Кондак 1
Избранней Дщи Иерусалима Новаго, мраку времен воссияша горняя во славу, дольняя во утешение, воспоим ти любовию, святая Царственная Мученице, Великая Княгиня Елисавето, сподвижнице Зиждителя Живота и Спасения наша, ты же благ сих в мире алчущим, в Рассеянии же Русстем всем Матушка Заступнице, не остави нас молитвами твоима, научая взывати ти православно:
Радуйся, святая Царственная Мученице, Великая Княгиня Елисавето, благодатию райския мира грешнаго врачевание!
Икос 1
Ангелов Творче посла тя Радугою над Потопом, Заветом Милости человекам и манною верным во Исходе их, Руси же недугующей во уразумение, нету бо тоя бездны и тоя пучины адския, коей Спаситель не пройде прежде в верных Своя; мы же дивящеся Премудрости Вседержителя и таковому о тебе Христа Спасителя Упованию, со страхом Божиим и умилением сердца возопиим песнь похвальну ти ситце:
Радуйся, Крине белая Русстего Помрачения
Радуйся, Жасмине Иисусова Снисхождения
Радуйся, лугов Альпийских благоухание
Радуйся, мёда горнего страждущим подание
Радуйся, Христа Спасителя мудрое времен Управление
Радуйся, миром многоценным страстей умащение
Радуйся, сластью духовней горечь бед исцеляющая
Радуйся, на луг Христа заблудших сбирающая
Радуйся, святая Царственная Мученице, Вкликая Княгиня Елисавето, благодатию райския мира грешнаго врачевание!
Кондак 2
Виде Всеблагая Мати огнь злобы сатанинской вновь на Русь с Запада насылаема, Удерживающего же на закалание уготована, во слезех молила Сына Своего о крове верным, Той же яви тя миру, благоверная Княгине Елисавето, образе Крепосте Державна, да Подвиг во Истине Стояния уразумеша, согласно Богу возопиют: АЛЛИЛУЙЯ!
Икос 2
Вселенныя Создатель и веков Творче уготови тя, Агницу златорунну, умягчение облачно, голубицу, живота Знамение дающу в потопе времен последних, мы же Заветов изначально сбытию дивящеся и бездну милосердия Божия прозре, благодарне славословим тя ситце:
Радуйся, Света Старого утренне дуновение
Радуйся, Масличной Горы и Вифании цветение
Радуйся, славных родов царских дивное прозябение
Радуйся, Креста Отечества державно укрепление
Радуйся, пророков Руси святое наитие
Радуйся, чаяний верных преславное сбытие
Радуйся, сокровищ отчих дивное умножение,
Радуйся, человеков Свету пробуждение,
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 3
Семью и Отечество, вкупе же почести и лесть остави, тяготы и муки кротко прияла еси, Великая Княгине Елисавето, бури клевет не убояся, всякий труд радостию принимая, душу за ново Отечество полагая, тем же и имя стяжа Велией Матушки, Заступницы за род Христианский, мы же дивящеся таковому о Руси недугующей попечению Отца Небеснаго, Ему возопиим: АЛЛИЛУЙЯ!
Икос 3
Боготочною звездою на небосклоне славы духовней воссияла еси, святая Царственная Мученице, Великая Княгине Елисавето, Супруга своего, Благоверна Князя Сергия, Отцем и Наставником почитая, удел его принимая, храмы же, монастыри и пустыни усердно во след посещая, сокровищам духовным Руси Святой дивяся, ныне же прими и от нас за то благодарения глас ситце:
Радуйся, красотою Ангельския августейших родителей удивившая
Радуйся, Заветы Христа паче жизни возлюбившая
Радуйся, мученицы за род Христианский именем нареченная
Радуйся, Крестителя славою полна луна явленная
Радуйся, Сергия Горлице, Русских Орлов осенение
Радуйся, Закладе многоценный, миру во спасение
Радуйся, свече Иерусалимския, на Руси возженная
Радуйся, нового века Заре, на Востоке рожденная
Радуйся, святая Царственная Мученице, Великая Кнгня Елисавето, благодатию райския мира грешнаго врачевание!
Кондак 4
Заботы о Граде Престольнем, Державе и людех со страхом Божиим совершала еси, Княгине Елисавето, на всяко дело и на начало пути благословение Богородицы Иверстей испроси, яко древле Апостоле Царицы Небесней, Сыну Ея вся силы и усердие полагая, Богу же воспевая: АЛЛИЛУЙЯ!
Икос 4
Течением вод небурных от Кремля и сени Иверстей ревность народа по Бозе видеши, учения и молитвы свв. отец со всем усердием познавала еси, пути славнаго рода Романовых храня непорочно, ликуя втуне о Чуде Богоноснем, яко некогда о Спасителе во чреве Мариином Елисаветь, сего ради и люд Православный явно ныне ликует славя тя сице:
Радуйся, подвигами Веры Народа своего утешенная
Радуйся, всем православным Сестра и Мати сердешная
Радуйся, Русь помраченну в объятия приявшая,
Радуйся, всякое Руси чадо сердцем осиявшая
Радуйся, праведного Царя и Наследника Крове пресветлый
Радуйся, Праведной Царицы и Чад Опоро приветная
Радуйся, Самой Царицы Небесней верная Дружнице,
Радуйся, Иерусалима Новаго Служнице,
Радуйся, святая Царственная Мученице, Вклкая Кнгине Елисавето, благодатию райския мира грешнаго врачевание!
Кондак 5
Видя Супруга своего, благовернаго Князя Сергия, Хранителя Православнаго Царя, Града Москвы, Отечества и Гроба Господня, Лазаря Новаго, отверженна, люте оклеветанна и убиенна, не пала еси на лице свое вопия зело, но рабо Божия смиренна кротце орудие в сердце приняла еси, Мученика достойно проводи, за мучителей прося, от мира же Христианскаго Крест Честной водрузи, мы же дивящеся таковому к людям состраданию, зла не мыслящу и святое за злое сотворяя, Подателя сих восхваляем: АЛЛИЛУЙЯ!
Икос 5
Одинокой голубицею над птенцом изверженна крылля простерше, святая Царственная Мученице, Великая Княгине Елисавето, страждущих под оныя сбирая, обители устрояя, народ утешая и всим от сердца вся подавая, Церкве же венец страданий вослед Помазанника уготовляя, пети купно народ вдохновляя сице:
Радуйся, Распятому жизнию порадевшая
Радуйся, смертию во ад за Ним нисшедшая
Радуйся, милосердию праведной Матерью наученная
Радуйся, Любы Горняя Ученице смиренная
Радуйся, святые обеты от юности принесшая
Радуйся, до конца претерпевшая
Радуйся, тщание по Бозе Супруга праведнаго возлюбившая
Радуйся, Иверстей Одигитрии о Руси молившая
Радуйся, святая Царственная Мученице Елисавето, благодатию райския мира грешнаго врачевание
Кондак 6
Отечества Воскрсения паче жизни чающе и предустрояя, служение Богу и Церкви Его со страждущих опекой многоразличней совокупила еси, труды велие сотворяя, Хитрового рынка Ангел Хранитель явилася еси, Великая Княгине Елисавето, союз Марфы и Марии всим в пример полагая, да всякий по Господе грядый заботой о ближнем наипаче Богу угождает и Заповедь Любве свято исполняет, непрестанно воспевая: АЛЛИЛУЙЯ!
Икос 6
Велией Матушкой Русь прошед, ни единого от малых сих не остави, упадающих бодря и согревая, духовное дружество и заботу безмездну о чадех Господних миру утверди, научая по образу тому подобно быти и имя твое с любовью велией призывати:
Радуйся, святаго Сергие присная Собеседнице
Радуйся, заветов его славная Наследнице
Радуйся, Корабля Спасения мудрая Водительнице
Радуйся, Православия истинна Насадительнице
Радуйся, светло Русь облагоухавшая
Радуйся, садами храмы украшавшая
Радуйся, цвета белаго щедрое дарование,
Радуйся, Лазарева воскресения благоухание
Радуйся, святая Царственная Мученице Елисавето, благодатию райския мира грешнаго врачевание!
Кондак 7
Ярославне подобна некогда в Путивле, в часовне Иверстей молилася еси, святая преподобномученице, Пути взыскуя, имения и богатства рода Царского Отечеству и люду дарова, вериги же со власяницею возлагая и ко Подвигу уготовляясь, Промыслителю денно и нощно воспевая: АЛЛИЛУЙЯ!
Икос 7
Веру Истинну и Любы Нелицемерну болями за страждущий род Христианский распали, Вифанию Нову во Граде Подвига Супруга Венценоснаго Москве основала еси, святая благоверная Княгиня, святых Сестер Марфы и Марии пример Евангельский являя, отречение мира вольное, о Церкве и Гробе Господне попечения понесла еси, Богу день каждый полагая, Русь во Гроб Сходящу благовониями души умащая, сим же и Русь Воскресша благодарне воспевает о тебе ныне:
Радуйся, благоверных жен прославление
Радуйся, княгинь праведных светло украшение
Радуйся, почестей за подвиги не взыскующая
Радуйся, Светом и Духом мрак безмездно врачующая
Радуйся, у одр страждуших ночи проводящая
Радуйся, в молитвах за род Христинский не спящая
Радуйся, обителей дальних смиренная Страннице
Радуйся, великая Христа Избраннице
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 8
За падший род человеческий волею Страдавшу Христу уподобишася, от дней древних, от страданий и лютой гибели Ныробского Мученика, и в сем веке лукавом и отступном славный род Романовых за страну и народ свой мучение вольное приял еси, Радугу Завета Милости Божией Руси сотворяя и мирове Воскресение предуготови, покаянно научая всих Бога призывати: АЛЛИЛУЙЯ!
Икос 8
Попечение о Матери Своея и о людех на Кресте Свершавшему сугубо уподобляясь, святая Царственная Мученице Елисавето с верною Варварою, во бездне адския заботу о триех Князьях мучениках Иоанне, Игоре, Константине, Владимире и всех Алапаевских страдальцах совершала еси, раны врачуя, веру укрепляя, крестным Знамением осеняя, мы же дивящеся Подвигам твоим Евангельским, со трепетом воспеваем Господу о тебе таковая:
Радуйся, Жатву добру Христу собравшая
Радуйся, образе Его и во узах являвшая
Радуйся, Зиждителя времен собеседнице
Радуйся, Гроба Господня Наследнице
Радуйся, за Церковь, Невесту Христову, зело пострадавшая
Радуйся, венец от Царя царей приявшая
Радуйся, благоверных мужей укрепление
Радуйся, и Ангелов изумление
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 9
Земля Алапаевская воистину Небо земное бысть, святая Царственная Мученице Елисавето, тебя бо благодарне приимше, не устрашилася бо муки адския и Крестнаго Испытания своего, волею душу за Отечество полагая, Христу Спасителю воспевая: АЛЛИЛУЙЯ!
Икос 9
Сила Вышняго осени тя, Жертва Праведна Богу, Великая Княгине Елисавето, да вси крепосте твоя толику восприяше, не смутятся в вихрех и на мразех века безБожнаго, ни в Русскаго Исхода муках Крестных, ни в Рассеяннии оного страданиях, все сие Свыше послана быти благослови и достойне Богу о тебе воспевая ситце:
Радуйся, яко по водам Спаситель верой ходящая
Радуйся, Апостолов и пророцев мужество хранящая
Радуйся, под камнепадом времен обители устроявшая
Радуйся, Подвигом Любви мир осиявшая
Радуйся, Невесто краснейшая, Руси Благословение
Радуйся, Дщи верная, Отчее утешение
Радуйся, Царствия Небеснаго недугующим Снисхождение
Радуйся, во всем Христу уподобление
Радуйся, святая Царственная Мученице, Великая Княгине Елисавето, благодатию райския мира грешнаго врачевание
Кондак 10
Велие чудо видим о тебе, благоверная Княгине Елисавето, яко десницею Вышняго многажды охраняема во след царя Мученика с Царицею и чады, и верные вси венцем вкупе венчаема, отрекшимся во изумление, да убоятся лютых, плода не содевающих и в пучины бед ввергающих, и Богу Единому угождая да возопиют: АЛЛИЛУЙЯ!
Икос 10
Ветии многовещаны безгласны бысть, высоту тоя созерцая, святая Царственная Мученице, Великая Княгине Елисавето, Знамения и чудеса о тебе явленные счести не могущи, како Сергия Радонежскаго одесную тебе явление, Ангелов пение и света сияние на месте за Русь Честнаго твоего Страдания, Иверския Иконы Монреальския, у Честнаго Апостольника твоего возложенна, муроточение обильна, мы же глубину падения наша уразумеша, в покаянии да узрим Свет, зовущи:
Радуйся, в бурех века скало несокрушимая
Радуйся, пламя Любве Господней неколебимое
Радуйся, над Иерусалимом Звездо лучистая
Радуйся, Вышних дерзновение чистое
Радуйся, Торжетво Веры Православныя,
Радуйся, Мученице Державная
Радуйся, мирро до капли в мир излиянное
Радуйся, восхода Заре долгожданная
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 11
Зерном миру во процветение глубоце сшед, обильне Плод духовный сотворила еси, Великая Княгине Елизавето, Христа ублажи чад Его спасением, Церкве Зарубежныя Гефсиманским Осенением, Царственных Мученик Прославлением, Иверския Одигитрии во Монреале обильна муротечением, Вождя Дарованием и всего мира верных вкупе славно Богу похвалением: АЛЛИЛУЙЯ!
Икос 11
Стена еси всим верою тебе прибегающим и ограждение необоримо, в Рассеянии же Русстем сущим утешение и теплый крове, да земнаго Крова и Отечества лишени, Духом и Верою возрастут, образе твоя честно соблюдая и похваляя ситцевая:
Радуйся, Руси спасенной Красото и Похваление
Радуйся, кладов несметных миру отверзение
Радуйся, реко многоводна пустынь питающая
Радуйся, луче страждущим и странным витающая
Радуйся, палато Духа преобильная
Радуйся, серафимския любве всесильная
Радуйся, образе Христова за чад радения
Радуйся, гонимым за веру крове и благословение
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 12
Медвяна реко благодати Света Стара исшед, Востоком мнгоумноженна, Честной Гроб твой со святым Серафимом Землю обойде и освяти, во Гефсимании по слову твоему упокояясь; яко Лилию Иерусалима Небеснаго, яко Скинию Завета: Знаменем Побед Евангельских и Церкви Вселенския Утверждением Державным, пронесе и сохрани Христос в верных Своих Гроб твой Всечестный, русло Живота и времен течение ко Свету управляя, верных укрепляя, неверных же зело устрашая и покаянно пети научая: АЛЛИЛУЙЯ!
Икос 12
Душу народа глубоце изведа, посреди новыя Храмины Российския сень памяти и чертог новобрачный уготови, библейски украси, Великая Княгине Елисавето, да узрят за Господа жизнию и смертию двоих усердие едино, врата райские отверзающа, о любви земной небесно наставляюща, Богу же плод духовный красно, честно сотворяюща:
Радуйся, Святой Земли миру Радужно Сияние
Радуйся, дерев Гефсиманских благоухание
Радуйся, Руси Вишнева Сада спасение
Радуйся, греха ея отступного Исцеление
Радуйся, малого стада Христова Водительнице
Радуйся, времен последних Управительнице
Радуйся, Лилия Града Утешения
Радуйся, Жасмине, Ландыше Прозрения
Радуйся, святая Царственная Мученице, Великая Княгине Елисавето, благодатию райския мира грешнаго врачевание!
Кондак 13
О Царственная главо Спасения и вселенскаго Устроения наша, святая Царственная Мученице, Великая Княгине Елисавето, призри милостиво на чад Божиих, во языцех собранна, и испроси у Господа долгов наших разрешение и велию милость, да умножит, укрепит Веру Православную, Отечества да подаст во святых возстание, душ спасение, Русскому Рассеянию заступление, Вседержителю же Творцу всем миром вопевание: АЛЛИЛУЙЯ!
МОЛИТВА
ко св. Царственной Мученице ВК Елизавете Романовой.
О даровании России православного правительства и мировом Воцарении Церкви Православныя.
О велие и светле Православия Торжество, Пресвятыя Троицы Похвало и Утверждение, Невесто Руси краснейшая, Богу и Отечеству Царственнаго Супруга своего, благовернаго Князя Сергия, до страданий и смерти верная Княгине Елисавето Российская!
Услыши моление наша, к тебе прибегающих и Державныя помощи твоея дерзновенно чающе. Нет и птицы малыя, коей Творец не украси дивно и не напитай, мы же твоею и Супруга твоего, вкупе Царя-Мученика Николая, Царицы-Мученицы Александры, со всеми Чада Венценосная, и всего рода Романовых Царственною на Кресте Кровию омыты и искупленны пред ликом Всесвятыя Троицы ныне предстоим, пение Новомученикам Российским от сердца сотворяя.
Уповаем, надежду непреложну имущи, яко во испытании земном душу о чадех Божиих матерински полагала еси, услышаны будем мы и во Царствии радосте твоея о Христе Иисусе, со всеми Царственныя Мученики за Русь пострадавшими.
Умоли Царя Небеснаго, Зиждителя града Утешения, Иерусалима Новаго, Дар веры нам даровати, Наследие Отцов право сохранити и плод благодарения сотворити, достойне подвигов Искупителей Божиих, нам, паче первородна падшим, щедре дарованны.
Да полнится Земля светом трисолнечным, сердцам во умягчение, умам во уяснение дел Господних, да процвете как саде Гефсимаеский; да отыде прочь враг един древле рода человеческаго и да пошлет Вседержитель миру умирение, земли отдохновение, труды во благо на Трапезу Господу обильна.
Да подаст Всемилостивый Творче Народу Православному православного правителя, вернаго сына святой Матери России, народу нашему согласие и единение, Церкве же Православной возстание и крепкое в мире владычество. Да просветятся вся концы Земли Премудростию Божией, мир отступный упасшей и уврачевавшей.
Да исполнится молитвами твоими упование избранных о крове и спасении стада малого, дети наши да возрастут в Духе и да станут они святыми мужами и святыми женами. Не остави Любы Божия, Главизно сих священна, мира сего во веки веков. Аминь.
Кондак
Уготованная Господом к равноапостольному служению, святая Царственная Мученице, Великая Княгине Елизавето, за Царственным Супругом, благоверным Князем Сергием, Христу последовала еси, паче благ земных и всих почестей царских Первую Заповедь возлюби, подъяла и Крест Страданий за род человеческий, за Россию и Церковь, Подвиги мужества сотвори, положила еси душу и кровь до капли за Царя, за народ Православный, за Воскресение Руси святей во славе, тую же утверди и украси попечениями и трудами велия, тем же песньми с любовью восхваляем тя:
Радуйся, святая Царственная Мученице, Великая Княгине Елизавето, миром Христовой любве весь мир облагоухавшая!
Тропарь, глас 1
Смирением достоинство царское сокрывши, Богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси; мы же, чтуще добродетельное житие и страдания твоя, яко истинную наставницу усердно молим тя: святая Царственная Мученице, Великая Княгине Елисавето, моли Христа Бога спасти и просветити души наша!
Кондак, глас 5
От славы Царственныя, вземши Крест Христов, прешла еси к славе Небесней, молящи за враги, и обрела еси радость вечную, святая Царственная Мученице, Великая Княгине Елисавето, с верною Варварою мученицею. Темже молим вас, молите о душах наших!
Тропарь святой преподобномученице великой княгине Елисавете (дополнение)
Тропарь, глас 2
В красоте земней красоту небесную показала еси, святая преподобомученица Елисавето, и женам-мироносицам Марии и Марфе подражала еси, в служении Богу и людем страждущим. Темже прослави тя Христос Бог, яко едину от святых жен российских, дарующих вам мир и велию милость.
Тропарь, глас 4
Страстотерпица преподобная Варваро, в напастех с наставницей своею даже до смерти пребывшая, Христово бо Евангелие исполнив, положила еси душу свою за други своя. Ныне же предстоя с собором святых жен российских, моли оставление грехов даровати чтущим любовию святую память твою.
Тропарь, глас 4
Кротость и смирение и любовь вселивши в душу свою, усердно послужила еси страждущим, страстотерпице святая княгине Елисавето, таже с верою претерпела еси страдания и смерть за Христа, с мученицею Варварою. С нею же моли о всех с любовию почитающих вас.
Кондак, глас 4
Воспоем днесь славу святым новомученицам Российским, благоверной княгине Елисавете с Варварою верною, в Гефсиманийстей веси погребенным, образ бо вам показавшим мужества духовнаго во исповедании веры Православныя. Темже молим вас, молитеся Христу Богу, да изведет на жатву делатели Своя, просветити светом истинныя веры страну еяже возлюбили есте, и спасет души наша.
Величание:
Величаем тя, / святая преподобномученице Елисавето, / и чтим честная страдания твоя, / яже за Христа / претерпела еси.