наш Иисус Христос, да во многих удах Единое Тело Церковное да пребудем, иждивая жизнь нашу во славу Божию и на пользу ближнего своего.
Обрати к Тебе и сердца врагов наших, а ежели не захотят обратится – положи предел злу их, Иже Сам веси судьбами. Ты Сам вся веси, Господи, поступи по воле Твоей, всеугодной и всесовершенной, сия и пребудет с нами ныне и присно, и во веки веков. Аминь.

Или кратко:
Предаю гнев мой в волю Твою, Христе Спасе мой! И не моя воля, но Твоя да будет!
Господи! Отжени от сердец наших дух зависти, ненависти и злобы, производящий разделения и нестроения, и подвигающий творити неправду, и даждь нам дух целомудрия, смиренномудрия, терпения и любви, иже есть соуз совершенства, что не ищет своего, а пользы ближнего, не радуется неправде, а сорадуется Истине, Иже есть Господь наш Иисус Христос, да во многих удах Единое Тело Церковное да пребудем, иждивая жизнь нашу во славу Божию и на пользу ближнего своего.
Помяни, Господи, людей, подавляющих истину неправдою, и обличи лукавство их! Положи предел злу, Господи, иже Сам веси, и да будет во всем святая воля Твоя! Аминь

Составитель сего текста, как и все, обременен многочисленными скорбями, в том числе и от жестокосердных людей, и просит молитв о себе и своих близких:

О здравии р.Б.
Игоря
Валентины (ж)
Елены
Ольги
и всех благотворящих
и молящихся за нас

Об упокоении
Анны
Василия
Михаила
Михаила
Пелагии
Кирилла
Григория
Ивана
Марии
Николая
Владимира
Нины