Кондак 1
Избранный угодниче Христов Духа Святаго исполненный ,силу любви от Пречистой получивый,аки столп огненный во мраце греховнем сущим сияеши и путь в Царство Небесное верным указуеши,приими от недостойных чад твоих пение похвальное:
Радуйся,Святый отче Иерониме, Санаксарский великий чудотворче.

Икос 1
Ангел-утешитель явился еси земле нашей Российстей,в последние дни Богом посланный,отче преподобный, во плоти житию безплотных поревновавый, любовью ко Господу душу твою уязвил, и был еси исцеляя волю Божию о кийждо возвещая. Мы же, тя великого молитвенника за Отечество наше почитая, великою любовию вопием ти:
Радуйся, Слава Небесная;
Радуйся, земных упование;
Радуйся, надеждо наша непостыдная;
Радуйся, молитвенниче наш недремлющий;
Радуйся, ангел-хранитель земли Санаксарской.
Радуйся, всей России новый чудотворче.
Радуйся, любовию весь мир объемлющий.
Радуйся, еще при жизни Богом прославленный
Радуйся, Святаго Духа Утешителя исполненный.
Радуйся, утешение страждущим подающий.
Радуйся, крине белоснежная в Царстве Небесном.
Радуйся, яко в одежде праведников сияеши.
Радуйся, Святый отче Иерониме Санаксарский великий чудотворче, моли Бога о нас.

Кондак 2
Любовию ко Творцу всяческих пламенея, пути инаго, разве священнического не мыслил еси, Преподобне, в годы богоборчества дерзновенно Христа исповедуя, веру твою от дел твоих явил еси отче, весь ум и сердце к Богу направляя, Ему же в сокрушении духа взывал еси: Аллилуйа.

Икос 2
Едино желание из младенчества имел Богу в сане иерейстем служити из раннего возраста миру нерадив показался еси, зане всем вопрошаюшим: кем будеши? - не обинулся - священником, отвествовал еси, посмеяния от безбожных ни во что же вменяя, веру нелицемерно исповедуя. Сего ради Господь благодатию тя укрепи, и невредимо от козней тьмы сохранил есть. Тем же ныне слышиши пение похвальное:
Радуйся, свеще любви лучезарное.
Радуйся, солнце духовное незаходимое.
Радуйся, милосердия пучино излиянная.
Радуйся, Духом Святым скрижаль запечатленная.
Радуйся, мудрость апостольская.
Радуйся, глубина богопознания.
Радуйся, благочестия ревнитель.
Радуйся, высото послушания.
Радуйся, ветхого Адама совлекшийся.
Радуйся, в нового Адама облекшийся.
Радуйся, в одежде брачной на пир Царский вшедый.
Радуйся, Богом за то возвеличенный,
Радуйся, Святый отче Иерониме Санаксарский, великий чудотворче моли Бога о нас.

Кондак 3
Весь сладость, весь желание бысть для тебя Христос, того ради решаеши суеты мирской отрешитися и чин ангельский с супругою боголюбивою прияши, да скорее путь к Богу управите и цветы лучшие для венца нетленного приобрящете, воспевая Богу: Аллилуйа.

Икос 3
Работником часа последняго себя почитая, меньше всех на ниве Божей потрудившагося, лишь по милости Божьей награды себе ожидал еси, отче, смирение глубокое тем показуя. Мы же трудов твоих и малую толику ведуще, великого подвижника тя ублажаем, приносящи ти таковая:
Радуйся, закона Христова исполнителю верный.
Радуйся, паче себя Бога и ближних возлюбивый.
Радуйся, попечение о себе отринувый.
Радуйся, друже любезный Господу.
Радуйся, силу любви от Владычицы получивый.
Радуйся, смирения высочайшего исполненный.
Радуйся, благодатных видений сподобльшийся.
Радуйся, в чине ангельстем безплотно поживый.
Радуйся, дар непрестанной молитвы стяжавый.
Радуйся, крест страданий в радости нести учивый.
Радуйся, пример подражания инокам бывый.
Радуйся, и ныне им стено ограждения.
Радуйся, Святый отче Иерониме Санаксарский великий чудотворче, моли Бога о нас.

Кондак 4
Келья твоя монастырская воистину баней очищающей душам под гнетом грехов и скорбей изнемогающим быша, в ней же людие к заступлению твоему прибегающие, горе свое оставив и силы для брани духовной получивше, выходили обновленные, возрожденные, в сердце бережно твой образ неся, Богу же в ликовании поя: Аллилуйа.

Икос 4
Помощь твою подавал еси Преподобне, не токмо в Санаксар к тебе приезающим, но духом в молитве всю землю обозревая, утешение, совет, ободрение и в соннем видении коемуждо по потребе подавал еси, отче. Тако же и ныне единыя помощи твоея требующего не оставляеши, сего ради чтущие тя взывают ти сице:
Радуйся, путеводитель в Отечество вечное.
Радуйся, добрый пастырю заблудших.
Радуйся, сладостью духовною исполненный,
Радуйся, сладость сию на души смятенные изливавый.
Радуйся, вся прошения во благо исполняющий.
Радуйся, волю Божию о человеке возвещающий,
Радуйся, без утешения скорбных не отпущаеши.
Радуйся, житием твоим нечестивых укоряюши.
Радуйся, отец всем прибегающим чадолюбивый.
Радуйся, всем вся бывый.
Радуйся, огнем любви божественной разженный.
Радуйся, жаром тем во мрацех сущих согревающий.
Радуйся, Святый отче Иерониме Санаксарский великий чудотворче, моли Бога о нас.

Кондак 5
На земли еще суща пребывающи, духом в Небесные Обители возносился еси, отче, Царю Славы тамо предстоя; жену уже умершую на землю возвратил еси, да в неверии своем покается и спасена будет. Тая же двадесят лет икону святаго ее спасшего искаше, в Санаксарсом монастыре тя, икону живую обретоша, в радости воспела Богу: Аллилуйа.

Икос 5
Вся земля чудеса твоя проповедует, како ты во едином часе молитввою твоею недужных воздвизаеши, раковых больных, врачами оставленных исцеляеши, младенцев от мучителей исхишаеши. Сего ради благодарственно поем ти
Радуйся, во всех концах земли помощь благовременне подающий.
Радуйся, яко навыкл еси вперед прошения от бед спасати.
Радуйся, раковых болезней исцеляющий.
Радуйся, безнадежных от смертного одра воздвизающий.
Радуйся, от хитителей младенцев выручение.
Радуйся, от страстей пьянства и курения избавляеши.
Радуйся, православных браков устроителю.
Радуйся, несчастливых браков предотвратителю.
Радуйся, неисчетных от бездн адовых исхитивый.
Радуйся, кресты многия на своя рамы вземший.
Радуйся, кормчий верный в море житейстем.
Радуйся, росо неботочная в зной трудов сущим.
Радуйся, Святый отче Иерониме Санаксарский великий чудотворче, моли Бога о нас.

Кондак 6
Видевше тя Отче, разумевати начинали, како возможно есть во Христе всем едино быти. Любовь божественная, никогда же не уменьшающаяся, не изменяющаяся, не прекращающаяся из сердца твоего на ближних изливалася и души тех с твоею душею в великом славословии Царю Благословенному сливалися, аки едиными устами поя Богу: Аллилуйа.

Икос 6
Язык витийствующий восхвалити недоумеет не токмо душу твою, всецело во христа облекшуюся, но самый образ твой, отче, свет глаз твоих Фаворский, из них же сам Спаситель милостиво взирает, улыбку твою, паче солнца помраченных просвещающую, речь твою любвеобильную, аки мед с цветов райских, слушающих сладостию исполняющую. Мы же грешнии и вовсе тя достойно восхвалити не умеем, но от полноты сердца воспеваем ти:
Радуйся, самим видом любовь источавый.
Радуйся, души ближних лучезарным взглядом просветлявый.
Радуйся, молитвой недужных исцелявый.
Радуйся, одной улыбкой скорби отгонявый
Радуйся, яко близ тебе беды забывалися.
Радуйся, яко тебе сердца окаменелые отверзалися.
Радуйся, яко те слезами покаянными умягчалися.
Радуйся, яко на руце твои всецело полагалися.
Радуйся, яко ты их бережно яко овча погибшее несший
Радуйся, души тех к стопам Иисуса повергавый.
Радуйся, язвы их мягко врачевавый.
Радуйся, елеем молитвы кровоточащие ссадины обязавый.
Радуйся, Святый отче Иерониме Санаксарский великий чудотворче, моли Бога о нас

Кондак 7
Дух Святый преизобильно в тебе, отче, действуя, радостью пасхальною выну тя наполнил есть. Ты же во всех злостраданиях и искушениях имя Святое призывая, ни точию никогда же не унывая, но и большее понести ради Бога и ближних желая. В веселии духа вопиял еси Богу: Аллилуйа.

Икос 7
Весь в Вышних обитал еси, Преподобне, духом в горняя воспаряя, славу Божию духовными очима созерцая и телесными очима сподобился еси Христа узрети. Подвигами, коленопреклонениями, молитвою непрестанною, любовию херувимскою, смирением преизряднейшим, Богообщения древних отец достигл еси, отче. Тем же прими сицевое пение:
Радуйся, райская ветвь неувядаемая.
Радуйся, лоза Христова пышно цветушая
Радуйся, свете невечерний
Радуйся, светильниче присногорящий
Радуйся, кладезь добродетелей
Радуйся, храмино нерукотворная Духа Святого.
Радуйся, Царицы Небесной любимиче.
Радуйся, еще на земли невещественным светом осиянный.
Радуйся, вражеским искушениям схимник неприступный.
Радуйся, покаянием стрелы лукаваго сломивый.
Радуйся, венец драгоценный сплетший.
Радуйся, добродетелями первохристианскими его украсивый.
Радуйся, Святый отче Иерониме, Санаксарский великий чудотворче,моли Бога о нас

Кондак 8
Духи злобы поднебесные в страхе пред тобою отступали, силы Божией в тебе трепеща. Мирянина тя еще суща на молитве оземь бияше, в чине же Ангельском приступите к тебе тако не дерзаша, но и гласу твоему, отче, повиновалися, страждущих свобождая. Исцеленные же тобою, пели Богу: Аллилуйа.

Икос 8
Исполнитель неложный заповеди апостольской явился еси, отче Иерониме, выну радуяся, о всем благодаряще, непрестанно моляшеся, "како сладко есть с Богом жити!", восклицал еси, отче. И мы от видения тя, Угодника Божия, сего сладостию исполняема,вопием ти:
Радуйся, доблестный воине Царя Небесного.
Радуйся, в раю со святыми веселящийся
Радуйся, яко молитвы твоея демоны трепещут
Радуйся, лютого миродержца посрамивый
Радуйся, драгоценную жемчужину благодати стяжавый
Радуйся, в сердце ее твоем возрастивый
Радуйся, благодать беречь паче ока учивый
Радуйся, Крест Христов паче богатства всего мира возлюбивый
Радуйся, яко тебе весь мир недостоин
Радуйся, соль на земли Христова
Радуйся, нас от тления греховнаго сохраняющий
Радуйся, бесам изыти из человека властно повелевающий
Радуйся, Святый отче Иерониме Санаксарский великий чудотворче, моли Бога о нас

Кондак 9
Проповедника покаяния посла тя Господь во времена глада духовного,за умножение беззаконий, любви оскудения, да люди образумиши, покамест затишье перед бурей новою настало. Ты же подобно Крестителю Господню взывал еси, отче: "покайтесь, приблизилось бо Царстивие Небесное, души свои очищайте, крест спасительный в радости несите, в искушениях же тонуще, неотступно пойте Богу: Аллилуйа

Икос 9
Православия истинный ревнитель, небоязненно новостильников обличал еси, отче, проповедуя ясно, яко страшное знамение сие есть: Церквям духу времени следовать, в скорбные дни страстей Спасителя, веселие по папскому стилю устрояюще, дни памяти святых перемещающе, греха не страшася. Мы же Тя ревнителя чистоты православия ублажающе, воспеваем ти похвальная:
Радуйся, святителя Николая сопрестольниче.
Радуйся, с царственными мучениками за Русь молитвенниче.
Радуйся, паче всего на земли литургию любивый.
Радуйся, в раю ныне ангельскую песнь воспевающий.
Радуйся, ликующий в Горнем Сионе.
Радуйся, славословящий там Пресвятую Троицу.
Радуйся, яко слава Господня на тебе воссия.
Радуйся, еще при жизни Богообщения достигнувый.
Радуйся, блаженство кротцых стяжавый.
Радуйся, в чистоте сердца Бога зревый.
Радуйся, выну к Нему любовию горевый.
Радуйся, ныне за нас Христа умоляеши.
Радуйся, Святый отче Иерониме Санаксарский великий чудотворче, моли Бога о нас

Кондак 10
Законом Христовым во вся дни живота твоего руководствуясь, наставления просящим, не уставал еси, отче, слова Спасителя повторяти: "Ищите прежде Царствия Небеснаго и остальное приложится вам". Зряще же како обетование на тебе воочию сбывается, слушающие слово Божие слышати его начинали, поя Богу: Аллилуйа

Икос 10
Младенчески верил еси Христу, отче, предан был Ему даже до смерти. Тем же и Господь вся прошения твоя исполняет, сильна есть пред ним твоя молитва. Тако и ты, молитв яже к тебе не отвергаеши, но во благо просящим вся исполняеши, сего ради вопием ти:
Радуйся, правило кротости.
Радуйся, образ Богу преданности.
Радуйся, мироварнице даров благодатных.
Радуйся, щедродательная десница Вышняго.
Радуйся, прибежище убогим.
Радуйся, столп молитвы пламенный.
Радуйся, Православия утверждение.
Радуйся, преподобнаго Серафима сомолитвенниче.
Радуйся, преподобного Амвросия преемниче.
Радуйся, преподобного Феодора наследниче.
Радуйся, звездо новая в сонме преподобных
Радуйся, Святый отче Иерониме Санаксарский великий чудотворче, моли Бога о нас.

Кондак 11
По всей России смерть твою, чтущие тя, отче, оплакиваша, дивного молитвенника в Вечные Кровы провожая,ты же батюшка, на одре смертнем, яко спящ возлежал, вечный покой на челе твоем, отразися, вечная память в сердцах любящих тя осталася, слезы тихие по тебе проливающих, но на предстательство твое пред престолом Вседержителя надеющихся, из глубины души зовущих: Аллилуйа

Икос 11
По преставлении Твоем, отче, уныние многих охватило. Господь же милостивый, желая тех возвещением о твоей святости утешити, дивный сон рабе Своей посла: яко несут тя в раке хрустальной, впереди же малое число плачущих, позади же множество народа радующася, ты же седши и на рыдающих показующе, рекл еси: "Те мнят, яко аз умроша, аз же жив есмь". Мы же за сие сладостное видение Господа благодаряще вопием ти:
Радуйся, пастырю добрый, и по смерти своих овец не оставляющий.
Радуйся, на путь спасения их управляющий
Радуйся, Санаксар духом твоим пропитавый.
Радуйся, и по кончине обитель сию не оставивый
Радуйся, яко раз в сем месте бывше, душу там навсегда оставляют.
Радуйся, яко землю Санаксарскую исцеленные тобою благословляют.
Радуйся, воздух той молитвами твоими насытивый.
Радуйся, землю тую стопами твоими освятивый.
Радуйся, яко келья твоя баней очищающей быша.
Радуйся, яко ныне к могилке твоей страждущие притекают.
Радуйся, взорам невидимо в монастыре благословенном прибываеши.
Радуйся, и далече находящихся слышиши
Радуйся, Святый отче Иерониме Санаксарский великий чудотворче, моли Бога о нас

Кондак 12
Старцы афонские рекли о тебе, Угодниче Божий: "Аще бы люди ведали, иже той за человече бяше, то и сами следы от ступней нозей его лобызали бы". Сего ради, Господь за таковую милость к нам грешным в тебе, отче, явленную, благодаряще, вопием: Аллилуйа.

Икос 12
В мир иной преходя, завещал ты всем Преподобне, житие пройти земное, не для телесной жизни тленной, а для вечности блаженной, закон духовный указуя: "аще кто безсмертному, вечному Богу служит и сам безсмертие стяжает, а иже падшему диаволу мертвому служит, сам мертв бывает". Ты же нам, отче,на пути правом луч еси указующий, сего ради прими пение похвальное:
Радуйся, немощных ободрение,
Радуйся, любящих тя веселие.
Радуйся, пчело райская на земли бывый.
Радуйся, мед духовный с цветков добродетелей собиравый.
Радуйся, безропотно путь земной совершивый
Радуйся, душу-невесту в чистоте совершенной Жениху Христу сохранивый.
Радуйся, пред кончиною светом Фаворским просиявый.
Радуйся, яко память о тебе драгоценнее паче злата и топазия.
Радуйся, яко жительство твое со святыми.
Радуйся, яко похвала твоя с преподобными.
Радуйся, яко ты по слову Апостола присно радовался
Радуйся, яко радость твоя во век не скончается
Радуйся, Святый отче Иерониме Санаксарский великий чудотворче, моли Бога о нас.

Кондак 13
О чудотворче преславный, рабе Божий благословенный, преподобне отче Иерониме, прими пение наше похвальное от полноты любви тебе возносимое и твоим всесильным ходатайством умоли Господа за нас многогрешных, да житие свое в угождении Ему скончаем и венец пышный для пира Брачного сплести успеем, и сподобимся тамо со всеми достойными, и с тобою, пречудный батюшка, пети Господу песень блаженную: Аллилуйа.
Сей Кондак читается трижды,затем Икос 1 и Кондак 1

Молитва
О, великий старче Иерониме, чудотворче преславный Господень. Веруем несумненно, аще и плотию от нас преставился еси, душею же присно с любящими тя пребываеши. Тем же, к предстательству твоему прибегающе, молим тя: умоли Всемилостивого Владыку грехов оставления нам подати, на всякий путь благой нас управи, да твоими молитвами споспешествуеми, сподобимся Господу достойные плоды покаяния приносити и драгоценную жемчужину благодати стяжати, да не будем якоже смоковница бесплодная, посещения Господня неузнавшая и на осуждение вечное уготованная, но будем якоже девы мудрии, да со святыми свечами веры женихом Безсмертным обрящемся и в Чертог Брачный внити сподобимся, идеже будем славити непрестанно Пресвятую Троицу - Отца и Сына и Святого Духа. Аминь.

Молитва Преподобному Иерониму Санаксарскому
О, великий угодниче Христов, преподобный отче Иерониме! Ты не токмо ликом своим нетварным светом просиял, но паче просиял по всей стране нашей Российстей светом своих добродетелей, даром любви и сердечной молитвы. Защити нас от зол и болезней, и гонений от лжебратии, козни бесовские отгони, семьи от пагубных страстей и искушений избави, деток возрастить в целомудрии научи. Умоли Господа Иисуса Христа, да не предаст нас за грехи наши князю мира сего и защитит от демонского тиранства. Все ты можешь у Бога испросить, яко до конца без ропота претерпевший, драгоценный венец трудами и молитвами непрестанными сплетший. Учивший земную сласть ни во что же вменять, но думать паче о вечном воздаянии. Невестой Христовой душу именовавший, Небесному Жениху ее предавший, на ристалище первым к Грозному Судии пришедший и весь живот свой Ему вручивший и нетленный венец спасения от Него получивший. И по смерти твоей не остави нас без помощи и утешения.
Научи нас в простоте сердца славить и воспевать пречестное и великолепое Имя Отца и Сына и Святаго Духа. Аминь.

Тропарь, глас 4
В Санаксарской обители подвизался еси / и многих в ней ко Христу привел./ Постом и молитвою демонов сокрушил еси / и духовные советы страждущим подавал. / Яко Саровский чудотворец при жизни ликом просиял еси / и яко Феодор Санаксарский дар прозорливости от Господа приял./ И по смерти всех притекающих к тебе не оставил неутешными, / старче Богомудрый Иерониме, / ныне молиши за всю братию и за всю страну Российскую / Христа Бога нашего.
*Сей тропарь составлен в Самаре 6 октября 2002 г., в праздник Зачатия честного, славного Пророка, Предтечи и Крестителя Господня Иоанна. Только для келейного чтения.

Кондак (общий преподобному), глас 2:
Чистотою душевною божественно вооружився,/ и непрестанные молитвы/ яко копие вручив крепко,/ пробол еси бесовская ополчения./ Иерониме, отче наш,\ моли непреста=нно о всех нас.

Величание (общее преподобному)
Ублажаем тя, / преподобне отче Иерониме, / и чтим святую память твою, / наставниче монахов \ и собеседниче Ангелов.