Кондак 1
Избранной угоднице и прехвальней невесте Христовей, дивной предстательнице, скорой помощнице и молитвеннице нашей, усердное пение и поклонение приносим, благоверней королеве Олдрии, яко имущей премногое дерзновение ко Господу, еже от всяких напастей, скорбей и болезней освобождати нас. Ты же, о звездо богосветлая, осиявая нас неоскудно, да избавившиеся от бед и скорбей, со умилением вопием ти:
Радуйся, святая мати, богоносная королево Олдрие, мир о Дусе Святе в сердца наши вселяющая!

Икос 1
Ангельскою любовию Иисуса Сладчайшего возлюбивше, преподобная королево Олдрие, и Его ради усердно подвизалася в целомудрии, постех и молитвах; проповеднице богоглаголивая истины Христовой воистину явилася еси для всех подданных ближних твоих; ныне же, диадемою нетленною увенчанная во славе предстоиши купно со всеми спасенными Царю царствующих и Его велие милосердие приклоняеши к нам, вопиющим ти сице:
Радуйся, благоуханная ветве райская, добрые плоды на земли принесшая;
Радуйся, плоды Духа Вссвятаго приносити ны подвизающая;
Радуйся, даром мудрости умы наши досточудно преображающая;
Радуйся, любовию нелицемерною сердца наши наполняющая;
Радуйся, веру слабеющую благодатно обновляющая;
Радуйся, лучами Божия надежды преславно ны озаряющая;
Радуйся, святая мати, богоносная королево Олдрие, мир о Дусе Святе в сердца наши вселяющая!

Кондак 2
Видяще Господь чистоту помышлений сердца твоего, святая Олдрие, избра тя в оружие Свое на земли Британския в Христианское просвещение, да утверждаемые твоими молитвами и наставлениями, с надеждой вопием Богу: Аллилуиа!

Икос 2
Разум Богопросвещен имея, возжелела еси Единому Христу работати, и во дни юности твоея узкий спасительный путь избрала еси, богомудрая княжно, и святых жен житию поревновала еси, совершающе Единаго Учителя Божественныя заповеди. Ныне же во славе вместе со ангелами и всем ликом преподобных предстоя Троице Пребожественной, молися, о еже даровати разум и силу зрети и побеждати страсти душевныя всем нам, призывающим тя и взывающим ти сице:
Радуйся, тесный путь спасения от юности возлюбившая:
Радуйся, себе и весь живот свой Господеви предавшая;
Радуйся, неложному и благоговейному почитанию Бога научающая;
Радуйся, всех жаждущих спасения во Иисусе Христе укрепляющая;
Радуйся, благие мысли и чувства в недоумении нам сущим внушающая;
Радуйся, святые желания и намерения ко спасению нашему в сердца нам влагающая;
Радуйся, святая мати, богоносная королево Олдрие, мир о Дусе Святе в сердца наши вселяющая!

Кондак 3
Силу благодати Божия познала еси, пречудная Олдрие, во дни юности твоея, егда, во царственных чертогах отца твоего, душою твоею возносилася к миру горнему, ты бо земнаго обручника не познала еси, все упование твое на Жениха Небеснаго возложивше. Тако начало великих подвиг твоих положила еси, Господеви же (выну тя укреплявшему и воодушевлявшему) воспевая: Аллилуйя!

Икос 3
Имуще воистину, благословенная невесто Христово Олдрие, пламенное и нехладное сердце ко благохвалению дивнаго в чудесех Бога, молися непрестанно о спасении душ к тебе усердно прибегающих. Сего ради мы от глубины сердец наших умиленно воспеваем ти сице:
Радуйся, истинная Евангелия Христова последовательнице.
Радуйся, Божественных писаний добрая ученице.
Радуйся, воплощшемуся Богу Слову верно послужившая.
Радуйся, в проповедании Евангелия Правды ревность велию явившая;
Радуйся, Пресладкаго Господа Иисуса всем сердцем твоим возлюбившая;
Радуйся, горлице Божия, еще на земли Небесных благ вкусившая;
Радуйся, святая мати, богоносная королево Олдрие, мир о Дусе Святе в сердца наши вселяющая;

Кондак 4
Буря страстей и треволнений житейских не возможе поколебати тя, преблаженая княжно Олдрие, обаче научи благоискусно искати пристанище спасения твердое: темже сугубо возсия в души твоей нетленная красота безстрастия, угодная Вседетелю Богу, ему же воспевала еси: Аллилуиа!

Икос 4
Слыша и видя премногую добродетель твою, возлюби тя благочестивый супруг твой, король Тонберт, с ним же, святая Олдрие в любве и целомудрии прехвально пожила еси, Пренепорочней Матери Божией и Обручнику Ея Иосифу в образе жития добродотельнаго последоваше, такожде и по кончине супруга твоего, во втором браце святей Деве Марии подражала еси. Сице молим купно со сродники святыма твоима, благоверныма принцессами Сексбургой, Этельбургой, Витбургой и святителем Ерконвальдом вознеси молитвы о нас, да зовем ти :
Радуйся, яко от страстей благодатию, данною ти от Бога, души наша свобождаеши.
Радуйся, яко слезы и воздыхания скорбящих с любовию утоляеши;
Радуйся, яко прошения труждающихся и обремененных скоро исполняеши.
Радуйся, неведующих Бога и окамененных сердцем к покаянию пробуждаяй;
Радуйся, яко твоими молитвами кающиися плена греховнаго свобождаются.
Радуйся, яко по молитвам твоим Врата Небесная верным отверзаются;
Радуйся, святая мати, богоносная королево Олдрие, мир о Дусе Святе в сердца наши вселяющая;
Радуйся, умнаго трезвения неусыпная хранительнице.
Радуйся, лествицею добродетелей к небесным обителем возшедшая;

Кондак 5
Боготечная пресветлая звезда явился еси, святая мати Олдрие, небо церковное украшающая и всех блудящих по морю страстнаго жития сего данною тебе от Солнца Правды Христа Иисуса, истиннаго Бога, благодатию озаряющая, мрак печалей и мглу всяких недуг и скорбей прогоняющая, ты бо наставляеши всех к тебе с верою притекающих на путь спасенный, к вечному Небесному Отечествию ведущий, поющих Богу: Аллилуйя!

Икос 5
Видев, благоверная Олдрие, яко в мире сем многое есть всяческая суета и многе же ко тлению причастно, потщалася еси вседушно Превечному Богу благоугодити, и воистину не вотще потрудися: пременила бо еси тленная на нетленная, наипаче же предстояния сподобися у Небеснаго Престола Владычня в славе вечней, тем же вопием ти сице:
Радуйся, в вере Божественной нас укрепляющая.
Радуйся, надежду спасения верным утверждающая.
Радуйся, любовию Божиею нас согревающая.
Радуйся, в самих страданиях утешение подающая.
Радуйся, отчаянных грешников моления не отвергающая.
Радуйся, от пагубнаго безволия их исхищающая.
Радуйся, святая мати, богоносная королево Олдрие, мир о Дусе Святе в сердца наши вселяющая !

Кондак 6
Проповедница Евангелия не токмо словесы, но и житием своим пказалася, подобящеся апостолом Христовым, святая королево. Сего ради увенча тя Христос Господь венцем славы, да царствуеши с Ним вечно в обителех Райских. О преблаженная чудотворице Олдрие, моли Христа Спаса, да не лишит и нас небеснаго наследия, радостно взывающих Ему о тебе: Аллилуия!

Икос 6 Возсия всей земной державе твоей из богоспасаемаго града Йорка просвещение совершенных твоих добродетелей, благоверная королево Олдрие. Ты бо, яко облаку светла и росоносна явилася еси, иссохшия сердца оживляющая и плоды добродетелей приносити помогающая всем воспевающим ти таковая:
Радуйся, зависть, клевету, ревность и злопамятство истребляющая.
Радуйся, от греховных чувств отрезвляющая.
Радуйся, искушения и соблазны от нас прогоняющая.
Радуйся, к покаянию и исправлению подвизающая.
Радуйся, к трезвению и молитве приводящая.
Радуйся, блаженство духа тем уготовляющая.
Радуйся, святая мати, богоносная королево Олдрие, мир о Дусе Святе в сердца наши вселяющая !

Кондак 7
Хотяй спасения нашего Господь через апостола Иакова рече: иже аще обратит грешника от пути его нечестиваго, спасет душу и покрыет множество грехов. Ты же, преподобная королева, сия памятующе, с любовию приимала еси к тебе притекающих, и с ними усердная моления возсылала еси, научая их со искренним умилением духа пети: Аллилуйя!

Икос 7
Обновити человека по образу Создавшего его возжелала еси, святая королево Олдрие, сего ради усилено подвизалася в молитве за народ от Бога ти врученный, да во всех людех и житии их изобразится Христос Бог. Сего ради благодарственно вопием ти:
Радуйся, ропщущих на промысл Божий с тяготами жизни примирение.
Радуйся, неимущим работы и крова скорое и преславное поможение.
Радуйся, путешествующим благополучное к дому возвращение.
Радуйся, заблудших в пути к жилищу приведение.
Радуйся, сердца злых людей, враждующих противу нас, смягчающая.
Радуйся, братолюбием и ревностию о спасении ближнего ущедряющая
Радуйся, святая мати, богоносная королево Олдрие, мир о Дусе Святе в сердца наши вселяющая;

Кондак 8
Странствия земныя совершая, на Всемудраго Творца выну и неизменно уповала еси, богомудрая Олдрие, и любовию велию к Нему подвизаемая, оставила еси служение земному царствию твоему наследником твоим, желая же Царствие небесное стяжати, и сего ради во обители Калдинхэмстей иноческыя обеты Господеви принесла еси, вопиюще Ему: Аллилуйя!

Икос 8
Вся еси любовь неоскудевающая и подвига зерцало нетускнеющее была еси, преподобная мати Олдрие. Видяще же ревностное по Бозе , яко непрестанно в трудех и пощении подвизалася еси, яко бодренным оком ума твоего в зрении невидимого Бога пребывала еси, благочестивии же людие, видяще в тебе добрую наставницу, с радостию притекаху к тебе и велие утешение и ослабу в скорбех своих по молитве твоей приимаху. Мы же, прославляя Господа, давшаго ти таковую благодать, приносим тебе сицевая
Радуйся, благочестивых отрадо и утешение:
Радуйся, колеблющихся в вере твердое ограждение;
Радуйся, отчаявающихся утверждаяй во уповании:
Радуйся, необуреваемое пристанище житейскаго плавания.
Радуйся, горняго мира украшение.
Радуйся, дольняго мира ограждение.
Радуйся, святая мати, богоносная королево Олдрие, мир о Дусе Святе в сердца наши вселяющая;

Кондак 9
Всякой душей скорбящей помощи желая, преподобная мати Олдрие, покров странником создала еси, егда обитель Элийскую основала еси ко утешению и спасению к тебе собравшихся, и тамо в трудех преусердных, воздержании велием, постничестве, молитве и созерцании всеурсердно подвизалася еси, взывая Господеви «к кому прибегну в горести моей или к кому припаду в печали моей, разве не к Тебе, Царю Небесный», и славила еси Троицу Живоначальную песнию: Аллилуйя!

Икос 9
Витийствующий язык не возможет достойне и справедливе изрещи и воспети всю полноту богоугоднаго жития твоего, ты бо зову Господню внимая, плоды сладкоуханными Церковь обвеселила еси, и ныне жаждущая сердца, росою орошаеши духовною. Сего же ради просим тя: озари души наши благодатию Христовой и утверди сердца наши по Боге горети и приими величания сия:
Радуйся, молитвою сердце свое освятившая;
Радуйся, алкавшая и жаждавшая правды, яко ныне насыщаешися;
Радуйся, во всецелое послушание Богу себе предавшая;
Радуйся, нищетою твоею Богу Сыну подражавшая;
Радуйся, чистоту твою Богу Духу Святому сохранившая;
Радуйся, во славе царственней Богу-Отцу предстоявшая;
Радуйся, святая мати, богоносная королево Олдрие, мир о Дусе Святе в сердца наши вселяющая!

Кондак 10
Спастительнаго подвига свершая течение, богославная Олдрие, душу твою украсила еси целомудрием, смирением, кротостию и прочими добродетельми (и прешедше поприще временныя жизни, венца неувядаемыя славы сподобилася еси). И ныне, предстояще престолу Господа славы, молися прилежно о чтущих память твою и вопиющих о тебе Богу: Аллилуиа!

Икос 10
Стена была еси человеком, к заступлению твоему прибегающим, прои житии твоем благоверная королево Олдрие,яко усердныя молттвы за людие твоя неустанно стоворяла и возносила еси. Темже и нам к тебе ныне приходящим и милостиваго твоего во всех нуждах заступления у Царя Небеснаго просящим, буди стена крепкая и ограждение непреоборимое, от всяких нас бед и напастей застеняя и ограждая, за еже мы вопием ти таковая:
Радуйся, спутнице незримая всем благовествующим;
Радуйся, укрепление чудное словесем их человеческим.
Радуйся, лукавых наветов отгнание;
Радуйся, простоты сердечныя благое венчание.
Радуйся, сомнения наша, яко прах развевающая.
Радуйся, во уныние падших нас ободряющая.
Радуйся, святая мати, богоносная королево Олдрие, мир о Дусе Святе в сердца наши вселяющая!

Кондак 11
Пение акафистное возносим ти, богоблаженная Олдрие, ты бо всякаго христианина, молящего тебе, утешаеши и отраду небесную нечаянно даруеши; сице молим убо тя: помози всем нам в тяготах земнаго жития нашего; скорби утоли, заботы разреши; в радости и благоденствии же подвигни за вся благодарити Преблагаго Творца нашего, да сподобимся мы купно с тобою в долине вечной славы пети Ему: Аллилуйя!

Икос 11
Свет незаходимый и сияние Божественныя славы неугасаемое узрети сподобилася еси, богоблаженная Олдрие, егда по кончине твоей вознесена была еси душою на небеса; ныне же во славе непреходящей предстоиши в соборе монархов праведных и жен преподобных престолу Божественнаго Искупителя нашего и Его милосердие приклоняеши ко всем, взывающим ти сице:
Радуйся, яко от напрасныя смерти верныя исхищающая;
Радуйся, яко предсмертнаго напуствия святых таин сподобляеши;
Радуйся, яко покаянием ко исходу от сея жизни ны предуготовляеши;
Радуйся, яко от страха смертнаго нас исцеляеши;
Радуйся, посмертныя испытания проити нам помогаеши;
Радуйся, яко Господа Христа о спасении нашем присно умоляеши;
Радуйся, святая мати, богоносная королево Олдрие, мир о Дусе Святе в сердца наши вселяющая;

Кондак 12
Благодать, врачующую язвы греховныя наша и освящающую все естество наше, испроси нам у Всещедраго и Многомилостиваго Бога, святая королево Олдрие, и простри руку помощи нам, слабовольным и колеблемых, да не погибнем во гресех и обстояниех лютых, находящих на ны от враг видимых и невидимых; богоприятныма молитвами твоима умиротвори наша сердца, злобою и враждою наполненныя, да прияв от Всемогущего Врача душ и телес наших исцеление духовное, воспоем Ему о тебе: Аллилуйя!

Икос 12
Поюще Богоугодное житие твое, благодеяний исполнено, преподобная Олдрие, и величая тебе за славныя милости твоя и помощь твою прехвальную восхвалити желая, благодaрным сердцем, любовию движимым, ублажaем твою святыню, и пaмять твою светло прaзднующе, рaдостию зовeм ти:
Радуйся, к свету истины прельщенныя обращающая.
Радуйся, страх Божий в сердца вселяющая.
Радуйся, благоговети пред святыней научающая.
Радуйся, ревностию ко спасению воодушевляющая.
Радуйся, духовное нечувствие в нас подавляющая.
Радуйся, во всяких нам нуждах и обстояниях помогающая.
Радуйся, святая мати, богоносная королево Олдрие, мир о Дусе Святе в сердца наши вселяющая!

Кондак 13
О, святая преподобная богоносная мати, благоверная королево Олдрие, приими милостивно приносимыя тебе моления наша и предстательством твоим пред Царем царствующим, Господом и Спасителем Нашем, избави нас от всякия скорби и печали в веце сем и грядущем, в богообщении укрепи ны, и сподоби ны с тобою купно во веки воспевати Иисусу Сладчайшему: Аллилуйя!

Автор акафиста Евгений Владимирович Храповицкий

Житие св. Этельдреды Элийской (взято с http://drevo-info.ru/articles/6284.html)
Этельдреда Элийская, (+679), королева Нортумбрийская, игумения монастыря в Эли.
Память 23 июня.

Родилась в Экснинге (Exning), что в Саффолке (Suffolk), Англия.
Для своих друзей и семьи эта когда-то всем известная святая женщина из англо-саксов была Этельдредой. Для бедного люда она была Одри (Audry), и английское слово "мишура" произошло из-за ожерелий, которые столь хорошо продавались на базаре во время праздников святой Одри и которые, во что верили, были в состоянии вылечивать болезни шеи и горла. Это было потому, что Этельдреда, должно быть, страдала от рака шеи, что предписывают Божиему наказанию за то, что было тщеславием носить днем богатое ожерелье. У нее была огромная опухоль на шеи, когда она отошла ко Господу, но, согласно святому Беде Достопочтенному, когда ее святая сестра Сексбурга (Sexburge) заставила вскрыть её могилу, то тело обрели неповреждённым, а опухоль исцелённой.

Этельдреда была дочерью Анны, короля Восточных Англов, и сестрой святых Сексбурги, Этельбурги (Ethelburge), Ерконвальда (Erconwald) и Витбурги (Withburge). Со своей молодости она посвятила себя служению Богу, чистоте и скромности. Хотя казалось, что она призвана к монашеской жизни, дважды она сочеталась браком.

В возрасте 14 лет Этельдреда сочеталась браком с Тонбертом (Tonbert). Тонберт был столь же набожен как она, и был счастлив, что они могли жить в воздержании. Потом трёх или пяти лет совместной жизни Тонберт отошёл ко Господу.

В течение некоторого времени она вела одинокую жизнь на острове Эли (Ely), который был частью её приданого, но из государственных интересов она сочеталась браком снова. Ее второй муж, Эгфрид (Egfrid), сын Осви Нортумбрийского в ту пору был еще еще ребенком. Этельдреда, будучи сама ещё молодой, относилась к нему как к сыну или брату, скорее чем как к супругу. Она ему преподавала катехизис и руководила его духовным воспитанием, пытаясь его подготовить к тому, чтобы принять брак с воздержанием.

Но после 12 лет отношений Эгфрид, ставший взрослым, восхотел, чтобы она была его женой по существу, а не по названию. Этот встревожило Этельдреду, которая обратилась тогда за советом к святому архиепископу Вильфриду Йоркскому. Он ее освободил от брака и посоветовал возвратиться в монастырь в Калдинхэм (Coldingham). Наконец, она смогла выполнить желания своего сердца. Она приняла там постриг под окормлением святой Эббы (Ebba). В начале Эгфрид пытался убедить Вильфрида приказать его жене возвратиться к нему, но безуспешно. В 672 году она основала смешаной монастырь, где находится в настоящее время собор Эли. Она им управляла как игумения. Эгфрид послал военных в Эли, чтобы попытаться вынудить её ввернуться, но не достиг успеха.

Основав Эли, Этельдреда прекратила носить тонкие льняные одежды и не одевалась больше ни во что, кроме шерстяных одежд. При этом, кроме как на Пасху, Троицу и на Крещение, она мылась только в холодной воде. За исключением тех дней, когда она была больна, и больших церковных праздников она довольствовалась одним приемом пищи в день. Она молилась за тех, кто не желал больше молиться, и заботилась часто о церкви с полуночи до рассвета. Через семь лет после основания монастыря Эли она умерла от чумы.

Святой Беда Достопочтенный написал длинный гимн в похвалу Этельдреде, которая, о чём свидетельствуют многочисленные церкви и календари, включающие её имя, была одной из наиболее почитаемых святых англо-саксонских жён. Этому она обязана отчасти безчисленным чудотворениям, происходившим по её заступничеству, которые сделало из Эли важное место паломничества.

Этельдреда считается покровительницей университета Кэмбриджа.