Акафист ко Господу Саваофу

Предназначается для благотворительнаго разпространения.
Размножение дозволяется
Москва 2002 г.

Всем молящимся за Россию предлагается ранее не издававшийся акафист Господу Саваофу,
Обретение текста котораго связано со старицей схимонахиней Нилой.

Схимонахиня Нила (в миру Евдокия Андреевна Колесникова, 1902-1999 гг.). Двенадцатилетней ушла в монастырь, где приняла постриг с именем Евфросиния. После разорения обители в советсткое время пережила ужасы этапов и лагерей.
Выйдя на свободу в послевоенные годы, жила в Туле, а затем в Подмосковье, в поселке Фосфоритный. В 1960-е годы приняла схиму с именем Нила. Господь наделил ея великими дарами прозорливости и пророчества, изцелений. Со всех концов России приходили люди к благодатной старице, получая духовную помощь, утешение, изцеления от недугов.
Согласно ея повествованию, за три недели до отшествия ко Господу, она была восхищена лицезреть в тонком сне Господа Саваофа. Рано утром матушка разсказала своей духовной дочери о видении и благословила молиться Господу Саваофу. И добавила: "Господь Бог Саваоф есть огнь". Затем матушка вновь спала.
За три дня до отшествия ко Господу матушка Нила не вкушала пищи, держала голову двумя руками и постоянно повторяла одну и ту же фразу: "Что будет? Что будет?" и при этом сильно плакала. Духовные чада очень просили матушку разказать, что будет. Она успокоилась и стала молиться, затем ответила: "Нет, я ничего говорить не буду". На сороковой день после отшествия матушки Нилы ко Господу ее духовная дочь обнаружила школьную тетрадь, в которой от руки был написан предлагаемый вам акафист.

Молитва
Господи! Гнев Твой, праведно движимый на нас и на страну нашу, по грехам и по мерзостям нашим, по милости Твоей и великому Человеколюбию Твоему отврати от нас и от страны нашей. Аминь.

Тропарь, глас 8
Благословен еси Господи / Боже Отче Саваофе / яко Единароднаго Сына Твоего и Святаго Духа / низпослал нам / и тем провсетив вселенную / спасл еси нас / Человеколюбче Слава Тебе.

Акафист Господу Саваофу

Кондак 1
Возбранный Воеводо и огненных Сил Господи Боже Отче Саваофе! Яко созданный Тобою аз раб Твой, Духовные пения восписую Ти с благодарением. Ты же, яко Сам Сый, неизчерпаемый источник благости, от всяких бед свободи мя, зовуща:
Господи, Боже, Отче Саваофе, помилуй мя!

Икос 1
Архангелов, Ангелов, Начал, Властей, Престолов, Господствий, Сил Небесных, Херувимов и Серафимов и всех миров Творче, Судия и Господи, отверзи ми, якоже Моисею, недоуменный мой ум и язык на славословие чуднаго Твоего имени, да вопию Ти таковая:
Господи, Боже Адонаи Великий и чудный;
Господи, Боже, Сущий, силою Всеобладающий.
Господи, Боже, Крепкий, Агнче самобытный;
Господи, Боже, Альфа, начало присносущее.
Господи, Боже, Омега, конца не имущее;
Господи, Боже, Саваофе, духов безсмертных.
Господи, Боже, Святый Творче миров;
Господи, Боже, Крепкий победителю ада и смерти.
Господи, Боже, Безсмертный, Царю царей;
Господи, Боже, Отче Саваофе, помилуй мя.

Кондак 2
Ведуще Господи Боже, Отче Триипостасное Божество Твое, в Сыне рождаемом и Животворящем Духе от Тебе находящем с верою, надежою и любовию Тебе, Отцу и Сыну и Святому Духу пою: Аллилуиа.

Икос 2
Разум дарованный ми, Тобою, Господи, на похвалу Пречистаго Имени Твоего посвящаю Тебе и во умилении сердца вопию:
Господи, да святится имя Твое;
Господи, да приидет Царствие Твое.
Господи, да будет Воля Твоя и во мне грешнем;
Господи, хлеб наш насущный даждь нам днесь.
Господи, не введи мя во искушение.
Господи, избави мя от лукаваго;
Господи, помяни мя во Царствии Твоем.
Господи, прежде даже до конца не погибну, спаси мя;
Господи, сохрани мя от темнаго ада.
Господи, сподоби мя Пресветлаго Рая;
Господи, научи мя творити Волю Твою.
Господи, Боже, Отче Саваофе, помилуй мя.

Кондак 3
Силою свыше Моисея и Аарона облекий, Господи, к посрамлению гордаго фараона, облецы и мене во всеоружие Твоя к сопротивлению кознем диавольским, да поправ злохитрое их коварство, с благодарным сердцем и умиленною душею пою Тебе во веки: Аллилуиа.

Икос 3
Имея Господи богатство благости неисповедимое, Адама в Рай, Авраама в Харань, Моисея из купины, призвал еси, призови убо и мене к созерцанию славы Твоея, да видя Тя, разумне воспою Ти тако:
Господи, Боже, Триединый в Божестве;
Господи, Боже, Чудный в существе.
Господи, Боже, Всеосвященный в Слове;
Господи, Боже, Животворящий в Духе.
Господи, Боже, дивный в совете;
Господи, Боже, таинственный в промысле.
Господи, Боже, всесильный в создании;
Господи, Боже, Премудрый в управлении.
Господи, Боже, Праведный в Суде;
Господи, Боже, всещедрый в воздаянии.
Господи, Боже, одухотворяяй Ангелов;
Господи, Боже, одушевляяй человеков.
Господи, Боже, Отче Саваофе, помилуй мя.

Кондак 4
Бурю отпадения от Бога ангелов на небеси укротивши, Михаил и воинство его, брань сотвориша со змием и поверже их на землю. Радуйтеся убо небеса се ныне бысть спасение и сила и Царство Бога нашего и Христа Его, о сем благодарно поем Творцу и Богу: Аллилуиа.

Икос 4
Слыша и видя Ангельские чины победу Твою над диаволом на небеси, воспеша песнь велию, яко воцарися Господь-Вседержитель и даде победу мучеником своим и тии победиша диавола кровию Агнчею и словом свидетельства своего и не возлюбиша душ своих даже до смерти. О сем радуяся зову Ти:
Господи, да слышны будут чудеса Твоя, яже на небеси и на земли;
Господи, да явленны будут милости Твоя во всем.
Господи, победи враги, борющия мя;
Господи, посли стрелы твоя и разжени я.
Господи, победи мысленнаго диавола;
Господи, покори гордаго Аммона.
Господи, порази лукаваго Амалика;
Господи, потопи древняго фараона.
Господи, свяжи адскаго дракона;
Господи, спаси мя якоже Моисея и Аарона.
Господи, Боже, Отче Саваофе, помилуй мя.

Кондак 5
Боготечною рекою благости, излиянною в струях Божественныя крови Единороднаго Сына Твоего, обновивый мир, обнови и во утробе моей Дух правый, сердце чисто, мысль благую, да со духи и души праведных пою Богу моему песнь победную: Аллилуиа.

Икос 5
Яко видя Исаия пророк на престоле превознесенна Тя Бога, о окаянный возопи аз, аз же что окаяннейший имам к Тебе вопити, разве таковая:
Господи Боже, Всевышний, услыши вопль мой;
Господи Боже, Всеблагий, очисти сердце мое.
Господи Боже, Всесвятый, освяти душу мою;
Господи Боже, Всемогущий, просвети мысль мою.
Господи Боже, Крепкий, укрепи руце и нозе мои;
Господи Боже, Предвечный, от века в Вечность призираяй на мя.
Господи Боже, Премудрейший, вразуми мя;
Господи Боже, Пресовершенный, усовершенствуй мя.
Господи Боже, Самодержавный, управи мя;
Господи Боже, Праведнейший, оправдай мя;
Господи, Боже, Отче Саваофе, помилуй мя.

Кондак 6
Пророков речения и провидения предвозвестивших нам, Господи, тайну воплощения Сына Твоего и излияние Святаго Духа на верных: событие сие зряще, удивляюся и благоговейно почитая непостижимое смотрение Твое пою: Аллилуиа.

Икос 6
Возсияй, Господи, Свет благости Твоея на во тьме неверия и идолослужения сущих, и озари сердца неверующих Евангельскими лучами Боговедения Твоего, да приведенные Тобою от тьмы к свету и от идолослужения к Богопознанию вопиют Ти тако:
Господи Боже, творяй Ангелы своя духи;
Господи Боже, даяй Архангелам крепость.
Господи Боже, даруяй Началам мир;
Господи Боже, дарствуяй Властем силу.
Господи Боже, являяй Силам чудеса;
Господи Боже, Господствами умудряяй царей.
Господи Боже, почиваяй на разумнех Престолех;
Господи Боже, умудривый Херувимов.
Господи Боже, воспламеняяй Серафимов;
Господи Боже, научаяй пророков.
Господи Боже, освящаяй апостолов; Господи, Боже, Отче Саваофе, помилуй мя.

Кондак 7
Хотяй всем человеком спастися и в разум истинный приити, дал еси добраго Пастыря, Единороднаго Сына Твоего, Господа нашего Иисуса Христа. Иже положил душу Свою за овцы, тем же спаси люди Твоя, Господи, и благослови достояние Твое, да вкупе вси единем сердцем и едиными усты поем Тебе: Аллилуиа.

Икос 7
Дивны дела Твои Господи, и неприступен свет лица Твоего грешником, обаче на последок веков, благоволил еси явити нам превожделенный зрак лица Твоего в подобии Богочеловека Господа нашего Иисуса Христа, сего ради со страхом зову ти тако:
Господи, посли Свет Твой для Веры;
Господи, открой истину Твою для Надежды.
Господи, сообщи огнь Твой для Любви;
Господи, вдохни Дух Твой для проречения.
Господи, даруй премудрость для Богопознания;
Господи, даруй молитву для Богообщения.
Господи, умножи крепость для одоления невидимых врагов;
Господи, сотвори их, яко прах пред лицем ветра.
Господи, освяти ведение добра и зла;
Господи, Боже, Отче Саваофе, помилуй мя.

Кондак 8
Страшно есть, еже впасть в руце Бога Живаго, сего ради, яко Пророк Давид, припадая к Тебе, источнику Света и Жизни Подателю умиленно вопию: помилуй мя Боже по велицей милости Твоей и сопричти мя избранному Твоему стаду. Да во дворех Твоих воспою Тебе Спасу мира: Аллилуиа.

Икос 8
Весь еси желание, весь еси сладость, живот и блаженство наше, Господи, сего ради, недостойный аз погружаюсь в бездне Твоея благости и вопию Ти из глубины души:
Господи, не лиши мя небесных Твоих благ;
Господи, избави мя от вечных мук.
Господи, сохрани мя от козней диавольских;
Господи, спаси мя от сетей вражиих.
Господи, отврати от мене беды и напасти;
Господи, изцели мя от скорбей и болезней.
Господи, укрепи в нужде и печали;
Господи, не допусти мя до отчаяния.
Господи, избави мя от ожесточения;
Господи, покрый мя от всякаго зла.
Господи, подаждь ми конец благий;
Господи, Боже, Отче Саваофе, помилуй мя.

Кондак 9
Вся небесныя Ангельския Воинства непрестанными гласы взывают: Свят, Свят, Свят Господь Саваоф, изполнь небо и земля Славы Твоея, подражая оным, якоже мощно и мы бренными усты на земли немолчными песньми вопием Ему: Аллилуиа.

Икос 9
Явльшиеся древле в Вавилоне отроцы ввержены в печь огненную по повелению нечестиваго царя Навуходоносора среди бо пещи бывше, воспеваху и благословляху Господа. Благословен еси Господи, Боже отец наших, сице и мы многогрешнии вопием Ти тако:
Благословен еси, Господи, яко создал мя еси;
Благословен еси, Господи, яко одушевил мя еси.
Благословен еси, Господи, яко усыновил мя еси;
Благословен еси, Господи, яко врата райские отверз ми еси.
Благословен еси, Господи, яко сопричастника Царствия Небеснаго мя быти сподобил еси;
Благословен еси, Господи, яко победу над смертию даровал ми еси.
Благословен еси, Господи, яко главу змиеву стерл еси;
Благословен еси, Господи, яко светом Евангельским озарил мя еси.
Господи, Боже, Отче Саваофе, помилуй мя.

Кондак 10
Спасти хотяй заблуждающего человека послал еси, Боже, Отче, Саваофе Единороднаго Сына Твоего, восприяти на себе плоть человеческую и крестною смертию пременить праведный Суд Твой на милость, сего ради, покляняюся Тебе со Единородным Твоим Сыном и Животворящим Твоим Духом, поя: Аллилуиа.

Икос 10
Царю Небесный, Боже, Отче, Саваофе! Вся Словом Твоим создавый и Духом Твоим изполнивый, Сокровище благих и жизни Подателю, призри с Небеси от Святаго Жилища Твоего, оком милосердия на чада Твоя, приносящи Тебе похвалы таковыя:
Господи, Ты еси Творец миров Всемогущий;
Господи, Ты еси Зиждитель премудрейший.
Господи, Ты еси Повелитель Самодержавный
Господи, Ты еси Спаситель Сладчайший.
Господи, Ты еси Утешитель желаннейший;
Господи, Ты еси Царь царей Правосуднейший.
Господи, Ты еси Судия судей Страшнейший;
Господи, Ты еси Отец отцев Всемилостивейший.
Господи, Ты еси Духа Святаго низпослателю;
Господи, Боже, Отче Саваофе, помилуй мя.

Кондак 11
Пение наше не довлеет Ти, Господи Творче всяческих, яко вся ничтоже суть пред Тобою. Тем же, яко создание Твое, Боже, Богохвальную песнь вопию Ти: Аллиуиа.

Икос 11
Света Подателю и веков Творче Господи, во свете Твоего Боговедения настави мя, да яко же многоочитии Херувими и шестокрилатии Серафими, предстояще великолепному престолу Твоему непрестанными славословиями восхваляют Тя и аз недостойный благодарныя пения приношу Ти таковая:
Господи, Боже, Дивный источниче Духа;
Господи, Боже, Всещедрый раздаятелю жизни.
Господи, Боже, любвеобильный Сиятелю Света;
Господи, Боже, Всеблагий Подателю благодати.
Господи, Боже, Непостижимый по Божеству;
Господи, Боже, Вездесущий по Существу.
Господи, Боже, Всевидящий по разуму;
Господи, Боже, Всеслышащий по Духу.
Господи, Боже, вся освящающий Духом;
Господи, Боже, Отче Саваофе, помилуй мя.

Кондак 12
Боже Духов и всякия плоти, Тебе кланяется и пред Тобою трепещет всякое колено небесных, земных и преисподних, и всяк язык исповедует яко Ты еси Бог богов и Господь господей, того ради поклоняемся Тебе со страхом и трепетом, яко Творцу и Богу нашему поем: Аллилуиа.

Икос 12
Поюще Твое Божие величие, честь и славу, юже виде Апостол восхищенный до третьяго Небеси, реша во удивлении: О глубино и богатство премудрости и разума Божия! С великой преданностью благоговея пред Тобою, падши долу молю:
Господи, Отче наш, усынови мя возлюбленным Сыном Твоим;
Господи, Отче наш, усоверши мя Животворящим Духом Твоим.
Господи, Отче наш, огради мя Пресветлыми Твоими Ангелы;
Господи, Отче наш, защити мя молитвами святых Твоих праведников.
Господи, Отче наш, сотвори со мною по велицей милости Твоей, а не по беззакониям моим;
Господи, Отче наш, аз яко человек согреших, Ты же яко Бог щедр, помилуй мя, видя немощь души моея.
Господи, Боже, Отче Саваофе, помилуй мя.

Кондак 13
О Всеблагий и Всещедрый Боже, Отче Саваофе. Приими ныне сие малое моление наше, яко Ты приял еси смиренную жертву Авелеву, сопричти и нас к сынам благодати Твоея и наследники нас сотвори Царствия Твоего Небеснаго, да со всеми святыми в Духе Святом; поем Тебе: Аллилуиа.
Сей кондак глаголи трижды, таже икос 1-й и кондак 1-й

Молитва
Вся могий Державный Царю, почиваяй в Вышних, иже есть Благословен во веки. Свят, Свят, Свят Господь Саваоф, изполнь небо и земля Славы Твоея, Осанна в Вышних. Изполни Боже, Вседержителю, сие наше смиренное моление и прошение раб Твоих, да будут ушеса Твоя, внемлюще гласу молений наших. И преклоньше колена, молимся Ти: Господи, милостивно призри и услыши нас рабов Твоих, от земли на Небо вопиющих Тебе: спаси и помилуй и сохрани нас. Избави от всякия беды и напасти, защити нас благодатию Своею во дни и в нощи и на всякий час, яко Благословен еси во веки. Аминь.