Кондак 1
Избранниче Христов, житием святым Богу угодивый,/ благодатию Духа Святаго щедро украшенный,/ Чудотворца Мирликийскаго верный послушниче,/ монашеский постриг и дух пламенный от него восприемый,/ образом истиннаго старчества миру просиявый,/ недужных и страждущих всемощный целителю и утешителю,/ отче святый Никито, моли Христа Бога нашего/ здравие душ и телес нам даровати, спасение и велию милость,/ да воспеваем ти с любовию похвальная:
Радуйся, присноблаженне отче Никито, дивный целителю и преславный чудотворче.

Икос 1
Ангелом уподобивыйся в земном житии, великую благодать у Господа стяжал еси, богоносне Никито, силою Божией недуги исцеляти, бесов изгоняти и множество предивных чудес творити во спасение душ человеческих, да прославляется тобою Трисвятое Имя Божие; о сем радуяся, славословим тя сице:
Радуйся, Белой Руси благодатное прозябение;
Радуйся, Земли Русской небесное украшение.
Радуйся, полчищ бесовских грозный прогонителю;
Радуйся, о людех страждущих пред Богом предстателю.
Радуйся, за Русь Святую теплый молитвенниче;
Радуйся, Царствия Небеснаго богоизбранный наследниче.
Радуйся, присноблаженне отче Никито, дивный целителю и преславный чудотворче.

Кондак 2
Видяще сердцеведец Господь в книзе судеб Божиих благоплодную доброту твою, преславне Никито, благослови и освяти утробу матери твоея, еще девице ей сущей, явлением Пречистыя Матери Своея Богородицы на поле сельнем; да исправятся от рождества путие твои ко спасению и взываеши присно Богу: Аллилуия.

Икос 2
Разум богопросвещенный к уразумению истины дароваша ти Христос, блаженне Никито, да светом божества от юности твоея просветивыйся, ко свету истинному пламенный дух обратиши и, возсиявши миру, яко свеща на свещнице возженная, указуеши всем, в нощи греховней блуждающим, путь крестный ко спасению; подвигу твоему дивящеся, зовем ти таковая:
Радуйся, благочестивых супругов Феодосия и Марфы дитя богодарованное;
Радуйся, от рода крестьянскаго пречестная отрасле.
Радуйся, в Православной вере от младенства утвержденный;
Радуйся, любовию Христовой таинственно преисполненный.
Радуйся, смирению и послушанию измлада научивыйся;
Радуйся, трудолюбием неленостным светло украсивыйся.
Радуйся, присноблаженне отче Никито, дивный целителю и преславный чудотворче.

Кондак 3
Силою веры царской, яко во оружие света, облеклся еси, досточудне Никито, егда сподоби тя Господь, отроча младо, Помазанника Своего Царя Самодержавнаго с Семейством выну узрети; отонуду же, познавши велию милость Божию к народу Русскому православному, глаголал еси со умилением: Аллилуия.

Икос 3
Имуще в сердце образ святый Царев, яко ангела во плоти и Отца Державнаго, подвизался еси в житии твоем путем царским, всехвальне Никито, служаще Царю Небесному и ближним своим во вся дни живота своего нелицемерно; сего ради научи и нас, грешных и маловерных, служение сие в житии нашем усердно совершати; да хвалим тя, ликовствуя:
Радуйся, образ Царя Небеснаго пред собою присно имевый;
Радуйся, образ Царя земнаго в сердце запечатлевый.
Радуйся, небесных пречудный сожителю.
Радуйся, земных неустанный служителю;
Радуйся, пламенною верой, яко ризою света, облеченный;
Радуйся, Духом Святым водимый и наученный.
Радуйся, присноблаженне отче Никито, дивный целителю и преславный чудотворче.

Кондак 4
Бури злобы адовой не устрашился еси, боголюбиве Никито, егда воздвигоша сатана лютую брань на Бога и Русь Святую: Царя Православнаго, яко агнца, заклаша; храмы Божии разориша; стадо Христово мечу и расточению предаша грехов наших ради; ты же, на камени истинной веры твердо предстояще, из глубины души взывал еси Богу: Аллилуия.

Икос 4
Слышаша о подвизех новомучеников и исповедников Русских, за Христа и Царя от жидоборцев пострадавших, возгорелся еси духом, благочестне Никито, верность Богу сохранити даже до смерти и смерти крестной; се бо крест исповеднический на рамена подъявши, житие твое, яко крестный ход, преславне совершил еси; мужеству твоему дивящеся, ублажаем тя песньми сими:
Радуйся, верность Христу в гонениих сохранивый;
Радуйся, народу Божию до смерти послуживый.
Радуйся, волков хищных в единоборстве победителю;
Радуйся, волков мысленных, бесов лютых, огнем молитвы попалителю.
Радуйся, образе истиннаго крестоношения;
Радуйся, правило веры и богоугождения.
Радуйся, присноблаженне отче Никито, дивный целителю и преславный чудотворче.

Кондак 5
Боготечную звезду во мраце лихолетия явиша тя Господь, смиренномудре Никито, обаче чрез брани триех войн с молитвою в сердце неврежденно прошел еси; дух воинов Российских пламенною верой ободряюще и укрепляюще; да приимут оружие непобедимое на всякаго супостата и со умилением восхвалят Господа: Аллилуия.

Икос 5
Видя, чудотворче Никито, яко в тяжцех обстояниих воинских несть избавления от лютыя смерти, токмо молитва, вразумлял еси споборников твоих, ратники и воеводы, купно преклонша колена, усердно молитися Христу о спасении их; и, по соборней молитве, силою Божией смертоносная оружия вражеская внезапу умолкоша и полки чуждих сокрушены быша; чуду сему дивящеся, возносим ти похвалы сия:
Радуйся, воине Христов добропобедне;
Радуйся, победы тезоимените.
Радуйся, пищею духовной и телесной воинов окормлявый;
Радуйся, о всех алчущих попечение отеческое имевый.
Радуйся, за Русь Святую на супостатов воителю;
Радуйся, врагов видимых и невидимых сокрушителю.
Радуйся, присноблаженне отче Никито, дивный целителю и преславный чудотворче.

Кондак 6
Проповедует величие сокровенных подвигов твоих пустыня непроходная, богохвальне Никито, егда по прошествии дней брани попустиша ти Господь скорбь велию и тяжкий недуг; ты же, за вся Христа смиренно благодаряще, тайно удалился еси в лес, якоже в пустыню, ископаша себе пещеру и пребыша тамо, моляся и постяся сугубо, лет десять, по образу подвижников древних, славяще Бога непрестанным гласом: Аллилуия.

Икос 6
Возсиял еси святынею, яко солнце, равноангельне Никито, безплотных лики удивляюще; сего ради дароваша ти Христос велию милость явлением святителя и чудотворца Николая; той же рече: се, чадо, отныне здрав будеши, обаче помни, кая в недузех есть скорбь; о сих благословиша тя, яко послушника избраннаго, во образ ангельский постригоша и заповеда ти грозно: гряди в мир и страждущих исцеляй, доколе не упадеши, аще же упадеши, возстани и исцеляй паки и паки; мы же во умилении глаголем ти таковая:
Радуйся, духоносный крине пустынный;
Радуйся, подвижников древних собрате предивный.
Радуйся, нелицемерный Божий угодниче;
Радуйся, чудотворца Мирликийскаго избранный послушниче.
Радуйся, всех скорбящих милостивый утешителю;
Радуйся, душой и телом недужных искусный целителю.
Радуйся, присноблаженне отче Никито, дивный целителю и преславный чудотворче.

Кондак 7
Хотяй волю святую Божию неукорно исполнити, изшел еси в мир из пустыни лесной, смиренне Никито, и пришед ко владыце Ставропольскому Гедеону, поклонишася ему и рекоша: владыко, святый, чесо святитель Божий Николай сотворити ми изволил еси, сего ты презрети не можеши; и бысть рукой владычнею пострижен во образ ангельский и наречен в честь святителя Никиты епископа Новгородскаго; о сем, ликовствуя сердцем, воспел еси Христу: Аллилуия.

Икос 7
Новаго тя помощника в скорбех, чудотворца и целителя предивнаго обретоша людие Божии, богоблаженне Никито, понеже, сам исцелишася, изыдох вослед Подвигоположника Христа и святых угодников Его, сонма целителей небесных, стезею милосердия на служение ближним; всех и вся от всякаго недуга врачевал еси и утешение в скорбех подавал еси; да никтоже от тебе неутешен отыдет; милость твою славяще, зовем ти:
Радуйся, милосердия Божия подражателю;
Радуйся, на ниве Христовой добрый пастырю.
Радуйся, Николаем Чудотворцем недуги исцеляти наученный.
Радуйся, всех приходящих к тебе отечески дитя именовавый;
Радуйся, о заблудших и недугующих теплый печальниче;
Радуйся, на путь благочестия премудрый наставниче.
Радуйся, присноблаженне отче Никито, дивный целителю и преславный чудотворче.

Кондак 8
Странное чудо безбожному миру показался еси, небоявленне Никито, зане, пламенную веру в сердце имуще, предивныя чудеса непрестанною молитвой совершал еси; о сих же чудящимся рекоша по глаголу Спасителя: имате веру Божию, яко зерно горчичное, еже суть малое семя, обаче во устех человеческих велий огнь возжигает, да будет такова и вера в сердцах ваших, и вся, аще ни испросите в молитве, сотворит вам Господь, присно вопиющим Ему: Аллилуия.

Икос 8
Весь бе духом в вышних на небеси и нижних, иже суть на земли злостраждут, николиже отступал еси, предивне Никито; тии же, цельбоносную святость твою познаша, устремляхуся к тебе от всех пределов Земли Русския, скорби и недуги безчисленные купно ти приношаху; ты же, яко нескудеющий источник благодати и любви Божией, всем, от грехов люте страждущим, щедре помощь твою излиял еси, сице глаголя: будем людям помогать, а Бог даст нам благодать; сего ради возносим ти похвальная:
Радуйся, милости Божией цельбоносный источниче;
Радуйся, во тьме падшаго мира неугасимый светильниче.
Радуйся, молитвы Иисусовой делателю искусный;
Радуйся, во благодати Духа Святаго присно пребывавый.
Радуйся, маловерным пламенной веры подателю;
Радуйся, отчаянных и погибающих от бездны избавителю.
Радуйся, присноблаженне отче Никито, дивный целителю и преславный чудотворче.

Кондак 9
Всякое естество ангельское и человеческое удивляхуся богодарованней премудрости твоей, богомудре Никито, како мощно есть ти, науки врачебной от юности не познавшу, сокровенные недуги душ и телес человеческих, якоже в книзе разгнутой чтомые, духом прозревати и преискусно исцеляти; к сим же дар пророчества и прозрения обильны в тебе явися, понуждая всех славословити со умилением Бога: Аллилуия.

Икос 9
Ветии искусные не возмогут достойно восхвалити множество благодеяний твоих роду человеческому, всещедре Никито; понеже ведал еси, яко разумом лжеименным заблудишася и путей Божиих ко спасению не познаша, во тьме грехов и страстей блуждают, якоже овцы без пастыря, от скорбей мнимых страждут и сами в погибель грядут; о сем болезнуя, в первых устремлялся еси помраченный разум всех к тебе притекающих молитвою просвещати, да обратятся ко спасению и велегласно ти славят:
Радуйся, искусством врачебным искуснейших врачей удививый;
Радуйся, настоящая, минувшая и грядущая яве прозревавый.
Радуйся, разумом заблудших исцеление.
Радуйся, расслабленных, на одре носимых, возстание;
Радуйся, множество неисцельных больных исцеливый;
Радуйся, боголюбивой келейнице Ользе зрение возвративый.
Радуйся, присноблаженне отче Никито, дивный целителю и преславный чудотворче.

Кондак 10
Спасти хотяй гибнущие души человеческие от бездны адовой, подвизался еси всеусердно здравие телесное людям страждущим у Бога изпросити, безмездне Никито; сего ради отвергошася мира и всего, еже суть в мире, да преизобильно небесная приобрящеши; всяческое богатство тленное ни во что же вмениша, неимущим и алчущим щедро сия раздаял еси; наипаче же отвергошася себе, весь живот свой за Христа и стадо Христово положил еси, научая и нас пети спасающему тобою Богу: Аллилуия.

Икос 10
Стеною утешения плачущим явился еси в многоскорбнем мире сем, премилосердне Никито; за всякую скорбь Христа с любовью благодарил еси, рекоша: тако Господу моему изволися; не имуще, по образу Христову, идеже главу преклонити, яко странник на земли тесно пожил еси; из града в град, из дома в дом скитаяся, апостольски возвещал еси благую весть о спасении и исцеление недужным подавал еси; да взывают ти хвалебно:
Радуйся, скорби и гонения в житии смиренно претерпевый;
Радуйся, посох старчества, яко пречудный жезл Моисеов, от Господа приявый.
Радуйся, ангелов и бесов просвещенным духом тайнозрителю;
Радуйся, всякаго лукавствия и нестроений обличителю.
Радуйся, на гору святую Афон благоговейный странниче;
Радуйся, старцев Афонских истинный по духу собрате.
Радуйся, присноблаженне отче Никито, дивный целителю и преславный чудотворче.

Кондак 11
Пение хвалебное ко Святей Троице вознесл еси, божественне Никито, егда явися ти святитель Божий Николай и прорекл еси: се, чадо, приблизишася час исхода твоего, по прошествии лета единаго обретешися на небеси; ты же, старец многотрудным житием обремененный, за вся Господа со смирением возблагодарил еси, глаголя: ныне отпущаеши раба Твоего, Владыко, по глаголу Твоему с миром; и паки со ангелы воспевал еси радостно: Аллилуия.

Икос 11
Светодарованную лучу во мраце греха сущим явиша тя Светоподатель Господь, богопросвещенне Никито; обаче тии, возлюбиша паче света тьму и завистию помраченнии, умыслили суть на тя злое; сего ради обретошася три мужа беззаконных и тебе, немощнаго старца, якоже татие в нощи, побиению тяжкому предали еси; и тако мученическим венцем за Христа увенчавыйся, праведный дух твой в руце Божии предал еси; страдания твоя смертная хваляще, зовем ти:
Радуйся, смертью мученической смерть поправый;
Радуйся, венец победный от Господа приявый.
Радуйся, о побивающих тя Богу моливыйся;
Радуйся, на одре смертнем ангельским светом украсивыйся.
Радуйся, погребению в месте сокровеннем преданный;
Радуйся, грядущее обретение и прославление святых мощей твоих прорекший.
Радуйся, присноблаженне отче Никито, дивный целителю и преславный чудотворче.

Кондак 12
Благодать велию по чину святителей и преподобных дароваша ти Господь на небеси, великоимените Никито; зане, яко звезда пресветлая в сонме угодников святых Русских у Престола Божия сияеши и заступление и помощь всем, призывающим тя, подаеши обильно; мы же, святость твою ведуще и благодеяния твоя чтуще, вопием прославльшему тя Богу: Аллилуия.

Икос 12
Поюще твоя чудеса, благодарение Господу, даровавшему нам тебе, неустанно возносим, пречудне Никито, и веруем несумненно, яко прииде час, егда прославит тя Церковь Православная в лике святых угодников Божиих, от века Богу благоугодивших, на земли, якоже прославил еси тя Христос на небеси, и едиными усты с нами величание ти соборно воспоет:
Радуйся, светоче лучезарный Православия;
Радуйся, столпе нерушимый Святой Руси и Самодержавия.
Радуйся, реку приснотекущую чудес безбожному миру изливый;
Радуйся, святость твою мироточением и благоуханием твоих икон явивый.
Радуйся, народ Русский к покаянию призывающий;
Радуйся, о даровании Святой Руси Царя Господа умоляющий.
Радуйся, присноблаженне отче Никито, дивный целителю и преславный чудотворче.

Кондак 13
О, святый предивный отче Никито, Богом данный небесный врачу недугов душевных и телесных; нынешнее приими молебное приношение от нас, грешных и страждущих, в похвалу тебе возносимое, и умоли Христа Бога всемощным твоим ходатайством исцелити окамененная сердца наша покаянием и спасение вечное нам даровати; да присно с тобою воспоем дивному во святых Богу: Аллилуия.
Сей Кондак читается трижды, затем 1-й Икос и 1-й Кондак.

МОЛИТВА
Угодниче Христов святый, присноблаженне отче Никито, Тя избрал еси Господь на служение людям и дар пречудный низпослал еси тебе: недуги душ и телес исцеляти, заблудшия вразумляти и грешных на путь наставляти ко спасению. Услыши с высоты святыя твоея скорбное моление нас, во гресех погибающих; яви чудотворную и цельбоносную твою силу и не посрами веры нашей, зане веруем, яко ти вся возможна суть. В первых, всемощной твоею молитвой исцели разум заблудший народа Русскаго к познанию безумия своего; просвети его ослепленные грехом зеницы духовныя, да узрим грехи наша и подвигнемся в покаянии ко исправлению. Исцели заглохшие тернием грехов и страстей губительных сердца наша от неверия, малодушия, бездейства, слабоволия, уныния, себяжаления, трусости, обиды, безчестия, неблагодарности, фарисейства, обрядоверия и прочих, имже несть числа. Наипаче обрати народ Русский к покаянию за грех клятвопреступления: понеже, в помрачении сущи, Христу Богу и Помазаннику Божию изменили, в руце безбожных Православнаго Царя предали и злодейское убиение Его попустили, Державу отцев наших изменою и равнодушием погубили суть. Сего ради, преступив заповеди Господни, подпали мы под ярость Его великую и проклятие на страну нашу наложили есмы.
Умоли Христа, купно со святителем Николаем Чудотворцем и всеми святыми угодниками Божиими, грехи наша оставити, Державу Русскую всенародным покаянием возродити и даровати нам в заступление на последняя времена новаго Царя.
Да послужим усердно Богу и Помазаннику Божию, Отечеству нашему и ближним своим и Царствия Небеснаго сподобимся, идеже с тобою прославим Бога, Отца и Сына и Святаго Духа, и ныне и присно и во веки веков. Аминь.

ТРОПАРЬ, Глас 5:
Светом Божества просветивыйся /, ко Свету Истины пламенным духом воздвиглся еси / и, крест на рамена подъявши /, житие твое яко крестный ход преславне совершил еси /; Чудотворца Мирликийскаго верный послушниче / и Царя-мученика присный исповедниче /; старчества благодать преизобильно стяжавый / и даром прозрения и исцеления щедро украсивыйся /, присноблаженне отче Никито /, моли Христа Бога со всеми святыми Русскими // спастися душам нашим.

Кондак, Глас 4:
Каменю веры и образ святости, / недугов душевных и телесных целителю, / яви зовущим тя помощь твою, / силою Духа Истины, / сего ради стяжал еси смирением благодать, / послушанием чудотворения; / присноблаженне отче Никито, / моли Христа Бога Врача Небеснаго // исцелити и спасти души наша.

ВЕЛИЧАНИЕ:
Величаем тя, святый присноблаженный отче наш Никито, и чтим святую память твою, ты бо молиши о нас Христа Бога нашего.

Сей акафист составлен усердием духовных чад и почитателей Батюшки для келейного чтения и соборной молитвы о скорейшем его прославлении в лике святых Русской Православной Церкви.

КОНЕЦ И БОГУ СЛАВА
Источник: http://nikita-celitel.ru/