Акафист святому новосвященномученику Максиму, первомученику Лемковскому
Егоже память святая Церковь совершает месяца иулиа в 24 день, таже августа в 24 день

Кондак 1
Священномученику Максиму грешнии возносим победительныя и благодарственныя хваления, не бо яко наемник, душу свою за стадо свое положи, сего ради крепость неодолимую и венец нетленен победы от руку Христа пастыреначальника прият; темже поем ему:
Радуйся, величайший Максиме, страждущым и обидимым заступниче.

Икос 1
От глубины веры твоея, юже родители твоя благочестивая, Тимофей и Христина, в тебе всадиста и тя добре воспитаста, в любви к Богу и искреннему, и в благоговении к Божественным. Сего ради да радуется земля Лемковщина, место рождества твоего, святе, и с нами купно да вопиет чаду своему:
Радуйся, отроче родителема богобоязненныма рожденное в дому благочестивом.
Радуйся, яко бо плодовитая маслина, возрасл еси окрест трапезы отца твоего.
Радуйся, Ждиние, яже якоже древний Вифлеем, ничимже меньша еси в селениих земли твоея.
Радуйся, яко от тебе просия новый священномученик, доблий оружник веры православныя.
Радуйся, земле лемковская, ибо по вековным гонением и работе, твое отроча свободи тя жертвою своею.
Радуйся, той бо утверди в тебе веру православную, яко да духом и истиною Богу поклонишися.
Радуйтеся, горы Карпатския, отонудуже Максим прииде в помощь людем лемковским.
Радуйтеся, ибо кровию своею мученическою всех вас освяти.
Радуйтеся, яко исповеданием своим люди своя в вере святей укрепи.
Радуйся, теплый молитвенниче наших времен, Бога о нас грешных умоляющий.
Радуйся, егоже прошения о почитающих тя слышатся пред престолом Вышняго.
Радуйся, ходатайствуяй о спасении рода твоего и соотечественников твоих. 
Радуйся, величайший Максиме, страждущым и обидимым заступниче.

Кондак 2
Егда в монастырь латиномудрствующих вшел еси вере учитися, отвратил еси лице твое от нечестия монашествующих тамо, и от презрения их к роду твоему. Темже на гору Почаевскую потекл еси, к тихому пристанищу святыя Лавры, идеже в чистоте и целомудрии истинам святыя веры православныя поучался еси, яко да возможеши в правде Богу молитися: Аллилуиа.

Икос 2 
Како возможем восхвалити твое мужество и подвиг по достоянию, святе Максиме; еда возмогут устне наша бренная составити словеса чистыя хвалы; обаче приими сие убогое приношение наше, якоже вдовы две лепте Христос прият, и не отвержи нас верою зовущих ти:
Радуйся, сатане одолети нам помагаяй.
Радуйся, душетленныя демоны, хищницам птицам подобныя, от нас прогоняяй.
Радуйся, козни еретик волконравных познавати нас научаяй.
Радуйся, их зверовидныя хищения на ум и сердца наша гнушаяйся.
Радуйся, премогаяй вся искушения.
Радуйся, крилома духа твоего мысленне нас покрываяй и сохраняяй.
Радуйся, яко споборник и заступник наш, помогаяй нам во всех нуждах.
Радуйся, крепкий совоинственниче нам противу князя в мiре сем напасти творящаго.
Радуйся, мечу духа, обострен во еже разсещи лжеверие.
Радуйся, безбожия прогонителю.
Радуйся, яко уметы вся мимотекущая презревый.
Радуйся, плоть свою духу твоему покоривый.
Радуйся, величайший Максиме, страждущым и обидимым заступниче.

Кондак 3
От силы вышняго, яже осеняше тя в пастырстем твоем служении и жестоком заключении, святый священномучениче Максиме: незыблемо бо к вере святей православней прилепився, кончину твою доблественно сретил еси. Тем благодаряще Бога люди твоя присно поют Ему: Аллилуиа.

Икос 3
Любве ради к роду твоему многострадальному приял еси рукоположение во иереа, рукою блаженнейшаго иерарха Антония, и послан был еси в землю рода твоего пасти Христово стадо, смущаемое неисчетными хищники. Ныне же со бесплотными вои на небесех пребывая, слышиши от нас сицевая:
Радуйся, двери благоутробия Божия грешным отверзаяй.
Радуйся, кающымся грешником прощение от Бога подаваяй.
Радуйся, духа истины чистым сердцем получивый.
Радуйся, яко укреплься житием твоим и терпением ума, попрал еси прелесть мысленнаго сопостата.
Радуйся, щите веры, в брани противу врагов нас сохраняяй.
Радуйся, егоже тело многоценное оружием нечестивых умертвися.
Радуйся, яко в ризу, кровию твоею обагренную, Христу преставился еси.
Радуйся, конец желанный достиг, ныне лицезриши Спаса и Господа возлюбленнаго твоего.
Радуйся, пламень страстей утоляяй небесною прохладою.
Радуйся, огнь трясавицы в болезнех наших угашаяй.
Радуйся, землю окропивый кровию твоею.
Радуйся, ногама диавола поправый.
Радуйся, величайший Максиме, страждущым и обидимым заступниче.

Кондак 4
Бури сумнений и помыслов сопротивных не убойтеся, благочестивии лемковские людие, ниже да удалят вы от еже держатися крепко о вере истинней, ибо святый Максим доблественне душу свою положи, да утвердятся душы вашя во святей православней вере жертвою его. Сего ради, благодаряще о богоприятнем его исповедании, вопием Богу: Аллилуиа.

Икос 4
Слышавше о благочестии твоем, православнии люди Грабы к тебе притекоша умоляюще тя упасти их стадо благоверное; и служение сие взяв на ся, не яко наемник был еси, но пастырь истинный явился еси, душу свою за овцы полагаяй. Темже по достоянию тебе похвалы сия тебе воспеваем:
Радуйся, вся до конца претерпети, от Христа милостиваго благодать получивый.
Радуйся, яко Той укрепляше тя в лютейших муках.
Радуйся, в бедах и скорбех сущыя к заступлением святых прибегати наставляяй.
Радуйся, во всех нуждах наших к Богу обращатися нас научаяй.
Радуйся, терзания тела твоего доблественне претерпевый.
Радуйся, мужеством и терпением твоим мучителя неистовати сотворивый.
Радуйся, силу того упразднивый.
Радуйся, в любви к Богу и людем твоим Господу преставленный.
Радуйся, веры в Бога крепость явивый.
Радуйся, верныя Искупителя нашего прославляти подвизаяй.
Радуйся, образом жития твоего и смерти, многия ко Господу обративый.
Радуйся, яко долготерпением твоим венец правды на небеси приял еси.
Радуйся, величайший Максиме, страждущым и обидимым заступниче.

Кондак 5
Егда убиша тело твое, душа твоя горе возлете, во еже сопричтатися святым человеком и ангелом в превыспренних, чудное купнотворя с ними созвездие на тверди церковней, коегождо благодати яко звезда, верныя светом своим озаряющей, поющыя Богу: Аллилуиа.

Икос 5
Страстотерпчеству твоему дивятся даже маловернии и нелюбовнии, священномучениче; якоже бо отроцы святии, в пещи вавилонстей вверженныя, неуклонны во исповедании истиннаго Бога пребыша, сице и ты недвижимь был еси во исповедании веры православныя. Сего ради восхваляем мужество и терпение твое, поюще сице:
Радуйся, лукавствия диавола и аггелов его разоряющий.
Радуйся, всю силу их упраздняющий.
Радуйся, немощны их являющий.
Радуйся, творящий я ужасатися и трястися.
Радуйся, верныя ко спасению путеводящий.
Радуйся, заблуждающымся дерзостный обличителю.
Радуйся, в подвизе возвращения униатов в Церковь святую до конца отвергший себе самого.
Радуйся, ибо словеса Христовы, яко претерпевый до конца спасен будет, на тя исполнися.
Радуйся, угодниче Божий, Царствие вечное наследовавый.
Радуйся, праведнаго жития образе.
Радуйся, путь истиннаго покаяния еретиком являющий.
Радуйся, величайший Максиме, страждущым и обидимым заступниче.

Кондак 6
Воистинну виновен папа римский о заключении неправеднем твоем и умучении, величайший Максиме; от дмения бо властию своею хотяше поработити лемковския люди заблуждением своим. Обаче ведомым им тобою ко истинному свету православия, тии избавишася от козней и лукавствий онаго, и паки прицепишася к вере отцев своих, весело поюще: Аллилуиа.

Икос 6
От света изливаемаго на всех обидимых, жертвою доблественною твоею, новомучениче! Огненным бо мечем благодати Божиея вооружився, тьму лжи разгнал еси от безутешно утомляемых в сени латинских заблуждений долгия веки. Сего ради, восхваляюще Бога, дивнаго во святых своих, зовем ти:
Радуйся, горлицы светозарнейший светильниче.
Радуйся, тамо яко солнце сияющий, всех окормляя к тихому пристанищу.
Радуйся, имже сатана посрамися.
Радуйся, имже Христос прославися.
Радуйся, страстотерпцев сиятельная славо.
Радуйся, яко вещание страдания твоего радостию верныя исполняет.
Радуйся, сокровище даров изрядных Духа.
Радуйся, житием твоим Господу благоугодивый.
Радуйся, плевелы, в ниву церковную насажденныя исконным врагом человек исторгающий.
Радуйся, егоже терпение мучителем острое обличение бяше.
Радуйся, еретическия заблуждения испровергший.
Радуйся, совет нечестивых разгоняющий.
Радуйся, величайший Максиме, страждущым и обидимым заступниче.

Кондак 7
Мнозии от соотечественников твоих во узилища неправедно ввержени и убиени быша во время великия брани; аще и горькую чашу испиша, обаче мужеская жертва твоя сердца их вдохновляше, и руце и устны воздевше, Господеви православно песнь воспеша: Аллилуиа.

Икос 7
Вернии града Горлицы взяша святыя мощи твоя по блаженном отшествии твоем и честне земли предаша я, близ места убиения твоего, праведне Максиме; мощи же твоя честныя купель сотворишася, присно подавающий исцелений дарования, верою к ним притекающым и тебе зовущым:
Радуйся, с небеси на братию твою на земли призирающий.
Радуйся, о всех в помощь тебе призывающих молящийся.
Радуйся, образом жития святаго твоего последовати Христу всех нас зовущый.
Радуйся, безпредельное величие Божие именем твоим знаменующий.
Радуйся, ищущих спасение досточудный к Всевышнему окормителю.
Радуйся, по узкому и правому пути ко Христу шествовавый.
Радуйся, яко вшел еси в небесныя чертози.
Радуйся, словес еретиков отвративыйся.
Радуйся, яко исповедав святую веру Христову пред человеки, свидетеля Христа имееши пред Отцем небесным.
Радуйся, верный рабе Христов, верности ради Царствие вышнее наследивый.
Радуйся, купно со ангелы пребывающий, всех святых присный.
Радуйся, Господа Христа всею крепостию возлюбивый.
Радуйся, величайший Максиме, страждущым и обидимым заступниче.

Кондак 8
Безсердечный мучитель, извлекий тя от узкия келии и поставивый тя посреде стогны Горлицы, во еже умертвити тя. Но вся злоба и ярость его тщетны бесте, ибо вместо еже православие смертно уязвити, той содела тя мученика, в вои небесными непрестанно поюща: Аллилуиа.

Икос 8
Вся земля лемковская днесь ликовствует, наипаче же грады и веси земнаго пришельствия твоего, Максиме; святая Ждыня, идеже родился еси, благочестная Граба, идеже святыя Тайны Христовы священнодействовал еси, и честная Горлица, идеже кровь пречестную твою за Господа твоего пролиял еси. Мы же, силу ходатайства твоего за обидимых добре ведуще, благодарственне вопием ти:
Радуйся, дар исцелений от Духа приявый.
Радуйся, дар сей на пользу ближняго иждививый.
Радуйся, вся болезни врачующий.
Радуйся, от всякаго недуга избавляющий.
Радуйся, страдания в радость претворяющий.
Радуйся, вся исцеления сия во славу Божию творящий.
Радуйся, о пощадении временнаго живота твоего мучителя не умолявый.
Радуйся, яко страданьми и смертию твоею Царствие небесное приобрел еси.
Радуйся, христомученичеством твоим истинную твою любовь ко Господу явивый.
Радуйся, твердо о Господе держатися, даже до пролития крове, истинно нас учивый.
Радуйся, яко в багряницу нетления на небеси облеклся еси.
Радуйся, латиномудрствующих прельщения отвергший.
Радуйся, величайший Максиме, страждущым и обидимым заступниче.

Кондак 9
Руки и гласы возвышающе к всемогущему Богу во хвалениих и молениях, Божии безплотны ангели, удивистеся и почудистеся крепости священномученика Максима, неубоявшагося прещеньми мучителя, егоже страха не смущашеся, яко неимуща власти душу его убити. Сего ради вси чини небеснии всесильному Богу нашему поют: Аллилуиа.

Икос 9
Мзду велию в превыспренних приобрел еси от подвигоположника Христа Бога нашего, величайший Максиме, ибо течение скончал еси и веру соблюл еси. Сего ради краснословеснейшии ветии лютых времен наших, яко рыбы немы пребывают, немогуще по достоянию восхвалити тя. Мы же почитающии тя, вопием ти сице:
Радуйся, долготерпением твоим ангелов и человеков удививый.
Радуйся, смертию за Христа веру свою исповедавый.
Радуйся, крепким исповеданием твоим всех православных христиан вдохновивый.
Радуйся, твердое упование на Бога возложивый.
Радуйся, яко бодростне поспешал еси к благоуханному мνру Христа.
Радуйся, благоволение Всевышняго снискавый.
Радуйся, в дому Божии насажденная маслино.
Радуйся, высокий кедре ливанский.
Радуйся, небесных чинов радование.
Радуйся, богохульных еретик посрамление.
Радуйся, о душах овец твоих пещися рачение теплое имевый.
Радуйся, славу мiра сего во юродство вменивый.
Радуйся, величайший Максиме, страждущым и обидимым заступниче.

Кондак 10
Умирая от язв твоих, богоприятный глас возвысил еси и всем во услышание провещал еси; да пребудет вера православная! Тогда мучитель смертне удари тя и чистую свою душу в руку Владыки твоего предал еси, Емуже поем вси: Аллилуиа!

Икос 10
О столпе православия, угнетаемым защитниче и ходатаю! Благодарственная приносим милостивому Спасу нашему, яко даровал есть нам таковаго великаго ходатая пред световидным Престолом Его; ибо Максим святый во славе предстоит небесному Царю, непрестанно моляся о чтущих память его и взывающих ему:
Радуйся, прежде брани усердною молитвою к Богу укрепивыйся.
Радуйся, смирен духом бывый.
Радуйся, простоту сердца имевый.
Радуйся, поборниче веры, Богови угодити паче всех избравый.
Радуйся, земле плодоносная, семя словесе Божия в себе приявшая.
Радуйся, ниво, сторичественный плод приносящая.
Радуйся, пшеницо, в муку небесному хлебу сомленная.
Радуйся, в житницы Божественныя вложенный.
Радуйся, на промысл Божий все упование твое возложивый.
Радуйся, бисер многоценный обрет, вся стяжания своя продавый и сего купивый.
Радуйся, корабль души своея в житейстем море окормивый.
Радуйся, волны и камение мори сего спасительно прошедший.
Радуйся, величайший Максиме, страждущым и обидимым заступниче.

Кондак 11
Псалмы и пеньми, и песньми духовными величаем новаго священомученика Максима; яко бо делатель верный винограда Христова, кровь его вино сотворися, веселящее сердца человеков, услаждающее вся верныя и недоумения еретиков исполняющее, немогущих православно пети Богу: Аллилуиа.

Икос 11
Вся грады и селения лемковския исполнишася света, яко возвысися Максим святый, якоже светильник благолепный, ясно сияющий светом благодати и всех путеводящий по правому и узкому пути Православия, ведущему к небесным селением. Сего ради сокрушенно вопием ему:
Радуйся, непобедимый споборниче, дарованный нам от Бога.
Радуйся, теплейший наш заступниче.
Радуйся, всею душею ко Христу прилепивыйся.
Радуйся, на высоту добродетелей возшедый.
Радуйся, мученичества многострадальнаго подвига неубоявыйся.
Радуйся, мудре, житие временное на вечное пременивый.
Радуйся, истины безбоязненный проповедниче.
Радуйся, благочестия крепкий оружниче.
Радуйся, всю душу твою Господеви освятивый. 
Радуйся, вся взыграния плоти увядивый.
Радуйся, всяк недуг и болезнь исцеляти от Господа дар получивый.
Радуйся, умертвивших тя еретиков мудрейший.
Радуйся, величайший Максиме, страждущым и обидимым заступниче.

Кондак 12
Внемля глас хваления и молитв наших, величайший Максим, моли милостиваго Искупителя нашего, да возниспослет нам грешным лучезарную благодать свою, яко да просветятся сердца наша, да озарится ум наш, яко да со всеми исповедающими Триединаго Бога возопием: Аллилуиа.

Икос12
Приидите все Церкве празднолюбцы и мучениколюбцы Христовы, и лик составите днесь, в память святаго Максима. Се бо многоценныя мощи его яко солнце утреннее просияша и седящыя во мраце озариша, сердца окаменевшая согреша. Сего ради ликующе, поем ему сицевая:
Радуйся, вся красная в мiре сем преобидевший.
Радуйся, избранниче Божий.
Радуйся, веры благочестное правило.
Радуйся, верно и непорочно вся заповеди Господни сохранивый.
Радуйся, царей и императоров преславнейший.
Радуйся, мужески иго Христово носивый.
Радуйся, вся мимотекущия прелести мiра сего отвергший.
Радуйся, жертву живую себе самаго Господу принесший.
Радуйся, богокрасныя правды наставниче.
Радуйся, яко тебе ради всесвятое имя Господне по всей подсолнечней прославляется.
Радуйся, пред Пресвятою Троицею наш заступниче.
Радуйся, мучениче доблий, лику преславному праведных сопричтавшыйся.
Радуйся, величайший Максиме, страждущым и обидимым заступниче.

Кондак 13
Троицы неслитное единство исповедший и живот свой за православную веру положший, и Господу своему и Владыце благоугодивший, Максим святый, ныне в лице мучеников предстоит, благолепно одеян и венцем украшен, от Христа приобретенным за подвиг его, и со всеми святыми радостно поет: Аллилуиа, Аллилуиа, Аллилуиа.
Кондак сей глаголется трижды, по немже паки глаголется икос 1, и кондак 1.

Молитва ко святому священномученику Максиму
О святый священномучениче Максиме! Нескончаемаго блаженства на небеси ныне причастник еси, идеже несредственно лик Христов во славе созерцаеши, невещественныя благодати Его исполненный. Сего ради ведуще тя и защитителя обидимыми и страждущым, тепле умоляем тя: моли Господа и Бога нашего Иисуса Христа исполнити сердца лемковских людей любовию к церкви их и твердости, во еже крепко держатися о вере отечестей, яко да не окаменеют сердца их, да не нападут на ня волцы еретицы и заблудят их, во еже растерзати я, ниже да совратят их козни и лукавствия демонския от пути в безводное прелести безпутие. Ей, отче, Богу возлюбленне! Воздей руце твои ко Всевышнему и умоли Его даровати нам мир и благоденствие, да не рекут нечестивии: где есть Бог их? Твоим бо мужеским исповеданием соделался еси велий молитвенник за всех память твою святую чтущих и к честным мощем твоим притекающих. Ты же выну Христа умоляеши даровати нам мир и помиловати душы нашя. Аминь.

Тропарь, глас 4: Перевод на церковнославянский тропаря и кондака священномученику Максиму (из англоязычной службы святому)
Божиим Промыслом послан был еси на гору Почаевскую, / еже научитися правде веры православныя, / и истинное учение в Житомире граде обрет, / яко храбр воин Христов во отечествие твое возвратился еси. / За Православие и род твой венец мученический приял еси, / тем же и отечествие твое в Православии утвердил еси; / священномучениче Максиме, / моли Христа Бога // спастися душам нашим.

Кондак, глас 2:
Мученичество твое, отче Максиме, / род наш просвети и к вере православней направи. / Житие твое Христу Богу возложив, / муки претерпел еси и страдания во узилищи; / ныне же молися за нас // и за землю свою ко Христу Богу нашему.

Священномученику
Тропарь, глас 4-й
И нравом причастник, и престолом наместник апостолом быв, деяние обрел еси, Богодухновенне, в видения восход: сего ради, слово истины исправляя, и веры ради пострадал еси даже до крове. Священномучениче (имярек), моли Христа Бога спастися душам нашим.

Кондак, глас тот же
Во святителех благочестно пожив и мучения путь прошед, идольския угасил еси жертвы, и поборник быв твоему стаду, богомудре. Темже тя почитающе, тайно вопием ти: от бед избави ны присно твоими мольбами, отче наш (имярек).

Величание:
Величаем тя, / священномучениче [имя рек], / и чтем святую память твою: / ты бо молиши за нас / Христа Бога нашего.

Священномученик Максим Сандович, 1914 год
7 июня 1994 г. Священный Собор Епископов Польской Автокефальной Православной Церкви постановил:
"1) Во Имя Пресвятой Троицы, Отца и Сына и святого Духа, на Славу Православной Церкви провозглашается Святой Памяти Священник о. Максим Сандович – Священномучеником за Святое Православие, принимая во внимание его истинное почитание и всенародный культ.
2) Могилу о. Максима оставить нетронутой.
3) Днем Памяти Священномученика считать 6 сентября (24 августа по ст.ст.) – день его смерти.
4) Принять текст... тропаря, кондака и величания".

Летом того же года освящением креста в с. Ждыни, месте рождения о. Максима Сандовича, начались празднования в честь нового святого Православной Церкви.
В десятых числах сентября 1994г. состоялись главные торжества в г. Горлицах – одном из главнейших культурных центров Лемковщины, ставшем местом мученической смерти о. Максима Сандовича. В Горлицах собрались представители православных лемков (до второй половины XIX в. их чаще называли русинами, а сами они русинами называли себя и позднее) со всех концов мира, включая и далекий американский континент, множество православного народа Польши.
В истории Польской Автокефальной Православной Церкви это была первая канонизация святого, увековеченная специальным актом, провозглашавшем:
«... к пущей славе Святыя Православныя Церкви в Польше, ради мученическия смерти, блаженно почившего отца Максима Тимофеевича Сандовича, последовавшей 6 сентября (24 августа) 1914 года, во граде Горлицы, ради всеобщего Его почитания среди Народа Божия – изволися Святому Духу (Д. Ап. 15, 28) и нашему молитвенному единодушию признать достойным, угодным Богу и, на радость Христовыя Церкви о. Максима Священномученика, положившаго душу свою за Св. Православие, причислить к лику Святых. Аминь».

Торжественные богослужения в те сентябрьские дни 1994 г., каковых по признанию очевидцев еще не бывало на Лемковщине, многочисленные массовые исполнения народных духовных песнопений, в том числе посвященных свмч. Максиму, создали запомнившуюся всем атмосферу великого православного праздника в этой части Польши, расположенной к юго-востоку от Кракова. Первые православные, исстари именовавшиеся русинами, руснаками, рутенами и просто «рускими», поселились здесь еще много столетий назад, а затем почти постоянно подвергались страшным гонениям, вплоть до поголовной депортации во второй половине 1940-х гг.

Для лемков cвмч.Максим был всегда еще и особым национальным героем, борцом за самобытность своего народа, его духовным пророком. «О. Максим, - говорил в те сентябрьские дни 1994 г. священнослужитель из лемковского села Высовей Владислав Канюк, - явился для нас тем импульсом, который определил наш поворот к Православию. Стал отцом, который начал заново возрождение православного духа лемков».
А вот слова лемковского поэта Владислава Грабана из г. Крыницы: «Культ о. Максима среди православных существовал издавна. Он стал духовным вождем лемков. В домах были маленькие портреты – иконки о. Максима. После войны, в горлицком повете, я видел в церквах иконы с изображениями о. Сандовича». Народ по сей день слагает песни и пишет стихи в честь своего небесного заступника.
Вот несколько строк из написанной на лемковском наречии и ставшей поистине всенародной «Песни в честь отца Максима Сандовича»:
«Лiто ся тепле кiнчыло,
Горы плакали вересньом.
В жытя Твойго веснi
Вшыткы ся сны переснили».
Мученичество о. Максима Сандовича всегда отождествлялось с трагической судьбой его народа в XX столетии.

Максим Сандович родился 31 января 1886 г. в северных пределах Австро-Венгерской империи в русинском (лемковском) селе Ждыня в семье греко-католического псаломщика. Учился в гимназии в старинном прикарпатском городке Новый Сонч, поражал своих сокурсников и товарищей по «Руской бурсе» необычайной набожностью и желанием стать монахом монастыря с наиболее строгим уставом.
Три месяца он проводит в знаменитой Креховской ставропигиальной базилианской обители, где тогда находился новициат ордена базилиан. Атмосфера греко-католического монастыря оказалась чуждой Максиму Сандовичу, который в своих духовных поисках обращает взор к Православию и становится послушником в Почаевской Лавре. Там на него большое влияние оказывает епархиальный архиерей, будущий митрополит, Антоний (Храповицкий), способствующий поступлению Максима в Житомирскую духовную семинарию. По ее окончании 11 сентября 1911 г. Владыка Антоний рукоположил Максима Сандовича в священнический сан и благословил на служение в родимой стороне – на Лемковщине.
О. Максим попеременно служит в нескольких прикарпатских селах, где среди лемков ширится движение по переходу в Православие. Он подвергается всякого рода гонениям со стороны австро-венгерских властей, враждебных по отношению к православным, неоднократно арестовывается и заключается в тюрьму.
28 марта 1912 г. о. Максима арестовывают и перевозят во Львов, где обвиняют в шпионаже в пользу Российской империи. Несмотря на абсурдность обвинения, отсутствие доказательств, власти более двух лет держат о. Максима в тюрьме, в конце концов обещают освобождение за отречение от Православия и переход в унию. Жесткий отказ о. Максима мог стать причиной самого сурового приговора вплоть до смертной казни, но случилось почти чудо – в июне 1914 г. решением суда он был освобожден и вернулся в родную Ждыню.
С началом Первой мировой войны сразу же следует новый арест о. Максима, а вместе в ним его семьи и односельчан, обвиненных в русофильстве.
6 сентября 1914 г. без суда и следствия австрийская военная команда под предводительством ротмистра Дитриха расстреливает о. Максима во дворе горлицкой тюрьмы. Убийство священника было совершено с особой жестокостью и издевательствами на глазах его беременной жены, отца и односельчан. Последними словами о. Максима Сандовича были возгласы обращенные к его близким и одноверцам: « Да живет Святое Православие! Да живет Святая Русь!».
Страшные массовые мучения лемков были еще впереди. Их пережила и вдова о. Максима Пелагея Сандович (Григорук), белоруска, дочь сельского священника из села Новоберезова на Подляшье. В концлагере Талергоф, куда после убийства мужа ее и тысячи русинов-лемков бросили австрийские власти, она родила мальчика, также названного Максимом и ставшего православным пастырем.

Сайт создан в системе uCoz