Кондак 1
Избранного воина Христова и страстотерпца предивного, поборника святыя веры православныя, Российскою землею рожденного и в земли Кавказстей возсиявшего, святаго мученика Евгения Нового, похвальными песньми почтим; ты же, угодниче Божий, яко предстояй пред престолом Царя Славы, от всяких нас бед свободи, с любовию и благодарением зовущих ти:
Радуйся, святый и преславный мучиниче Евгение, скорый помощниче и молитвенниче о душах наших!
Икос 1
Ангелов Творец и Господь Сил, предуведевый благое произволение твое, всеславный мучиниче Евгение, от града Подольска, избра тя, благодатию своею преобильно тя одари и венцем мученическим тя увенча, и аки предстателя и заступника небеснаго, тебе нам паки дарова.
Мы, же, дивящися таковому о тебе Божию смотрению, во умиление сердец зовим ти:
Радуйся, Христа ради на земли пострадавый!
Радуйся, с Ним на небесех воцаривыйся!
Радуйся, светлое звездо Российския земли!
Радуйся, Отечество земны молитвами твоими не оставляй!
Радуйся, заступниче скорый тя призывающих!
Радуйся, предстателю крепкий на тя уповающих!
Радуйся, целомудренных усердный охранителю!
Радуйся, в скорбех наших присный утешителю!
Радуйся, святый и преславный мучениче Евгение, скорый помощниче и молитвенниче о душах наших!
Кондак 2
Видя Христос Господь сердца твоего благое намерение, блаженнее Евгение, предначерта ти тернистый и многотрудный путь спасения: егда во время служения твоего воинского плениша тя агаряне в земли Кавказстей, идеже ты прибыл еси непоколебим в вере православней, веры ради страдание претерпел и смерть приял лютую еси, непрестанно усты и сердцем Господеви воспевая: Аллилуйя!
Икос 2
Разумом свыше просвещаем, честный Евгение, начаток и конец жития твоего на камене благом, Христе Спасителе положил еси; Ему же последующее вся красное мира сего презрел еси и страдание прескорбное Его же ради претепевше, радуешися и веселишися ныне в чертозех небесных. Мы, подвиги твоя досточудные ныне поминающе, таковвыя похвалы приносим ти:
Радуйся, Духом Святым просвещенный!
Радуйся, соблазнами мира сего не прельщенный!
Радуйся, жизнь за Христа отдавый!
Радуйся, страданиями Его подражавый!
Радуйся, очи твоя к Богу обративый!
Радуйся, волю твою в добродетели утвердивый!
Радуйся, змия лукавого посрамивый!
Радуйся, лик святых возвеселивый!
Радуйся, святый и преславный мучениче Евгение, скорый помощниче и молитвениче о душах наших!
Кондак 3
Силою Христовою соблюдаем, достохвальный старстотерпче Евгение, о болезнех телесных не брегл еси, подвигом добрым подвизатися хотящее; тою же силою укрепляем страданий путь всеславно прошел еси, и приял еси от Бога власть чудеса различные творити; да вси, к тебе ныне притекающии, исцеления от недуг телесных, паче же душевных получают; Богу же о тебе вопиют: Аллилуйя!
Икос 3
Имея ныне радость вечную в небесных селениях, и нас грешных ан земли не забываеши, угодниче Божий прехвальный воине Евгение; мы же, труждающиеся и обремененные, к тебе прибегаем: не остави нас сирых и недужных, помощи у тебя просящих, но мольбы наша на алтарь небесный принеси, да радостно зовем ти:
Радуйся, в единем Христе утешение полагаяй!
Радуйся, во старданиях призывати Бога научаяй!
Радуйся, чада наша от соблазнов мира соблюдаяй!
Радуйся, оных в целомудрие и чистоте укрепляй!
Радуйся, за грешных Бога умилостивляющий!
Радуйся, блазих в добре утверждающий!
Радуйся, мятущихся помыслов умирителю!
Радуйся, вражиих советов преславный разорителю!
Радуйся, святый и преславный мучениче Евгение, скорый помощниче и молитвенниче о душах наших!
Кондак 4
Бури греховныя тебе не потопиша, ниже волны страстей покрыша тя, мучениче Христов Евгение, не погибл бое си, но ко Христу пришел еси и жизнь свою, яко жертву благовонную, Ему Сладчайшему Спасителю Нашему принесл еси; молися убо ныне, да и мы в житейском море сущии, к тихому пристанищу Господу Спасителю притецем, в умилении зовущее: Аллилуйя!
Икос 4
Слышавшее злочестивые воеводы российстии о пленении твоем, всеславный Евгение, отступником и изменником бытии тя мняху. Мы же, ведуще тя, яко истиннаго воина Христова, чести отечества твоего не посрамившего и веру Православную во страданиях твох сохранившего, таковые похвалы приносим ти:
Радуйся, воине Христов непобедимый!
Радуйся, в терпении твердейший адаманте невредимый!
Радуйся, яко от неблагомысленных наветы претепел еси!
Радуйся, яко от яростных поношения приял еси!
Радуйся, сердец смятенных умирителю!
Радуйся, от озлобления на нас враждующих охранителю!
Радуйся, яко от неверия избавляеши!
Радуйся, яко от малодушия исцеляеши!
Радуйся, святый и преславный мучениче Евгение, скорый помощниче и молитвенниче о душах наших!
Кондак 5
Боготечной звездою пришел еси в мире сем, страстотерпче преславный Евгение, яко веру Христову пред обезумевшими агаряны дерзновенно исповедал еси; страдания многа и люта мужески претерпел еси и ко Христу Господу и Спасу Нашему радостно востекл еси, Ему же ныне с лики Ангельскими предстошии и немолчно воспеваеши: Аллилуйя!
Икос 5
Видевши неверные агаряне знамение Креста Господня на вые твоей, святый Евгение, разсверепеша зело и мукам горьким тя предаша. Ты, старстем Христовым приобщившись, убелил еси ризы твоя в крови агнчей, древлим страстотерпцам равночестен и новым мученикам равнославен явился еси. Мы, вся сия ныне поминающее, таковые похвалы возносим ти:
Радуйся, кровию твоею торжество веры истинныя утвердивый!
Радуйся, яко Сам Господь свыше презре на страдания твоя!
Радуйся, паче мужей сильных крепчайший явившийся!
Радуйся, заточение темничное Христа ради претерпевый!
Радуйся, всемощную силу благодати познавый!
Радуйся, на подвиг мученичества свыше укрепленный!
Радуйся, огнем земным Христа ради опаленный!
Радуйся, Божественным огнем сердца наша возжигающий!
Радуйся, святый и преславный мучениче Евгение, скорый помощниче и молитвенниче о душах наших!
Кондак 6
Проповедником истины, Христовым апостолом, поревновавшее, не убоялся сеи зверонравных мучителей, Святый Евгение, но с дерзновением имя Христа Бога проповедал еси, Его же ради муки многообразныя претерпел и смерть лютою приял еси, да прославится тебе ради Дивный во святых своих Господь, Ему же ты ныне вопиеши: Аллилуйя!
Икос 6
Возсия свет Христов в триех воинех русстих, иже с тобою, пречудный Евгение, во узах агарянских скорбный путь проходиша. Овые убо тобою научаемы, живот свой Христу Спасу Нашему посвятиша и Его же ради мучения лютыя претерпеша, востекли суть в чертози Отца Небесного. Мы же, сия поминающе, молим тя, светозарный мучениче Евгение, просвети и наша сердца, мраком житейских попечений омраченные, озари лучами Божия добродетели всех, любящих тя и молитвенно к тебе ныне взывающих:
Радуйся, триех воинов светом Христовым просветивый!
Радуйся, во страдания оных надеждою укрепивый!
Радуйся, купно с ними в Чертоги Отчии востекший!
Радуйся, купно с ними венец нетленный обретший!
Радуйся, яко заблуждающихся на путь истины наставляеши!
Радуйся, яко всех нас к покаянию ныне призываеши!
Радуйся, яко паче лучей солнечных благодатию просиял еси!
Радуйся, яко светом невещественным души наша просвещаеши!
Радуйся, святый и преславный мучениче Евгение, скорый помощниче и молитвениче о душах наших!
Кондак 7
Хотяще зверонравному мучителю льстивыми словесы отвратити тя, прехвальный Евгение, от Бога Истиннаго и в зловерие агарянское тя соблазнити, мужественне противостоял еси, глаголя: «не изменю веры моея в Иисуса Христа, Бога Моего, Ему же со Отцем и Святым Духом присно пою и во веки пети буду: Аллилуйя!
Икос 7
Новою показа безчеловечия ярость зверообразный мучитель, егда тебе, всеславный страстотерпче Евгение, повеле мукам многоскорбным предати. Ты же гнева агарян и страданий прескорбных не устрашився, паки исповеда себе христианина быти и радостоно восприял еси биения, узы железныя, и иныя муки нестерпимыя. Тем же вси, таковому твоему дерзновению дивящееся, глаголем:
Радуйся, злобы мучителей твоих не устрашивыйся!
Радуйся, муки нестерпимыя победно претерпевый!
Радуйся, язвы Господа на теле твоем носивый!
Радуйся, терпение крепкое во страданиях явивый!
Радуйся, от веры Православныя не отступивый!
Радуйся, страстем Христовым мужественно подражавый!
Радуйся, веру, надежду и любовь до конца сохранивый!
Радуйся, подвигами твоими верных христиан возвеселивый!
Радуйся, святый и преславный мучениче Евгение, скорый помощниче и молитвенниче о душах наших!
Кондак 8
Странно бе видити зловерным и бесоподобным агарянам, Силы Божьей неведущем, како в возрасте юношестем и телеси ослабленном возмогл еси, мучениче Евгение, лютейшие муки за Христа притепети. Мы же, благодаре о сем Бога, крепость таковую тебе даровавшего, с любовию ему вопием: Аллилуйя!
Икос 8
Яко новое светило на тверди небесней, воссиял еси всему христианскому роду, всехвальный мучениче Евгение, егда во главу усеченный, душу твою Господу предал еси. Тем же мы, благоговейно поминающе страдания и подвиги твоя, с любовию зовем ти:
Радуйся, смерти телесныя не устрашивыйся!
Радуйся, до смерти верен Господу пребывый!
Радуйся, за веру и отечество живот свой положивый!
Радуйся, ум и сердце посреди мучения ко Господу устремивый!
Радуйся, радостно за главу Церкви Христа главу свою под меч приклонивый!
Радуйся, венец славы из рук Господа приявший!
Радуйся, бды и печали от любящих тя отгоняющий!
Радуйся, всем призывающим тя, скорую помощь подавающий!
Радуйся, святый и преславный мучениче Евгение, скорый помощниче и молитвенниче о душах наших!
Кондак 9
Вси чини Ангельстии и праведных лики возрадовашася, зряще тя, святый Евгение, новаго мученика в пострадавшей и поруганней земле Российстей возсиявшаго. Мы, ныне прославляющее подвиг твой, ко Господу и Спасу нашему взываем: Аллилуйя!
Икос 9
Витийство мира сего не может изрещи величие подвига страстотерпца святаго Евгения, яко же и премудрость века сего слова крестного вместити никако же может; мы же, смирении, буйством прповеди о Распятом спасаемы, всеславного Евгения, яко же самого себе отвергшегося и душу свою Христа ради отщепившего, несумненно прославляем, зовущее к нему тако:
Радуйся, яко и по преставлении твоем с нами пребываеши!
Радуйся, яко в селениях небесных почивая, нас не оставляеши!
Радуйся, венцем нетленным украшенный на небеси!
Радуйся, всечестно почитаемый на земли!
Радуйся, неверных светом веры просвещаяй!
Радуйся, чад Церкви Христовой в вере утверждаяй!
Радуйся, о спасении нашем Спасителя умоляяй!
Радуйся, милость Богородицы к нам преклоняяй!
Радуйся, святый и преславный мучениче Евгение, скорый помощниче и молитвенниче о душах наших!
Кондак 10
Спасения нашего ходатай буди и ныне, святый новомучениче Евгение, зане многия растленныя обычаи нечестивые людие введоша в страну нашу и теми крепость наша оскуде, но в сокрушении сердец наших к твоему предстательству припадаем и на твое заступление уповающе, вопием Богу: Аллилуйя!
Икос 10
Стена крепкая и твердая ограда буди нам, страстотерпче святый Евгение, с теплой верою и любовию к тебе ныне прибегающим; ограждаемы бо от враг видимых и невидимых и избавлены тобою, прославим тя тако:
Радуйся, Святыя Православныя Церкви украшения!
Радуйся, о чадах ея теплое моление!
Радуйся, чаше, елей милости Божия к нам содержащая!
Радуйся, горо, тучи гнева Господня от нас отводящая!
Радуйся, печальниче болящим и безпомощным!
Радуйся, заступниче убогим и обидимым!
Радуйся, яко помраченных просвещаеши!
Радуйся, яко просвещенных утверждаеши!
Радуйся, святый и преславный мучениче Евгение, скорый помощниче и молитвенниче о душах наших!
Кондак 11
Пение наша всякое побеждается, и многое множество хвалебных песен, воспеваемых ти, несть довольно, дабы по достоянию восхвалити тя, всеславный мучениче и чудотворче Евгение, обаче молитвами твоими получающее от Христа Бога благодеяния многообразныя, благодарни сущи, поем о тебе Богу: Аллилуйя!
Икос 11
Света нетварного зритель и радости Божественныя причастник явился еси, страстотерпче святый Евгение. Тем же молим тя: не престани молитися о всех нас купно с пострадавшими с тобою блаженными мученики Александром, Игорем и Андреем, да помилует нас Господь вашего предстательства ради, и сподобит нас, немощных, новую силу нечестия посрамити и победители злонравия явистися, да ублажаем вас сицевыми похвалы:
Радуйтеся, яко орли, к Солнцу Правды воспаривши!
Радуйтеся, к Свету Невечернему из юдоли плача востекшии!
Радуйтеся, Царствия небесного наследници!
Радуйтеся, вечныя славы сопричасници!
Радуйтеся, теплотою Божественныя любве души наша согревающии!
Радуйтеся, в скорбях и болезнех терпению Христову нас научающии!
Радуйтеся, от сетей вражиих верныя избавляющии!
Радуйтеся, ходити в заповедях Божиих на наставляющии!
Радуйтеся, святый и преславный мучениче Евгение, скорый помощниче и молитвенниче о душах наших!
Кондак 12
Благодать великая дана есть ти от Бога Вышняго, пречудный страстотерпче, яко прешедше от скорби велие и убелившему в крови Агнчей ризы своя; сего ради со святыми Престолу Божию предстоиши, зовуще: Аллилуйя!
Икос 12
Поющее Бога, Дивного во святых Своих, ублажаем тя, преславный страстотерпче Евгение, почитаем страдания твоя, славим долготерпение и мужество твое непоколебимое, хвалим мученическую кончину твою, торжествуем небесную твою славу и таковые похвалы приносим ти:
Радуйся, выну уповати на Творца нас наставляющий!
Радуйся, к покаянию всех нас призывающий!
Радуйся, омраченныя умы наша просветляющий!
Радуйся, окаменелые сердца наша оживляющий!
Радуйся, скорби наша в радость претворяющий!
Радуйся, светом надежды нас озаряющий!
Радуйся, чтущих тя пред Богом поминающий!
Радуйся, о праславляющих тя, Господа умоляющий!
Радуйся, святый и преславный мучениче Евгение, скорый помощниче и молитвениче о душах наших!
Кондак 13
О святый и преславный страстотерпче, воине-мучениче Евгение, земли Российстей и всего мира христианского похвало и украшение, приими сие малое моление от нас, грешных, любящих тя и благоприятными твоими к Богу молитвами от враг видимых и невидимых нас защити и огради, от всяких болезней душевных и телесных свободи, и от вечнаго мучения твоим ходатайством нас избави, да сподобимся с тобою в селениях райских воспевати Богу победную песнь: Аллилуйя!
Сей Кондак читается трижды, затем 1-й Икос и 1-й Кондак).
Молитва ко святому мученику и страстотерпцу Евгению Новому
О всеславный страстотерпче, достохвальный угодниче Христов, Церкви Православныя поборниче, воинства российского похвало и утверждение, мучениче святый Евгение Новый! Преклоньше колена молим тя: призри на ны, грешныя, к заступлению твоему приьегающия, услышие сие малое моление наше и теплым твоим предстательством умоли Всемилосердного Бога, Ему же ныне предстоиши со ангелы и всеми святыми, да сохранит нас в единении Православныя Церкви и утвердит в сердцах наших живый дух правыя веры и благочестия, и избавит нас от всякого искушения и прелести бесовския. По велицей любви твоей, ею же ближняя твоя возлюбил еси, испроси у Всещедрого Бога Отечеству твоему и нашему купно, мир и благоустроение; всем же нам, недостойным, усердно к тебе прибегающим, богоугодное и безмятежное житие и добрую христианскую кончину, таин Божиих причастную. О святый заступниче наш, не отсави нас, слабых и безпомощных, молися за ны ко Господу и Спасу Нашему Иисусу Христу и Пречистой Владычице Богородице, и подвигни на молитву за нас богопрославленные соузники твоя, блаженные мученики Игоря, Андрея и Александра, с ними же вкупе на Небеси предстоиши Престолу Царя Небесного, да дарует Он, Всещедрый и Премилосердный Господь наш, вся пользе временней и вечней полезная и потребная; да не воздаст нам по делам нашим, но по неизреченному человеколюбию своему простит нам беззакония и согрешения наша, да избавит ны от всякия нужды и печали, скорби и болезни; да ниспошлет нам благое намерение и силу подвизатися во исправлении жития нашего, и в будущем веце да сподобит нас внити в Царствие Небесное и славити Всесвятое Имя Отца и Сына и Святаго Духа во веки веков. Аминь.
Взято с http://www.russkie-idut.ru
Составил Евгений Храповицкий