Акафист святым мученикам Феодоту и Руфине. День памяти: Сентябрь 2/15

Кондак 1
Избранные служителие Божии Феодот и Руфина, делами веры, надежды и любви Христу подражателие, и ныне с лики святых пребываете. Молите Милостиваго Господа падений греховных избавити нас верно зовущих вам:
Радуйтеся, Феодоте и Руфино, Богом даннии молитвенницы.

Икос 1
Ангельскою ко Господу горяще любовию, святии мученицы Феодоте и Руфино, не возмогше по долгу скрывати веры своея и пред всеми исповедавше свое благочестие. Мы же грешнии во умилении сердец вопием вам тако:
Радуйтеся, Христа возлюбившии;
Радуйтеся, во благоверии пожившии.
Радуйтеся, заповедей Христовых вернии служителие;
Радуйтеся, учения евангельского последователие.
Радуйтеся, исповеданием Христа себе и мира отвергшиися;
Радуйтеся, вземшии крест свой, за Ним последовавшиии.
Радуйтеся Феодоте и Руфино, Богом даннии молитвенницы.

Кондак 2
Видя Господь чистоту сердец ваших, благоволи избрать вас, аки почву благоплодную, дабы взрастить зерно Свое - Маманта страстотерпца, вас же, родителей его безхитростных, призва к Себе возносити песнь: Аллилуия..

Икос 2
Разумом Божественным просвещенный, святый Феодот не восхоте принести жертву идолом, в темницу заключен бысть. Супруга же твоя Руфина, пребывая в послушании тебе, аки Церковь Христу последова за тобою. Видя веру и послушание ваше, взываем к вам сице;
Радуйтеся, кумиров не сотворившии;
Радуйтеся, идолом не поклонившиися.
Радуйтеся, правды ради изгнаннии;
Радуйтеся, во царствии Христа получившии обетование.
Радуйтеся, супружницы вернии;
Радуйтеся, Богом благословеннии.
Радуйтеся, Феодоте и Руфино, Богом даннии молитвенницы.

Кондак 3
Силою свыше укреплении, шествовали еси, блаженнии, мужественно на предлежащий вам путь. Научите и нас вся скорби и обстояния претерпевати, поюще Богу: Аллилуия..

Икос 3
Имеяй сердца жестокосерднии и распыхахуся на вы злобою, желая растерзати, мучителие не возмогоша пр

Икоснутися вы, яко рода знатнаго, сего ради посла вы в Кесарию Каппадокийскую на решение царское, идеже в темницу заключены быша. Видя терпение ваше ублажаем вы:
Радуйтеся, на благость Христову надежду возложившии;
Радуйтеся, молитвы своя во уповании ко Господу обратившии.
Радуйтеся, во уныние не впавшии;
Радуйтеся, живот свой Господу предавшии.
Радуйтеся, во испытании веру крепкую явившии;
Радуйтеся, примером всем христианом послужившии.
Радуйтеся, Феодоте и Руфино, Богом даннии молитвенницы.

Кондак 4
Бурю внутрь имеяй помышлений сумнительных, видя жестокость мучителей, убоявся Феодот предати Христа, видя немощь телеси своего, взмолился еси: «Господи Боже сил, приими дух мой в этой темнице, да не похвалится о мне враг мой», да воспою Тебе: Аллилуия.

Икос 4
Слыша Господь, создавый наедине сердца наша и разумеваяй на вся дела наша, услыша молитву раба вернаго, изведе душу твою, Феодоте, из темницы тела, подав кончину блаженную. Мы же, видяще таковую благодать Божию тебе явленную, вопием сице:
Радуйся, немощь свою Господу открывый;
Радуйся, гордость смирением покоривый.
Радуйся, приявый кончину блаженную;
Радуйся, обретый свободу нетленную.
Радуйся, мудрость свою явивый;
Радуйся, венец от Христа получивый.
Радуйтеся, Феодоте и Руфино, Богом данные молитвенницы.

Кондак 5
Боготечной звезде подобна, явилася еси Руфино, в вере своей, скорбя о муже своем, роди прежде времени. Взмолилася еси ко Господу: «Повели, да пойду с мужем одним путем, младенца же моего сохрани, пребывая ему отцем и матерью» Дивящеся мужеству твоему, поем укрепльшему тя Богу: Аллилуия.

Икос 5
Видя Господь чистоту души твоея, потщися на умоление, разреши тя от уз тела, младенца же предаде благочестивой Аммии. Мы же, дивящеся таковому, поем ти сице:
Радуйся, образ веры нам явившая;
Радуйся, сына своего Господу вручившая.
Радуйся, верносте непоколебимая;
Радуйся, мужество необоримое.
Радуйся, Богу молившаяся вельми;
Радуйся, нелицемерная в любви.
Радуйтеся, Феодоте и Руфино, Богом данные молитвенницы.

Кондак 6
Проповедницы богоноснии, веры нелицемерней явилися есте в житии своем, темже Церковь почитает вас, воспевая Богу: Аллилуия.

Икос 6
Возсия, яко свет, благочестивое житие ваше в роде знатном, зане источник его Христос Бог наш. Сего ради приимите от нас похвалы сия:
Радуйтеся, путь узкий прошедшии;
Радуйтеся, верою спасение обретшии.
Радуйтеся, на Бога Помошника и Защитника уповавшии;
Радуйтеся, прибежище и утверждение в Бозе полагавшии.
Радуйтеся, Церкве прекрасное прозябение;
Радуйтеся, небесных садов украшение.
Радуйтеся, Феодоте и Руфино, Богом данные молитвенницы..

Кондак 7
Хотя Человеколюбец Господь явити попечение о Церкви Своей, благослови вы, яко Церковь малую, венцем мученичества, в нейже воспеваете Богу: Аллилуия.

Икос 7
Новую благодать показа всех Творец и Владыка через вас, Феодоте и Руфино, сына вашего Маманта взрастивше, яко крин сельный, Церкве украшение. Ведуще таковая, ублажаем вас сице:
Радуйтеся, роде, от начала Богом предизбранный;
Радуйтеся, цветники благоуханные.
Радуйтеся, промыслительно с сыном разлученные;
Радуйтеся, во Христе на небесех с ним соединенные.
Радуйтеся, Церкве Вселенския украшение;
Радуйтеся, духовное наше обретение.
Радуйтеся, Феодоте и Руфино, Богом данные молитвенницы.

Кондак 8
Странное и дивное чудо видим на вас, блаженные, егда с лики мучеников вчинились, не плотию пострада, а духом, за Христа Бога нашего, в чистоте сердца поя Ему: Аллилуия.

Икос 8
Вси почитаем страдания ваша, ублажаем кончину вашу, воистину бо вы, взявше иго Христово и научившеся от Него, обрели покой душам вашим. Темже и нас грешных научите на Господа уповати, да благодарственно воспоем вам:
Радуйтеся, Христови спотерпевшии;
Радуйтеся, нощь жития земнаго добре прошедшии.
Радуйтеся, душевныя муки за Христа претерпели есте;
Радуйтеся, крылами любве к Богу возлетели есте.
Радуйтеся, в селениях райских упокоение обретшии;
Радуйтеся, Христа Бога нашего тамо узревшии.
Радуйтеся, Феодоте и Руфино, Богом данные молитвенницы.

Кондак 9
Всякое естество ангельское возрадовася о вас, яко взыскали Господа и услыша вас, и от всех скорбей избави вас, Емуже вы поете: Аллилуия.

Икос 9
Витии избраннии явистеся, блаженнии Феодоте и Руфино, не по образу мира сего витийствовали, но по заповедям Господним живше. Темже от всех таковыя приемлите почитания:
Радуйтеся, огнем молитвы на небеса вознесенные;
Радуйтеся, мученицы, за Христа блаженные.
Радуйтеся, яко страдания ваша прославляются;
Радуйтеся, яко имена ваша в храмех величаются.
Радуйтеся, Господа благословившии;
Радуйтеся, многих тому научившии.
Радуйтеся, Феодоте и Руфино, Богом данные молитвенницы.

Кондак 10
Спасение вечное унаследовавшее, богоблаженные Феодоте и Руфино, яко слов евангельских исполнителие «Просите, и дастся вам, ищите, да обрящете, стучите и отверзется вам», яко услыша Господь моление ваше, и отверзе вам врата Царствия Своего, идеже прибываете, поя Богу: Аллилуия.

Икос 10
Стена необоримая - благоприятные молитвы ваша к Богу о нас грешных, темже воздаем вам благодарственная пения:
Радуйтеся, благодеяния нам источающии;
Радуйтеся, богоугодно жити нас научающии.
Радуйтеся, к немощем нашим снисходящии;
Радуйтеся, спасения нашего у Господа просящии.
Радуйтеся, оскудевающих добродетельми восполнение;
Радуйтеся, жестокосердных исцеление.
Радуйтеся, Феодоте и Руфино, Богом данные молитвенницы.

Кондак 11
Пение молебное приносим вам, блаженные Феодоте и Руфино, и почитаем сына вашего Маманта мученика, вы бо есте ходатаи о нас ко Господу, сего ради прославляя род праведных, поем Богу: Аллилуия.

Икос 11
Светом Трисолнечным осияваемые святые, предстоя ныне престолу Царя Славы, молитеся о нас, поющих вам сице:
Радуйтеся, теплые о нас ко Господу предстоятели;
Радуйтеся, о спасение нашем к Нему ходатаи.
Радуйтеся, любовию своею нас осиявающии;
Радуйтеся, примером вашим любити Господа нас научающии.
Радуйтеся, молитвенницы наши усердные;
Радуйтеся, блаженные и милосердные.
Радуйтеся, Феодоте и Руфино, Богом данные молитвенницы.

Кондак 12
Благодать от Бога дается вам, Феодоте и Руфино, молитеся за ны о прощении. Сего ради благодарственно поем Милосердному Судии нашему Христу Богу: Аллилуия.

Икос 12
Поюще по долгу память вашу, покланяемся Вседержителю Богу, премудро о нас промышляющему, вверившаго вам попечение о нас сирых. Сего ради на молитвы ваша уповающе, зовем вам сице:
Радуйтеся, молитися нас научающии;
Радуйтеся, житием вашим нас наставляющии.
Радуйтеся, грешников вразумление;
Радуйтеся, унывающих ободрение.
Радуйтеся, от искушений наше ограждение;
Радуйтеся, спасения нашего попечение.
Радуйтеся, Феодоте и Руфино, Богом данные молитвенницы.

Кондак 13
О преславные мученицы Феодот и Руфина, примите моления наша, вам приносимые, и якоже сына вашего оставивше Господу на попечение и той сохранен и прославлен бысть в лице мучеников, такожде и нас научити в вере, надежде и любви ко Господу Вседержителю пребывати, всегда воспевая: Аллилуия. Аллилуия. Аллилуия.

Мученики Феодот и Руфина Кесарийские (Каппадокийские)
Благочестивые и знатные христиане, родители св. мученика Маманта, супруги Феодот и Руфина за открытое исповедание своей веры были заключены в темницу в Кесарии Каппадокийской. Зная свои телесные немощи, Феодот молился, чтобы Господь взял его прежде мучений, и он умер в темнице. Вслед за ним умерла и святая Руфина, разрешившись преждевременно сыном, которого она молитвенно препоручила Богу, прося Его быть Хранителем и Заступником осиротевшего младенца.
Бог услышал предсмертную молитву св. Руфины, богатая вдова христианка Аммия с честью погребла тела святых Феодота и Руфины, а мальчика взяла к себе и окружила его материнской заботой.

Александр и Наталья
Г. Челябинск.

Сайт создан в системе uCoz