Кондак 1
Взбранный воине Христов добропобедный, Небеснаго Царя служителю всеусердный, святителю и исповедниче всеславне, богоизбранне и всемудре Флавиане, величающе подвиги твоя, пение похвальное приносити дерзаем и во умилении зовем:
Радуйся, Флавиане, веры Православныя исповедниче непоколебимый.
Икос 1
Ангелом небесным в молитве подражание стяжав, небесным ликом причтания сподобился еси и во славе присносущней Престолу Божию предстоя, молитву возносиши о всех, похвалы сия ти приносящих:
Радуйся, пастырю всеславный,
Радуйся, наставниче премудрый;
Радуйся, Христа преславный ученичé,
Радуйся, апостольских престолов наследниче;
Радуйся, царственнаго града украшение,
Радуйся, всея вселенныя просвещение;
Радуйся, яко о тебе Церковь ликует,
Радуйся, яко пение тебе людие православнии приносят;
Радуйся, Флавиане, веры Православныя исповедниче непоколебимый.
Кондак 2
Блажен еси, Флавиане богомудре, Господу споследствовавый и не убоявыйся тело убивающих, души же коснутися не могущих, но за веру Православную мучение от волков душехищных, в кожах овчиих пришедших, приявый всерадостно и Подвигоположнику воспевый: Аллилуиа.
Икос 2
Врага рода человеческаго и человекоубийцы искони диавола служителей всезлобных, Диоскора злочестиваго и Евтиха вселукаваго обличил еси, отче Флавиане премудре, и сердца верных в Православии утвердил еси, темже песньми сицевыми ублажаешися:
Радуйся, мечу, еретическое злочестие посецающий,
Радуйся, щите, верных защищающий;
Радуйся, вечныя Правды благовестниче,
Радуйся, Церкве Христовы несокрушимый поборниче;
Радуйся, догматов твердый хранителю,
Радуйся, ересей и расколов обличителю;
Радуйся, веру Православную даже до конца сохранивый,
Радуйся, учением своим многия умудривый;
Радуйся, Флавиане, веры Православныя исповедниче непоколебимый.
Кондак 3
Господу усердно поработавый и смерть от вселукавых приявый, венец восприял еси сугубый, яко святитель и исповедник, отче всеславне, темже славу твою созерцающе, Дивному во святых Своих Богу вопием: Аллилуиа.
Икос 4
Два естества во единей Ипостаси Христове православно исповедал еси, неслиянно соединенная и неразлучно разделенная и нечестиваго Евтиха со Диоскором всезлобнейшим обличил еси велемудренно, сего ради яко столп православия сицевыми похвалы ублажаешися:
Радуйся, в броню правды облаченный,
Радуйся, щитом благодати Божия покровенный;
Радуйся, Евангелия проповедниче,
Радуйся, Нивы Господни добрый делателю;
Радуйся, Евангельская словеса в житии воплотивый,
Радуйся, прелести мира сего ни во что же вменивый;
Радуйся, истинныя веры всеусердный хранителю,
Радуйся, людей христоименитых защитителю;
Радуйся, Флавиане, веры Православныя исповедниче непоколебимый.
Кондак 5
Единаго Христа исповедую во двою естеству суща - возгласил еси Флавиане богомудре, - прежде век от Отца рожденна и от Девы в лета последняя рождение приявша, Бога превечна и человека всесовершенна, емуже непрестанно пою: Аллилуиа.
Икос 5
Животом и смертию Владычествуяй плотию облечеся и Человек совершенный явися, еже бо бе, пребысть и еже не бе прият, - возвестил еси, отче Флавиане, от волков душехищных паству свою защищающе и в православии утверждающе всех сице вопиющих:
Радуйся, пастырю наш добрый,
Радуйся, отче милостивый и кроткий;
Радуйся, душу свою за стадо твое положивый,
Радуйся, подвигом своим нас в Православии укрепивый;
Радуйся, яко оружие, Крест Христов приемый,
Радуйся, тем всезлобную ярость победивый;
Радуйся, светом небесным души наша озаривый,
Радуйся, и ныне благословением твоим нас осенивый;
Радуйся, Флавиане, веры Православныя исповедниче непоколебимый.
Кондак 6
Зря тьму еретическую, от адовых бездн восходящую и умы смущающую, яко адамант твердый противостал еси кознем бесовским, люди православныя научая славити Единаго Христа во двою естеству, Сына Божия и Сына Девыя, нас ради страсть претерпевшаго и от всех родов воспеваемаго: Аллилуиа.
Икос 6
Ирода древняго ученицы всезлобнии, Евтих нечестивый купно с Диоскором зломудрым, убийство уготоваша и стрелы хуления своего изостриша, во еже состреляти во мраце тя, праваго сердцем, твои же во правоверии не подвижастеся нозе, темже приими от нас похвалы сия:
Радуйся, Путем Господним присно ходивый,
Радуйся, многих от путей погибельных отвративый;
Радуйся, свеще, огнем ревности божественныя пламенеющая,
Радуйся, кадильнице, фимиамом молитвы благоухающая;
Радуйся, добродетельнаго жития ревнителю,
Радуйся, демонскаго нечестия посрамителю;
Радуйся, отеческих уставов хранителю,
Радуйся, еретиков злочестивых обличителю;
Радуйся, Флавиане, веры Православныя исповедниче непоколебимый.
Кондак 7
Кладенец отставльших воды животочныя и ископавших себе студенец истления, Евтиха купно с Диоскором всезлобных безбоязненно обличил еси, вопия: единаго Христа во двою естеству славословлю, Бога же и человека и Сему пою: Аллилуиа.
Икос 7
Лицо едино и едину Ипостась Бога Слова воплощенна воспеваю, - глаголал еси, отче Флавиане, - во двою естеству суща, Бога вополощенна и Человека обоженна, Егоже пророки древле провозвестиша и Емуже аз со усердием служу. Сего ради приими от нас, отче, похвалы сия:
Радуйся, образе жития несквернаго,
Радуйся, явление служения непорочнаго;
Радуйся, правды Христовыя ревнителю,
Радуйся, Евангельския любве служителю;
Радуйся, благодати источниче неоскудеваемый,
Радуйся, милости кладезю неистощимый;
Радуйся, дýши наша учением своим просвещаяй,
Радуйся, сердцá наша питием благочестия напаяяй;
Радуйся, Флавиане, веры Православныя исповедниче непоколебимый.
Кондак 8
Мудрости божественныя исполнен явился еси, отче Флавиане, безумство еретическое премудре посрамил еси и за веру Христову страдания приял еси, темже ныне купно с лики мученическими и со всеми святыми песнь Богу воспеваеши: Аллилуиа.
Икос 8
Не устрашился еси судища неправеднаго, не убоялся еси мучителей беснующихся и разделения плоти твоея ищущих, но, древнему Израилю уподобився, сквозе море бущующее прошел еси жития привременнаго, достигл еси земли Обетованныя, темже от нас похвалы приими сицевыя:
Радуйся, образе исповедничества всетвердый,
Радуйся, Православия поборниче препетый;
Радуйся, зерцало благодати всесветлое,
Радуйся, похвало наша всерадостная;
Радуйся, светом учения Православнаго нас освещающий,
Радуйся, огня геенского твоими молитвами избавляющий;
Радуйся, путь ко Христу указующий,
Радуйся, от пути нечестия отвращающий;
Радуйся, Флавиане, веры Православныя исповедниче непоколебимый.
Кондак 9
Православия наставниче, благочестия учителю и чистоты, отче достославне Флавиане, молитвами твоими от бед и искушений вся ны свободи, да купно с тобою Триединаго Господа прославим, Ему вопиюще: Аллилуиа.
Икос 10
Радости неоскудеваемыя достигл еси присталища пристанища, отче Флавиане, море преплыв зловредных искушений, темже от нас песньми сицевыми славословишися:
Радуйся, Архиерея Вечнаго служителю всеусердный,
Радуйся, Небеснаго Домовладыки рабе благий и верный;
Радуйся, жатвы Господни делателю неленостный,
Радуйся, о людех православных молитвенниче предивный;
Радуйся, огнем божественным разженный,
Радуйся, светом Истины осиянный;
Радуйся, спасения многих взыскавый,
Радуйся, вся любовию твоею объявый;
Радуйся, Флавиане, веры Православныя исповедниче непоколебимый.
Кондак 11
Сына Божия и Сына Девы проповедал еси, единаго Христа во двою естеству нас ради пришедша, Темже от Него приял еси сугубую благодать о нас ходатайства приносити и о спасении молити всех, Богу воспевающих: Аллилуиа.
Икос 11
Терпения столп был еси, отче всеславне, за веру Христову избиение и раны, темницы и злохуления, поношение и смерть лютую от безбожных еретиков приимше. Темже верныя чада Церкве, подвиги твоя почитающе, пение ти приносят:
Радуйся, святителю богоизбранный,
Радуйся, архипастырю богопросвещенный;
Радуйся, образе исповедничества всетвердый,
Радуйся, Православия поборниче препетый;
Радуйся, еретическая злохульная уста заградивый,
Радуйся, православное учение всеславно возвестивый;
Радуйся, зерцало благодати всесветлое,
Радуйся, похвало наша всерадостная;
Радуйся, Флавиане, веры Православныя исповедниче непоколебимый.
Кондак 12
Фараона древняго наследницы злохульныя, Диоскор и Евтих злоименный, потопление прияша в море учений твоих, ты же, отче, веру православную яко столп всесветлый пред очима своима имуще, достигл еси Небеснаго Царствия, идеже о всех чадех Церкви молишися, песнь воспевая Богу: Аллилуиа.
Икос 12
Христос Бог венцем небесным украси лик твой, священнострадальче и исповедниче веславне Флавиане, и Церковь подвиги твоя воспевает присно:
Радуйся, светом небесным нас освещающий,
Радуйся, огня геенского твоими молитвами избавляющий;
Радуйся, росо, еюже огнь безбожия угашается,
Радуйся, море, имже зловерие потопляется;
Радуйся, трапезою Небесною насыщенный,
Радуйся, питием безсмертия напоенный;
Радуйся, Царствия Христова сонаследниче,
Радуйся, Воскресения Его сопричастниче;
Радуйся, Флавиане, веры Православныя исповедниче непоколебимый.
Кондак 13
О, преславне и досточудне отче Флавиане, веры Православныя исповедниче и о всем мире молитвенниче всеусердный, ныне предстоя Престолу Славы Божия о всех нас моли, да избегше искушений и соблазнов, с тобою пети сподобимся: Аллилуиа.