Елисаветградский чудотворец всех помощник и скорый услышатель. В эру технотронной диктатуры дивный споборниче. Противу электронных средств особое дерзновение обретший.
(31 мая - день рожденья, 14 ноября — блаженная кончина (новый стиль))

Кондак 1
Избранный земли Елисаветградской заступниче и о людях ея во времена последняя усердный ходатаю. Презревый вся земная, в странствиях многие дни и годы проводивый. Великой любовью своею души людския согревая и чада духовные по всей Святой Руси окормляя. Добре Господеви послуживый, не престай поминати чад твоих пред престолом всех Царя.
Радуйся, кроткий утешителю Николае, блаженне странниче и добрый пастырю наш.

Икос 1
Провидя великие скорби, яко прииде час востати лукавому змию, ты, отче Николае, ни вкушал хлеба насущнаго моля Премилосердного Творца всяческих препитати в глад чад твоих и всех призывающих тя в молитвах. Мы же благодарне тебе взываем сице:
Радуйся, презревый вся земная и возлюбивый небесная;
Радуйся, восхотевый токмо приносити Богу жертву правды;
Радуйся, поля благословлявый;
Радуйся, хлеба насущнаго не вкушавый;
Радуйся, Бога пропитати нас в глад много моливый;
Радуйся, за всю Святую Русь руце свои ко Господу воздымавый;
Радуйся, о последних временах много скорбевый;
Радуйся, кроткий утешителю Николае, блаженне странниче и добрый пастырю наш.

Кондак 2
Много подвизаясь во храмех Елисаветградских, разумел еси козни врага рода человеческаго через своих слуг тайно действуемаго. Ратовал с колдуны и волшебники, да не навредят чадам твоим, обращая коварныя нападки их в немощныя дерзости. За то, много от духов злобы, по попущению Божию, претерпевый. Поминая силу твоего предстательства поем Господеви: Аллилуйя.

Икос 2
Молясь за чад своих в бедах и напастях томимых, подвизался усердно борясь со злобными духами поднебесными. Не устрашился и много преуспевшего в своем коварстве колдуна. Отгнал еси его от града нашего, сам же много за то претерпевал, даже до последнего своего дне и часа. Хранимии тобою зовем ти сице:
Радуйся, бесстрашный воине Христов;
Радуйся, страшный для бесов;
Радуйся, николиже побежденный всегда прибывавый с Господем;
Радуйся, чады свои добре хранивый;
Радуйся, многажде душу свою за други положивый;
Радуйся, защитниче наш добрый;
Радуйся, любовию всякое зло сокрушивый;
Радуйся, своим житием нас много научивый;
Радуйся, кроткий утешителю Николае, блаженне странниче и добрый пастырю наш.

Кондак 3
Еще в детстве твоем за школьной партой, на исповеднический подвиг своим горящим по Господеви сердцем сподвигнутый, когда заблудшая в безбожном безумии учительница, восставала снять крест с груди твоей, отвергся ея хотения. Коли же тая восхоте силою отняти крестик твой нательный - не дался ей. Ведуще вся сия поем: Аллилуйя.

Икос 3
Рождейся от благочествыя своя матери Марии, ты, святе Николае, николиже восхоте пропустити службу в церкви. Возрастая среде безбожников николиже и в помыслах не отрекся от Имени Иисусова, но дерзновенно исповедовал еси Господа. Тем же был на радость матери и на недоумение безбожникам. Поем тебе таковая:
Радуйся, исповедниче еще в детстве своем;
Радуйся, друже Христов;
Радуйся, церковную службу паче детских игр возлюбивый:
Радуйся, своей верой сердца безбожников отогревавый;
Радуйся, своим незлобием восстающих на тя обезоруживый;
Радуйся, готовый стояти за Господа до крови и смерти;
Радуйся, никого же осуждавый;
Радуйся, мирскаго не искавый;
Радуйся, кроткий утешителю Николае, блаженне странниче и добрый пастырю наш.

Кондак 4
Хотевый поработати Богу, святе Николае, призвался на тяжкий подвиг юродства Христа ради. Много притерпевал еси насмешек и поношений. Вся ради возлюбленнаго тобою Господа кротко и смиренно терпевый. Дивящеся твоему незлобию поем: Аллилуйя.

Икос 4
Странствуя, всю землю русскую объездивый, николиже на Господа и на Пречистую Божию Матерь возроптавый. Скорби и лишения много терпевый, для себе же у Всемогущего Бога ничего не просивый. О своем бренном телесе забывый, о небесном непрестанно помышлявый. Поминай нас отче и облегчи бесчисленныя страсти наши, поющих ти:
Радуйся, незлобивый друже Божий;
Радуйся, в тяжких скорбях будущая блага предвкушавый;
Радуйся, с любовью ко Господу всегда пребывый;
Радуйся, злыя страсти победивый и нам могущий помощи в том;
Радуйся телесе своего для подвига не пожалевый;
Радуйся, мучением тела душу многажды омывый;
Радуйся, своего дома не имевый всегда от Господа кров получавый;
Радуйся, мзды не восхотевый от Господа николиже оставленный;
Радуйся, кроткий утешителю Николае, блаженне странниче и добрый пастырю наш.

Кондак 5
Придя в возраст мужа совершенна помышлял еси о тяжком священническом кресте во времена последняя. Скорбя яко жатвы много а жателей мало, испросил благословения духовнаго отца своего, старца Михаила, на тяжкий пастырский труд. Получив же благодать у Господа стал окормлять твою возлюбленную паству. О сем зовем Богу: Аллилуйя.

Икос 5
Много поношений претерпел еси пастырю Николае от не разумевших тебя честных отцев. Не роптал, но благодарил еси за то Господа и молился за обидчиков своих. Учил отцев быти милостивыми к пастве, яко осуждающих и поносящих паству много, а любящих и на падшии духи победоносно воюющих, мало. Разумныя поучения таковыя впитавше зовем ти:
Радуйся, за каждое чадо на падших духов воюющий;
Радуйся, пастырю добре паству окормляющий;
Радуйся, отче, за каждую овцу свою перед Богом ответ держащий;
Радуйся, не различавый ни богатых ни нищих;
Радуйся, никого не боящийся кроме Единого Бога;
Радуйся, паству свою до кончины николиже оставивый;
Радуйся, обильно благодать стяжавый и щедрою рукою требующим раздававый;
Радуйся, во всем же своего духовного отца, старца Михаила, послушавый;
Радуйся, кроткий утешителю Николае, блаженне странниче и добрый пастырю наш.

Кондак 6
Возлюбленный премногочисленными детьми своими, был многажды вымоленный у Господа на продление твоего служения на земле елисаветградской. Много болезней терпевший и по немощи телесной уйдя на покой, не оставлял еси трудов своих, продолжил пасти овец Христовых. За премногую милость Божию к нам зовем: Аллилуйя.

Икос 6
Странствуя по великим святыням православным, не задержался нигде, но возвратился еси к пастве своей. Хотя и молили монашествующие о тебе, остаться им духовником в обители, но не благоволил Господь, яко всегда есть пред Творцом полна любви молитва чад твоих. Радуясь о Божиим промышлении зовем ти:
Радуйся, странне Николае;
Радуйся, всеми любимый и везде радушно принятый;
Радуйся, ангелом во плоти именуемый;
Радуйся, Святага Духа стяжателю усердный;
Радуйся, постом и молитвой непрестанно себе смирявый;
Радуйся, твоя любы всем щедро даривый;
Радуйся, тем же хладныя сердца людские согревый;
Радуйся, кроткий утешителю Николае, блаженне странниче и добрый пастырю наш.

Кондак 7
Приняв от Господа дары духовные провидел еси будущую грозу над всем миром. Видя великия испытания и крайнюю немощь нынешних, предпотопных, людей, всяко старался укрепить возлюбленных твоих. Темже и доныне тобой наставляеми зовем Богу: Аллилуйя.

Икос 7
Предупреждал еси нас о скором сбытии книги Иоанна Богослова, благословлял еси недоеденный хлеб в сухариках хранити, да в посте и молитве подвизатися, ибо прииде время, и пришло уже, внегда апокалиптическия знамения на наших очах сбыватися будут. Не будет топлива и остановятся сердца машин и самолетов, но прежде, не станет любы и охладеют сердца людския. Видяще сбытие страшных знамений на нашем тяжчайшем времени, в неизреченной скорби душевной взываем предоброму молитвеннику нашему:
Радуйся, о себе забывай о нас же много скорбевый;
Радуйся, всего себе спасению и укреплению нашему положивый;
Радуйся, ныне за всех пред престолом Всевышняго молитву творящий;
Радуйся, многия духовныя дарования принявый и ими ближнему служивый;
Радуйся, антихриста не боявыйся за нас Архистратига Михаила молящий;
Радуйся, твоими молитвами и мы мужество у Господа обретаем;
Радуйся, Пречистую Божию Матерь молиши покрыти нас во времена последняя;
Радуйся, страшнаго во гневе Господа за нас всегда умилостивляеши;
Радуйся, кроткий утешителю Николае, блаженне странниче и добрый пастырю наш.

Кондак 8
Се Жених грядет в полунощи, и блажен раб, егоже обрящет бдяща: недостоин же паки, егоже обрящет унывающа. Блюди убо, душе моя, не сном отяготися, да не смерти предана будеши, и Царствия вне затворишися но воспряни зувущи: Свят, Свят, Свят, еси, Боже наш, Богородицею помилуй нас. Побди святый наставниче с душею моею, да с тобою воспоем Господеви в полунощи: Аллилуйя.

Икос 8
Что возможем воздати тебе за премногие труды твои для нас, святе Николае, не вемы. Не имамы ни дерзновения в молитве, ни упования на спасение, за великие грехи наши. Ты же многими труды душу свою освятивый, можеши и за нас быти предстателем. Прими пастырю наши хваления тебе кротко возносимыя и буди предстателем всем убогим твоим:
Радуйся, чудотворче предивный;
Радуйся, в тебе надеемся на Господа;
Радуйся, смиренный помошниче наш;
Радуйся, яко в тебе дерзновение обретаем;
Радуйся, ты бо и упование на спасение нам немощным даруеши;
Радуйся, всеми любимый и токмо врагом рода человеческаго гонимый;
Радуйся, в час полунощный взываем тебе: помоги милый, дорогой;
Радуйся, се Жених грядет и страх объял душу грешную, пребуди зде со мною да не посрамлен буду;
Радуйся, кроткий утешителю Николае, блаженне странниче и добрый пастырю наш.

Кондак 9
Обрел еси дерзновение пред Господом и умерших твоей пламенной молитвой в Царство Небесное приводити и больные от одра болезни воздвигати. Проведи же и нас к дражайшему и прелюбимому Искупителю нашему во время благопотребно, взывающих: Аллилуйя.

Икос 9
Стяжав таков дар молитвы, что и бездушные машины повиновались тебе, молим тя, пречудный отче Николае, защити, помилуй, сохрани убогих твоих, да не наложит ненавистный зверь свою проклятую печать на раб твоих. И даждь нам взывати ти:
Радуйся, вся могущий с бездушной машиной творити;
Радуйся, яко электронный змий тебе трепещет;
Радуйся, не благословлявший проклятые коды брати;
Радуйся, помогати нам строити царство антихриста возбранявый;
Радуйся, в чистоте веры православной стояти завещавый;
Радуйся, молиши Господа, Пречистую Деву и вся Небесные Силы;
Радуйся, да избегнем твоими молитвами проклятой печати;
Радуйся, вся с тобой претерпим и возлюбленнаго Христа на облацех воздушных усрящем;
Радуйся, кроткий утешителю Николае, блаженне странниче и добрый пастырю наш.

Кондак 10
Вемы, пастырю наш, многия твои моления за церковь Свято-Покровскую, которая имать в последняя времена крепких в вере и мужественных духом людей собрати. Где мы купно с тобой и всеми святыми, под Покровом Божией Матери козни лютого зверя одолеем. На то премного уповая взываем всех Творцу: Аллилуйя.

Икос 10
Поминай святый Божий, град наш пред Господем, купно с преподобным Евфимием, блаженным Даниилом Елисаветградским и покровительницей благословеннаго града, праведной Елисаветой. Да вашими молитвами избавимся от многих бед, от кровавых войн и лютых насилий. Да мимоиде всяка хворь и мор, и глад, и трус. Со умиление поем ти:
Радуйся, блаженне Николае, много потрудившись почиваешь в недрах Авраамлих;
Радуйся, святе Николае, сохрани нас, да и мы достигнем Небесных Селений;
Радуйся, пастырю наш, да мимоиде всяка хворь;
Радуйся, святый Божий, да восставит нам Господь, молитвами твоим, пастырей добрых;
Радуйся, да не пребудем сирыми без духовного наставления;
Радуйся да посрамится лютый зверь в граде нашем, яко стяжали тебе заступником;
Радуйся, добрый, милый, дорогой, мнози скорби имамы — избави, помоги;
Радуйся, защитниче от всякого насилия всех призывающих тебе;
Радуйся, кроткий утешителю Николае, блаженне странниче и добрый пастырю наш.

Кондак 11
В тесноте томимые, от людей и падших духов гонимые, на тебе, нашего неутомимаго заступника упование имамы. Ты же не престай молитися о всех нас, призывающих близкое и родное имя твое и взывающих Господу: Аллилуйя.

Икос 11
Многие болезни напустил враг на нас. Попущены сии скорби во времена последния. Не попусти же, святе Николае, погибнути нам в болезнях за премногие грехи наши, помолись, ласковый друже наш, да мимоиде сия беда, да поживем еще сколько Господь отпустит. Попроси нам, ближний к Богу молитвенниче наш, еще время на покаяние всем скорбящим и молящимся тебе:
Радуйся, в болезнех помогающий, не остави мя;
Радуйся, от всякой скорби избавляющий, избави мя;
Радуйся, во всякой нужде слышащий, услыши мене;
Радуйся, совсем малое время осталось, попроси за ны;
Радуйся, в годину лютых гонений поддержи ны;
Радуйся, когда же и вся царства земная зверю преданы будут, пребуди с нами;
Радуйся, яко уповая на тя николиже посрамляемся;
Радуйся, яко приходя к твоим святым мощам всегда утешении отходим;
Радуйся, кроткий утешителю Николае, блаженне странниче и добрый пастырю наш.

Кондак 12
Многия чудеса от твоих мощей непрестанно происходят, верую яко и про мене, твоего пренедостойнейшего ходатая, не забудеши. Не забуди, не премолчи за мя, яко зело немощен есмь и ничесоже сам возмогу, но уповая на тя утешуся. Имея многую надежду на безграничную любовь твою взываю: Аллилуйя. Иокс 12
Покайся душе моя, покайся душе моя, покайся душе моя. Что воздам Господеви за все греси мои. Кроткий и смиренный покровителю мой, святе Николае помози ми, помози ми, помози. Да не восхощет душа моя еще грешити, да скончаваю дни мои в покаянии. Да достигну вожделеннаго ми Рая. Верую, надеюсь и люблю. В тебе же, отче Николае, обретая утешение взываю:
Радуйся, миро Божие обильно излившееся на благословенную землю елисаветградскую;
Радуйся, святый источниче обильно питавший души верующих по всей земле русской;
Радуйся, друже царей и помощниче нищих;
Радуйся, всем ласковый, всем дорогой;
Радуйся, к чадам своим и келейнице своей Марии много любы и терпения имевый;
Радуйся, души к Богу приведый и еще многи приводящий;
Радуйся, славу на Небесах стяжавый и чадом места готовивый;
Радуйся, яко в вечную радость от всех скорбей и бед ушел, но от нас не удалился и во всех наших скорбях пребывый;
Радуйся, кроткий утешителю Николае, блаженне странниче и добрый пастырю наш.

Кондак 13
О добрый и ласковый друже Христов и великий молитвенник пред Божией Матерью, ты добре подвизался в земном житии, был искушаем и не искусился. Ныне же можешь искушаемым помощи. Прося твоего утешения и всегда его обретая, в радости и трепете духовном зовем всех Творцу и Богу: Аллилуйя, Аллилуйя, Аллилуйя!

Молитва
Многими скорбями обуреваемые к тебе прибегаем скорому в бедах помощнику. Святый отче Николае, предстоя Престолу Вседержителя поминай рабов твоих (имя рек), усердно молящихся тебе и твоего заступления чающих. Яко не отвергался еси ни нищих, ни сирых, ни болящих, ни во греховных пристрастиях гибнущих, но всем им был кроткий утешитель. Не отвергни же и нас на тебя все упование возложивших. Добрый пастырю и скорый услышателю, из глубины сердец наших взываем ти: разреши недоумение наше, облегчи страдания непосильная и испроси нам вся мирная и благая у Владыки нашего, Сладчайшего Господа Иисуса Христа. Да приидет милость Его на нас и да не прогневается на раб Своих. Аминь.