Святые благоверные князья Константин и чада его Михаил и Феодор Муромские

(память 21 мая / 3 июня)

Житие святого благоверного князя Константина, супруги его Ирины и чад их, Михаила и Феодора, Муромских чудотворцев (Память 21 мая / 3 июня) Благоверный великий князь Константин (Ярослав) Святославович происходил из рода святого равноапостольного великого князя Владимира, крестившего землю Русскую. Он был младшим сыном Святослава Ярославича, сначала князя Черниговского, а затем великого князя Киевского (1073 - 1077), то есть внуком Ярослава Мудрого и правнуком святого Владимира. Ревнуя об утверждении христианства на Руси, князь Константин хотел иметь своим уделом город Муром, населенный язычниками, чтобы просветить его жителей светом христианской веры. Родственник князя Константина, сын великого князя Владимира благоверный князь Глеб, которому был назначен во владение город Муром, употребил много усилий, чтобы овладеть им и склонить его жителей к принятию святого Крещения. Но не удалось ему это сделать. После того как святой Глеб был убит, Муром долго оставался без христианского князя, и язычество в городе набирало все большую силу. Между тем соседи, болгары, исповедовавшие мусульманство, старались распространить свое влияние на Муром. "Князь Константин, слыша о Муроме, яко велик и славен, и множеством людей живущих в нем, и богатством всяким кипящий", испросил у своего отца Святослава этот город себе в удел. Отец не хотел отпускать Константина, сильно опасаясь за его жизнь. Но Константин решился на все ради святой веры. И в 1092 году святой князь Константин вместе со своими сыновьями, князьями Михаилом и Феодором, и супругой Ириной, с духовенством, воинами и слугами из славного города Киева пришел на Рязанскую землю к городу Мурому. Святой благоверный князь Константин послал сына своего Михаила убедить муромцев принять его без сопротивления. Но упорные язычники убили посланника, бросили его тело за город и стали готовиться к бою. Когда же князь подошел к городу со своей большой дружиной, жители смирились и согласились принять его, но заменить свое язычество на православную веру не пожелали. По другой версии, изложенной святителем Димитрием Ростовским, благоверный князь Константин с сыновьями и бывшей при нем дружиной вступил в битву с муромцами под самим городом и одержал победу. Но в этом сражении был убит его сын Михаил. Не принуждая язычников силой к принятию веры Христовой, князь Константин не оставил, однако, мысли об их просвещении. Прежде всего он построил в Муроме храм в честь Благовещения Пресвятой Богородицы и похоронил там своего сына, а вскоре воздвиг и другую церковь во имя святых Бориса и Глеба. Он не раз призывал к себе старейшин города и убеждал их переменить веру. С проповедью о Христе обращалось к муромцам и духовенство, прибывшее с князем. Однажды толпа язычников, недовольная князем, подступила к его дому грозя смертью. Горожане поклялись убить или выгнать князя, но христианства не принимать. Святой Константин с сыном Феодором и княгиней Ириной заперлись в Благовещенском храме и усердно молились, пока не услышали голос: «Константине! Услышана молитва твоя, дерзай, не бойся. Аз есмь с тобою». Князь вышел с иконой Пресвятой Богородицы к мятежникам. Чудесное сияние лилось от иконы. Пораженные Божественным сиянием, мятежники согласились принять Святое Крещение. «И тако крестишася вся люди града Мурома во имя Отца и Сына и Святого Духа, радующеся и славяще Бога», - повествует летописец. Торжественно было крещение муромцев, и, как некогда Днепр, река Ока стала купелью для многих жителей города. Благоверный князь осыпал детей Божиих разными подарками, одних - одеждой, других - деньгами, а лучших - и вотчинами. Так благоверный князь Константин в городе Муроме «веру утверди» и жителей «от прелести идольския избави». Сын Феодор был ему ревностным помощником в деле утверждения Православия на муромской земле. После крещения муромцев надлежало позаботится об умножении храмов. Святой Константин «заповеда ставити церкви в городе и в селах и монастыри мужские и женские», и учредил в епископскую кафедру. Согласно летописи, в 1098 году в Муроме уже был построен Спасский монастырь. Скончался святой князь в 1129 году, пройдя жизненный путь в истинной вере и непорочности, помогал бедным, защищал сирот. Его кончина причинила великую скорбь народу. Все оплакивали его, как отца. Похоронили у построенной им Благовещенской церкви, рядом с сыновьями Михаилом и Феодором. В 1345 году потомок святого князя Константина, благоверный князь Георгий Ярославич, восстановил первоначальную церковь Благовещения Пресвятой Богородицы. С того времени Господь прославил святых князей Константина и его сыновей, так как у гробов их стали совершаться чудеса. В 1547 году на Соборе, созванном святителем Макарием, Митрополитом Московским, святые благоверные князья Константин, Михаил и Феодор были прославлены в лике святых. В Муроме местно чтилась и память княгини Ирины, супруги князя Константина. В 1553 году царь Иоанн Васильевич Грозный, идя в поход против татар к городу Казани, зашел в город Муром и пробыл там две недели. Совершив молебен у гробов святых чудотворцев, он дал обещание построить монастырь, если возвратится из похода с победой. С Божией помощью он взял Казань и, возвратившись в Москву, повелел у гробов святых чудотворцев построить каменную церковь. Когда стали копать рвы для этой церкви, нашли мощи святых князей целыми и невредимыми. По окончании постройки церкви в нише церковной стены было устроено особое место, где и положили святые мощи. Царь Иоанн Васильевич повелел рязанскому епископу Гурию освятить новопостроенный храм и прислал к его освящению различную церковную утварь. Храм был освящен, и при нем устроен монастырь.

Акафист святым благоверным князем Константину и чадам его Михаилу и Феодору, Муромским Чудотворцем.

Кондак 1

Изрядный воеводо Небеснаго Царя, преславный просветителю страны Муромския, благоверный княже Константине, похвальная восписуем ти с чады твоими, Михаилом и Феодором: яко избавив древле люди Муромския от прелести и скверны идольския, и привед их к свету веры Христовой, и ныне посещаеши их своею милостию и заступлением. Сего ради благодарственно вопием ти: Радуйся, преблаженне княже Константине, скорый помощниче и заступниче наш.

Икос 1

Ангелу непорочному, страстотерпцу святому Глебу поревновав, пожелал еси неверный Муром в княжение себе прияти, да просветиши люди седящия во тьме и сени смертней светом боговедения. Сего ради вопием ти: Радуйся, благочестиваго корене благоцветущая отрасль: Радуйся, с высотою рода и богатство духовных дарований наследивый. Радуйся, тезоименитому тебе царю Константину поревновавый: Радуйся, святому князю Владимиру подражавый. Радуйся, образ непорочнаго Глеба пред очима сердца живописавый: Радуйся, начатое им дело совершити пожелавый. Радуйся, в юности благословением Феодосия осененный: Радуйся, от младых ногтей благочестию наученный. Радуйся, поклонения идолам истребителю: Радуйся, неверия и нечестия низложителю. Радуйся, Евангелия благовестниче: Радуйся, его же ради вера Господня в стране Муромской возсия. Радуйся, преблаженне княже Константине, скорый помощниче и заступниче наш.

Кондак 2

Видя, вражды ради князей, чести и первенства ищущих, многия страны оставленныя без просвещения святою верою, не суетной славы желая, но трудов и подвигов благоверия веры Христовой взыскуя, возжелал еси Константине княжити в Муроме, да научиши люди неверныя воспевати Богу: Аллилуиа.

Икос 2

Разум словес апостольских сердцем уразумев, яко обративый грешника от пути заблуждения спасет душу, и покрыет множество грехов, потщался еси избрати себе жребий служения апостольскаго в стране Муромстей. Сего ради вопием ти: Радуйся, добрый ревнителю подвигов апостольских: Радуйся, любве к ближним преисполненный. Радуйся, свеще, тьму неверия просвещающая: Радуйся, солнце, тину нечестия изсушающее. Радуйся, неверныя люди к Богу приведый: Радуйся, из недостойнаго честное изведый. Радуйся, благодати Божией посредниче: Радуйся, положивый начало новаго бытия стране Муромстей. Радуйся, яко тобою наставляеми поклоняемся Истинному Богу: Радуйся, яко тобою познахом Отца Небеснаго. Радуйся, правителю благий: Радуйся, пастырю добрый. Радуйся, преблаженне княже Константине, скорый помощниче и заступниче наш.

Кондак 3

Силою свыше Апостолы иногда облекий во Иерусалиме седящия, на дело благовестия их уготовляя, чрез благословение святителя и всего освященнаго собора и молитвы верных, облече и тебе, грядуща на дело проповеди Евангельския, силою мужественною, да укрепляемый ею в подвизе служения, вопиеши Богу: Аллилуиа.

Икос 3

Имея велию веру и любовь к Пресвятей Богородице, в знамение Ея покрова и заступления, приял еси чудную икону Ея, яко благую Одигитрию, водительствующую тя в пути. Сего ради вопием ти: Радуйся, благую часть избравый: Радуйся, упование на единаго Бога возложивый. Радуйся, себе вручивый молитвам церковным: Радуйся, благословение свыше чрез них приявый. Радуйся, сильному покрову Богоматере вверивыйся: Радуйся, честный образ Ея в щит себе и ограждение стяжавый. Радуйся, не на воинство, но на помощь Божию надеявыйся: Радуйся, веру Христову с надеждою мудро сочетавый. Радуйся, воине Царя Небеснаго: Радуйся, о умножении Царствия Его пекийся. Радуйся, земныя радости презревый: Радуйся, благ небесных возжелавый. Радуйся, преблаженне княже Константине, скорый помощниче и заступниче наш.

Кондак 4

Бурею помышлений притрепетных смятеся отец твой, блаженне княже Константине, помышляя злонравие людей, к нимже княжити шел еси, но на благодать Божию уповая, благослови тя на подвиг, вопия Богу: Аллилуиа.

Икос 4

Слышав блаженне Константине, яко не хотяху невернии людие прияти тя, послал еси сына твоего, кроткаго агнца Михаила, увещевати непокорныя: они же убиша непорочнаго отрока. Мы же, прославляя тя яко Авраама, в жертву Богу сына произволением приносящаго, вопием ти: Радуйся, кроткий подражателю Христов: Радуйся, добрый исполнителю Его заповедей любви. Радуйся, кротостию злобу побеждаяй: Радуйся, врагом твоим добро творяяй. Радуйся, Богу Отцу подражавый: Радуйся, сына своего не пощадевый для спасения нечестивых. Радуйся, словом любви учение Бога, иже есть любы, насаждаяй: Радуйся, свою душу за спасение ближних положити готовый. Радуйся, возлюбивый Бога и дело Божие паче близких: Радуйся, яко плоть и кровь не яви ти, но Отец Небесный. Радуйся, образ кротости духовныя: Радуйся, незлобия наставниче. Радуйся, преблаженне княже Константине, скорый помощниче и заступниче наш.

Кондак 5

Боготечная звезда явися стране Муромстей князь Михаил, возвещая имеющее возсияти солнце истинныя веры: мученическою бо кровию своею освяти неверную землю, нетлением просия телесе своего, благоуханием его наполни землю, и лики ангел низведе с Небесе, поющих Богу: Аллилуиа.

Икос 5

Видя сына своего Михаила убиена и извержена из града, и злонравныя люди на брань с тобою уготовляющияся, возопил еси к Щедрому Богу, и услышал еси глас: дерзай Константине, и не бойся, яко власть град получил еси. Темже мы взываем ти: Радуйся, верою мужество укрепляяй: Радуйся, молитву оружием содеваяй. Радуйся, яко Давид на Голиафа, на враги во Имя Господа вооруживыйся: Радуйся, яко Константин на Максентия о силе Креста возмогаяй. Радуйся, не смерти злодеев, но спасения их возжелавый: Радуйся, приведения их к Богу искавый. Радуйся, просвещение омраченных: Радуйся, исправление развращенных. Радуйся, умягчение ожесточенных: Радуйся, нечестия искоренителю. Радуйся, истинныя веры утвердителю: Радуйся, благия надежды насадителю. Радуйся, преблаженне княже Константине, скорый помощниче и заступниче наш.

Кондак 6

Проповедник богоносный явился еси, блаженне, граду Мурому, храмы святыя устрояя, служение христианское совершая, веру возвещая, уча и наставляя старыя и юныя, да навыкнут вси воспевати Богу: Аллилуиа.

Икос 6

Возсия граду Мурому просвещение истины, и отгнася лесть бесовская труды, подвиги и молитвами твоими блаженне Константине: прежде бо непокорные людие, сами крещение просиша и идолов сокрушиша. Мы же спасение получивше, вопием ти: Радуйся, исправление неверных: Радуйся, посрамление бесов. Радуйся, прелести державу поправый: Радуйся, идольскую лесть обличивый. Радуйся, Православия проповедниче: Радуйся, благочестия насадителю. Радуйся, храмов Божиих зиждителю: Радуйся, благолепия дому Господня рачителю. Радуйся, священных прав церкви Божией блюстителю: Радуйся, святыни ея верный хранителю. Радуйся, неизнемогающий учителю веры: Радуйся, присный наставниче. Радуйся, преблаженне княже Константине, скорый помощниче и заступниче наш.

Кондак 7

Хотя привести вся люди ко Христу, молился еси Богу, да открыет сердца их к приятию света истины: люди же убеждал еси прияти веру святую, яко залог счастия временнаго и вечнаго. Тем же молися и о нас преблаженне, да вопием вси чистою душею Богу: Аллилуиа.

Икос 7

Дивное показа знамение Господь, егда невернии с оружием и дреколием устремишася на тя, ты же с молитвою пад пред иконою Богоматере, ходатайства у Сына Ея прося, абие услышал еси глас: дерзай Константине, Аз есмь с тобою. Мы же прославляюще таковое о тебе Божие благоволение, радостно зовем: Радуйся, на земли сподобивыйся слышати глас Самаго Бога: Радуйся и дерзай, яко Господь с тобою, иже от не сущих вся приведый. Радуйся, яко с тобою Господь, изведый древле Израиля из работы Египетския: Радуйся, яко с тобою Господь, Амаликову силу в пустыни победивый. Радуйся, яко с тобою Господь, снисхождением своим Небеса преклонивый: Радуйся, яко с тобою Господь, духом силы Своея весь мир просветивый. Радуйся, яко с тобою Господь, сильный в бранех: Радуйся, яко с тобою Господь, всяку гордыню побеждаяй. Радуйся, яко с тобою Господь, силу свою в немощи совершаяй: Радуйся, яко тебе Господь прибежище и сила. Радуйся, яко с тобою Господь, благоволивый просветити страну Муромскую: Радуйся, яко с тобою Господь, новыя люди в Царство призвати изволивый. Радуйся, преблаженне княже Константине, скорый помощниче и заступниче наш.

Кондак 8

Странное чудо является: воины с оружием и дреколием пред безоружным князем, яко щит видяще точию в руках икону Богоматере, ниц повергаются: видевше бо икону сияющю яко солнце, лице князя яко лице ангела, с трепетом просяще крещения, возопиша Богу: Аллилуиа.

Икос 8

Весь был еси в вышних, блаженне княже Константине, духом веселяся с ангелы, радующимися о едином грешнике кающемся, егда банею пакибытия обновляхуся людие Муромстии, и свет Небесный осия новокрещенныя люди. Мы же, радуяся смотрению Божию о тебе и людех, ублажаем тя, зовуще: Радуйся, град сей от работы диаволу свободивый: Радуйся, власть мысленнаго фараона сокрушивый. Радуйся, к земле обетованной спасения приведый: Радуйся, напитавый манною жизни люди твоя. Радуйся, громом славы Божией неверие поразивый: Радуйся, молниею света благодати облиставый мрак заблуждения. Радуйся, упование на Богоматерь возложивый: Радуйся, Ея заступлению и покрову вверившийся. Радуйся, научивый ведети Матерь Спасения: Радуйся, проповедниче Ея милостей. Радуйся, и град свой Ея ходатайству вручивый: Радуйся, Божия благоволения ходатаю. Радуйся, преблаженне княже Константине, скорый помощниче и заступниче наш.

Кондак 9

Всякое место страны твоея освятити хотя, повелел еси ставити церкви во граде и селах, и монастыри мужеския и женския, да всюду воспевают Богу: Аллилуиа.

Икос 9

Ветии многовещанныя не возумеют прославити труды твоя, скорби и подвиги, яже подьял еси ради новокрещенных людей, врагов отражая, вражду умиряя, страну просвещая и устрояя, сирых призирая, неведущих вразумляя. Темже прославляя тя, взываем: Радуйся, сирых защитниче: Радуйся, вдов заступление. Радуйся, нищих питателю: Радуйся, скорбных утешителю. Радуйся, неведущих вразумление: Радуйся, младенцев воспитание. Радуйся, страны Муромския ограждение: Радуйся, града укрепление. Радуйся, враждующих примирителю: Радуйся, терпеливый в обидах. Радуйся, славы Божией точию искавый: Радуйся, вся земная в суету вменивый. Радуйся, преблаженне княже Константине, скорый помощниче и заступниче наш.

Кондак 10

Спасти хотя душу твою, до смерти подвизался еси подвигом добрым, течение скончал еси, веру соблюл еси: темже и уготован ти венец правды от Христа Бога нашего, яко возлюбльшему Его паче всего. Егоже и приял еси пресельшись от сея временныя жизни к жизни вечней, и тамо вопиеши Богу: Аллилуиа.

Икос 10

Стена еси и покров всем к заступлению твоему прибегающим, преблаженне Константине, дар чудодейственныя благодати от Бога приемый. Темже буди и нам стена крепкая, и прибежище и заступление, в нуждах наших к тебе прибегающим, и вопиющим: Радуйся, земное поприще жизни твоея ангельски совершивый: Радуйся, величие сана княжескаго на земли и послушание вернаго раба Царю Небесному мудро совместивый. Радуйся, святых детищь твоих, Михаила и Феодора, измлада Богу сочетавый: Радуйся, сердце свое и их в Руце Божии положивый. Радуйся, винограда Христова делателю добрый: Радуйся, князем похвало и царем славо. Радуйся, яко земная храмина тела твоего покровом нетления одеяся: Радуйся, яко святыя мощи твоя источают чудеса. Радуйся, добрый и верный рабе Христов: Радуйся, достойную мзду по делом твоим приявый. Радуйся, ходатаю наш пред Богом: Радуйся, присный молитвенниче о нас к Богу. Радуйся, преблаженне княже Константине, скорый помощниче и заступниче наш.

Кондак 11

Пение всеумиленное приносим ти, преблаженне Константине, просяще твоея помощи и ходатайства о нас к Богу: исцели наша немощи, якоже исцелил еси старицу Феодосию, четыре лета нему и глуху бывшу. Воздвигни нас от одра болезней, яко воздвигл еси боярскаго сына Иоанна, многая лета болезнию одержима бывша. да спасаеми тобою, вопием Богу: Аллилуиа.

Икос 11

Светоприемную свещу, во граде сем благодатию Божиею возженную, зрим святых мощей твоих: светит бо всем во мраке уныния сущим, озаряет скорбных, путеводит заблуждших, путь ко спасению и врачеванию всех немощей указуя. Темже прославляя Бога, даровавшаго тебе благодать таковую, взываем ти: Радуйся, скорбей сердца нашего успокоение благодатное: Радуйся, горестей в жизни нашей услаждение. Радуйся, кичений ума нашего умирение: Радуйся, сомнений недоуменных разрешение. Радуйся, страстей и желаний суетных обуздателю: Радуйся, чистых намерений и благих начинаний руководителю. Радуйся, совести нашей страже недремлющий: Радуйся, ума нашего светильниче светлый. Радуйся, воли нашея, яже ко благому, спутниче верный: Радуйся, верный руководителю в путях жизни нашея. Радуйся, жизнию своею образ благочестия нам оставивый: Радуйся, верою своею правило веры нам показавый. Радуйся, преблаженне княже Константине, скорый помощниче и заступниче наш.

Кондак 12

Благодать данную тебе от Бога уведев, притече к раце твоей царь Иоанн, заступления и помощи прося от тебе к победе на агаряны: и победив врага, древле и с тобою враждовавшаго, благодарственно припадая к мощем твоим, вопияше к Богу: Аллилуиа.

Икос 12

Поюще велия твоя, преблаженне Константине, подвиги и труды в жизни сей, ублажаем приснопамятное успение твое, торжествуем и о Божественней славе твоей в Небеснем Царствии, и припадающе к раце мощей твоих, взываем: Радуйся, апостолов подражателю: Радуйся, подвига мучеников ревнителю. Радуйся, патриархов добродетели показавый: Радуйся, князей украшение. Радуйся, Церкви похвало: Радуйся, верных утешение. Радуйся, Российския страны украшение: Радуйся, града Мурома ограждение. Радуйся, в скорби и радости наше прибежище: Радуйся, упование наше в ненадеянных. Радуйся, путешествующих добрый хранителю: Радуйся, напаствуемых защито. Радуйся, преблаженне княже Константине, скорый помощниче и заступниче наш.

Кондак 13

О преславнии чудотворцы, святии благовернии князи, Константине, Михаиле и Феодоре! Приимите ныне от нас сие хваление, и испросите нам, своим благоприятным ходатайством у Христа Бога, утверждение в вере и добрых делех, избавление от всех бед и напастей в жизни сей, а в смертном успении нашем благую спасения надежду, да сподобимся в радости вечней воспевати с вами Богу: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва святым благоверным князем Константину и чадам его Михаилу и Феодору, Муромским Чудотворцем.

О храбрый воине и избранный воеводо Небеснаго Царя Христа! Победивый прелесть идолослужения силою Святаго Духа, и просветивый град Муром святым крещением, святый благоверный княже Константине! Усердно предстояще честней раце многоцелебных мощей твоих, со слезами молим тя, просяще прияти нам твоим к Богу ходатайством грехов оставление. Предстани, святе, яко имеяй дерзновение ко Святей Троице, и подвигни с собою на молитву преудобренныя своя две отрасли, плод честнаго семени твоего, благовернаго князя Михаила послушнаго тебе до смерти, и кровь свою пролиявшаго за град сей, и яко незлобиваго агнца заколена бывша (тщашеся бо тьмы душ обратити ко Господу спасаемых), и благовернаго князя Феодора, ревнителя благочестию. Испроси своими молитвами Богохранимей стране нашей и людем, мира, здравия, долгоденствия и на враги победы и одоления. Еще со слезами смиренно просим: сохраните, блаженнии, невредим град сей, егоже возлюбисте и свободисте от работы демонския. Обитель же сию, и живущия и труждающияся в ней, соблюдите невредимо от всех козней и стрел демонских. Даруйте, святии, царствующим градом, граду сему, всякому граду и стране мирное и немятежное житие и изобилие плодов земных. По морю плавающим и путешествующим, и к раце мощей ваших с верою прибегающим, безбеднии правителие будите: злых свобождение, мирное и радостное в домы их возвращение, молитвами вашими даруйте, да вси с радостию взываем: О благовернии наши заступницы! Соблюдите всех без напастей, да вси, прибегающе с верою к цельбоносней раце мощей ваших исцеление душам и телесем нашим приемлюще, прославляем вас, наша заступники, славяще Отца и Сына и Святаго Духа, ныне и присно, и веки веков. Аминь.

Тропарь, глас 4

Константин днесь весело ликовствует, предстоя Престолу Пресвятыя Троицы, видя Отечествие свое, мастию духовною сияющее: емуже последоваша Михаил и Феодор, сынове его, и молятся вси трие вкупе о душах наших.

Кондак, глас 8

Изрядному воеводе и правоверному князю Константину, с сынома его вкупе, Отечество его, хвалящися вопиет, имеющее его начальника и заступника, яко избавльшееся им от прелести и скверны идодьския: сего ради вопием ему сице: радуйся, княже Константине, преблаженне.

Величание

Величаем вас, святии благовернии князи Константине, Михаиле и Феодоре, и чтем святую память вашу, вы бо молите за нас Христа Бога нашего.

Источники:

По благословению Его Высокопреосвященства

Высокопреосвященнейшего Евлогия

Архиепископа Владимирского и Суздальского.

«Сборник акафистов Муромским святым»

и «Муромский календарь»

Библиография: Жития русских святых.

Учебное пособие в 6 тт. -т. II, с. 244-245;

Минея, апрель -М.,1985-4.1, с.242

Издано Свято-Троицким Новодевичьим монастырем

г. Муром