Акафист иконе Богородицы «Слово плоть бысть» Акафист иконе Богородицы «Слово плоть бысть»

Кондак 1
Избранной от всех дщерей земли, плотию Родившей вся Создавшего Бога Слово на спасение наше, благодарственная восписуем Ти Владычице нашей Богородице. Ты же, яко имущая державу непостижимую, от всяких нас бед свободи, разум Христов ко спасению нам подай и к Сыну Своему приведи, да зовем Ти:
Радуйся, Мати Всепетая, Бога Слово плотью родившая!

Икос 1
Ангел предстатель с небесе послан бысть рещи Богородице:
Радуйся, Благодатная, Господь с Тобою! И воплощаема Тя зря, Господи, Слово Бесплотное, ужасом велиим одержим, зовый к Ней таковая:
Радуйся, Невместимого Бога Слова вместилище!
Радуйся, благодати Святого Духа приятилище!
Радуйся, дщерь возлюбленная Небесного Бога Отца!
Радуйся, Матерь вселенной Создателя!
Радуйся, Невесто неневестная, уневещенная Духом Святым!
Радуйся, Доме Небесный, жилищем Премудрости Божией ставшая!
Радуйся, Подателя Жизни плотью родившая!
Радуйся, Рождеством Своим мир освятившая!
Радуйся, клеще огнезрачная, огнь Божества неопально во Чреве Своем восприявшая!
Радуйся, нам, земнородным, в спасение от смерти Его даровавшая!
Радуйся, от адского рабства всех нас свободившая!
Радуйся, вечныя жизни залог во ад осужденным Своим Рождеством подарившая!
Радуйся, Мати Всепетая, Бога Слово плотью родившая!

Кондак 2
Видящи Преблагословенная Себя в чистоте, глаголет благовестнику тако: преславного твоего гласа приветствие словес твоих неудобовмещаемо души моей является: девичью утробу селением Бога Слова како соделать мощно, рцы Ми, зовый: Аллилуйя!

Икос 2
Разум неуразуменный постичь Дева ищущи, возопи ко служащему: Богу Слову из честных девичьих кровей плотью Своей послужити и Плоть Ему даровати - како возможно сие? Честную Девичью утробу Благодатным Небом – селением вселенной Создателя како соделати мощно, рцы Ми? Он же, ужасом велиим одержим, со страхом зовый Ей сице:
Радуйся, неизреченного Предвечного Совета Таиннице!
Радуйся, чудное селение Бога и Слова!
Радуйся, всех земнородных чаяний и надежд воплощение!
Радуйся, вечныя жизни отпавшим небесных даров приобщение!
Радуйся, Премудростью Своею превосходящая премудрость небес!
Радуйся, смертными узами связанных Духа Святого даров снисхождение!
Радуйся, плотския мудрости суетного века сего отвержение!
Радуйся, разума Христова взыскующим, иже буйство есть в мире сем лукавом и грешном, к подаянию его извещение!
Радуйся, Премудрости Божией Родительнице!
Радуйся, земными страстьми ослепленным Тоя туне от Бога Подательнице!
Радуйся, Богом отверженных адовых уз разрешение!
Радуйся, Эдема лишенным райских блаженств возвращение!
Радуйся, Мати Всепетая, Бога Слово плотью родившая!

Кондак 3
Сила Вышнего осени тогда Неискусобрачную, и Дух Святый найде на Ню, благоплодную сладкую утробу Ея Селением Бога и Слова и домом Премудрости Божией соделав, да все вернии вопиют Подателю благ: Аллилуйя!

Икос 3
Имуще Богоприятную Дева утробу, востече к южике Своея Елисавет, и вниде в дом Захариин, и целова Елисавет. И бысть яко услыша Елисавет целование Мариино, взыграся младенец во чреве ея: и исполнися Духа Свята Елисавет, и возопи гласом велиим. Мы же, подражая ей, вопием к Богородице словесами сими:
Радуйся, благословенная в женах!
Радуйся, яко благословен Плод Чрева Твоего!
Радуйся, источниче радости нашея непрестанныя!
Радуйся, источниче милости бесконечныя!
Радуйся, Матерь Спасителя нашего!
Радуйся, Родительнице вселенныя Творца!
Радуйся, женское естество освятившая!
Радуйся, Матерью Господа ставшая!
Радуйся, человеков с Богом соединившая!
Радуйся, Невместимое Слово на радость земным воплотившая!
Радуйся, Бога отверженным Богом явившая!
Радуйся, радости райской лишенных в радости вечной вовек утвердившая!
Радуйся, Мати Всепетая, Бога Слово плотью родившая!

Кондак 4
Бурю внутрь имеют помышлений сумнительных сыновья суетного маловерного века сего: како непорочная Девичья утроба домом Премудрости Божия соделалася еси, Богу Слову плоть свою даровав, да вси вернии, видев чудо сие, Богу рекут: Аллилуйя!

Икос 4
Слышаша плотское Христово пришествие, пастыри вернии возрадовашася радостью весьма велию зело, Господа своего и Творца, Словом Своим мир Создавшего и во чреве Мариине упасшася в Нем помышляя. Сего ради и мы, им подражая, ублажаем Матерь Его, Юже поюще словес сих избытие реша:
Радуйся, из честных кровей Своих Плоть Богу Слову соткавшая!
Радуйся, плотию Своей дом Богу Слову воздвигшая!
Радуйся, на освящение нам, долу поникшим, Его даровавшая!
Радуйся, Рождеством своим падший наш мир освятившая!
Радуйся, Сыном Своим – Словом Божиим ад разорившая!
Радуйся, Богом отверженным рай возвратившая!
Радуйся, в ад осужденным небесные двери отверзшая!
Радуйся, нищим духом Божью Премудрость открывшая!
Радуйся, Пастыря умных словесных овец земным пастырям первее всех показавшая!
Радуйся, нас, земнородных на словесную пажить Его приводящая!
Радуйся, дарами волхвов Сыну Твоему в земном вертепе утешенная!
Радуйся, и нас в сем вертепе земном дарами Сына Своего всегда утешающая!
Радуйся, Мати Всепетая, Бога Слово плотью родившая!

Кондак 5
Боготечной звезде подобны явися иконы Твои, Мати Дево, в них же и образ Твой Слово плоть бысть светло сияет, да вси вернии, поклоняющеся Ему, вопиют: Аллилуйя!

Икос 5
Видеша икону Твою, Богомати, на ней же Сын Твой предстоит, Слово спасения нам Собой дарова, яко Младенец из Чрева Твоего плотью Своей возсия, подвизая вопияти нас Благословенней:
Радуйся, Бога Слова родившая плотью Создателя!
Радуйся, яко молитва Твоя довлеет на милость всех благ Подателя!
Радуйся, Рождеством Своим свергшая смерти родителя!
Радуйся, скорби державы родившая нам Победителя!
Радуйся, древнего злаго дракона Своим Рождеством поразившая!
Радуйся, смертным победу над смертью Своим Рождеством подарившая!
Радуйся, Слово Жизни во Чреве Своем возрастившая!
Радуйся, Хлеб, сошедший с небес, милостиво нам подающая!
Радуйся, на руках Своих носившая дланию землю Носящего!
Радуйся, в руках Своих Младенца державшая Господа!
Радуйся, Царицей Небесе и земли увенчанная!
Радуйся, всеми Небесными Силами возвеличенная!
Радуйся, Мати Всепетая, Бога Слово плотью родившая!

Кондак 6
Проповедницы богоноснии бывше вси причастники Плоти Сына Твоего и Бога Слова, проповедовша Христа всем яко Спасителя Словом Своим вся Создавшего и всех благ Подателя, да ведуще сия, поем: Аллилуйя!

Икос 6
Возсия нам новое просвещение Истины образ Твой, Богомати, Иже, Словом Истины быв, стоит на руку Твоею, из Блаженного Чрева Твоего плотию нам возсия и вернии приглашая Богородице вопияти:
Радуйся, Бога Слова плотию родившая!
Радуйся, Рождеством Своим всю Вселенную возвеселившая!
Радуйся, вечное смерти державы попрание!
Радуйся, в ад осужденным пути к небесам дарование!
Радуйся, Рождеством Своим ад покорившая!
Радуйся, в ад осужденным Эдем возвратившая!
Радуйся, смерти осужденным рай даровавшая!
Радуйся, Рождеством породителя смерти поправшая!
Радуйся, с Истиною верных соединившая!
Радуйся, новый нам смысл жития подарившая!
Радуйся, жизнь человеков навеки переменившая!
Радуйся, тлению причастным Своим Рождеством Путь на Небо открывшая!
Радуйся, Мати Всепетая, Бога Слово плотью родившая!

Кондак 7
Хотя дати спасение всем человекам всех Спаситель нам Тя Мати Свою дарова, да вси хотящии улучити спасение к Ея ходатайству прибегают, на дивную силу молитв Ея к Богу Слову упование свое полагая. Темже дивимся Твоей неизреченной премудрости, зовя: Аллилуйя!

Икос 7
Новую показа Тварь нам Творец всяческих, явлься нам от Него бывшим, Словом Своим мир Создавшему Святейшему Слову Своему плоть дарова, из девственной прозяб утробы, сохранив Ю, якоже бе, нерушиму, Матерью Своею яко Младенец в яслях бесплотных положен был еси, да чудо сие из извествовавших нам словес святейших учеников Слова, принесших нам Благую Весть Евангелия, верующим сердцем своим видяще, вси вопоем Ю, от всея души вопиюще:
Радуйся, Непричастного тлению во освящение тленным родившая!
Радуйся, цветом нетленным весь мир освятившая!
Радуйся, Рождеством Своим ангельский мир удивившая!
Радуйся, падший род человеческий возвеселившая!
Радуйся, Сыном Своим ада запоры открывшая!
Радуйся, смерти причастным Своим Рождеством лествицу к небу воздвигшая!
Радуйся, страшного смерти родителя Сыном Своим победившая!
Радуйся, смерти державу Своим Рождеством покорившая!
Радуйся, древнюю евину клятву Своим Рождеством разрушившая!
Радуйся, девство и материнство во веки благословившая!
Радуйся, Царицей Небес и земли Рождеством Своим ставшая!
Радуйся, всеми родами во веки веков ублажаемая!
Радуйся, Мати Всепетая, Бога Слово плотью родившая!

Кондак 8
Странное Бога Слова плотию Твое Рождество видевше, устранимся излишних плотских житейских суетного века сего попечений, ум на небеса возведя и глаголам вечныя жизни внимая: как всея плоти Творец тленную плоть восприим, Слову плоть Своему дарова, сего ради смиренный став Человек, хотя на небеса возвести Тому вопиющия: Аллилуйя!

Икос 8
Весь бе в нижних и вышних никакоже отступи неописанное Слово: в тленную плоть оболкись, Рождеством Своим Жизнь дарова от Девы Богодарованныя, сего ради слышашия сия:
Радуйся, Рождеством Своим Бога Создателя нам даровавшая!
Радуйся, плотью Своей Дом Богу Слову создавшая!
Радуйся, Рождеством Своим всем нам Матерью ставшая!
Радуйся, к Сыну Своему ходатайством мир заступающая!
Радуйся, упование верных никакоже посрамляющая!
Радуйся, всеми отверженных моления никакоже отвергающая!
Радуйся, самых отчаянных Своим заступлением несумненно спасающая!
Радуйся, Отечество наше земное всегда защищающая!
Радуйся, Своим Материнским ходатайством рода людского грехи покрывающая!
Радуйся, любовию Своей нашу жизнь исполняющая!
Радуйся, на сражение со злом всесильно всех нас укрепляющая!
Радуйся, всех верных на битву со злом ополчающая!
Радуйся, Мати Всепетая, Бога Слово плотью родившая!

Кондак 9
Всякое естество ангельское и человеческое удивися Твоего вочеловечения делу: како неописанное Слово, Имже вся бысть, человеческую плоть восприим, нам убо спребывающа, сего ради слышаща же от всех: Аллиуйя!

Икос 9
Ветия многовещанныя суетного многоглаголивого и маловерного века сего яко рыбы безгласныя зрим о Тебе, Богородице, недоумевают бо разумети, како Дева Непорочная плоть неописанному Слову дати возмогла еси, верным спасение дарова. Мы же, верою сия восприим, великому таинству сему дивящеся, верно вопием:
Радуйся, Премудрости Божия откровение!
Радуйся, о роде человеческом Божественное промышление!
Радуйся, Венец Нетленный Божественного созидания!
Радуйся, тленному человечеству нетленного Божества дарование!
Радуйся, совершение Промысла Божия о роде человеческом спасения!
Радуйся, сокровища Жизни Вечныя неукорное всем подаяние!
Радуйся, премудрость века сего, иже буйство есть перед Богом, презирати нас подвигающая!
Радуйся, глаголам Жизни Вечныя туне всех нас научающая!
Радуйся, надеждой на Агнца победу всемилостивно нас укрепляющая!
Радуйся, зла бессилие любовью Своей обличающая!
Радуйся, лукавые словопретельныя учения врага всесветло Собой помрачающая!
Радуйся, мысли всех верных в Христе непреложно Собой утверждающая!
Радуйся, Мати Всепетая, Бога Слово плотью родившая!

Кондак 10
Спасти хотя мир Словом Своим мир Создавший Спаситель к нам прииде, от Богоприимной Девы Плоть Свою восприим, яко Бог нас ради явися по нам человек, яко Бог слышит от нас: Аллилуйя!

Икос 10
Стена Нерушимая всем воистину явилася еси, Богородице: ибо небеси и земли Творец вселься в нетленной утробе Твоей, Владычице, Тебя, Пречистую Матерь Свою Домом Премудрости Бога Слова соделав и вся приглашати Тебе научи:
Радуйся, Домом Премудрости Божия ставшая!
Радуйся, с верой просящим Премудрость сию подающая!
Радуйся, и окраденных умом никакоже отвергающая!
Радуйся, лукавых совопросников века сего простотой Рождества Твоего обличающая!
Радуйся, Бога Слова Своим Рождеством семя тли истребляющая!
Радуйся, глаголам вечныя жизни Собой научающая!
Радуйся, в учении Сына Твоего верных всегда утверждающая!
Радуйся, в истинах вечныя жизни Своим Рождеством поучающая!
Радуйся, всех неисцельных недугов Целительнице!
Радуйся, ко спасению всех Вразумительнице!
Радуйся, спасения нашего Домостроительнице!
Радуйся, небесного жития Созидательнице!
Радуйся, Мати Всепетая, Бога Слово плотью родившая!

Кондак 11
Пение всякое побеждается, спростретися тщащеся Твоего вочеловечения делу: равночисленыя бо песка морского, звезд небесных и лествий земных словеса аще принести возможем, Владыка, ничтоже сотворим достойно, яже дал еси нам ко спасению Словом Своим, Тебе вопиющим: Аллилуйя!

Икос 11
Светоприимную свещу, во мраке сего жития явльшуюся, зрим икону Твою, Богомати, иже наставляет к разуму Божественному, вся творящу к разумению милости Божией и спасению человеков, сего же ради званиими почитаемая сими:
Радуйся, Заре невечерняя, в мир Солнце правды вводящая!
Радуйся, ко спасению и разумению милости Божией нас приводящая!
Радуйся, Лампадо чудная, мрак скорбного жития сего освещающая!
Радуйся, светильниче, путь в Царство Небесное нам озаряющий!
Радуйся, Добрая Домостроительнице, дело спасения нашего созидающая!
Радуйся, и о временных нуждах моления нашего не отвергающая!
Радуйся, Слова Божия Святое Жилище нетленное!
Радуйся, Книга Святая, тайны Божия верным Своим Рождеством открывающая!
Радуйся, скорби временныя ради вечныя жизни претерпевати Своим житием поучающая!
Радуйся, не тленных, а вечных богатств премудро искати Своим Рождеством наставляющая!
Радуйся, суетную славу лукавого века сего обличающая!
Радуйся, не временныя, а вечныя славы взыскати Собой научающая!
Радуйся, Мати Всепетая, Бога Слово плотью родившая!

Кондак 12
Благодать дати восхотев всех благодати Податель прииде к отшедшим Того благодати, от Всенепорочныя Девы яко Бог Слово Плоть Свою восприим, слышит от всех сице: Аллилуйя!

Икос 12
Поюще Твое Рождество, хвалим Тя вси, яко одушевленный Словесный Храм, Богородице, во Твоей бо вселься утробе вся создавый Собой неописанное сокровенное Слово, Плоть Свою от плоти Твоея восприяв, тем освяти, прослави и научи вопити Тебе всех:
Радуйся, чудное селение всех Бога Слова Создателя!
Радуйся, Рождеством Своим рождшая всех благодати Подателя!
Радуйся, верных Плоти Его приобщающая!
Радуйся, ко спасению нас вразумляющая и направляющая!
Радуйся, древнюю евину клятву Своим Рождеством разрешившая!
Радуйся, падший род человеческий с Богом соединившая!
Радуйся, радостью Рождества Своего все земные радости превосходящая!
Радуйся, мир оскудевший Божественной Мудрости Премудростью Своею умудряющая!
Радуйся, Премудрости сей скудных умом научающая!
Радуйся, Богу Слову плоть Свою давшая и тем всякую плоть спасающая!
Радуйся, плотью к земле пригвожденным ум к небесам устремляющая!
Радуйся, земную плотскую мудрость, иже буйство есть перед Богом, презирати Своим Рождеством научающая!
Радуйся, Слово премудрости просто просящим Рождеством Своим возвеселяющая!
Радуйся, Мати Всепетая, Бога Слово плотью родившая!

Кондак 13
О, Вспетая Мати, рождшая всех святых Святейшее Слово, Словом Своим мир Создавшего и на спасение верным нам Тебя, Мати всех и Создателя нашего Даровавшего! Нынешнее наше малое сие прими приношение, от всех бед избави, всякой премудрости нас исполни, а наипаче ко спасению премудрость нам даруй, о Тебе Богу вопиющих: Аллилуйя!
Сей Кондак чти трижды, по сем 1-й икос Ангел предстатель и 1-й кондак Избранней от всех…

Молитва к Богородице ради иконы Ея «Слово плоть бысть»
О, Всемилостивая наша Владычице, Мати всех радостей и Всех радостей Радость, Бога Слово на радость нашему падшему на скорбь обреченному тленному миру родившая! Прими малое моление сие, от скорби нашея Тебе приносимое и ко Престолу вся Своим Словом Создавшего Творца всяческих и Всемилостивого Спасителя нашего, державу скорби Поправшего, милостивно принеси! Даруй нам в скорби терпение, в надежде спасение, в молитве усердие и постоянство и ради милостивных Твоих щедрот от всех скорбей нас избави и на радость их преложение нам даруй!
Наипаче вразуми нас ко спасению нашему. Научи творити волю Сына Твоего Христа Бога нашего и в творении воли Его, всеблагой и всесовершенной, в скорби утешение, радость нового смысла жития нашего и скорбей на радость обращение нам даруй, да тако глаголам вечныя жизни поучашася, милость Божию да обрящем и бурное море жития сего прошед, достигнем тихой гавани спасения – чудного селения Бога Слова - Небесного Отечества нашего, где в вечной радости будем славить милосердие Сына Твоего и Бога нашего и Твое всемилостивое Матернее к Нему о нас грешных предстательство во веки веков. Аминь.

Составитель сего текста крайне нуждается во вразумлении и помощи Божией в своем творчестве на благо Церкви и России и молитвах о себе и своих близких:

О здравии р.Б.
Игоря
Валентины (ж)
Елены
Ольги
и всех благотворящих и молящихся за нас

Об упокоении
Анны
Василия
Михаила
Михаила
Пелагии
Кирилла
Григория
Ивана
Марии
Николая
Владимира
Нины
Спаси вас Господи!
hramov-teselkin@mail.ru