Акафист святой благоверной королеве Этельдреде, преподобной Олдри Элийской АКАФИСТ СВЯТОЙ БЛАГОВЕРНОЙ КОРОЛЕВЕ ЭТЕЛЬДРЕДЕ ПРЕПОДОБНОЙ ОДРИ ЭЛИЙСКОЙ

КОНДАК 1
ИЗБРАННОЙ ОТ РОДА ЦАРСКОГО, ВЕЛИКОЙ НЕВЕСТЕ ХРИСТОВОЙ, ДИВНОЙ К БОГУ ПРЕДСТАТЕЛЬНИЦЕ, СКОРОЙ ПОМОЩНИЦЕ И МОЛИТВЕННИЦЕ, БЛАГОВЕРНЕЙ КОРОЛЕВЕ ЭТЕЛЬДРЕДЕ, СО УМИЛЕНИЕМ И ЛЮБОВИЮ ПРИТЕКАЕМ, ЯКО ИМУЩЕЙ МНОГОЕ ДЕРЗНОВЕНИЕ КО ГОСПОДУ, ОТ ВСЯКИХ БЕД, СКОРБЕЙ, НАПАСТЕЙ И БОЛЕЗНЕЙ ИЗБАВЛЯТИ НАС. ТЫ ЖЕ, О ЗВЕЗДО БОГОСВЕТЛАЯ, ПРЕПОДОБНАЯ МАТИ ОДРИ, ОСИЯВАЙ НЫ СВЕТОМ ЛЮБОВИ ХРИСТОВОЙ НЕОСКУДНО, ДА СО УМИЛЕНИЕМ ВОПИЕМ ТИ:
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

ИКОС 1
АНГЕЛЬСКОЮ ЛЮБОВИЮ ГОСПОДА ИИСУСА СЛАДЧАЙШЕГО ВОЗЛЮБИВШАЯ, ПРЕПОДОБНАЯ КОРОЛЕВО ЭТЕЛЬДРЕДА, ЕГО ЖЕ РАДИ УСЕРДНО ПОДВИЗАЛАСЯ В ЦЕЛОМУДРИИ, ПОСТЕ, ВОЗДЕРЖАНИИ И МОЛИТВАХ, ПРОПОВЕДНИЦЕ БОГОГЛАГОЛИВАЯ ПРАВДЫ И ЛЮБВИ ХРИСТОВОЙ. ТЫ БО ВОИСТИНУ ЯВИСЯ ЕСИ ДЛЯ ВСЕХ ПОДДАННЫХ И БЛИЖНИХ ТВОИХ, КРОТКОЙ МАТЕРЬЮ, ПОКРОВОМ МИЛОСТИ, ЩЕДРОТ И ЛЮБВЕ НЕИСЧЕРПАЕМЫМ ИСТОЧНИКОМ, ТЕМ ЖЕ БУДИ И ДЛЯ НАС ГРЕШНЫХ. НЫНЕ ЖЕ, ДИАДЕМОЮ НЕТЛЕННОЮ УВЕНЧАННАЯ, ВО СЛАВЕ ЦАРЯ СЛАВЫ ХРИСТА ПРЕДСТОИШИ, И КУПНО СО ВСЕМИ СВЯТЫМИ ЦАРЮ ЦАРСТВУЮЩИХ ТРИЕДИНОМУ БОГУ МОЛИШИСЯ, ЕГО ЖЕ ВЕЛИЕ МИЛОСЕРДИЕ ПРИКЛОНИ К НАМ, ВОПИЮЩИМ ТИ СИЦЕ:
РАДУЙСЯ, БЛАГОУХАННАЯ ВЕТВЕ РАЙСКАЯ, ОБИЛЬНО ДОБРЫМИ ПЛОДАМИ ДОБРОДЕТЕЛИ ПЛОДОНОСЯЩАЯ;
РАДУЙСЯ, ДАРЫ ДУХА СВЯТАГО НЕОСКУДНО ВСЕМ ВЕРНЫМ ПОДАЮЩАЯ;
РАДУЙСЯ, РАЗУМОМ ХРИСТОВЫМ И МУДРОСТЬЮ БОЖИЕЙ УМЫ ДОСТОЧУДНО ПРЕОБРАЖАЮЩАЯ;
РАДУЙСЯ, ЛЮБОВИЮ БОЖЕСТВЕННОЙ СЕРДЦА ИСПОЛНЯЮЩАЯ;
РАДУЙСЯ, ВЕРУ ОСЛАБЕВАЮЩУЮ ОТ ЖИТЕЙСКОЙ СУЕТЫ, БЛАГОДАТНО В ДУШАХ ОБНОВЛЯЮЩАЯ;
РАДУЙСЯ, ЛУЧАМИ БОЖИЕЙ ЛЮБВИ, НАДЕЖДЫ И ВЕРЫ ПРЕСЛАВНО ОЗАРЯЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 2
ВИДЯ МИЛОСЕРДНЫЙ ГОСПОДЬ ЧИСТОТУ ПОМЫШЛЕНИЙ И КРОТОСТЬ СЕРДЦА ТВОЕГО, СВЯТАЯ ЭТЕЛЬДРЕДА ПРЕПОДОБНАЯ ОДРИ, ИЗБРА ТЕБЯ НА АПСТОЛЬСКОЕ СЛУЖЕНИЕ ЛЮБВИ ХРИСТОВОЙ, КО БЛАГОВЕСТВОВАНИЮ ЕВАНГЕЛИЯ НА ЗЕМЛИ БРИТАНСКИЯ, И КО УМНОЖЕНИЮ ХРИСТИАНСКОГО БЛАГОЧЕСТИЯ И ВЕРЫ ПРАВОСЛАВНАЯ, ТЕМ ЖЕ И МЫ УТВЕРЖДАЕМЫЕ ТВОИМИ МОЛИТВАМИ И НАСТАВЛЕНИЯМИ, С НАДЕЖДОЙ НА ТВОЕ ПРЕДСТАТЕЛЬСТВО, ВОПИЕМ О ТЕБЕ БОГУ: АЛЛИЛУИА.

ИКОС 2
СЕРДЦЕ И РАЗУМ БОГОМ ПРОСВЕЩЕН ИМЕЯ, ВОЗЖЕЛАЛА ЕСИ ЕДИНОМУ ГОСПОДУ РАБОТАТИ, И ВО ДНИ ЮНОСТИ ТВОЕЯ, УЗКИЙ И СПАСИТЕЛЬНЫЙ ПУТЬ ИЗБРАЛА ЕСИ, БОГОМУДРАЯ ЦАРИЦЕ ЭТЕЛЬДРЕДА, И СВЯТЫХ ЖЕН ЖИТИЮ ПОРЕВНОВАЛА ЕСИ, СОВЕРШАЮЩЕ ЖИТЕЛЬСТВО СВОЕ ПО БОЖЕСТВЕННЫМ ЗАПОВЕДЯМ. НЫНЕ ЖЕ ВО СЛАВЕ СВЯТОЙ ТРОИЦЫ, ВКУПЕ СО АНГЕЛАМИ И ВСЕМ ЛИКОМ ПРЕПОДОБНЫХ ПРЕДСТОЯ БОГУ, МОЛИСЯ, ВО ЕЖЕ ДАРОВАТИ ИСЦЕЛЕНИЯ НЕДУГОВ ДУШЕВНЫХ И ТЕЛЕСНЫХ, И НИСПОСЛАТИ РАЗУМ СЕРДЕЧНЫЙ И БЛАГОДАТНУЮ СИЛУ ЗРЕТИ, И ПОБЕЖДАТИ СТРАСТИ ДУШЕТЛЕННЫЯ ВСЕМ ПРИЗЫВАЮЩИМ ПРОСЛАВЛЯЮЩИМ ТЯ СИЦЕ:
РАДУЙСЯ, ТЕСНЫЙ ПУТЬ ВОЗДЕРЖАНИЯ КО СПАСЕНИЮ ОТ ЮНОСТИ ВОЗЛЮБИВШАЯ:
РАДУЙСЯ, СЕБЕ И ВЕСЬ ЖИВОТ СВОЙ С ЛЮБОВЬЮ ГОСПОДЕВИ ПРЕДАВШАЯ;
РАДУЙСЯ, БЛАГОГОВЕЙНОМУ ПОЧИТАНИЮ БОГА ВСЕХ НАУЧАЮЩАЯ;
РАДУЙСЯ ПРАВОСЛАВИЕ ЖИЗНЕЮ СВОЕЮ УТВЕРЖДАЮЩАЯ.
РАДУЙСЯ, ВСЕХ ЖАЖДУЩИХ СПАСЕНИЯ ВО ИИСУСЕ ХРИСТЕ УКРЕПЛЕНИЕ И ПОСПЕШЕСТВОВАНИЕ;
РАДУЙСЯ, БЛАГИЕ МЫСЛИ И ЧУВСТВА КО СПАСЕНИЮ И БЛАГОЧЕСТИЮ ПОДАЮЩАЯ.
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 3
СИЛУ БЛАГОДАТИ БОЖИЯ ПОЗНАЛА ЕСИ, СВЯТАЯ ОДРИ, ВО ДНИ ЮНОСТИ ТВОЕЯ, ЕГДА ВО ЦАРСТВЕННЫХ ЧЕРТОГАХ ОТЦА ТВОЕГО АННА, ВСЕЮ ДУШОЮ ВОЗНОСИЛАСЯ К МИРУ ГОРНЕМУ, ТЫ БО ЕСИ ЗЕМНЫХ ОБРУЧНИКОВ НЕ ПОЗНАЛА ЕСИ, И ВСЕ ЖЕЛАНИЯ И УПОВАНИЯ ТВОЯ К ЖЕНИХУ НЕБЕСНОМУ ВОЗЛОЖИВШИ, ТАКО ЖЕ НАЧАЛО ВЕЛИИХ ПОДВИГОВ ТВОИХ ПОЛОЖИЛА ЕСИ, ГОСПОДЕВИ ЖЕ ВОСПЕВАЯ: АЛЛИЛУИА.

ИКОС 3
ИМУЩЕ ВОИСТИНУ, БЛАГОСЛОВЕННАЯ НЕВЕСТО ХРИСТОВА КОРОЛЕВА ЭТЕЛЬДРЕДА, ПЛАМЕННОЕ СЕРДЦЕ ЛЮБОВЬЮ КО ГОСПОДУ ПРЕИСПОЛНЕННОЕ УСЕРДИЯ, К СЛАВОСЛОВИЮ И КО УГОЖДЕНИЮ ДИВНОМУ ВО СВЯТЫХ БОГУ, МОЛИСЯ НЕПРЕСТАННО О СПАСЕНИИ ДУШ НАШИХ, С ЛЮБОВЬЮ И УСЕРДИЕМ К ТЕБЕ ПРИБЕГАЮЩИХ. СЕГО РАДИ МЫ ОТ ГЛУБИНЫ СЕРДЦА УМИЛЕННО ВЗЫВАЕМ ТИ СИЦЕ:
РАДУЙСЯ, ИСТИННАЯ БЛАГОВЕСТИЯ ХРИСТОВА ПРОПОВЕДНИЦЕ И НАСТАВНИЦА;
РАДУЙСЯ, БОЖЕСТВЕННОМУ ПИСАНИЮ ДОБРАЯ УЧИТЕЛЬНИЦЕ;
РАДУЙСЯ, ВЕРНО ГОСПОДЕВИ ПОСЛУЖИВШАЯ И ЗА ХРИСТА ЖИЗНЬ ПОЛОЖИВШАЯ;
РАДУЙСЯ, ВО ИСПОВЕДАНИИ БЛАГОЧЕСТИЯ И ПРАВДЫ ЕВАНГЕЛЬСКОЙ РЕВНОСТЬ ВЕЛИЮ ЯВИВШАЯ;
РАДУЙСЯ, СЛАДЧАЙШЕГО ГОСПОДА ИИСУСА ВСЕМ СЕРДЦЕМ ВОЗЛЮБИВШАЯ;
РАДУЙСЯ, ГОРЛИЦЕ БОЖИЯ, ЕЩЕ НА ЗЕМЛИ НЕБЕСНЫХ БЛАГ ВКУСИВШАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 4
БУРЯ СТРАСТЕЙ И ТРЕВОЛНЕНИЙ ЖИТЕЙСКИХ НЕ ВОЗМОЖЕ ПОКОЛЕБАТИ ТЯ, ПРЕПОДОБНАЯ КОРОЛЕВА ЭТЕЛЬДРЕДА, ОБАЧЕ НАУЧИ ТЕБЯ ГОСПОДЬ ПУТИ ДОБРОДЕТЕЛИ КО СПАСЕНИЮ ВЕДУЩЕМУ, ТЕМЖЕ ВОЗСИЯ В ДУШИ ТВОЕЙ НЕТЛЕННАЯ КРАСОТА ДОБРОДЕТЕЛИ ДЕВСТВА, СМИРЕНИЯ И ЦЕЛОМУДРИЯ, УГОДНЫЕ ВСЕДЕРЖИТЕЛЮ БОГУ, ЕМУ ЖЕ ВОСПЕВАЛА ЕСИ: АЛЛИЛУИА.

ИКОС 4
ВИДЯ ДОБРОДЕТЕЛЬ ТВОЮ, ВОЗЛЮБИ ТЯ БЛАГОЧЕСТИВЫЙ СУПРУГ, КОРОЛЬ ТОНБЕРТ, С НИМ ЖЕ, СВЯТАЯ ОДРИ ЖИТЕЛЬСТВАЛА ЕСИ В ЛЮБВЕ, ЦЕЛОМУДРИИ, ЧИСТОТЕ И СЛАВОСЛОВИИ КО ГОСПОДУ, МАТЕРИ БОЖИЕЙ И ОБРУЧНИКУ ЕЯ ИОСИФУ В ОБРАЗЕ ЖИТИЯ ДОБРОДОТЕЛЬНАГО ПОСЛЕДОВАВШИ, ТАКОЖДЕ И ПО КОНЧИНЕ СУПРУГА ТВОЕГО, ВО ВТОРОМ БРАЦЕ В ВОЗДЕРЖАНИИ ЦЕЛОМУДРИИ И БЛАГОЧЕСТИИ СЛЕДОВАЛА ЕСИ ГОСПОДЕВИ. СИЦЕ МОЛИМ ТЯ КУПНО СО СРОДНИКИ СВЯТИМА ТВОИМА, БЛАГОВЕРНЫМИ ПРИНЦЕССАМИ СЕКСБУРГОЙ, ЭТЕЛЬБУРГОЙ, ВИТБУРГОЙ И СВЯТИТЕЛЕМ ЕРКОНВАЛЬДОМ ВОЗНЕСИ МОЛИТВЫ О НАС КО ГОСПОДУ, ДА ЗОВЕМ ТИ :
РАДУЙСЯ, ОТ СТРАСТЕЙ БЛАГОДАТИЮ БОЖИЕЙ ДУШИ СВОБОЖДАЮЩАЯ;
РАДУЙСЯ, СЛЕЗЫ И ВОЗДЫХАНИЯ СКОРБЯЩИХ С ЛЮБОВИЮ УТЕШАЮЩАЯ;
РАДУЙСЯ, ПРОШЕНИЯ ТРУЖДАЮЩИХСЯ И ОБРЕМЕНЕННЫХ СУЕТОЙ ЖИТЕЙСКОЙ И СКОРБЯМИ СКОРО ИСПОЛНЯЮЩАЯ;
РАДУЙСЯ, НЕСВЕДУЮЩИХ БОГА И ОКАМЕНЕННЫХ СЕРДЦЕМ К ПОКАЯНИЮ ПРОБУЖДАЮЩАЯ;
РАДУЙСЯ, МОЛИТВАМИ ТВОИМИ КАЮЩИХСЯ ПЛЕНА ГРЕХОВНАГО РАЗРЕШАЮТСЯ;
РАДУЙСЯ, ВРАТА НЕБЕСНАЯ ВЕРНЫМ ОТВЕРЗАЮЩАЯ;
РАДУЙСЯ, УМНАГО ТРЕЗВЕНИЯ НЕУСЫПНАЯ ХРАНИТЕЛЬНИЦЕ.
РАДУЙСЯ, ЛЕСТВИЦЕЮ ДОБРОДЕТЕЛЕЙ К НЕБЕСНЫМ ОБИТЕЛЕМ ВОЗВОДЯЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 5
БОГОТЕЧНАЯ ЗВЕЗДА ЛЮБВИ ХРИСТОВОЙ ЯВИЛСЯ ЕСИ, СВЯТАЯ МАТИ ОДРИ, НЕБО ЦЕРКОВНОЕ УКРАШАЮЩАЯ И ВСЕХ БЛУЖДАЮЩИХ ПО МОРЮ СТРАСТНАГО ЖИТИЯ СЕГО ДАННОЮ ТЕБЕ БЛАГОДАТИЮ ОТ СОЛНЦА ПРАВДЫ ГОСПОДА ИИСУСА ОЗАРЯЮЩАЯ И К ЦАРСТВИЮ НЕБЕСНОМУ ВЕДУЩАЯ, МРАК ПЕЧАЛЕЙ И МГЛУ ВСЯКИХ НЕДУГ И СКОРБЕЙ ПРОГОНЯЮЩАЯ. ТЫ БО НАСТАВЛЯЕШИ ВСЕХ К ТЕБЕ С ВЕРОЮ ПРИТЕКАЮЩИХ НА ПУТЬ СПАСЕНИЯ, К ВЕЧНОМУ НЕБЕСНОМУ ОТЕЧЕСТВИЮ ПУТЕВОДСТВУЮЩИЙ, НАУЧАЯ ВОСПЕВАТИ БОГУ: АЛЛИЛУИА.

ИКОС 5
ВИДЯ, БЛАГОВЕРНАЯ КОРОЛЕВА ЭТЕЛЬДРЕДО, ЯКО ВСЯ В МИРЕ СЕМ ЕСТЬ СУЕТА И КО ТЛЕНИЮ ПРИЧАСТНО, ПОТЩАЛАСЯ ЕСИ ВСЕЮ ДУШЕЮ БЛАГОУГОЖДАТИ ГОСПОДЕВИ, ПРЕМЕНИЛА СИЕ ТЛЕННОЕ ЖИТЕЛЬСТВО И СЛАВУ МИРА СЕГО, НА НЕТЛЕННУЮ СЛАВУ БОЖИЮ, НАИПАЧЕ ЖЕ ТЕМ СПОДОБИЛАСЬ ПРЕДСТОЯНИЯ СО ВСЕМИ СВЯТЫМИ В ЦАРСТВИИ НЕБЕСНОМ ПРЕСТОЛА ВЛАДЫЧНЯ ВО СЛАВЕ ОТЦА СВЕТОВ, ТЕМ ЖЕ ВОПИЕМ ТИ СО УМИЛЕНИЕМ И ЛЮБОВИЮ СИЦЕ:
РАДУЙСЯ, В ВЕРЕ БОЖЕСТВЕННОЙ ПРАВОСЛАВНОЙ НАС УКРЕПЛЯЮЩАЯ;
РАДУЙСЯ, ПРЯМО ВО БЛАГОЧЕСТИИ НА ПУТИ СПАСЕНИЯ ВЕРНЫХ УТВЕРЖДАЮЩАЯ;
РАДУЙСЯ, ЛЮБОВИЮ БОЖИЕЮ СОГРЕВАЮЩАЯ;
РАДУЙСЯ, В САМИХ СТРАДАНИЯХ НАШИХ УТЕШЕНИЕ О ГОСПОДЕ ПОДАЮЩАЯ;
РАДУЙСЯ, И ОТЧАЯННЫХ ГРЕШНИКОВ МОЛЕНИЯ НЕ ОТВЕРГАЮЩАЯ;
РАДУЙСЯ, ОТ ПАГУБНАГО ГРЕХОВНОГО БЕЗВОЛИЯ СВОБОЖДАЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 6
ПРОПОВЕДНИЦЕ ЕВАНГЕЛИЯ НЕ ТОКМО СЛОВОМ, НО ДЕЛОМ, И ВСЕМ ЖИТИЕМ ТВОИМ ЯВИЛАСЬ, ПОДОБНО АПОСТОЛОМ ХРИСТОВЫМ, СВЯТАЯ КОРОЛЕВО ЭТЕЛЬДРЕДО, СЕГО РАДИ УВЕНЧА ТЯ БОГ ВЕНЦЕМ СЛАВЫ НЕТЛЕННОЙ, ДА ЦАРСТВУЕШИ С НИМ ВЕЧНО ВО ОБИТЕЛЕХ РАЙСКИХ. О ВЕЛИКАЯ ЧУДОТВОРИЦЕ, ПРЕПОДОБНАЯ МАТИ ОДРИ, МОЛИ ГОСПОДА НАШЕГО ИИСУСА ХРИСТА, ДА И НАС СПОДОБИТ НЕБЕСНАГО ЦАРСТВИЯ НАСЛЕДНИКИ БЫТИ, СО ВСЕМИ СВЯТЫМИ ОТ ВЕКА БЛАГОУГОДИВШИМИ БОГУ, И РАДОСТНО ВЗЫВАЮЩИХ ЕМУ: АЛЛИЛУИА.

ИКОС 6
ВОЗСИЯ ВСЕЙ ЗЕМНОЙ ДЕРЖАВЕ ТВОЕЙ ИЗ БОГОМ СПАСАЕМАГО ГРАДА ЙОРКА ПРОСВЕЩЕНИЕ СОВЕРШЕННЫХ ТВОИХ ДОБРОДЕТЕЛЕЙ, БЛАГОВЕРНАЯ КОРОЛЕВО ЭТЕЛЬДРЕДА. ТЫ БО, ПОДОБНО ОБЛАКУ МОИСЕОВУ, СВЕТЛА И РОСОНОСНА ЯВИЛАСЯ ЕСИ, ИССОХШИЯ ОТ ГРЕХОВ СЕРДЦА НАША ОЖИВОТВОРИ, И ПЛОДЫ ДОБРОДЕТЕЛЕЙ МИЛОСЕРДИЯ СОСТРАДАНИЯ И ЛЮБВИ О ГОСПОДЕ ПРИНОСИТИ СПОДОБИ ВСЕМ ВОСПЕВАЮЩИМ ТИ ТАКОВАЯ:
РАДУЙСЯ, ЗАВИСТИ, НЕНАВИСТИ, КЛЕВЕТ, РЕВНОСТИ, ПАМЯТОЗЛОБИЯ И СТРАСТНОЙ ЖИЗНИ УДАЛЯЮЩАЯ;
РАДУЙСЯ, ОТ ГРЕХОВНОЙ ПРЕЛЕСТИ МИРА, ПОХОТИ ПЛОТИ И КОЗНЕЙ ЛУКАВОГО ИЗБАВЛЯЮЩАЯ;
РАДУЙСЯ, ИСКУШЕНИЯ И СОБЛАЗНЫ ОТ НАС ПРОГОНЯЮЩАЯ;
РАДУЙСЯ, К ПОКАЯНИЮ, МОЛИТВЕ СЕРДЕЧНОЙ, ТРЕЗВЕНИЮ И ЦЕЛОМУДРЕННОЙ ЖИЗНИ ВО ХРИСТЕ ПРИВОДЯЩАЯ;
РАДУЙСЯ ОТ ЕРЕСЕЙ, РАСКОЛОВ, ЛЖЕ - УЧИТЕЛЕЙ И ДУХОВНЫХ ТАТЕЙ ЦЕРКОВЬ ХРИСТОВУ СОБЛЮДАЮЩАЯ;
РАДУЙСЯ, БЛАГОДАТИЮ СВЯТАГО ДУХА ИСЦЕЛЯЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 7
ВОЗЖЕЛАВ СПАСЕНИЯ НАШЕГО ГОСПОДЬ, УСТАМИ АПОСТОЛА ИАКОВА РЕЧЕ: «БРАТИЕ, АЩЕ КТО В ВАС ЗАБЛУДИТ ОТ ПУТИ ИСТИНЫ, И ОБРАТИТ КТО ЕГО, ДА ВЕСТЬ, ЯКО ОБРАТИВЫЙ ГРЕШНИКА ОТ ЗАБЛУЖДЕНИЯ ПУТИ ЕГО СПАСЕТ ДУШУ ОТ СМЕРТИ И ПОКРЫЕТ МНОЖЕСТВО ГРЕХОВ. (ИАК 5:19,20)». ТЫ ЖЕ, ПРЕПОДОБНАЯ КОРОЛЕВА ЭТЕЛЬДРЕДА, СИЯ ПАМЯТУЮЩЕ, С ЛЮБОВИЮ О ГОСПОДЕ, ПРИИМАЛА ЕСИ К ТЕБЕ В ПОКАЯНИИ ПРИТЕКАЮЩИХ, И С НИМИ УСЕРДНАЯ МОЛЕНИЯ ВОЗСЫЛАЛА, НАУЧАЯ ИХ ИСКРЕННЕ СО УМИЛЕНИЕМ СЕРДЦА ВЗЫВАТИ БОГУ: АЛЛИЛУИА.

ИКОС 7
ХОТЯ ОБНОВИТИ ЧЕЛОВЕКА, ПО ОБРАЗУ НЕТЛЕННОМУ СОЗДАВШЕГО ЕГО ГОСПОДА, ВОЗЖЕЛАЛА ЕСИ, СВЯТАЯ КОРОЛЕВО ЭТЕЛЬДРЕДА, СЕГО РАДИ ВЕЛЬМИ ПОДВИЗАЛАСЯ ЕСИ, В МОЛИТВЕ ЗА НАРОД, ЕЖЕ КО УПРАВЛЕНИЮ ОТ БОГА ТЕБЕ ДОВЕРЕННЫЙ, ДА ВО ВСЕХ ЛЮДЕХ И ЖИТИИ ИХ ИЗОБРАЗИТСЯ ХРИСТОС БОГ, СЕГО РАДИ БЛАГОДАРСТВЕННО ВЗЫВАЕМ ТЕБЕ ТАКОЖДЕ:
РАДУЙСЯ, РОПЩУЩИХ НА ПРОМЫСЕЛ БОЖИЙ И ТЯГОТЫ ЖИЗНИ СКОРОЕ С БОГОМ ПРИМИРЕНИЕ;
РАДУЙСЯ, НЕИМУЩИМ ПРОПИТАНИЯ И КРОВА СЛАВНОЕ ВСПОМОЖЕНИЕ;
РАДУЙСЯ, В ПУТИ ШЕСТВУЮЩИМ БЛАГОПОЛУЧНОЕ ПОСПЕШЕНИЕ;
РАДУЙСЯ В ЖИТЕЙСКОЙ СУЕТЕ, ДИВНЫЙ О ГОСПОДЕ КОРМЧИЙ ЦАРСТВИЯ НЕБЕСНОГО КО СПАСЕНИЮ;
РАДУЙСЯ, СЕРДЕЦ ЗЛЫХ, ЛЮДЕЙ ВРАЖДУЮЩИХ, ВЕРНОЕ ПРИМИРЕНИЕ;
РАДУЙСЯ, БРАТОЛЮБИЕ И ЛЮБОВЬ ХРИСТОВУ ВОДВОРЯЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 8
СТРАНСТВИЯ ЗЕМНОЕ СО СТРАХОМ БОЖИИМ И БЛАГОГОВЕНИЕМ СОВЕРШАЯ, НА ГОСПОДА ВОЗЫМЕВ ТВЕРДУЮ НАДЕЖДУ И УПОВАНИЕ, БОГОМУДРАЯ ПРЕПОДОБНАЯ МАТИ ОДРИ, С ЛЮБОВИЮ ИСТИННОЮ БОГУ ПОДВИЗАЛАСЯ ЕСИ, ОСТАВИВ СЛУЖЕНИЕ ЗЕМНОМУ ЦАРСТВИЮ, НАСЛЕДНИКОМ ЦАРСТВИЯ НЕБЕСНОГО БЫТИ ВОЗЖЕЛА, И ОНОЕ СТЯЖАТИ, СЕГО РАДИ ВО ОБИТЕЛИ КАЛДИНХЭМСТЕЙ ИНОЧЕСКЫЯ ОБЕТЫ ГОСПОДЕВИ ПРИНЕСЛА ЕСИ, ВОПИЮЩЕ ЕМУ: АЛЛИЛУИА.

ИКОС 8
ВСЕГДА В ЛЮБВИ КО ГОСПОДУ И БЛИЖНИМ ПРЕБЫВАЯ ВСЕЦЕЛО, ОБРАЗ ВЕРНЫМ ПОКАЗУЯ ВО ХРИСТЕ ЖИТЕЛЬСТВОМ, ПРЕПОДОБНАЯ МАТИ ОДРИ, ОНОЕ ЖЕ ВСЕ СИЕ ГОСПОДЬ ВЕСИ, НЕПРЕСТАННО В ТРУДАХ, МОЛИТВЕ ПОСТЕ И ВОЗДЕРЖАНИИ ПРЕБЫВАЛА, БОДРЕННЫМ ОКОМ СЕРДЦА СОЗЕРЦАЯ ГОСПОДА. БЛАГОЧЕСТИВИИ ЖЕ ЛЮДИЕ, ВИДЯ В ТЕБЕ ДОБРУЮ НАСТАВНИЦУ И МАТЕРЬ, С РАДОСТИЮ ПРИНИМАЯ ПОКРОВИТЕЛЬСТВО ТВОЕ, ВЕЛИКОЕ УТЕШЕНИЕ В СКОРБИ И БЕДАХ ПО МОЛИТВЕ ТВОЕЙ ПОЛУЧАЮТ. ТЕМ ЖЕ И МЫ, ПРОСЛАВЛЯЯ ГОСПОДА, ДАРУЮЩЕГО ТАКОВУЮ БЛАГОДАТЬ, ПРОСЛАВЛЯЕМ ТЕБЯ СИЦЕ:
РАДУЙСЯ, БЛАГОЧЕСТИВЫХ ЧАД БОЖИИХ ОТРАДО И УТЕШЕНИЕ;
РАДУЙСЯ, КОЛЕБЛЮЩИХСЯ, В ВЕРЕ ПРАВОСЛАВНОЙ, ТВЕРДОЕ УТВЕРЖДЕНИЕ;
РАДУЙСЯ, ОТЧАЯВШИХСЯ В УПОВАНИИ КО ГОСПОДУ НАСТАВЛЕНИЕ;
РАДУЙСЯ, ОБУРЕВАЕМЫХ В ЖИТЕЙСКОМ ПЛАВАНИИ О БОГЕ ПРИСТАНИЩЕ;
РАДУЙСЯ, ЦАРСТВИЯ НЕБЕСНОГО ДИВНОЕ ХРИСТОВО УКРАШЕНИЕ;
РАДУЙСЯ, РАЗУМА И МУДРОСТИ О ГОСПОДЕ СКОРАЯ ПОДАТЕЛЬНИЦЕ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 9
ВСЯКОЙ ДУШЕЙ СКОРБЯЩЕЙ ПОМОЩИ ЖЕЛАЯ, ПРЕПОДОБНАЯ МАТИ ОДРИ, ОБИТЕЛЬ ЭЛИЙСКУЮ ОСНОВАЛА, КО УТЕШЕНИЮ, СПАСЕНИЮ И БОГУ УГОЖДЕНИЮ ВСЕМ ПРИХОДЯЩИМ, В ОНОЙ ЖЕ МАТЕРИ БОЖИЕЙ НАУЧАЯ СЛУЖИТИ ВСЕХ ВЕРНЫХ НЕПРЕСТАННО МОЛЯСЯ ТАКОЖДЕ: «К КОМУ ПРИБЕГНУ В ГОРЕСТИ МОЕЙ, АЩЕ НЕ К ТЕБЕ, ГОСПОЖЕ ВЛАДЫЧИЦЕ БОГОРОДИЦЕ, ЦАРИЦЕ НЕБЕСНАЯ», И СЛАВИТИ НЕПРЕСТАННО СВЯТУЮ ТРОИЦУ ЖИВОНАЧАЛЬНУЮ И НЕРАЗДЕЛЬНУЮ: АЛЛИЛУИА.

ИКОС 9
АЩЕ КТО ВОЗМОЖЕТ ДОСТОЙНО И ПРАВЕДНО ВОСПЕТИ ВСЮ ПОЛНОТУ БОГОУГОДНАГО ЖИТИЯ ТВОЕГО, ТЫ БО ПРИЗВАНИЮ ГОСПОДНЮ ВНИМАЯ, ПЛОДЫ ДУХА СВЯТАГО ПРИНОСЯ, СОЗИДАЛА ЦЕРКОВЬ ТЕЛА И ДУШИ СВОЕЙ, ИСПОЛНЯСЯ БОЖЕСТВЕННОЮ БЛАГОДАТИЮ, И НЫНЕ ОНОЮ, ЖАЖДУЩИЯ СЕРДЦА НАША НАПОЯВАЕШИ ДУХОВНО, СЕГО ЖЕ РАДИ СО УМИЛЕНИЕМ ПРОСИМ ТЯ: ОЗАРИ НАС И ЖИЗНЬ НАШУ СВЕТОМ ЛЮБВИ ХРИСТОВОЙ, УТВЕРДИ ДУШИ НАШИ ПО БОГЕ ГОРЕТИ, И ПРИИМИ ВЕЛИЧАНИЯ СИЯ СО УМИЛЕНИЕМ И ЛЮБОВИЮ ВЗЫВАЮЩИХ ТЕБЕ:
РАДУЙСЯ, МОЛИТВОЮ ПЛАМЕННОЮ КО ГОСПОДУ СЕРДЦЕ СВОЕ ОСВЯТИВШАЯ;
РАДУЙСЯ, АЛЧУЩАЯ И ЖАЖДУЩАЯ ПРАВДЫ БОЖИЕЙ НАСЫЩАЮЩАЯ;
РАДУЙСЯ, ВО ВСЕЦЕЛОЕ ПОСЛУШАНИЕ БОГУ СЕБЯ ПРЕДАВШАЯ;
РАДУЙСЯ, НЕСТЯЖАНИЕМ, СМИРЕНИЕМ И ЛЮБОВЬЮ, ГОСПОДУ ИИСУСУ ПОДРАЖАВШАЯ;
РАДУЙСЯ, В ЧИСТОТЕ ХРАМ ТЕЛА И ДУШИ СВОЕЙ БОГУ СОХРАНИВШАЯ;
РАДУЙСЯ, ВО СЛАВЕ ЦАРСТВЕННЕЙ СВЯТЕЙ ТРОИЦЕ ПРЕДСТОЯЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 10
СПАСТИТЕЛЬНАГО ПОДВИГА СВЕРШАЯ ТЕЧЕНИЕ, В СЛАВОСЛОВИИ КО ГОСПОДУ, ПРЕПОДОБНАЯ КОРОЛЕВА ЭТЕЛЬДРЕДА, ДУШУ ТВОЮ УКРАСИЛА ЕСИ ЦЕЛОМУДРИЕМ, СМИРЕНИЕМ, КРОТОСТИЮ И ПРОЧИМИ ДОБРОДЕТЕЛЬМИ, ПРЕШЕДШЕ БЕЗ ПРЕТКНОВЕННО ПОПРИЩЕ ВРЕМЕННЫЯ СЕЯ ЖИЗНИ, ВЕНЦЕВ НЕУВЯДАЕМАЯ СЛАВЫ БОЖИЕЙ ВО ЦАРСТВИИ НЕБЕСНОМ СПОДОБИЛАСЯ ЕСИ. И НЫНЕ, ПРЕДСТОЯ ПРЕСТОЛУ ЦАРЯ СЛАВЫ ГОСПОДА, МОЛИСЯ ПРИЛЕЖНО О ЧТУЩИХ ПАМЯТЬ ТВОЮ И ВОСПЕВАЮЩИХ О ТЕБЕ БОГУ: АЛЛИЛУИА.

ИКОС 10
СТЕНОЮ НЕРУШИМОЮ ЯВИСЯ ЧЕЛОВЕКОМ, К ЗАСТУПЛЕНИЮ ТВОЕМУ ПРИБЕГАЮЩИМ, И ПО ИСХОДЕ ЖИТИЯ ЗЕМНАГО, БЛАГОВЕРНАЯ КОРОЛЕВО ЭТЕЛЬДРЕДА, ЯКО УСЕРДНО МОЛИТВЫ КО ГОСПОДУ ВОЗНОСИЛА ЕСИ, ТЕМЖЕ И НАМ, НЫНЕ ПРОСЯЩИМ МИЛОСТИВАГО ЗАСТУПЛЕНИЯ ТВОЕГО О НАС ПРЕД ЦАРЕМ НЕБЕСНЫМ ВО ВСЕХ НУЖДАХ НАШИХ, БУДИ СТЕНА КРЕПКАЯ И ОГРАЖДЕНИЕ НЕПРЕОБОРИМОЕ, ОТ ВСЯКИХ НАС БЕД И НАПАСТЕЙ ОГРАЖДАЯ, ДА И МЫ С ЛЮБОВИЮ ВОПИЕМ ТЕБЕ ТАКОВАЯ:
РАДУЙСЯ, СПУТНИЦЕ НЕЗРИМАЯ ВСЕМ БЛАГОВЕСТВУЮЩИМ ЕВАНГЕЛИЕ ХРИСТОВО;
РАДУЙСЯ, УКРЕПЛЕНИЕ ЧУДНОЕ СЛОВЕСЕМ ЧЕЛОВЕЧЕСКИМ БОЖЕСТВЕННОЮ ПРЕМУДРОСТИЮ;
РАДУЙСЯ, ЛУКАВЫХ НАВЕТОВ ЧЕЛОВЕК И КОЗНЕЙ БЕСОВСКИХ ОТГНАНИЕ;
РАДУЙСЯ, ПРОСТОТЫ СЕРДЕЧНЫЯ БЛАГОЕ ВЕЛИЧАНИЕ;
РАДУЙСЯ, СОМНЕНИЯ В ВЕРЕ И ВСЕМОГУЩЕСТВЕ БОЖИЕМ, В ПРАХ СОКРУШАЮЩАЯ;
РАДУЙСЯ, ВО УНЫНИЕ ВПАВШИХ ОБОДРЯЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 11
ПЕНИЕ И СЛАВОСЛОВИЕ ПРИНОСИМ ТИ, БОГОБЛАЖЕННАЯ МАТИ ОДРИ, ТЫ БО ПРИЕМЛЕШИ ВСЯКОГО ХРИСТИАНИНА МОЛЯЩЕГОСЯ ТЕБЕ, УТЕШАЯ И ОТРАДУ НЕБЕСНУЮ О ДУХЕ СВЯТЕ ДАРУЯ. СИЦЕ УБО МОЛИМ ТИ СЯ: ПОМОЗИ ВСЕМ В ТЯГОТАХ ЗЕМНАГО ЖИТИЯ СУЩИХ, ПОКРОЙ НЕМОЩИ И СКОРБИ НАША, ДА РАДОСТИ И БЛАГОДЕНСТВИЯ В БОГЕ УЛУЧИВ, ПРЕДСТАТЕЛЬСТВОМ ТВОИМ, ПРОСЛАВИМ ВСЕБЛАГОГО ТВОРЦА НАШЕГО ВО СВЯТЕЙ ТРОИЦЕ СЛАВИМОГО, И СПОДОБИМСЯ КУПНО С ТОБОЮ В ЛОНЕ АВРААМОВОМ, ВЕЧНО ВОСПЕВАТИ СО ВСЕМИ СВЯТЫМИ КО ГОСПОДЕВИ: АЛЛИЛУИА.

ИКОС 11
СВЕТ НЕЗАХОДИМЫЙ И СИЯНИЕ СЛАВЫ БОЖЕСТВЕННОЙ УЗРЕТИ СПОДОБИЛАСЯ ЕСИ, ПРЕПОДОБНАЯ ОДРИ, ЕГДА ПО КОНЧИНЕ ТВОЕЙ ВОЗНЕСЕНА БЫЛА ЕСИ ДУШЕЮ НА НЕБЕСА. НЫНЕ ЖЕ ВО СЛАВЕ БОЖИЕЙ, В СОБОРЕ ИНОКОВ, ПРЕПОДОБНЫХ, СВЯТИТЕЛЕЙ, ЦАРЕЙ И ЦАРИЦ, ПРАВЕДНЫХ ЖЕН, ПРЕДСТОИШИ ПРЕСТОЛУ ВСЕДЕРЖИТЕЛЯ ГОСПОДА НАШЕГО ИИСУСА ХРИСТА, ЕГО ЖЕ МИЛОСЕРДИЕ ПРИКЛОНИ КО ВСЕМ, ВЗЫВАЮЩИМ ТИ ТАКОВАЯ:
РАДУЙСЯ, ОТ НАПРАСНОЙ СМЕРТИ И ВЕЧНОЙ ПОГИБЕЛИ ВЕРНЫХ ИЗБАВЛЯЮЩАЯ;
РАДУЙСЯ, ПРЕДСМЕРТНОГО НАПУТСТВИЯ СВЯТЫХ ТАИН ХРИСТОВЫХ ВЕРНЫМ ДАРУЮЩАЯ;
РАДУЙСЯ, ПОКАЯНИЕМ КО ИСХОДУ ОТ СЕЯ ЖИЗНИ ПРЕДУГОТОВЛЯЮЩАЯ;
РАДУЙСЯ, НА МЫТАРСТВАХ ДУШИ ШЕСТВУЮЩИЕ КО ПРЕСТОЛУ БОЖИЮ БЕЗ ПРЕТКНОВЕНИЯ ПРОВОЖДАЮЩАЯ;
РАДУЙСЯ, ГОСПОДА НАШЕГО ИИСУСА ХРИСТА О СПАСЕНИИ НАШЕМ ПРИСНО УМОЛЯЮЩАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 12
БЛАГОДАТЬ ДУХА СВЯТАГО, ВСЕГДА НЕМОЩНАЯ ВРАЧУЮЩАЯ, ОТ ЯЗВ ГРЕХОВНЫХ И НЕДУГОВ ДУШЕВНЫХ И ТЕЛЕСНЫХ ИСЦЕЛЯЮЩАЯ, И ОСВЯЩАЮЩАЯ ВСЕ ЕСТЕСТВО НАШЕ, ИСПРОСИ НАМ ВО ВСЕЙ ПОЛНОТЕ У ВСЕЩЕДРОГО И МНОГОМИЛОСТИВОГО БОГА, СВЯТАЯ КОРОЛЕВО ЭТЕЛЬДРЕДА, И ПРОСТРИ РУКУ ПОМОЩИ ВСЕМ С ЛЮБОВИЮ К ТЕБЕ ВЗЫВАЮЩИМ. ДА НЕ ПОГИБНЕМ ОТ ВРАГ ВИДИМЫХ И НЕВИДИМЫХ, НО БОГОПРИЯТНЫМИ МОЛИТВАМИ ТВОИМИ ИСПОЛНИ НАС ЛЮБВИ И МИРА ХРИСТОВА, ДА ПРИЕМЛЮЩЕ ОТ ВСЕМОГУЩЕГО ВРАЧА ДУШ И ТЕЛЕС ГОСПОДА ИСЦЕЛЕНИЕ, ВОСПОЕМ ЕМУ О ТЕБЕ РАДОСТНО: АЛЛИЛУИА.

ИКОС 12
ПРОСЛАВЛЯЯ БОГОУГОДНОЕ ЖИТИЕ ТВОЕ, ПРЕПОДОБНАЯ МАТИ ОДРИ, БЛАГОДЕЯНИЙ БОЖИИХ ИСПОЛНИ НАС, ДА ОБРЕТАЯ МИЛОСТИ И ПОМОЩЬ ТВОЮ СКОРУЮ, БЛАГОДАРНЫМ СЕРДЦЕМ И УСТАМИ, ВСЕГДА С ЛЮБОВИЮ СЛАВОСЛОВИМ О ТЕБЕ ГОСПОДА. НЫНЕ ЖЕ ПАМЯТЬ ТВОЮ СВЕТЛО ПРAЗДНУЮЩЕ С РAДОСТИЮ ЗОВЕМ ТИ:
РАДУЙСЯ, К СВЕТУ ИСТИНЫ ХРИСТОВОЙ ПРЕЛЬЩЕННАЯ ОБРАЩАЮЩАЯ;
РАДУЙСЯ, БЛАГОДАТЬ БОЖИЮ В СЕРДЦАХ ВСЕЛЯЮЩАЯ;
РАДУЙСЯ, БЛАГОГОВЕНИЮ И МОЛИТВЕ НЕПРЕСТАННОЙ КО ГОСПОДУ, НАУЧАЮЩАЯ;
РАДУЙСЯ, РЕВНОСТНО ПО ПУТИ СПАСЕНИЯ ШЕСТВОВАТИ ПОДВИЗАЮЩАЯ;
РАДУЙСЯ, ОТ ДУХОВНОГО НЕЧУВСТВИЯ ВРАЧУЮЩАЯ;
РАДУЙСЯ, ВО ВСЯКИХ НУЖДАХ И ОБСТОЯНИЯХ ПОМОЩНИЦЕ ДОБРАЯ;
РАДУЙСЯ, СВЯТАЯ БОГОНОСНАЯ КОРОЛЕВО ЭТЕЛЬДРЕДА ПРЕПОДОБНАЯ МАТИ ОДРИ, МИР ЛЮБОВЬ И РАДОСТЬ О ДУСЕ СВЯТЕ В СЕРДЦАХ НАШИХ БЛАГОРОДНОЮ СИЛОЮ БЛАГОДАТИ БОЖИЕЙ ВОСПЛАМЕНЯЮЩАЯ.

КОНДАК 13
О, СВЯТАЯ ПРЕПОДОБНАЯ И БОГОНОСНАЯ МАТИ ОДРИ, БЛАГОВЕРНАЯ КОРОЛЕВО ЭТЕЛЬДРЕДА, ПРИИМИ МИЛОСТИВНО ПРИНОСЯЩИХ ТЕБЕ МАЛОЕ СИЕ МОЛЕНИЕ НАШЕ, В ПОХВАЛУ ТЕБЕ ВОЗНОСИМОЕ, И ПРЕДСТАТЕЛЬСТВОМ ТВОИМ ПРЕСТОЛУ ЦАРЯ ЦАРСТВУЮЩИХ, ГОСПОДА НАШЕГО ИИСУСА ХРИСТА, ИЗБАВИ НАС ОТ ВСЯКИЯ СКОРБИ И ПЕЧАЛИ В ВЕЦЕ СЕМ И ГРЯДУЩЕМ, И МОЛИСЯ О ВСЕХ НАС, ДА ОБРЯЩЕМ МИЛОСЕРДИЕ ЕГО В ДЕНЬ СУДНЫЙ, И СПОДОБИМСЯ В РАДОСТИ И УМИЛЕНИИ СО ВСЕМИ СВЯТЫМИ ВО ВЕКИ ВОСПЕВАТИ ЕМУ: АЛЛИЛУИА.

Автор пом. настоятеля Храма Преображения
Беляево, о. Тарасий
xram-novatorov.ru