Кондак 1
Взбранной Воеводе победительная, яко избавльшеся Тобою от злых, благодарственная восписуем Ти раби Твои, Богородице, Ты же, яко имущая державу непобедимую, от всех нас бед, скорбей и печалей спаси и скорое Утешение даруй, да зовем Ти:
Радуйся, Мати милосердия, В скорбях и печалях Утешение подающая!

Икос 1
Ангелы – предстоятели – верные хранители наши, ведуще Деву Марию яко Всесильную Охранительницу, от всех бед Спасительницу и во всех скорбях и печалях Утешительницу, рекут Богородице:
Радуйся, и всесильному Ея заступлению и милосердию неизреченному дивяшеся, зовут к Ней вместе с нами таковая:
Радуйся, В скорбях и печалях Утешение!
Радуйся, через скорби к Богу обращение!
Радуйся, в скорбном обстоянии нас утешающая!
Радуйся, в терпении нести свой крест нас вразумляющая и укрепляющая!
Радуйся, учащая во всякой скорби видети волю Божию, иже вся ко благу направляющую!
Радуйся, все печали нам на радость обращающая!
Радуйся, Мати милосердия, В скорбях и печалях Утешение подающая!

Кондак 2
Видяще Тя яко Всемилостивую Утешительницу, В скорбях и печалях Утешение всем скорбящим несущую, все вернии радостью исполняются, Богу о Тебе зовя: Аллилуйя!

Икос 2
Разум неуразумеваемый все в скорбех и печалех пребывающии ищущи, к Тебе, Утешительнице скорбящих прибегая, в скорбях отраду и утешение, от бед и печалей избавление и скорое скорбей на радость преложение обретают, зовя Ти сице:
Радуйся, во всякой скорби Утешение!
Радуйся, всех скорбей на радость обращение!
Радуйся, скорбями от страстей угара отрезвляющая!
Радуйся, тем нас ко спасению вразумляющая!
Радуйся, учащая во всем следовать воле Божией, иже вся ко благу устрояющей!
Радуйся, к разумению воли Божией нас подвигающая!
Радуйся, Мати милосердия, В скорбях и печалях Утешение подающая!

Кондак 3
Силою Вышнего осеняема, воистину стала еси В скорбях и печалях Утешения сущим Подательнице, да вси от Тебя утешение получивши, всегда поют сице: Аллилуйя!

Икос 3
Имуще Тя, Пречистая наша Владычице, воистину В скорбях и печалях Утешение и Избавление от бед страждущих, вси вернии радостью исполняются и вопиют к Богородице:
Радуйся, Избавление от вечныя скорби родившая!
Радуйся, Рождеством Своим смерть победившая!
Радуйся, Утешение миру всему даровавшая!
Радуйся, тем породителя скорби поправшая!
Радуйся, утешения лишь в Боге искати научающая!
Радуйся, избавление от скорби в Сыне Твоем нас находити наставляющая!
Радуйся, Мати милосердия, В скорбях и печалях Утешение подающая!

Кондак 4
Бурю внутрь имея помышлений сумнительных, вси не хотящии жити по воле Божией не разумеют, как вси вернии, к ходатайству Твоему прибегая, В скорбях и печалях Утешение обретая, Сыну Твоему рекут: Аллилуйя!

Икос 4
Слыша Тя вси роди христианскии яко Добрую Ходатаицу и Заступницу и В скорбях и печалях Утешение подающую, к помощи Твоея прибегая, в скорбях и печалях утешение обретают. Сего ради поюще Ти реша:
Радуйся, душ праведных веселие!
Радуйся, Небесных Сил Бесплотных ликование!
Радуйся, недугов наших исцеление!
Радуйся, всех заблуждений исправление!
Радуйся, всех недоумений скорое и милостивое разрешение!
Радуйся, всех кающихся грешников несумненное прощение!
Радуйся, Мати милосердия, В скорбях и печалях Утешение подающая!

Кондак 5
Боготечной звезде подобна явися икона Твоя, Богомати, иже всем страждущим и помощи Твоея просящим В скорбях и печалях Утешение подает, подвигая Богу вопияти: Аллилуйя!

Икос 5
Видя Тя, о Всемилостивая Владычице, яко Всех скорбящих Радость, В скорбях и печалях Утешение подающей, вси вернии радостью неизреченной исполняются и вопиют Благословенней:
Радуйся, всем скорбящим Утешение!
Радуйся, всех скорбных обстояний разрешение!
Радуйся, всех печалей избавление!
Радуйся, нечаянное всех благ исполнение!
Радуйся, сердец ожесточенных умягчение!
Радуйся, скорбей на радость обращение!
Радуйся, Мати милосердия, В скорбях и печалях Утешение подающая!

Кондак 6
Проповедницы славнии милости Твоея пребывают все от иконы Твоея В скорбях и печалях Утешение улучившии милости и Того ради Сыну Твоему поющии: Аллилуйя!

Икос 6
Возсия икона Твоя, Богомати, яко славное просвещение Истины, Иже есть Господь наш Иисус Христос, Яже посла нам Тя яко Добрую Утешительницу скорбящих, В скорбях и печалях Утешение верным дарующую, да вси Ей утешеннии вопиют к Богородице:
Радуйся, скорбящих утешение!
Радуйся, слез на радость обращение!
Радуйся, алчущих и жаждущих правды насыщение!
Радуйся, Истины взыскующих к небесной правде обращение!
Радуйся, о Бозе плачущим Всемилостивая Воздаятельнице!
Радуйся, земных и небесных благ Подательнице!
Радуйся, Мати милосердия, В скорбях и печалях Утешение подающая!

Кондак 7
Хотя всем в скорбях и печалях пребывающим Утешение дати Всемилостивый Господь наш нам Тя Мати Свою дарова, да вси в бедах пребывающии Благую Утешительницу в Тебе обретают, зовя Сыну Твоему: Аллилуйя!

Икос 7
Новую Всех скорбящих Радость показа Матерь Свою Господь, В скорбях и печалях Утешение верным дарующую, иже от мира, дьявола и жестокосердных лжебратий в веке сем лукавом, прелюбодейном и грешном терпящим, да вси утешение и скорбей на радость обращение от Нея улучивши, воспоем Ю, вопиюще:
Радуйся, иже Сама велия скорби в мире сем лукавом, прелюбодейном и грешном люто претерпевшая!
Радуйся, и нам всем скорби терпящим сострадати научающая!
Радуйся, Воскресением Сына Своего Возлюбленного несказанно утешенная!
Радуйся, и нам В скорбях и печалях Утешение дарующая!
Радуйся, Твоя бо скорбь велия претворися в Радость несказанную!
Радуйся, и нам, Христа ради скорби претерпевшим, скорбей на радость преложение дарующая!
Радуйся, Мати милосердия, В скорбях и печалях Утешение подающая!

Кондак 8
Странно есть сынам лукавого и суетного века сего видети, как вси вернии, велия скорби в мире сем терпящи, яко, по глаголу Сына Твоего, ненавидит их мир, к славному ходатайству Твоему прибегая, скорое утешение, скорбей избавление и на радость их обращение от Тебя обретают, Сыну Твоему вопиюще: Аллилуйя!

Икос 8
Вся бо в вышних ныне пребываеши, о Всемилостивая, но и нас нижних не оставляеши славным Своим заступлением, к ходатайству Твоему всегда прибегающим и помощи и утешения Твоих просящим, сего ради и слышиши сия:
Радуйся, от бед, страстей и вечныя погибели спасающая!
Радуйся, всех верных скорби в радость обращающая!
Радуйся, лишь в Боге утешение нас искати научающая!
Радуйся, небесного прежде земного нас взыскати наставляющая!
Радуйся, небесным утешением всех верних утешающая!
Радуйся, земныя временныя скорби в вечную небесную радость обращающая!
Радуйся, Мати милосердия, В скорбях и печалях Утешение подающая!

Кондак 9
Всякое естество ангельское и человеческое удивися великому Сына Твоего вочеловечения делу, иже от честных кровей Твоих воплотися, неприступный Бог всем приступный быв человек, нам убо спребывающа, велия скорби в земном житии Своем до Самыя Крестныя Смерти Своея претерпев, сего ради и слыша же от всех: Аллилуйя!

Икос 9
Ветия многовещанныя суетного и многопопечительного века сего, яко рыбы безгласныя видим о Тебе Богородице, недоумевают бо, како вси вернии не пекутся о тленном, по глаголу Сына Твоего: «ищите же прежде Царствия Божия и правды Его, и сия вся приложатся вам», в бедах своих ко ходатайству Твоему прибегая, В скорбях и печалях Утешение от Тебя обретая, верно вопиют:
Радуйся, многопопечительных совопросников суетного века сего Своею простотою обличающая!
Радуйся, сердца наши к простоте небесной обращающия!
Радуйся, по глаголу евангельскому, иже безумие еси в мире сем, грешном и лукавом, нас жити научающая!
Радуйся, безумие самодовольного безбожного мира обличающая!
Радуйся, небесного утешения прежде земного нас искати научающая!
Радуйся, через земные временныя скорби вход на небеса нам устрояющая!
Радуйся, Мати милосердия, В скорбях и печалях Утешение подающая!

Кондак 10
Спасти хотя мир от вечныя скорби Иже всех Утешитель нам Тебя Матерь Свою В скорбях и печалях Утешение дарова, сего ради яко Бог слышит: Аллилуйя!

Икос 10
Стена еси всем верным, Богородице Дево, и всем к Тебе прибегающим, все бо к Тебе обращающиеся В скорбях и печалях Утешение от Тебя обретают, сего ради и всех приглашати Тебе научи:
Радуйся, во всякой скорби верное всем Утешение!
Радуйся, несомненное скорбей на радость обращение!
Радуйся, недоумений и хитросплетений суетного века сего быстрое простое разрешение!
Радуйся, всем разума Христова ищущим всемилостивое вразумление!
Радуйся, к небесному наш разум обращающая!
Радуйся, по воле Божией жити научающая!
Радуйся, Мати милосердия, В скорбях и печалях Утешение подающая!

Кондак 11
Пение всякое побеждается, Мати Дево, спростретися тщащееся ко множеству многих щедрот Твоих: равночисленныя бо песка морского и лествий земных песни аще приносим Ти, Богородице, ничтоже совершаем достойно, яже дал еси нам Сын Твой по ходатайству Твоему, Ему вопиющим: Аллилуйя!

Икос 11
Светоприимную свещу, нам во тьме скорбного жития сего явльшуюся, зрим икону Твою, Мати Дево, на ней бо предстоят вернии раби Сына Твоего, славнии ходатаи утешения нашего, иже молитвы к Престолу Твоему, Мати Света, всех просвещающего, Христа Бога нашего, верно приносят, к разуму Божественному нас наставляя, званиими же Тя почитая, сими:
Радуйся, Крестителя Господня Иоанна в ложеснах матери своея обрадовавшая!
Радуйся, от матери его южики Своея Елизаветы Духом Святым Матерью Господа нареченная!
Радуйся, Апостола Евангелиста Иоанна Богослова по глаголу Сына Своего при Кресте усыновившая!
Радуйся, и нам Твое сыновство чрез образы Твои, с ними же благодать Твоя и сила, даровавшая!
Радуйся, Святителей Николая и Спиридона милости покрове, всем верным от Тебя чрез них дарованный!
Радуйся, великомучеников Георгия и Димитрия дерзновение проповедания Христова непобедимое!
Радуйся, Мати милосердия, В скорбях и печалях Утешение подающая!

Кондак 12
Благодати дати источник восхотев отшедшим Того благодати всех благодати Податель нам Тебя Матерь Свою дарова, и образы Твои, яко благодати источник неисчерпаемый, о них же и слышит от всех сице: Аллилуйя!

Икос 12
Поюще славное Твое Рождество, хвалим Тя вси, яко одушевленный храм, Богородице, во Твоей бо вселився утробе содержаяй вся рукою Господь, Иже не токмо избавление от вечныя скорби, но и В скорбях и печалях Утешение в житии сем земном, многомятежном и скорбном, нам принесе, Милостивую Утешительницу скорбящих нам Тя дарова, освяти, прослави и научи вопити Тебе всех:
Радуйся, Башне, землю с Небом соединяющая!
Радуйся, Скале, для бурных волн многомятежного житейского моря недосязаемая!
Радуйся, Крепосте, всех верных от погибели спасающая!
Радуйся, броне надежная, от стрел вражиих защищающая!
Радуйся, мечу неотразимый, вся вражия поползновения посецающий!
Радуйся, Надеждо верная, нас в Боге утверждающая!
Радуйся, Мати милосердия, В скорбях и печалях Утешение подающая!

Кондак 13
О, Всепетая Мати, рождшая всех Творца и Владыку, избавление от вечныя скорби нам даровавшего! Нынешнее приемши приношение, от скорби нашия Тебе приносимое, от всякия нас избави напасти и В скорбях и печалях Утешение подаждь всем, Сыну Твоему о Тебе вопиющим: Аллилуйя!
Сей Кондак глаголи трижды, затем 1-й Икос: Ангелы – предстоятели… и 1-й Кондак Взбранной Воеводе Победительная…

Молитва перед иконой Божией Матери «В скорбях и печалях Утешение»
О, Всемилостивая наша Владычице, Всех скорбящих Радосте и Милостивая Утешительнице, Всеблагого Сына Мати Всеблагая, В скорбях и печалях Утешение и скорое Избавление от бед страждущим подающая!
Услышь милостиво сие моление наше, от скорби нашея Тебе вопиющих! Избави нас от всякия скорби и печали, да не рекут неверные: где Бог их?
Будь нам Всемилостивой Услышительницей, от всякия скорби Избавительницей, Всем скорбящим Радостью, всех благих Подательницей и Всемилостивной Исполнительницей и всем вся во благих добрых дел Устроительницей!
Наипаче по прошествии земного жития нашего буди нам Доброй Сопроводительницей на горьких мытарствах наших и Милостивой Домостроительницей земного, а наипаче небесного жития нашего, да тако, бурного моря жития сего прошед, достигнем тихого Пристанища – Небесного Дома нашего и восславим Твое неизреченное милосердие в Царствии Сына Твоего и Бога во веки веков. Аминь.

Составитель сего текста просит молитв о себе и своих близких

О здравии р.Б.
Игоря
Валентины (ж)
Елены
Ольги
и всех благотворящих
и молящихся за нас

Об упокоении
Анны
Василия
Михаила
Михаила
Пелагии
Кирилла
Григория
Ивана
Марии
Николая
Владимира
Нины