Кондак 1
Избранный в первоирарха земли Кипрския от руки апостольской, священномучениче Ираклидие, яко добрый сеятель ниву не возделанную трудами своими оросивший. Ты же, яко возмогщий Киприотов просветити и наша разумения просвети зовущих ти:
Радуйся, святителе Ираклидие, камень первый в Церковь Христову на Кипре заложивший.

Икос 1
Ангелов Творец и всея твари Создатель, послаше апостолов на Кипр, дабы изьяти тя из среды языческой и поставити главою Церкви. Сего ради, дивящеся сему, вопием ти сице:
Радуйся, о Христе Боге весть от апостолов услышавший.
Радуйся, язычество от словес их оставивший;
Радуйся, душею своею юношескою Бога возлюбивший.
Радуйся, служителем Тому ревностным ставший;
Радуйся, свету правды Евангельской сердце свое открывший.
Радуйся, жизнь временную на сокровище вечное небесное пременивший;
Радуйся, святителе Ираклидие, камень первый в Церковь Христову на Кипре заложивший.

Кондак 2
Видяше апостолов, молитву творящих, воспросише их: «Каков Бог ваш - и слышаше речение Варнавы: «Ираклидиусе, сыне жреца, идолов и истуканов бездушных много, а мы поклоняемся и молимся Единому Живому Богу»: Аллилуиа.

Икос 2
Разумом своим уразумел тексты Евангельския, егда с апостолы пешешествовал к древнему граду Пафосу сквозе гору Хионистре, и, не прошедши трети пути, просил их приняти его в стадо верных Христу овец. Мы же с радостью за сие приносим песноглашения ти:
Радуйся, апостольскими путями ходивший.
Радуйся, Евангелие яко влагу живительную в себя впитавший;
Радуйся, веру Христианскую вместо язычества пагубного избравший.
Радуйся, восхождением своим на гору Хионистру азы Христианства познавший;
Радуйся, учеником апостолов прилежным ставший.
Радуйся, молитвы токмо Господу Иисусу Христу посылавший;
Радуйся, святителе Ираклидие, камень первый в Церковь Христову на Кипре заложивший.

Кондак 3
Силою Божественною из рук апостолов Павла, Марка и Варнавы крещение получивши в речушке горной Сетрахос ставшей Кипру новым Иорданом, поя в ея водах хвалы Всесильному Богу: Аллилуиа.

Икос 3
Имея разум, силою Божиею просвещенный, во епископа града Тамассоса поставлен был еси апостолом Варнавой, дабы научити верныя чада Христовы истинно воспевати Творцу и аки звезда путеводная светити всем, вопиющим ти:
Радуйся, Духом Святым Бога Истиннаго познавший.
Радуйся, крещение от наложения рук апостолов принявший;
Радуйся, путем тесным за Христом последовавший.
Радуйся, епископом Тамассоса ставший;
Радуйся, избранием своим апостолов не посрамивший.
Радуйся, слов Божиих сеятелю добрый бывший;
Радуйся, святителе Ираклидие, камень первый в Церковь Христову на Кипре заложивший.

Кондак 4
Бурю злоречия услышав во граде Тамассосе от жрецов языческих, егда рек о Истинном Боге Христе, аки волки напали, но не возмогли противитися силе твоей. Мы же чудящеся таковой крепости, хвалим тя, поюще: Аллилуиа.

Икос 4
Слыша плод устен приятны на слух апостолов Марка и Варнавы: «Для спасения души мало надо», - в пещерке тесной близ деревеньки Политико, идеже жительствовал и молился с ними, ублажаем тя с любовию песньми хвалебными таковыми:
Радуйся, яко источил еси реки учения, Киприотов напоивший.
Радуйся, яко мутныя воды многобожия крестом медным освятивший;
Радуйся, яко из глубины безбожия Киприотов извлекавший.
Радуйся, яко дремавшему Тамассосу путь спасения показавший;
Радуйся, яко жрецов демонам служащих чествовати Бога Истиннаго научивший.
Радуйся, яко заблуждшия человеки на путь спасения наставлявший;
Радуйся, святителе Ираклидие, камень первый в Церковь Христову на Кипре заложивший.

Кондак 5
Боготечной звездой явился еси ти, Ираклидие, путь заповедей Господних показующи всем хотящым познати свет, и добре управлял еси до шестидесяти лет малым стадом Лампадии. Темже убо и нас, во тьме страстей пребывающих, сиянием добродетелей твоих озари, да возопием о тебе с благодарением Богу: Аллилуиа.

Икос 5
Видя веру твою несумненну и разум устремленный к горнему, Владыка душ наших Христос дарова ти, Ираклидие, дар разумения и учительства слова Божия, дабы утвердиши в вере люди Кипра вси крещеные тобою вопиют Богу: Аллилуиа.
Радуйся, яко велия искушения мужески претерпевавший.
Радуйся, яко благодатныя дары преизобильно стяжавший;
Радуйся, яко житием своим земли окрестныя освятивший.
Радуйся, яко силу правыя веры, человекам в среде языческой являвший;
Радуйся, яко столпом веры Христовой на Кипре ставший.
Радуйся, яко струю благодатную от Тамассоса на Киприотов изливший;
Радуйся, святителе Ираклидие, камень первый в Церковь Христову на Кипре заложивший.

Кондак 6
Проповедник несумненнаго пути ко спасению явился еси ты на Кипре, святителе Ираклидие, труды твои, яко виноград посаженый тобою дал лозу и плод неизчисленный, усердне славим давшаго ти силу и крепость Господа, вопиюще Ему: Аллилуиа.

Икос 6
Возсиял еси светом добродетелей меж гор Троодосских, яко пустыннолюбивая горлица, вселився в пещеру, на месте же обитания твоего первее честный Крест начертал у входа, услышиши от нас таковая:
Радуйся, сокровища духовныя возлюбивший.
Радуйся, персте Божий, нам горняя указующий;
Радуйся, наветы языческия яко паучину потребивший.
Радуйся, лозо вертограда Варнавы бывший;
Радуйся, житием пещерным дух святый стяжавший.
Радуйся, молитися там со апостолы любивший;
Радуйся, святителе Ираклидие, камень первый в Церковь Христову на Кипре заложивший.

Кондак 7
Хотяше Человеколюбец Господь дабы не был ты один, Ираклидие, посла ти в ученики юношу Мнасона, крещенаго прежде в Иерусалиме апостолом Иоанном Богословом, памятуя: «Идеже два ту стадо» вопиюще Богу: Аллилуиа.

Икос 7
Новое чудо сотворил еси ты, святителе Ираклидие, егда при народе многа, в молитве ко Милостивому и Вселюбящему Богу Иисусу Христу из Назарета, немоществующий увеченной спиной восстал и славил Имя Его громогласно. Мы же, труды твоя вси поминающе, на благо людям вопием ти сицевая:
Радуйся, яко врачем мудрым подражавший.
Радуйся, яко силу их благодатную безмезднаго врачевания познавший;
Радуйся, яко врачеванием недужных к вере неверующих привлекавший.
Радуйся, яко врачевание телесное к славе Имени Божия употреблявший;
Радуйся, яко по единому словеси: «Верую в Тя, Господи» с постели поднимавший.
Радуйся, яко безсребренниче, призывающим тя с верою помогавший;
Радуйся, святителе Ираклидие, камень первый в Церковь Христову на Кипре заложивший.

Кондак 8
Странно бе видети тя, егда пришедши к заходным вратам града Солоне, и нашедше там епископа Авксивия, лобызая его рек: «Иди в град, ловец душ, по слову Христову и множ Его стадо и пусть познавшие свет хвалят Имя Его»: Аллилуиа.

Икос 8
Весь Кипр прошел ты, святителю Ираклидие, из конца в конец, ставя епископов: в Пафоссе - Эпафоса, в Неаполе - Тихика и иных, чудес множество при сем совершая: бесноватых и слепых исцеляя, мертвых воскрешая. Сего ради благодарныя ти Киприоты взывают сице:
Радуйся, яко Пресвятей Троице с благоговением покланятися всех научавший.
Радуйся, яко именем Христовым чудотворивший;
Радуйся, яко в истине Воскресения и жизни вечныя нас уверяющий.
Радуйся, яко пастырю словесным овцам во Святая святых путь указующий;
Радуйся, яко сам из пасти зверя лютаго апостолами Христовыми извлечен бывший.
Радуйся, яко розго, плод неизчислимый принести Христу возмогший;
Радуйся, святителе Ираклидие, камень первый в Церковь Христову на Кипре заложивший.

Кондак 9
Всякое естество ангельское удивися многотрудным твоим пастырским подвигам и чудному дару врачевания телесных и душевных болезней, святителе Ираклидие, денно и нощно беседуя с Богом: Аллилуиа.

Икос 9
Витии сладкоглаголивии не могут изъяснити добродетели и чудеса твоя, святителе Ираклидие, яко Крест медный в руце твоей краше и ценнее злата из рудников Тамассоса освящал весь Кипр светом Евангелия, тако да поем ти сице:
Радуйся, словеса Божия на сердце своем начертавший.
Радуйся, единыя правды Божия взыскавший;
Радуйся, оправдания Божия паче всех тленных благ возлюбивший.
Радуйся, отче великий и смиренномудрый в сане митрополита бывший;
Радуйся, души людския ко Христу приводивший.
Радуйся, в послушании Богови присно пребывавший;
Радуйся, святителе Ираклидие, камень первый в Церковь Христову на Кипре заложивший.

Кондак 10
Спасти хотяще клеврета своего святаго Феодора Тамассоского еще язычника, вверзавшего в разлившуюся реку Педиэос статуэтки языческих богов, ты же посохом своим ударил по полу реки и на двое ея раздели, стихию унявши, по молитве к Истинному Богу: Аллилуиа.

Икос 10
«Стена тверда есть Церковь Христова на Кипре, юже врата адова не одолеют ея во веки», - рек святому Мнасону Ираклидие, егда рукополагал его во епископа Тамассоского. Зряще ревность твою по славе Божией поем сице:
Радуйся, яко светильниче духовный верным путь освещающий.
Радуйся, яко огненная пещь грехи наши пожигающий;
Радуйся, яко горнило, молитвенный аромат источающий.
Радуйся, яко кадило дивное смирения благоухание издающий;
Радуйся, яко свеще темноту нашу просвещающий.
Радуйся, яко угль, хладныя сердца растопляющий;
Радуйся, святителе Ираклидие, камень первый в Церковь Христову на Кипре заложивший.

Кондак 11
Пение молебное от лет апостольских даже и до ныне совершается у пещеры гроба - свидетельнице молитвенных подвигов твоих, святителе Ираклидие, чудеса же многая от него источаются обильно, и все верные поют возлюбившему тя Богу: Аллилуиа.

Икос 11
Светоприемный светильник истиннаго света сущим на земли Кипра являешися, святителю Ираклидие, яко на торжище посреде града Тамассоса, от язычников каменьями побит бысть. Мы же с рыданием вопием ти сице:
Радуйся, яко броне правды каменометания языческия отразивший.
Радуйся, яко во плоти ангельской поживший;
Радуйся, яко щитом веры паству свою ограждавший.
Радуйся, яко крест медный кровью своею освятивший;
Радуйся, яко от руд медных олово, аки плевела отделявший.
Радуйся, яко в подземелия шахт, свет Христов принесший;
Радуйся, святителе Ираклидие, камень первый в Церковь Христову на Кипре заложивший.

Кондак 12
Благость сотворил с рабом Своим Господь по словеси Своему, во еже сподобил пребывати на небеси молитвенника Своего «Ираклидиуса». Темже мы, дивящеся множеству чудес тобою совершаемых, поем прославляющему тя Богу: Аллилуиа.

Икос 12
Поюще подвиги твоя, святителе Ираклидие, ублажаем равноапостольное житие, прославляем мученическую кончину, почитаем память твою и сицевая радостноя тебе приносим:
Радуйся, молитвенниче о душах наших теплейший.
Радуйся, яко пред смертию чашу Господню испити возмогший;
Радуйся, яко по исходе твоем духом нас не оставляющий.
Радуйся, святителе, покоев небесных достигнувший;
Радуйся, трудов твоих достойную мзду восприемший.
Радуйся, рабе благий, в радость Господа своего вшедший;
Радуйся, святителе Ираклидие, камень первый в Церковь Христову на Кипре заложивший.

Кондак 13
О, преславный отче наш Ираклидие, святителю Христов и чудотворче! Приими малое сие моление наше в похвалу тебе возносимое и умоли Господа Бога избавити нас от геены огненныя и сподобити блаженства святых, да купно с тобою вопием Ему во веки: Аллилуиа. Аллилуиа. Аллилуиа.
Этот кондак читается трижды, затем икос 1-й и кондак 1-й

Молитва
О, великий святителю Ираклидие! К тебе скорому помощнику и усердному о нас молитвеннику смиренно прибегаем и молитвенно просим тя: помози нам, зело прогневавшим Господа и Создателя нашего, огради нас твоими молитвами святыми от всех искушений и бед, скорби и напасти отврати даруй нам здравие, мир, тишину и богоугодно провождати дни жития нашего; ответ благоприятен на страшнем судищи Христове испроси нам, время на покаяние, согрей огнем молитвы твоея сердца наша охладевшия, да сподобит Господь нас грешных Небеснаго Царствия Своего, со всеми святыми прославляти всечестное и великолепое Имя Отца и Сына и Святаго Духа, ныне и присно и во веки веков. Аминь.

Тропарь, глас 3
Велика обрете тя Тамассийский град проповедателя и пастыреначальника, Церкве Христовы учителя. Идольскую бо лесть низложив, истины свет проповедал еси языком. Темже, святе священноначальниче Ираклидие, Христу Богу молися дароватися нам велией ми́лости.

Кондак, глас 2
Ираклидие, обители твоея сокровищнице, и Кипра всего воеводо, приими чад смиренных молебный глас и даждь молитв совершение, к ближним удобопреклонный слух, ко Христу благоугождение, совести чистоту, поставляя пред Господем их, яко престол честный, и молитвы вселение.

Величание
Величаем тя, священномучениче Ираклидие, и чтем святую память твою: ты бо молиши за нас Христа Бога нашего.

День памяти: 17 Сентября (ст. ст.)
Автором сего Акафиста является: иподьякон Валерий.