Кондак 1
Избранный страстотерпци и угодници Божии, оросивший землю Российскую честною своею кровию, во дни гонения безбожнаго души своя за веру во Христа положивший и венцем нетленныя славы от Него же украшеннии, восхваляем подвиги и страдания ваша, с любовию воспевающе вам сице таковая:
Радуйтеся, святии Иоасафе и Петре - новомученици Российские, земли Бывалинския украшение.

Икос 1
Ангелов Творец и Господь во дни мятежа и нестроений велиих, охвативших Отечество наше, яви вас, святии мученици, яко твердых адамантов во исповедании веры Христовой , иже за Него потекоша на страдальческий подвиг. Приимите убо от нас хвалебное пение сие:
Радуйтеся, во дни гонения безбожнаго твердии исповедници православный веры явивший;
Радуйтеся, благая мира сего ни во что же вменивший ;
Радуйтеся, крест свой до конца понесший;
Радуйтеся, муками и страданиями любовь ко Христу показавший;
Радуйтеся, кровь свою за Него пролиявшии;
Радуйтеся, от Христа венцами нетленными украшеннии;
Радуйтеся, на небеси с Ангелами Трисвятую песнь воспевающий;
Радуйтеся, на земли в сонме святых прославленнии;
Радуйтеся, святии Иоасафе и Петре - новомученици Российские, земли Бывалинския украшение.

Кондак 2
Виде Сердцеведец Господь Бог, яко ты, отче Иоасафе, суету мира сего презревшый и показавый свое усердие во иноческом житии, преисполнился Духа Святаго, дабы непрестанно вопити Ему: Аллилуйя.

Икос 2
Разум небесный свыше тебе даровася, отче Иоасафе, имже предрекаше вся грядущая, яко настоящая, дабы укрепляти словесы Богомудрыми паству свою во дни гонений, лихолетию же бывшу. Укрепи убо и нас, священномучениче, припадающих тебе, да восхвалим тя сипе:
Радуйся, во Екатерининской пустыни начала духовнаго жития стяжавый, в ней же ангельский образ приемый;
Радуйся, обители Гуслицкой рачительный экономе;
Радуйся, паству храма святаго Никиты от прельщения еретическаго спасавый;
Радуйся, в земли Павлово- Посадстей, вкупе с праведным Василием просиявый;
Радуйся, Царице Небесной неленостно послуживый;
Радуйся, ревности по Бозеподвиги твоими Пророку Илии подражавый;
Радуйся, благими деяниями святаго Никиту прославивый;
Радуйся, взором ясным вся грядущая предзревый;
Радуйтеся, святии Иоасафе и Петре - новомученици Российские, земли Бывалинския украшение.

Кондак 3
Силою свыше облече тя Дух Святый, отче Петре, поставивый пастырем церкве святаго великомученика Никиты, да ведеши паству свою спасительным путем, непрестанно вопия вкупе с нею: Аллилуйя.

Икос 3
Имея неусыпное попечение о вверенных тебе чадех, не преставал еси наставляти их ко душеспасительней жизни словесем и делем, проповедуй смирение и покаяние, и твердости веры научай. Сего ради приими от нас достойные похвалы тебе сицевыя:
Радуйся, на рамена своя крест монашескаго служения понесый
Радуйся, Иконою Казанския Божия Матери усердно почитавый;
Радуйся, чудотворной иконы святаго великомученика Никиты усердный почитателю;
Радуйся, пророка Божия Илии ублажителю;
Радуйся, страху Божию паству свою научивый;
Радуйся, данный тебе талант монашескаго делания приумноживый;
Радуйся, путь ко спасению пастве своей показавый;
Радуйся, любовию к ближним пламеневый;
Радуйтеся, святии Иоасафе и Петре - новомученици Российские, земли Бывалинския украшение.

Кондак 4
Буря мятежа безбожнаго объял и паству Вашу, во мрак греховный погружаю щи и от Истиннаго Господа отвращающи, святии священномученици, зело скорбя, молили Создателя всех о вразумлении заблуждших, да и тии поют Ему вкупе с вами : Аллилуйя.

Икос 4
Слышаще и видяще, яко богопротивная входит в данное вам Господом стадо, внушали есте чадем Христовой Церкви превозмогающи искушения да не оставляти православной веры, упование свое возложивши на Господа. Мы же за таковое попечение о чадех ваших, вопием вам сице:
Радуйтеся, пастырие добрии, души своя за словесных овец своих положити готовии;
Радуйтеся, о потерянных овцех скорбевшыи;
Радуйтеся, о возвращении их во едино стадо Господа Бога нашего молившыи;
Радуйтеся, веру Христову безбоязненно проповедавшыи;
Радуйтеся, о неоскудении веры во чадех своих ко Христу взывавшие;
Радуйтеся, твердость в вере им же у Господа просившии;
Радуйтеся, долг свой пастырский ревностно исполнявшии;
Радуйтеся, образами истиннаго служения Христу явившиеся;
Радуйтеся, святии Иоасафе и Петре - новомученици Российские, земли Бывалинския украшение.

Кондак 5
Боготочную кровь Господа нашего Иисуса Христа, за нас грешных, пролиянную, созерцай духовными очесема своима не убоялися есте, святии Иоасафе и Петре, егда безбожными мучители , неправосудному наущению бывшу в темницу ввержени, насмеяния и уничижения претерпевшие не переставали есте и там пети Богу: Аллилуйя.

Икос 5
Видевши, яко блага мира сего преходяща и тленна суть, потщилися есте, да взыскали бясте нетленное претерпение мук лютых за веру православную, зане сподоби вас Господь Вседержитель предстоясте в славе вечней вкупе со ангелы и всеми святыми у Престола Своего. Не оставите и нас, святии мученицы , память вашу совершающих и вопиющих вам таковая:
Радуйтеся, единовременно во узы темничные заключенный;
Радуйтеся, чад неверных измену простившыи;
Радуйтеся, хулы и поношения Богоотрекшейся толпы кротко несшии;
Радуйтеся, бесовскою злобою гонителей веры Христовой опаленныи;
Радуйтеся, на твердом камени заповедей Христовых утвердившыися;
Радуйтеся, верностию воле Божией мучителей удивившии;
Радуйтеся, злословящих вас благословившие;
Радуйтеся, на Христа, яко на Помощника и Защитника непрестанно уповавшие;
Радуйтеся святии Иоасафе и Петре - новомученици Российские, земли Бывалинския украшение.

Кондак 6
Прославляют вернии чада подвизи твои , святый мучениче Иоасафе, на него же воздвигл еси враг спасения брань лютую, дабы отлучися от Христа Спасителя. Ты же, презревьш вся скорогибнущая мира сего претерпе до конца страдания, и в небесный вертоград вниде, и до днесь радостно поющь: Аллилуйя.

Икос 6
Возсиял еси светом неизреченныя славы небесныя, отче Иоасафе, егда кончиной мученической победи супостата своего и взыде во обители дома Отца Небеснаго. И ныне тамо торжествуй, поминай выну и нас, тебе со умилением зовущих:
Радуйся, в покои Господа Иисуса Христа вшедый;
Радуйся, срашныя страдания до конца претерпевый;
Радуйся, не убоявшийся убивающих тело, душу же свою не погубивший;
Радуйся, пренесением мук лютых тленная на нетленная пременивый;
Радуйся, истину Божию безбоязненно пред мучительми вещавый;
Радуйся, крест Христов всем сердцем и всею душею прицявшие
Радуйся, на небеса со славою возшедый;
Радуйся, благодать велию от Господа получивый;
Радуйтеся, святии Иоасафе и Петре - новомученици Российские, земли Бывалинския украшение.

Кондак 7
Хотевый подражати Агнцу Божию, вся скорби и страдания безропотно претерпел еси, святый мучениче Петре и, принимавый мученичестии страдания за веру в Господа нашего Иисуса Христа, воспевая ему: Аллилуйя.

Икос 7
Нова тя показа Господь угодника, святый мучениче Петре , егда потщался еси войти, тесным и прискорбным путем в жизнь вечную, презревый вся злопыхания Богопротивная с кротостью и смирением своих мучителей взыде на заклание, благодатию Христовою укрепляемый. Мы же тобою ко духовному подвигу наставляеми, ублажаем тя:
Радуйся, любовь ко Господу кровию своею запечатлевшый;
Радуйся, никаких мук за Христа не убоявыйся ;
Радуйся, доблий воине Христов, верность ко Владыце до Смерти сохранивый;
Радуйся, хулителей Имене Господне твердостию веры удививый;
Радуйся, на Бога, яко на Помощника и Защитника уповавый;
Радуйся, временною смертию в жизнь вечную пришедый;
Радуйся, победную песнь на Небеси воспевающий;
Радуйся, ангелами пресветлыми окруженный;
Радуйтеся, святии Иоасафе и Петре - новомученики Российские, земли Бывалинския украшение.

Кондак 8
Странниками и пришельцами в жизни сей себя помышлявшие, не хотели , святии мученицы Иоасафе и Петре от истинной веры отступите и земная, паче небеснаго возлюбити. Убо и страдания лютая за Христа претерпели есте, на Небесех Отечество себе взыскали есте, и ныне тамо победную песнь Богу радостно воспевающи: Аллилуйя.

Икос 8
Все сердца своя ярости наполняще, беззаконные мучители ваши изобретаху новая для вас мучения, хотя отвратити от Христа Нашего. Вы же бестрепетно пренесосте страшные муки, и яко злато в горниле искушений явистеся. Мы же восхваляем страдания ваша, взывающий вам сице таковая:
Радуйтеся, в мучениих дух терпения стяжавшыи;
Радуйтеся, ни скорбию, ни муками, ни страданием от Христа не отлучившиеся;
Радуйтеся, ни во что же злобу мучителей вменивший;
Радуйтеся, их же злопыхания отвергзии;
Радуйтеся, Именем Христовым лютость мучителей победившыи;
Радуйтеся, молитвы ко Господу и во заключении творившыи;
Радуйтеся, волю свою воле Отца Небеснаго покорившыи;
Радуйтеся, мученичестей кончиною своею торжество православный веры возвеличившыи;
Радуйтеся, святии Иоасафе и Петре - новомученици Российские, земли Бывалинския украшение.

Кондак 9
Вся помыслы своя к Богу возвели есте, святии Иоасафе и Петре, егда от гонителей веры Христовыя терпившие оскорбления, надругания, заушения и биения, молившие Его о даровании вам терпения в муках. Мы же , воспевающе сия, вопием Богу: Аллилуйя.

Икос 9
Ветии многовещавшие не возмогли быша воспети достойно подвизи и мучения ваша , яко и вам бывым немощным телесема вашыми, во время суровых испытаний веры православной душею твердее адаманта явилися есте. Мы же , ублажая доблести ваша умиленно вопием :
Радуйтеся, в годину безбожных гонений воинами веры православныя явившиеся;
Радуйтеся, муками своими миродержателя века сего победившие;
Радуйтеся, прелесть бесовскую обличившие;
Радуйтеся, хулителей Имени Господня посрамившие;
Радуйтеся, на себе изображение страстей Христовых явившие;
Радуйтеся, лютых мучителей свирепства неубоявшиеся;
Радуйтеся, в скорбех и напастех к стопам Царицы Небесныя припадавшие;
Радуйтеся, от святаго великомученика Никиты силу добропобедную приявшие;
Радуйтеся, святии Иоасафе и Петре - новомученици Российские, земли Бывалинския украшение.

Кондак 10
Спасения и вечного покоя достигли есте , святии Иоасафе и Петре, егда претерпесте за верность Богу мучения страшная. Мы же чтя святую память вашу, молим, да избавите нас от бед лютых, напастей, искушений и скорбей, да поем с вами Богу во веки: Аллилуйя.

Икос 10
Стеною твердою явилися есте, святии Иоасафе и Петре, егда беззаконные мучители глаголаша о казни вашей. Вы же, готовии жизнь свою за Христа положити, безбоязненно проидоша ко венцу земнаго бытия своего. Мы же, поминающии и ублажающии страдания ваша, усердно вопием вам:
Радуйтеся, неправедный приговор с кротостию приявшие;
Радуйтеся, во узилище смрад и тесноту претерпевшие;
Радуйтеся, глад и мраз лютый пред казнию мужественно пренесыи;
Радуйтеся, обреченных с вами на казнь словесы своими ободрявшие;
Радуйтеся, во страдании вашем венцы нетленныя стяжавшие;
Радуйтеся, аки агнци кротции кровию своею землю Бутовстию омочившие;
Радуйтеся, мощи своя на мощи других новомучеников положившие;
Радуйтеся, своею мученичестию кончиною землю Бывалинстию-прославившие;
Радуйтеся, святии Иоасафе и Петре - новомученици Российские, земли Бывалинския украшение.

Кондак 11
Пение непрестанное ко Пресвятей Троице возносивый, Собор Архиереев православныя Церкве Русския, благодати Духа Святаго содействующи, прославил еси вас в лице святых новомучеников и исповедников Российских, досточтимые отцы наши Иоасафе и Петре. Мы же благодарнии Господеви за таковую милость к нам, чадем сих отцев святых сущих, выну зовем Ему: Аллилуйя.

Икос 11
Светозарнии дни прославления вашего во Храме Христа Спасителя, возсияли вы есте, яко светильницы зело приукрашенные, разогнасте мрак бесовских поучений и козней диавольских, заполонивых землю Русскую. Тем же мы, яко молитвенникам о нас теплым, вопием вам:
Радуйтеся, в сонме мучеников Христовых вечный покой и блаженство стяжавшие;
Радуйтеся, земли нашея молитвенные пред Богом предстатели;
Радуйтеся, промыслом Божиим к небесней славе представленнии;
Радуйтеся, избрание ваше подвигом мученическим оправдавшие;
Радуйтеся, от земных скорбей пришедыи к покою небесному;
Радуйтеся, обетованнаго Искупителя лицем к лицу узревшие;
Радуйтеся, возвеличившие Его во житии и страданиях ваших;
Радуйтеся, к Царству Небесному узким путем восшествовавшие;
Радуйтеся, святии Иоасафе и Петре - новомученици Российские, земли Бывалинския украшение.

Кондак 12
Благодать дана еси вам свыше, святии мученици, направите ко спасению и сохраните от бед чтущих память вашу и прибегающих к воскрилиям вашим. Сего ради святыми молитвами оградите от всякаго зла верных чад ваших и страну нашу Российскую, да воспоим все Богу: Аллилуйя.

Икос 12
Поюще прославление ваше, ублажаем мученическую кончину, восхваляем священную память вашу, благодарим Господа всех, яко даровал еси нам многомощных ходатаев и молитвенников о душах наших, и с любовию возглашаем сице:
Радуйтеся, скороспешные покровителие наши ;
Радуйтеся, усердных своих почитателей от бед и напастей отводящие;
Радуйтеся, жития нашего многогрешнаго исправители;
Радуйтеся, от заблуждений духовных целителие;
Радуйтеся, страстями века сего души израненныя омывающие;
Радуйтеся, многотрудному житию монашескому нас научающие;
Радуйтеся, во трудах церковнех споспешници наши;
Радуйтеся, в благочестии и трезвомыслии нас утвердждающие;
Радуйтеся, святии Иоасафе и Петре - новомученици Российские, земли Бывалинския украшение.

Кондак 13
О, предивные мученицы Христовы Иоасафе и Петре! Приимите от чтущих вас и, призывающих имена ваши святые малое акафистное пение сие, избавите нас своим предстательством пред престолом Вседержителя от всех скорбных обстояний, недугов душевных и телесных, лукавых искушений, вечныя измите муки и наследниками Царствия Небеснаго соделайте, да во веки поем Богу: Аллилуйя.

Молитва
О святии отцы, добрии пастыри наши, Иоасафе и Петре, вы в житии своем земном явилися ревностными хранителями и исповедниками веры православной. За нее же и мученическую кончину прияли есте. И ныне, в покой Небесного Царствия вшедше, имате велие дерзновение ко Пресвятей Троице ходатайствовать о нас, недостойных и грешных чадех ваших.
Услышите нас, отцы святии, и помозите нам в век сей лукавый веру Христову незыблему соблюсти. Подайте родителям мудрость в воспитании чад своих в любви, смирении, кротости, целомудрии и уберегите их от от всех натисков бесовских, дабы и они могли противостоять духу коварства, зла и безбожия и своей благочестивой жизнью послужили святому делу возрождения Земли Русской из мрака неверия и смуты. Да вашими молитвами и предстательством охраняемии единым сердцем и едиными устами воспоем и прославим Всесвятое Имя Отца и Сына и Святаго Духа во веки веков. Аминь.

Молитва
О, святии отцы наши, Иоасафе и Петре, призрите с высот Небесных на нас, грешных и недостойных чад ваших и помогите и нам достойно временное житие прожити и скончати: отгоните страсти мира сего лукаваго; да не отвратят нас от пути спасения ни козни вражие, ни прелести бесовские; направьте стопы наши на стезю правой веры; будьте нам поддержкой в бедах и напастях; подайте терпение в скорбях и обстояниих; научите покаянию; любви к ближним; прощению - к обидящим. Ведуще убо вас и по смерти живыми суща, припадаем к вам и молимся: испросите у Господа Бога нашего , отцы святии, даровати нам все полезная для спасения душ наших; христианскую непостыдную кончину, да вашей помощию непреткновенно прейти воздушные мытарства и в день страшного пришествия Своего от шуия стояния избавити и вместе с вами наследниками Небесного Царствия сотворити. Ему же подобает всякая слава, честь и поклонение со Безначальным Его Отцем и Святым Духом, ныне и присно и во веки веков. Аминь.

Тропарь, глас 5
Новомученики Твоя, Господи, Иоасафе и Петре,/ житием монашеским подвизавшиеся, / во дни гонения безбожнаго жизнь свою за веру православную и Слово Божие положившая ,/ и кровьми своими верность Тебе показавншя/ и землю Бывалинскую освятившия/ тех молитвами,/ яко Многомилостив, спаси души наша.

Кондак, глас 3
Днесь вы предстоите пред Престолом Божия,/ победную песнь воспевая, и светом истинной веры просвещая,/ и Заступницу Усердную восхваляя / Иоасафе и Петре,/ молите Христа Бога,/ спастися душам нашим.

Редакция Е. В. Храповицкого