Кондак 1
Богоизбранный кроткий воине Христов, любовию Пречистей Девы Богородицы озаренный, в благочестивой семье католиков-испанцев рожденный, в отрочестве нежданно милостию Божией с именем Иосиф в православной церкви крещенный, за семь лет до кончины твоея на Святой Горе Афон с именем Амвросие в монашество тайно посвященный, величающе прославльшаготя Господа, воспеваем ти похвальная. Ты же от юности кротости и благочестию наученный от всяких нас бед свободи:
Радуйся, святый мучениче брате Иосифе, пасхальной радости мироточения святей Вратарницы хранителю предивный.

Икос 1
Ангелов Творец посла тя, святче Божий, Церкве православней в укрепление, благовестителем пасхальной радости: стране Российстей воскресения и славнаго ея духовнаго преображения. Мы же, дивящеся таковому избранию Вседержителя, с радостию вопием ти:
Радуйся, святаго дара Пречистей Девы Богородицы хранителю;
Радуйся, чудотворения и благоуханнаго мироточения святаго образа попечителю.
Радуйся, святаго образа Иверския Божией Матери прославление;
Радуйся, славословия Пречистей Деве Богородицы кроткое пение.
Радуйся, пасхальной радости носителю;
Радуйся, богопознания ревнителю.
Радуйся, Царицы Небесней к служению призвание;
Радуйся, духовнаго восхождения познание.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 2
Видяще Пресвятая Дево Богородице чистоту сердца твоего, святыймучениче брате Иосифе, избратя в оружие при чудотворнем образе Своем предивнем в благочести-вое и кроткое служение, да утверждаемые твоими молит-вами с надеждою вопием Богу: Аллилуиа.

Икос 2
Монреальстем подворье монашескаго братства Иова Почаевскаго иконописи учился еси, историю писания святых икон в миру преподаваяй, в укрепление веры в паломничестве по святым местам православней Греции стопы своя устремляяй и Пречистей Деве Богородице в молитвах всего себе вверяяй. Мы же, видяще Ея благоволение к тебе с радостию вопием сице:
Радуйся, образом Казанской Божией Матери во святем Крещении благословенный;
Радуйся, в Сад Пречистей на Святой горе Афон привлеченный.
Радуйся, в обители Рождества Христова красотою иконы Божией Матери пораженный;
Радуйся, отказом на прошение продать икону Вратарницы удрученный.
Радуйся, сердечною молитвою к Богородице возвышенный;
Радуйся, желанием увезти с собою сей образ дивный окрыленный.
Радуйся, видом устремившегося к тебе игумена Климента наутро удивленный;
Радуйся, словами его: Пресвятая Дева должна уехать вместе с вами, радостно пораженный.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 3
Сила Вышняго и любовь к тебе Пречистей Девы Богородицы служение твое воистину определили, святый брате Иосифе, на корабле глас властный восприял еси: в Иверский монастырь прибыти и к чудотворному образу Божией Матери Вратарнице обретенную Афонскую икону приложити. Мы же, видяще попечения Божия сия, со умилением вопием ему: Аллилуиа.

Икос 3
Благоволил Господь явити Своего ревнителя миру, в душе твоея, святый мучениче Иосифе, дар ревностней молитвы и каждодневнаго ночнаго чтения акафиста Пречистей Матери Своей насадил еси. Сего ради поем Богу:
Радуйся, ночию благоуханным ароматом роз разбуженный;
Радуйся, чудом мироточения иконы твоея изумленный.
Радуйся, ощущением пасхальной радости на небеса вознесенный;
Радуйся, Пречистей Девы Богородицы рабе верный.
Радуйся, мироистечением к сугубому служению благословненный;
Радуйся, открывшимся чудотворением святаго образа сам в вере укрепленный.
Радуйся, путешествовати с иконою по миру призванный;
Радуйся, в ревностном служении явивый миру образ благодатный.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 4
Бури безумия и недоверия мира дольняго преодолеваяй, чудотворный образ по святым обителям и храмам Австралии, Европы и Америцы, Святей горы Афон и Святей Земли возил еси, к духовному возстанию и покаянию сестер и братиев преклоняяй и между собою примиряяй. Мы же, победу духовную зря, с радостию вопием Богу: Аллилуиа.

Икос 4
Ведяще пасхальную радость благодатнаго мироточения святаго образа, святче Божий, Пречистей Деве Богородице коленопреклоненно молился еси, по истечению святаго мира прославление новомучеников страны Российстей прозреваяй. Сего ради вопием ти:
Радуйся, на любовь и заступление Пречистей Девы упование;
Радуйся, душ и телес христианских мироточивым образом Ея врачевание.
Радуйся, мирнаго духа хранителю;
Радуйся, неверия кроткий обличителю.
Радуйся, небеснаго откровения носителю;
Радуйся, прославления новомучеников земли Российстей ревнителю.
Радуйся, чистый источник вдохновения;
Радуйся, за правду неизменно ведущий сражение.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 5
Боготечная звезда, всем христианам явился еси, брате наш Иосифе, благочестивым житием твоим на покаяние смиренно наставляяй, в молитвах к Пречистей Деве Богородице имена страждущих, болящих и плененных смиренно открываяй. Мы же, верою узревши благодатные дары сия, с радостию вопием Богу: Аллилуиа.

Икос 5
Ведяще теплохладность и заблуждения людей, святче Божий, множество святынь от еретическаго погубления оградил еси, икону Елисаветы Феодоровны с частицею ея мощей бережно сохраняяй, чудное благоухание присутствия святой познал еси. Мы же вси, твоему боголюбию дивящеся, вопием сице:
Радуйся, тяжелаго Креста носителю;
Радуйся, призыва на покаяние от Божией Матери свидетелю.
Радуйся, духовной чистоты ревнителю;
Радуйся, монашеской скромности утвердителю.
Радуйся, с именем оптинскаго старца Амвросия в монашество постриженный;
Радуйся, в русскую обитель Богородицы Леснинскую в Нормандии духом влюбленный.
Радуйся, умножением мироточения святаго образа Вратарницы в сей обители удивленный;
Радуйся, любовию Пресвятей Девы Богородицы к игумений сей обители матери Магдалине умиленный.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 6
Проповедует Святая Церковь подвизи и труды твоя, святый угодниче Христов, о славе Божией и о любви к нам Богородицы всем возвещал еси, о благодатном чуде мироистечения благовествуяй, тем научаяй любящих Ея благодарно пеги Господу: Аллилуиа.

Икос 6
Воссиял еси светом истины, брате наш Иосифе, в иконописи творения Святой Руси средневековой отражаяй, посредством несравненных переливов, сильных красок гармонии небесней достигаяй. Сего ради воспеваем ти таковая:
Радуйся, подвижниче богопрославленный и дивный;
Радуйся, мироточением святаго образа Вратарницы мир осветивый.
Радуйся, поныне к чистоте сердечной призываеши;
Радуйся, глубину любви Христовой верным открываеши.
Радуйся, пасхальной радостию святыни сердца всех верных наполняеши;
Радуйся, миру о целомудрии и жертвенности житием твоим напоминаеши.
Радуйся, безверием окраденных по христиански возлюбивый;
Радуйся, ни во что наговоры их вменивый.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 7
Хотяй веру Православную в мире утвердити, святый мучениче брате Иосифе, образами святых отцев царския врата иконостаса Лесненския обители Покрова Божией Матери украсил еси, ликами святых архангелов мир горний прославляяй и дарами Царицы Небесней нас удивляяй. Мы же, видяще чистоту веры твоея, со слезами благодарности вопием Богу: Аллилуиа.

Икос 7
Ведяще тя избранника Божия, святче Божий, образы Жениха небеснаго и Ангела Хранителя написал еси, Преславней Деве Богоматери тем угождаяй, к обретению чудотворнаго образа Вратарницы чуднаго византийскаго письма небо преклоняяй. Мы же вси труды твоя поминающе, непрестанно воспеваем ти сицевая:
Радуйся, благочестием твоим и ревностию к молитве православных христиан умудряеши;
Радуйся, верностию Богу нашему до крови и смерти мученической нас укрепляеши.
Радуйся, святости православия в мире утверждение;
Радуйся, воинства зарубежной русской Церкви украшение.
Радуйся, благочестия христианскаго попечителю;
Радуйся, радостию чуда мироточения святей Вратарницы мирской суеты обличителю.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 8
Божию милость видим на тебе, святый брате наш Иосифе, чудесное благоухание благодатнаго мироточения многия лета народу Божию открывал еси, небесной радостию к умягчению сердец и покаянию призываяй. Мы же, зря сокровища сия со умилением вопием Богу: Аллилуиа.

Икос 8
Весь всем заступниче явился еси, слезами Богородицы души согреваяй, от маловерия и малодушия, сосуде Божий, души людей очищаяй, врага рода человеческаго посрамил еси, пасхальную радость Воскресения Христова в мире умножаяй и блаженство мира горняго святым мироточением всем открываяй. Сего ради поем ти:
Радуйся, умножению даров предивнаго мироточения святаго образа поревновавый;
Радуйся, благодать Святаго Духа всем сердцем с радостию восприявый.
Радуйся, избранничество твое в милость Божию вменивый;
Радуйся, любовию к Пречистей Деве Богородице свою веру укрепивый.
Радуйся, в храм Иоанна Предтечи града Вашингтон первое путешествие свершивый;
Радуйся, образом святой Афонской Путеводительницы больныя души призванных там исцеливый.
Радуйся, благоуханием святаго мира сердец заблудших обретение;
Радуйся, благодатнаго духовнаго трезвения в мире дольнем свершение.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 9
Всякое естество ангельское удивишася Промыслу милосердия Твоего, Боже наш, благоуханным мироточением иконы Путеводительницы-Вратарницы от неведения сердца возлюбленных Тобою отвращаеши и верных воинов подобно брату нашему Иосифу в служение опасное Сам призываеши. Кто сочтет, святыймучениче Иосифе, вси труды твоя, яже сотворил еси, Господеви поя: Аллилуиа.

Икос 9
Всего себе Господу предал еси любовь Христову посреде людей утверждаяй, честь Пречистей Девы Богородицы в служении у святаго образа Ея от осквернения растленным любопытством ограждаяй. Мы же, благочестивую ревность твою зря, с любовию вопием ти:
Радуйся, благочестие в мире поныне утверждаеши;
Радуйся, даром благодатнаго мироточения умы и сердца к покаянию пробуждаеши.
Радуйся, ангельское и наше непрестанное удивление;
Радуйся, носителю Божия прославления.
Радуйся, служению маммоне отвержение;
Радуйся, образом Пречистей благоговейное умиление.
Радуйся, к подвигу странничества с иконою призванный;
Радуйся, благовестителю небеснаго заступления отрадный.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 10
Спасти хотяй всем человеком, иже на крове мучеников Своих Церковь основавый сердцеведец Христос, утвердил еси тя, святый брате Иосифе, в сонме святых мучеников служением твоим и смертию, от неведения и теплохладности народ Свой избавляяй, сатанинскую гордость, тщеславие, сребролюбие обличаяй, да вси прозревшии вопиют Богу: Аллилуиа.

Икос 10
Слугою был еси всем к чудотворней Вратарнице в поисках Истины прибегающим, житие твое Божией милостию святей Вратарнице вручил еси, мольбам и жалобам людей внимаяй, всем нестроениям в житии их сострадаяй. Мы же, жертвенную любовь Христову в сердце твоем зря, в покаянии вопием сице:
Радуйся, крест телесных смертных истязаний от Христа приявый;
Радуйся, в гостинице на ложе сатанистами распятый.
Радуйся, отмстителем себе Господа избравый;
Радуйся, благодатию Святаго Духа нетление тела по смерти стяжавый.
Радуйся, образе Христова смирения;
Радуйся, кроткий лик небеснаго прозрения.
Радуйся, духа самоотвержения и любви приимый;
Радуйся, избранию Пречистей Девы Богородицы никакоже изменивый.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 11
Пение благоуханное непрестанно Пресвятей Троице и Пречистей Деве Богородице возносяще, подвиг хранения и сопровождения чудотворной святыни в мире гордем и злобнем сотворил еси: явныя и тайныя искушения претерпеваяй, служение сокровенному небесному таинству совершилеси, Богу и Пречистей Его Матери слезы сердца своего изливаяй. Мы же, с тобою зовем Богу: Аллилуиа.

Икос 11
Богоизбранный воине Христов, святый мучениче брате Иосифе, яко светозарное светило возсиял еси; в нестяжании, чистоте и в послушании иерархии житие монаха в миру обрел еси, в волю Божию себе предаваяй и истинную свободу обретаяй. Темже поем ти:
Радуйся; учения Христова исповедниче;
Радуйся, в молитвах Пречистей Деве Богородице собеседниче.
Радуйся, телевидению - великой школы грехов, обличение;
Радуйся, об опасности безразличия к чужим страданиям предупреждение.
Радуйся, от бешеней злобы прельщенных сатаною с Богородицею Пречистей щит и ограждение;
Радуйся, плачущей иконой Божией Матери на острове Андрос обретший указание на венец небеснаго прославления.
Радуйся, немощным, болящим благословением Пречистей Девы Богородицы утешение;
Радуйся, служением призванный народу в покаянное очищение.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 12
К тебе любовь Пречистей Богородицы ведущи, святый брате Иосифе, на верное твое служение Спасителю взираем. Твои слова: мы не должны боятися смерти за Христа! - сердечно разделяем и вкупе с вои святых мучеников, невидимых сподвижников в деле ратнем, непрестанно вопием Богу: Аллилуиа.

Икос 12
Церковь Божия поюще страдания твоя, святый мучениче брате Иосифе, гнусную клевету о тебе славословием пресекает и страдания твоя в большую славу вменяет. Тело твое в нетлении обрели, всю ночь молитвы пред горним миром читая и ответное благоухание от тела твоего радостно встречая. Мы же, вси сие зря, со слезами вопием ти:
Радуйся, самовозгаранием свечей на твоей могилке Богом прославленный;
Радуйся, в сорокадневную панихиду твою чудотворением обрадованный.
Радуйся, правды ревнителю;
Радуйся, любви, сострадания и милосердия в приходах хранителю.
Радуйся, молитвами твоими братии исцеление;
Радуйся, стяжанием благодати Божией облеченный в нетление.
Радуйся, дар мироточения икон молитвами новомучеников страны Российстей в залог духовнаго возстания Риму Третьему открываеши;
Радуйся, православных града Клин в служение Пречистей Деве Ея благословением: пречудным зажжением свечи в руках матери Марии призываеши.
Радуйся, святый мучениче брате Иосифе, пасхальной радости мироточения святой Вратарницы рабе верный.

Кондак 13
О предивный угодниче Христов, избранниче Пречистей Девы Богородицы, приими малое сие моление наше, в похвалу тебе и во славу Божию возносимое, призри на нас многозаботливостию обремененных, сребролюбием искушенных, от страха Божия человекоугодничеством удаленных, гордостию, тщеславием уязвленных. Проси, проси, святче Божий, да обрящем заступничество Пречистей Девы Богородицы, по милосердию Господню в день судный, воспеваяй Пресвятей Троице:Аллилуиа.
Сей Кондак читается трижды, а затем Икос 1 и Кондак 1

МОЛИТВА
О предивный избранничеПречистей Девы Богороди-цы, великий воине Христов, святыймучениче брате Иосифе! Поклоняемся и славословим тя пред святым и чудотворным образом Божией Матери Вратарницы. Вонми гласу молитв наших от души приносимых тебе, виждь скорби и искушения, наша. Молися о нас, святче Божий! Да сподобит нас Господь дар любви, дар сострадания, дар милосердия стяжати, да явит ради твоего предстательства человеколюбивую Свою милость, испроси нам спасительной ревности о правде, житие мирное и благочестное, покаяние во гресех совершенное. Да сподобимся нести иго Христово благое и легкое в терпении и смирении, во спасение душ наших наследниками Царствия Небеснаго стати: да во свете и радости святых пети и величати Господа нашего Иисуса Христа. Емуже со безначальным его Отцем и Пресвятым Духом подобает всякая слава, честь и поклонение, во веки веков. Аминь.

ТРОПАРЬ, глас 4
Богородицы Девы предивный избранниче, / подвиг кроткаго служения явил еси, / чудотворнаго образа святой Вратарницы / благоуханное мироточение в молитвах испросил еси, / в православных людех в покаяние / пас-хальную радость благоуханным миром от иконы про-буждалеси, / врага рода человеческагопобеждаяй, / му-ченический венец славы от Господа обрел еси, / моли Всеблагаго Бога / умирити мир / и спасти души наша.

Кондак, глас 3
Игумений Святой горы Афон посланниче, / чудным миром от Ея иконы к покаянию призвал еси, / о бла-женстве вечном благовествуяй, / у Царскаго Престола венец славы мученика обрел еси, / пасхальной радостиюмироточения мир осветил еси, / о славном будущем пре-ображении страны Российстей возвестил еси, / спаси, Боже, души наша.

Мученику
Тропарь, глас 4-й
Мученик Твой, Господи, (имярек), во страдании своем венец прият нетленный от Тебе, Бога нашего; имеяйбо крепость Твою, мучителей низложи, сокруши и демонов немощныя дерзости. Того молитвами спаси души наша.

Кондак, глас 2-й
Звезда светлая явился есинепрелестнаямирови, Солнца Христа возвещая зарями твоими, страстотерпче (имярек), и прелесть погасил еси всю, нам же подаеши свет, моляся непрестанно о всех нас.

Величание
Величаем тя, страстотерпчесвятый (имярек), и чтим честная страдания твоя, яже за Христа претерпел еси.