Кондак 1
Святый царю веков и Господи Боже мой, Отец наш Небесный, долготерпеливый и многомилостивый, молюся Тебе перед пречистым Твоим Образом со слезами покаяния и с глубины окаянныя и оскверненныя многими грехами души моея в скорбях возопию Ти:
Боже, Спасителю мой, помози омыти грешную душу мою слезами покаяния.

Икос 1
Анеглов Творче и вся видимая и невидимая Подателю жизни нашея, к Тебе припадаю с молитвою и прошением о прощении грехов моих. Боже мой! Боже мой, услыши молитву мою и рыдание души и спаси мя. Аз есмь весь во грехах и в немощах моих душа и сердце, лукавыми мудрованиями яко паучиною опутано злым духом все естество мое. Плачь душе моя, и рыдай, и возопий ко Господу Богу моему:
Боже, Спасителю мой, помози омыти грешную душу мою слезами покаяния.

Кондак 2
Иисусе Премилостивый, осияй мя светом благодати Твоея и сподоби неосужденно вознести молитву мою Тебе. Господи, отверзи уста мои и очисти от лукавствия мысли и сердце мое, да в радости возопию Ти: Аллилуиа!

Икос 2
Иисусе, Сыне Божий, прости и помилуй мя блуждающаго во тьме зломудрствования и не видящаго света Истины. Иисусе, Спасителю мой, помилуй мя, не исполяющаго заповедей Твоих. Иисусе, Пастырю мой предобрый, спаси мя в лености и во гресех все житие мое проведшаго. Иисусе, Сыне Божий, спаси мя, яко язвами греховными в суете земной скрылося все сердце мое. Иисусе Всещедрый, помилуй мя, в лукавствии и злых помыслах утопающаго. Боже сердца моего, услыши мя, взываю к Тебе:
Боже, Спасителю мой, помози омыти грешную душу мою слезами покаяния.

Кондак 3
Иисусе, Сыне Божий, даруй ми силу благодатную да не убоюся волн житейскаго моря и с покаянием во смирении последую стопам Твоим и возопию Ти: Аллилуиа.

Икос 3
Господи, Боже мой, веси яко студными помыслы окалях душу мою. Господи, просвети мой ум, омраченный земною суетою и яко слепому помози и мне прозрети от грехов моих, дабы видети Премудрость Славы Твоея. Боже мой милосердный, Ты постучишь в двери храма оскверненнаго сердца моего, помози ми слезами покаяния очистити и открыти его зову Твоему. Я был в пасти льва и змия и Ты спас меня. Я был болен, смерть стояла у одра моего, но Ты по милосердию Твоему пощадил меня, дабы я раскаялся о гресех моих. Боже, Спасителю мой, виждь немощь мою и прости вся беззакония моя, Боже мой, святое Солнце наше, озаряющее милосердием Своим нас грешных, услыши глас мой, вопиющий к Тебе:
Боже, Спасителю мой, помози омыти грешную душу мою слезами покаяния.

Кондак 4
Се, приидох к Тебе, Иисусе, Сыне Божий, и, припадаю к святому образу Твоему, славословлю долготерпение Твое ко мне, грешному, воспевая к Тебе, Господи, хвалебную песнь: Аллилуиа.

Икос 4
Боже, Отец наш милосердный. Тяжко, тяжко согрешил я пред Тобою и несть ныне достоин воззрети на высоту славы Твоея. Душе моя! Что спиши? Душе моя, что терзаешися во гресех? Воззови ко Господу о покаянии: Боже, очисти мя, грешнаго! Боже, очисти мя, грешнаго! Боже, очисти мя грешнаго и помилуй по беконечному милосердию Твоему. Вем, Господи, яко из мутнаго источника не может течь чистая вода, так и из моей мутной души не может возноситися чистая святая молитва. Но Ты, Долготерпеливый и Многомилостивый, Вечный Свет, всесильное и всемогущественное Солнце Правды озаряющее всю вселенную и нас, грешных. Ты, безначальное Начало, Творец всего бытия, Ты еси Премудрость, вселяющая радость в сердца наша! Внемли воплю моему и помилуй мя! Днесь окрыленный мыслию о милосердии Твоем, дерзаю к Тебе, Господи, услыши плач моей души, взывающей к Тебе:
Боже, Спасителю мой, помози омыти грешную душу мою слезами покаяния.

Кондак 5
Иисусе, Сыне Божий, сподоби мя возлюбити Тя от всея души моея и от всего помышления моего, и от всего сердца моего. Умудри в суете дне сего выполняти без лукавствия святую волю Твою, да в умилении воспою Ти: Аллилуиа.

Икос 5
Боже многомилостивый, даруй мне горько плакатися о гресех моих, даждь мне слезы покаяния. Боже долготерпеливый, коснися окаянныя души моея, да раскаюся о гресех моих. Даждь мне слезы покаяния. Боже долготерпеливый, коснися окаянныя души моея, да раскаюся о неправде моей. Очи мои утеряли девственную чистоту и укрылися язвами грехов моих. Боже, коснися очес моих, во еже не видети суеты земной. Уши мои осквернились мерзостию словес безумия человеческаго. Ниспосли ми Ангела-хранителя, да коснется их и очистит их, дабы мне слышать зов твой. Плачь, душе моя, плачь о гресех моих, конец жизни приближается и имам возскорбети. Плачь, рыдай и молися - и услышит, и помилует тя Бог наш и Бог мой долготерпеливый и многомилостивый.
Боже, Спасителю мой, помози омыти грешную душу мою слезами покаяния.

Кондак 6
Заблудихся я, о Господи, и сбился с пути истины, и ныне потопаю во гресех моих. Ниспосли ми Ангела-хранителя, да водворит мя на путь спасения и да возопию в радости: Аллилуиа.

Икос 6
Господи, Иисусе Христе, Ты ниспосылаешь благорастворение воздухов, изобилие плодов земных и времена мирны. Я же, пребывая в лукавствии и гордости, забываю о всех милостях Твоих. В сей мир я ничего не принес, и умирая ничего не возьму с собою, кроме дел своих. О, сколько же зависти, клеветы, неправды, чревоугодия, лени, прелюбодеяний соделах аз в житии своем. Где добрыи дела твои, о душе моя? Где милосердие? Где любовь всепрощающая? Боже, Спасителю мой щедрый, виждь страдания души моея. И яко отец в притче Твоей простил еси блуднаго сына, так и Ты прости грехи моя вольныя и невольныя, и яко блудницу помиловал еси и разбойника о единонадесятом часе простил, тако прости и помилуй и меня, припадающаго со слезами покаяния к незримому Образу Твоему, и взывающим:
Боже, Спасителю мой, помози омыти грешную душу мою слезами покаяния.

Кондак 7
Пребывая в лени, я не посещаю храма святаго Твоего, идеже Ты невидимо обитаеши среди молящихся. Я забываю о заповеди Твоей седьмой день посвящати Господу Богу нашему и егда молился Тебе, сердце мое далече отстояло от Тебе, злый дух ослепил очи мои, осквернил уши и сердце, и проникает в мысли мои. Плачь, душе моя, о гресех моих. Плачу Боже любвеобильный и многомилостивый! Виждь скорби души моея и прости ми вся грехи моя, и укрепи мя в немощах моих, и умудри не забывати всех воздаяний Твоих, и молитися Тебе с чистым сердцем, и Ангела-хранителя не отыми от мене, да сохранит мя от козней злаго духа, и да прославлю Святое имя Твое Отца, и Сына, и Святаго Твоего Духа, возносяще песнь Тебе: Аллилуиа.

Икос 7
Боже, Спасителю мой, врачу души и тела моего. Ты ниспосылаешь нам болезни и печали, ибо Ты еси Любовь испытующая и спасающая нас. Ты посылаешь испытания, дабы мы каялись во грехах своих и укреплялись в милосердии Твоем. Аз есмь нищ и убог, и язык мой прильпе к гортани, но услыши мене, Всещедрый Боже, и избави от искушений злаго духа, и прости ми вся злодеяния сердца моего ибо скорби сердца моего умножилися, да возопию Ти яко мытарь: "Боже, милостив буди ми, грешному". Иисусе, Сыне Божий, освети мою больную душу, взывающую к тебе:
Боже, Спасителю мой, помози омыти грешную душу мою слезами покаяния.

Кондак 8
О, Глубино необозримая! О, Богатство Премудрости и Милосердия Божия! Как недостижимы, о Господи, судьбы Твои. Освети светом истины и мене маловернаго, да из глубины души моея вопию Ти: Аллилуиа.

Икос 8
О, Иисусе Любвеобильный, претерпевый крестные страдания за нас грешных, Путь ко спасению нас. Помилуй мя, грехми своими распинающаго Тя. Вем, Господи, яко апостолы и пророки Божии в Святом Писании указали нам путь ко спасению. Я же, пребывая в лукавствии, имея уши слышати, не слышу, очима видети и не вижу. Помилуй мя, Боже, много раз кающагося во гресех своих, и паки идущаго в немощех моих по лукавому пути. Иисусе, Сыне Божий, Ты даровал еси причастникам Святых Тайн Твоих радость общения с Тобою. Дару и ми приняти их во исцеление души моея. Иисусе, Сыне Божий, услыши мя в печали сердца взывающаго к Тебе:
Боже, Спасителю мой, помози омыти грешную душу мою слезами покаяния.

Кондак 9
Господи Боже мой, я вижду чертог Твой, не имам чистой одежды да вниду в онь. Отверзи ми двери покаяния. О, Спасителю мой, просвети одеяния души моея грешныя и спаси мя, да в радости сердца моего воспою Ти: Аллилуиа.

Икос 9
Иисусе, Радосте наша, помилуй мя. Иисусе, Сыне Божий, показавый учеником Твоим на горе Фаворе славу Твою, да возсияет Свет Твой неугасимый и в моей душе. В саду Гефсиманском Ты рекл еси учеником Своим: бдите и молитеся да не внидете в напасть. Иисусе, Сыне Божий, научи и мене молитися Тебе душевною живою молитвою к Тебе Всеблагому. Иисусе, Сыне Божий, услыши глас грешнаго раба Твоего, вопиющаго к тебе:
Боже, Спасителю мой, помози омыти грешную душу мою слезами покаяния.

Кондак 10
Иисусе, Боже мой, Ты воскресил еси из мертвых праведнаго Лазаря, воскреси и мене из бездны грехов моих. Яко умершему Лазарю повелел еси выйти из пещеры, тако и мене изведи из пещеры грехов и беззаконий моих, да воссияет в душе моей свет истины и в радости сердца моего возопию Ти: Аллилуиа.

Икос 10
Иисусе, Сыне Божий, тебе Долготерпеливому и Многомилостивому согрешил я и в лукавствии пред Тобою проходит все житие мое. Ныне плачуся о гресех моих и яко пророк Давид вопию Ти: помилуй мя Боже по велицей милости Твоей, и по множеству щедрот Твоих очисти беззаконие мое! Вем, Господи, яко вера без дел мертва есть. Добрых же дел не имам и душа моя воскорбе печалью. Ты рекл еси, Господи: блаженни плачущии, яко тии утешатся. Боже Милосердный, научи мене плакатися о гресех моих и услыши мя, взывающаго к Тебе:
Боже, Спасителю мой, помози омыти грешную душу мою слезами покаяния.

Кондак 11
Ты рекл еси, Господи: любите враги ваша, благословите кленущие вы, добро творите ненавидящим вас и молитеся за творящих вам напасть и изгоняющия вы, яко да будете сынове Отца вашего, Иже есть на Небесех! Боже, Спасителю мой, помози возлюбити ближних моих и мир Твой и вся яже в нем, яко премудрость творения рук Твоих и воспети из глубины души моея песнь славы: Аллилуиа.

Икос 11
Иисусе, Сыне Божий, прости ми еже аще согреших от юности моея умом или помышлением, словом или делом, ведением или неведением.
Господи, спаси благочестивые и услыши и мене многогрешнаго и недостойнаго раба Твоего, и не остави мене милосердием Твоим во имя Отца, и Сына, и Святаго Духа Твоего.
Иисусе, Утешителю благий, помилуй мя.
Иисусе, Радосте наша, услыши и мене, да возрадуется сердце мое.
Иисусе, Сыне Божий, Ангела-хранителя не отыми от мене и Духа Святаго Твоего Утешителя Милосерднаго нисполи мне.
Боже, Вездесущий и Всемогущий, утоли печаль мою и услыши глас мой, вопиющий к Тебе:
Боже, Спасителю мой, помози омыти грешную душу мою слезами покаяния.

Кондак 12
Потопая во гресех, преклоняюся к святым стопам Твоим, Господи, взывая к Тебе: омый мя слезами покаяния моего и буду чист. Даруй ми слышати радость милосердия Твоего и возвесели сердце мое, грехми многими сокрушенное. Сердце чисто созижди во мне, Боже мой, да в радости Духа Святаго возопию Ти: Аллилуиа.

Икос 12
Иисусе, Сыне Божий, помилуй мя в лицемерии и гордыни сердца моего проведшаго все житие мое.
Иисусе, Сыне Божий, помилуй мя, получившаго в дерзости моей все одарованности, данныя Тобою при рождении в дар ми, грешному.
Иисусе, Премудросте наша, помилуй мя, забывшаго о ближних моих.
Иисусе, Утешителю Благий, помилуй мя, не научившагося любити Тя и исповедовати Заповеди Твоя, чад наших и ближних моих. О, какими слезами я смою горе и скорби сердца моего?
Верую о, Господи, яко Ты слышиши молитвы кающихся грешников.
Услыши и мене в скорбех сердца взывающаго к Тебе: Боже, Спасителю мой, помози омыти грешную душу мою слезами покаяния.

Кондак 13
Господи, Боже мой, Спасителю души моея, Ты даровал еси начало жизни, дабы я в радости и чистоте сердца творил святую волю Твою.
Я же в гресех от юности моей сбился с пути Истины, яко овча заблуждшее хожду в горести моей. Днесь в скорбех сердца моего припадая к святым стопам Твоим, вопию Ти: Боже мой, Боже мой, услыши и не презри молитвы моея. Умудри, о Господи, познати радости и премудрости Твоя Святыя и в Вере Твоей Православной утверди мене маловернаго и нечестиваго, сподоби разумети Заповеди Твоя всем разумом моим, всем сердцем и всею душею моею и без лукавствия выполняти их и творити Святую Волю Твою.
Не уклони сердце мое в словеса и помышления лукавствия, и умудри зрети и не забывати всех воздаяний Твоих. Благослови труд мой и сподоби остатки дней моих сохранити чистоту сердца моего и ниспосли благодать Духа Святаго Твоего, да утешуся и воспрянет от грехов и скорби душа моя и в умилении сердца возопию Ти: Слава Отцу, и Сыну, и Святому Духу ныне и присно, и во вся веки. Аминь.
Душе моя! Душе моя, плачь и молися о гресех моих и омою тя слезами покаяния, и пощадит, и помилует мя Христос Бог наш Вездесущий и Всемогущий по велицей Своей милости. Помилуй мя, яко Ты еси Бог наш и мы людие Твои! Слава долготерпению Твоему, слава всей силе Твоей, о, Господи! Аллилуиа, Аллилуиа, Аллилуиа!

Молитва
Боже, Спасителю мой, Ты еси источник жизни и безсмертия душ наших. Ты возлюбил еси всех нас и мене, прежде нежели я начал быти во имя великой и Божественнй Любви Твоей к нам грешным. Ты, Господь наш Иисус Христос, принесл еси Себя в жертву, принял еси крестныя муки и пролил еси Свою Святую и Божественную кровь за грехи мира, и за меня, нечестиваго. Боже, Отец наш милосердный, сподоби всех нас и мене познати и не забывати сей Великой Тайны - Тайны Любви Твоей, Сына Твоего Единороднаго, к нам грешным.
О, сколько раз я оскорблял и опечаливал Тебя, Господи Боже Мой, своими гнусными и лукавыми делами и помышлениями. В лукавствии я забываю милосердие, щедроты и долготерпение Твое, Господи, ко мне грешному. Аз есмь весь во гресех, а Ты, Господи, каждое мгновение даруеши для меня Свое милосердие: хлеб в подкрепление немощной плоти моей, воду, утоляющую нашу жажду, плоды, чистоту воздуха, теплоту солнца, одежду, радость сердца в минуты, когда растроганная душа возносится к Тебе. Мои грехи растут и растут, и окружают меня, яко волны морския. К кому же, Господи, возопию, и к кому же вознесу взоры и молитву мою о гресех моих, аще не к Тебе, Господи! Со слезами я ищу Тебя, Боже мой, и снова теряю, но не презри немощи души моея, качающейся и всегда пребывающей во гресех.
О, Господи! Господи, какими слезами возблагодарю я Тебя за милосердия Твои и какую песнь воспою я Тебе? Ты еси жизнь моя, радость неземная и вечная любовь моя. И когда я теряю Тебя, тьма окружает меня смертная и наполняет сердце мое, и душа скорбит, скорбит за Тобою.
Боже, Спасителю мой, сподоби и впредь познавати Святую Любовь Твою, и нисполи Благодать Духа Святаго Твоего. Да наставит меня, маловернаго и малодушнаго на путь спасения и научит меня, грешнаго, со смирением и любовию творити волю Твою, и попали в огне милосердия и благодати Твоея лукавые помышления моя, и яко металл в горниле, переплавь сердце мое и обнови и очисти его от греха моего, да в радости возопию Ти: Аллилуиа! Аллилуиа! Аллилуиа!
Плачь, душе моя, плачь и рыдай! Боже сердца моего, услыши скорби о покаянии души моей и приди и соедини мя с Тобою навеки! Боже, Спасителю мой, помози омыти грешную душу мою слезами покаяния.

Молитва МОЯ
Сподоби, о Господи, дабы свет любви осенял мой ум и мою душу до конца дней моих. Умудри мене, Господи Боже мой, в суете земной объяти необъятное для меня, дабы все поступки мои и мысли мои были целомудренны и святы. Помоги мне, от юности моея пребывающему во гресе, милосердный Боже, по морю житейскому с покаянием и смирением прийти к Тебе! Верую, о Господи, яко Ты еси Бог мой творяй чудеса и мы людие Твои. Аминь!