Кондак 1
Избранный наставниче и кроткий воине Христов, Православней веры ревнителю и земли российстей просветителю, во святом крещении Романом нареченный, в иночество пред кончиною с именем Иосиф благословенный, величающе прославльшаго тя Господа, воспеваем ти похвальная. Ты же от юности протоиереем Иоанном Кронштадтским окормленный, от всяких нас бед свободи зовущих:
Радуйся, священноисповедниче Романе, крест страданий в заточении во спасение наше претерпевый.

Икос 1
Ангелов Творец посла тя, отче Романе, земли российстей, яко ангела незлобия, заблуждшему народу на вразумление, ищущий Господа в просвещение, жаждущим спасения в молитвенное попечение. Тя бо избра Господь на страдания безвинныя за грехи людския. Мы же, дивящеся таковому о тебе промышлению Вседержителя, покаянно зовем ти:
Радуйся, Третьего Рима украшение,
Радуйся, образе кротости и смирения.
Радуйся, пред Господем наше попечение,
Радуйся, грехов спасительное покрытие и очищение.
Радуйся, пострадавый Христа ради, новому Израилю в благословение,
Радуйся, воине Бога Правды в битве за наше спасение.
Радуйся, земная и мимотекущая ни во что же вмени-вый,
Радуйся, мужественно иго Божие на себе возложивый.
Радуйся, священноисповедниче Романе, крест страданий в заточении во спасение наше претерпевый.

Кондак 2
Видящи Всеблагая Богомати во уделе Своем страну нашу мерзостию растления оскверняему, избра тя, отче Романе, Руси во очищение, пастырем Церкви богоизбранного народа во окормление, да покрываемии святыми молитвами твоими с надеждею вопием Богу: Аллилуиа.

Икос 2
В Холмской семинарии у Бога прославленного в грядущем веце Патриарха Тихона боговедение твое Господь укрепил еси, святче Божий, и в Академии духовней протоиерея Иоанна Кронштадтскаго в духовные отцы тебе Он же благословил еси. Мы же, грехи и беззакония наша поминающе, с трепетом сердечным и сокрушением душевным вопием ти сице:
Радуйся, ревнителю благочестия богоизбранный,
Радуйся, светильниче во дни русской смуты отрадный.
Радуйся, идеалов христианскаго братства защитителю,
Радуйся, духовных подмен ревностный обличителю.
Радуйся, служение во святем алтаре камнем духовным провозгласивый,
Радуйся, безкровную жертву за народ Божий неустанно к Небу возносивый.
Радуйся, Богом дарованный талант приумноживый.
Радуйся, в радость Господа твоего вшедый.
Радуйся, священноисповедниче Романе, крест страданий в заточении во спасение наше претерпевый.

Кондак 3
Сила Вышняго пастырское служение твое воистину определила еси, по немощи телесней в Севастополь град настоятелем Свято-Владимирскаго адмиралтейскаго собора и благочинным береговых команд флота русскаго в дни смуты великой тя Господь привел еси. Мы же, видяще попечения Божия сия, со слезами вопием Ему: Аллилуиа.

Икос 3
Имея тщание о вразумлении заблудших, отче Романе, яко пастырю добрый, покаянию и смирению нас научаеши, токи благодатнаго укрепления по молитвам святым в сие трудное время нам источаеши, подобно духовному пробуждению восставших матросов линкора «Святой Иоанн Златоуст» нас, растерявших сокровища веры Святой Руси, к покаянию призываеши. Сего ради поем Богу:
Радуйся, пастырю Христова стада верный,
Радуйся, хранителю благодати Духа добропобедный.
Радуйся, страсти погашать смирением и покаянием научавый,
Радуйся, на Господа во всех гонениях надежду возлагавый.
Радуйся, молитвенное дерзновение в чистоте веры обретый.
Радуйся, возвращению в лоно Церкви, к таинствам Христовым народ Божий призываеши.
Радуйся, сладостями духовными нас насыщаеши,
Радуйся, от печалей мира сего отвращаеши.
Радуйся, священноисповедниче Романе, крест страданий в заточении во спасение наше претерпевый.

Кондак 4
Бури безумия и злоречия не убоялся еси, отче Романе, благословение Патриарха Тихона проповедывать во граде Москве получил еси, общину храма Василия Блаженнаго по расстреле настоятеля без колебаний в окормление приял еси. Тако благодатию Божиею восходил еси от силы в силу, поя Богу: Аллилуиа.

Икос 4
Видя державы Российския нестроения и стада Христова кровавое гонение, молился еси непрестаяй, да спасет всеблагая Мати Царице Богородице страну нашу православную, да дарует Господь народу дух покаяния, силу державную. Сего ради вопием ти:
Радуйся, чистый источниче Божия вдохновения,
Радуйся, земли московския духовное окормление.
Радуйся, проповедь и наставления и в смуту не оставлявый,
Радуйся, небесным благовестием сердца терзаемой согревавый.
Радуйся, у раки Василия Блаженнаго молитвы о народе нашем со слезами возносивый,
Радуйся, железные вериги святаго в проповедях зривый.
Радуйся, злоречивых уст заградителю.
Радуйся, безбожнаго жития обличителю,
Радуйся, священноисповедниче Романе, крест страданий в заточении во спасение наше претерпевый.

Кондак 5
Боготечная звезда, пастве в гонении сущим явился еси, святче Божий, во единое словестное стадо Христово собираяй и людей, гибнущих в безумии греха, на путь спасения наставляяй. Мы же, верою узревши путь несения креста, путь спасения, путь Христа, с радостию вопием ти: Аллилуиа.

Икос 5
Видевши московскии людие великаго тя благочестия защитника, отче Романе, во множестве к тебе в братство ревнителей Православия притекаху. Тем же мы вси, таковому твоему боголюбию дивящеся, вопием ти:
Радуйся, подвижниче богопрославленный и дивный,
Радуйся, пастырю, врагом рода человеческаго гонимый.
Радуйся, от теплохладности многих отвративый,
Радуйся, к чистоте духовней и к преданности вере призывавый.
Радуйся, о любви Христовой пред залитым кровию отечеством вещавый,
Радуйся, о соблюдении заповедей Закона Божия говорити не устававый.
Радуйся, щите, от напастей ограждение,
Радуйся, жезле, падающих подкрепление.
Радуйся, священноисповедниче Романе, крест страданий в заточении во спасение наше претерпевый.

Кондак 6
Решительное покаяние за всю жизнь и личное обращение ко Христу Спасителю проповедал еси, отче Романе, народ Божий в лоно Церкви возвращал еси, научаяй тем люди Твоя благодарственно пети Богу: Аллилуиа.

Икос 6
Воссиял еси светом истины земли первопрестольнаго града Москвы заступление православному народу молитвами явивый, исповедию, чтением канонов, пением церковным, звоном колокольным к жизни во Христе многих пробудивый. Сего ради воспеваем ти таковая:
Радуйся, свете от Востока исшедый,
Радуйся, чистоты и дерзновения в молитве хранителю умелый.
Радуйся, благочестия христианскаго попечителю,
Радуйся, грехов наших пред Богом искупителю.
Радуйся, ангельскую кротость в чадех насадивый,
Радуйся, в сан духовный достойных благословивый.
Радуйся, врачу наш скорый и благодатный,
Радуйся, в вере нашей помощниче славный,
Радуйся, священноисповедниче Романе, крест страданий в заточении во спасение наше претерпевый.

Кондак 7
Хотяй веру Православную на земли русския в чистоте утвердити, болезни как Крест Христов в трудах превозмогал еси и о пище духовней для чад своих неотступно попечение имел еси. Мы же, обряще вразумления сия благодарно со слезами вопием Богу: Аллилуиа.

Икос 7
Видяще тя избранника Божия, неизменно притекали к тебе духовныя чада, Господа прославляяй и тем богоборцев прогневляяй. Скорое гонение на братство дивеевская блаженная старице Мария открыла еси тебе. Мы же все труды твоя поминающе, непрестанно воспеваем ти сицевая:
Радуйся, православных братств окормление,
Радуйся, всем гонимым отрадное утешение.
Радуйся, пострижение в монашество многих благословивый,
Радуйся, от богоборцев тайное их к Богу восхождение скрывавый.
Радуйся, просвещения духовнаго устроителю,
Радуйся, сознательного внесения Креста Христова учителю.
Радуйся, правды Божия учения блюстителю,
Радуйся, бесов от человек прогонителю.
Радуйся, священноисповедниче Романе, крест страданий в заточении во спасение наше претерпевый.

Кондак 8
Божию милость видим на тебе, отче Романе, десницею Всевышняго многажды спасаемый смиренно лжесвидетельство понесл еси и тем пред Богом Христом на небе прославляемый. Кто возможет, святче Божий, понести болезни и борения твоя, яже потерпел еси Господеви поя: Аллилуиа.

Икос 8
Весь всем христианом заступник явился еси со святыми в земли российстей просиявших, подвизем своим прощения нам грешным и окаменевшим сердцем испросил еси, на похвалу подвизая пети тебе:
Радуйся, защитниче, безвинно в тюрьмах заточенных,
Радуйся, учителю за правду и веру Православную на страдания обреченных.
Радуйся, черноморских моряков в смутное время духовное окормление,
Радуйся, и поныне флота русскаго ограждение.
Радуйся, венец священноисповедника Христова обретый,
Радуйся, в заточении суровом к дивному смирению пришедый.
Радуйся, источниче, жажду ведения Бога утоляеши,
Радуйся, сердца наша от многозаботливости очищаеши.
Радуйся, священноисповедниче Романе, крест страданий в заточении во спасение наше претерпевый.

Кондак 9
Всякое естество ангельское удивися промыслу милосердия Твоего, Боже наш, яко даровал еси нам толико славнаго заступника и благочестия ревнителя, мудраго наставника и о спасении душ наших пред Престолом Твоим, Господи, попечителя. Мы же, обряще сокровища сия, со слезами радости вопием Богу: Аллилуиа.

Икос 9
Всего себе Господу Богу предал еси, страстотерпче Христов, мир среди людей утверждаяй и вражии козни добром и любовию Христовой побеждаяй. Мы же, истинность боговещанного пророческаго речения зря, с радостию вопием ти:
Радуйся, ангельское и наше непрестанное удивление,
Радуйся, носителю Божиего прославления.
Радуйся, образе кротости и терпения,
Радуйся, гордыни сокрушение.
Радуйся, наша надежда и попечение,
Радуйся, грехов тяжких и отступлений от Бога умягчение.
Радуйся, встречу со Христом верным поныне уготовляеши,
Радуйся, в нощи отступления от Бога нас не оставляеши.
Радуйся, священноисповедниче Романе, крест страданий в заточении во спасение наше претерпевый.

Кондак 10
Спастися хотяй всем человеком, иже на крови мучеников и страданиях исповедников Своих Церковь основавый сердцеведец Христос, положи тя, отче Романе, в сонме святых во основание новыя храмины державы Российския, да вси в ней сущыя вопиют Богу: Аллилуиа.

Икос 10
Прибежище был еси всем к тебе с верою прибегающим, граду Москве ограждение, ересей грозное пресечение, чистоты Православней веры славное попечение. Мы же обетованное духовное возстание России в молитвах призываем и в покаянии вопием сице:
Радуйся, страданий крест с верою во спасение принявый,
Радуйся, врага рода человеческаго подвигом жизни своея поправый.
Радуйся, по милости Божией, даровавший нам мощи святыя свои во очищение,
Радуйся, храма Покрова Божией Матери на Таганке во граде Москве на Лыщиковой горе духовное украшение.
Радуйся, патриаршей паствы Москвы духовное укрепление,
Радуйся, православных людей в тревоге дней апостасии ограждение.
Радуйся, образе мытырева смирения,
Радуйся, кроткий лик небеснаго прозрения.
Радуйся, священноисповедниче Романе, крест страданий в заточении во спасение наше претерпевый.

Кондак 11
Пение благоуханное непрестанно Пресвятей Троице и Богородице возносяще, всеми помыслами и делами исповедником великим благочестия в стране Российстей в час суровый прибыл еси: унывшим в укрепление, жаждущим в духовнаго спасения в просвещение, воинам Христовым во благословение. Мы же, возлюбивше Господеви за таковую милость Его к нам, выну зовем Ему: Аллилуиа.

Икос 11
Богоизбранный светильник быв в житии, отче Романе, яко светозарное светило возсиял еси, ослабших в духе укрепил еси, смысл жизни в молитве благодатней многим открыл еси, темже поем ти:
Радуйся, чистотою веры Православие в мире славивый,
Радуйся, подвизем терпения скорбей долгаго заточения и стяжанием благодати жизнь свою пред Богом оправдавый.
Радуйся, образе Христа своим житием нам показавый,
Радуйся, Россию - Дом Пресвятей Богородицы от духовнаго осквернения защищавый.
Радуйся, дар слез покаяния и Христоваго утешения в жизни обретый,
Радуйся, Божественный свет и славу Божию еще в сей жизни узревый.
Радуйся, благодать спасительную стяжать успевый,
Радуйся, Царицу Небесную, Мати Света в вечности обретый.
Радуйся, священноисповедниче Романе, крест страданий в заточении во спасение наше претерпевый.

Кондак 12
К тебе любовь Царицы Небесней ведущи, святче Божий во храме Покрова Пресвятей Богородицы, мощи твои святии Господь упокоил еси, молися ко Заступнице усердней, да покрыет Дом Свой, Россию, благодатным духом покаяния, да сподобимся желанного спасительного очищения, да поем тобою благодеющему нам Богу: Аллилуиа.

Икос 12
Поюще страдания твоя, страстотерпче Романе, поклоняемся терпению твоему, яко благости Святыя Троицы тебе дарованней, да вси велегласно вопием:
Радуйся, чадо Христово, посланное нам в укрепление,
Радуйся, воине безстрашный нам для подражания.
Радуйся, исповедниче пречистый, небом данный в покаянное очищение,
Радуйся, пастырю предивный, сшедший во благое утешение.
Радуйся, Пресвятыя Троицы певец благочестивый,
Радуйся, чистоты Православной веры исповедниче предивный.
Радуйся, любящим тя ходатаю спасения,
Радуйся, величающим тя защитниче и попечение.
Радуйся, священноисповедниче Романе, крест страданий в заточении во спасение наше претерпевый.

Кондак 13
О предивный угодниче Христов, пастырю и молитвенниче наш добрый, отче Романе, приими малое сие моление наше в похвалу тебе от чистаго сердца возносимое, призри на нас немощных и грехами обремененных и, предстоя ныне престолу Царя царствующих, Господа нашего Иисуса Христа, молися о всех нас: проси, проси, святче Божий, да обрящем милосердие его в день судный, в радости поюще Пресвятей Троице: Аллилуиа.
Сей Кондак читается трижды,а затем Икос 1 и Кондак 1

МОЛИТВА
О великий угодниче Божий, пастырю Христов, отче наш Романе! Призри от горния славы на нас горделивых и чреволюбивых, тщеславных и сребролюбивых, уязвленных страстями угасающего мира сего, твоея скорой помощи и благодатного утешения просящих.
Молися, святче Божий! Да сподобит нас Господь в покаянии, в любви и сострадании от неведения благости Христовой избавлятися, самоотречение и соборно от страстей: лжи, воровства, блуда, пьянства неведения истиннаго Бora в молитве, в Церкви православней силою Христовой очищатися!
Помози нам, святче Божий, в житии на камени Истины с угодниками неба устояти, веру Православную в чистоте и полноте соборно содержати, благодать спасения стяжати. Да подобимся с тобою наследия Царствия небеснаго: вечнаго познания творений Божиих и благостнаго славословия Пресвятыя Троицы: Отца, и Сына и, Святаго Духа, и ныне, и присно и во веки веков. Аминь.

Тропарь, глас 4
В смутное время святильниче, / яко источник Божий воды живей, / гонения и заточения претерпел еси, / во искупление греха на Руси Святей, / образ воина Христова нам показал еси, / в сердцах словом рассекаяй тьму, / житием Пресвятую Троицу прославил еси, / в братствах проповедуяй не преклонятися злу, / патриаршей пастве во спасение / Христу Богу благодатно послужил еси, / моли Всеблагаго Бога умирити мир / и спасти души наша.

Кондак, глас 3
Сый пастырю земли благословенней / у Престола Царя Славы / усердно молится о верных / со святыми земли русския, / во спасение святым Владимиром крещенней, / страданием грехи поверженных покрыл еси / и к вратам жизни вечней милостию Христовой нас приблизил еси, /спаси, Боже, души наша.

Источник:
http://pravosl.narod.ru/paskha3rima/index.htm

Житие:
http://www.moscow-crimea.ru/duhovny/zhitia/donenko/donenko_rm.html