(память 2 сентября)
(от Братства Серафима Платинского Русского народа с благодарностью любимому батюшке Серафиму)

Кондак 1
Избранный чудотворче и преславный угодниче Христов, преподобне Отче Серафиме, веры православной светильниче и земли Американской и всей вселенной благодатный заступниче и усердный молитвенниче, Ты же яко имея дерзновение ко Господу, молитвами твоими от всяких нас бед свободи, да зовем Ти:
Радуйся, преподобне Отче наш Серафиме, Платины и всея Америки преславный Чудотворче.

Икос 1
Ангелов Творец предизбра тя, Отче Серафиме в последния времена, быти проповедником православныя веры в земли Американской, через книг священных писанием и печатанием, Крест Христов на горе Платинской водрузив и народы во тьме и сени смертней бывшие светом христовой веры просветил еси, благодарные же люди воспевают тебе, яко небесному покровителю похвалы сия:
Радуйся, Отче наш Серафиме Фаворским светом озаренный.
Радуйся, пророк в Сан-Диего рожденный
Радуйся, опора грядущим путем правым и истинным.
Радуйся, истину искавый и любовью к Богу и Раю весь мир удививый.
Радуйся, добрый путевождь ко спасению нам явивыйся.
Радуйся, Крестителю в служении подражающий.
Радуйся, всем от Православия отошедшим грозный учителю.
Радуйся, тайн монашества усердный хранителю.
Радуйся, яко старший брат всех немощных по сей день охраняющий.
Радуйся, бездомных защитителю от враг видимых и не видимых.
Радуйся, в темнице заключенных свободитель и в узах томящихся посетитель.
Радуйся, одиноких и оставленных на одре болезненном заступниче и молитвенниче.
Радуйся, преподобне Отче наш Серафиме, Платины и всея Америки преславный Чудотворче.

Кондак 2
Любовью ко Творцу всяческих пламенея, пути и веры истинной искал еси, в Собор «Всех Скорбящих Радости» пошел еси, и Духом Святым был наставляем и Веру Православную обрел еси и в радости и ликовании Триединому Богу воспел еси: Аллилуиа.

Икос 2
Разумом Богопросвещенным постигл еси суету мира сего и непостоянство, и возжаждал еси подвига великаго и жития не от мира сего. Ангел же Божий брата Германа на путех твоих направи, и святаго учителя Иоанна благословение получив, в леса Северной Калифорнии yбежал еси, мы же радующиеся таковому о тебе Божию промышлению со умилением зовем Ти:
Радуйся, яко своим подвигом родителей и сродников удививый.
Радуйся, сосуде избранный, во еже служити Богови и наставляти люди ко спасению нам дарованный.
Радуйся, Русь Святую пламенно полюбивый.
Радуйся, светом истинной Веры Американскую землю освятивший.
Радуйся, новый Серафиме во исповедывании твоем Православныя веры.
Радуйся, преподобнаго Серафима на земли соимените.
Радуйся, преподобнаго Германа на небеси сомолитвениче.
Радуйся, доблестный воине Царя Небеснаго.
Радуйся, Рай паче богатства всего мира возлюбивый.
Радуйся, соль на земли Американской.
Радуйся, драгоценная звезда новая на небо райское вошедшая.
Радуйся, столп страждущаго православия.
Радуйся, преподобне Отче наш Серафиме, Платины и всея Америки преславный Чудотворче.

Кондак 3
Весь исполнен был еси любве к Господу и святым Его, ко преподобному Герману молитвы воспевая и помощию его святой лавку церковную в Сан -Франциско устрояя, народу запада иконы святыя и книги духовныя давая и слепоту его исцеляя о всех приходящих руки к Творцу поднимая и слезы проливая и крестом мысленно их осеняя, чуду лавки дивясь, воспевал еси божественную Богу песнь: Аллилуиа.

Икос 3
Возсиял еси в Сан-Франциско светильник ясный и чистый, Братство православное собирая и силы на брань накопляя и святителя Иоанна как роднаго духом отца с иконой Богородице принимая, всех приходящих с улыбкой и радушием сердечным встречая и в мир с новым сердцем христовым провожая, прими от нас благодарную песнь сию:
Радуйся, Сан-Франциско в Духе Божием обновляющий.
Радуйся, слепым глаза открывающий и на путь истинный направляющий.
Радуйся, земли Американской исповедниче и покровителю.
Радуйся, словом мудрым всех притекающих в лавку к тебе питающий.
Радуйся, светильниче имже мнози человецы просвещаются.
Радуйся, благоуханный цвете благодати во мраце безчестия запада дивно процветший.
Радуйся, огонь веры живой в Сан-Франциско возсиявый.
Радуйся, всея Америки новый чудотворче.
Радуйся, икону Богородицы со страхом и любовию принимающий.
Радуйся, силу любви от Царицы неба получивый.
Радуйся, в братолюбии делателю прилежный.
Радуйся, нивы Христовой изрядный возделывателю.
Радуйся, преподобне Отче наш Серафиме, Платины и всея Америки преславный Чудотворче.

Кондак 4
Имея Божие промышление и сугубые заступники и покровители преподобных отцов Серафима и Германа, добродетели тех в сердце стяжал еси, и Слово православное печатав на горе Платинской с братом Германом, подвиг творил еси, о плененной России и Церкви Катакомбной на весь мир правду несл еси, люди укрепленные и просвещенные словом истины и примером и подвигом новомученников воспевали Господеви: Аллилуиа.

Икос 4
Новое житие твое на горе Платинской в сладость сердцу твоему бе, яко ты притекл еси к тихому пристанищу после бури житейского моря, и иноческаго пострига удостоен был еси, и сана священническаго. Предстоя у Святаго Престола ты с высшим рвением устремися подобитися равноангельскому житию: холод, голод, и гонение от лже братии претерпевая, мы же ублажая твои подвиги, и любовь к Сладчайшему Иисусу вопием Ти:
Радуйся, дивный подражателю жития отцов Сергея и Германа.
Радуйся, пустыне Германовой устраителю.
Радуйся, Братства Германова и Валаама Америки основателю.
Радуйся, на подвиги святителем Иоанном благословенный.
Радуйся. Благословение сие яко святыню до смерти соблюдый.
Радуйся, ум твой и сердце в Бозе молитвенно утвердивый.
Радуйся, в чине ангельском безплотно поживый.
Радуйся, страждущим в России утешение подающий.
Радуйся, монашескаго жития узкий путь избравый.
Радуйся, обители Германовой слава и удобрение.
Радуйся, на труд и подвиг духовный нас воздвигающий.
Радуйся, униженных и гонимых покровитель добрый.
Радуйся, преподобне Отче наш Серафиме, Платины и всея Америки преславный Чудотворче.

Кондак 5
Хотя учителя своего, святителя Иоанна на земле прославити, житие святое его описал еси. Акафист ему сочинив, пение хвалебное Богу и святителю воспевал еси, и мы купно с тобой и всеми святыми радостно поем Богу: Аллилуиа.

Икос 5
Дух Святый в тебе, отче наш Серафиме преизобильно действуя, Бога во святых прославляя, жития их чудныя и славное на весь мир через слово печатное проповедуя. Ты явился еси во времена великого ослепления и отступления, истинный любитель Православия и восстановитель почитания святых новых и забытых Востока и Запада, мы же ведущее сие благодарно воспеваем Ти:
Радуйся, друже и любителю святых Божиих.
Радуйся, в молитвах святителя Иоанна присно призывающий.
Радуйся, того помощию святых прославляющий.
Радуйся, Русскаго благочестия и духа Святой Руси достойный восприемниче.
Радуйся, Царственных Мучеников и святителя Иоанна чудотворца усердный почитателю.
Радуйся, восстановителю почитания святых востока и запада.
Радуйся, престола царскаго и царей любителю и ревнителю.
Радуйся, возрождающейся Святой Руси устроителю.
Радуйся, народ Русский к покаянию за грехи вероотступничества, и цареубийства призывающий.
Радуйся, Святым службы и песнопения посвящающий.
Радуйся, яко Иов Почаевский печатным словом Христа проповедавый.
Радуйся, яко Герман Аляскинский пустыннолюбие стяжавый.
Радуйся, преподобне Отче наш Серафиме, Платины и всея Америки преславный Чудотворче.

Кондак 6
Проповедник православные веры и благочестия житие твое Отче Серафиме Ты же, подобно Крестителю Господню, взывал еси: «Уже позже чем Вы думаете, покайтесь, приблизилось бо царствие небесное, души свои спасайте, брата не осуждайте, ереси Сергианской тикайте, истину храните, аромат православия любите, како сладко есть с Богом жити и пети Ему»: Аллилуиа.

Икос 6
Православия истинный ревнитель, небоязненный обновленцев обличитель, Катакомбной Церкви и Святой Руси любитель, аромата православного хранитель, проповедуя смело и ясно, яко страшно Церкви духу времени следовати и политику и власти мира паче Бога любити, поминающе болезни и труды твоя за Христа, мы с любовию восхваляем Тя сице:
Радуйся, в Раю ныне ангельскую песнь воспевающий.
Радуйся, лоза Христова пышно цветущая.
Радуйся, светильниче последнего времени.
Радуйся, крест страданий в радости нести учивый.
Радуйся, ангелов приятный собеседниче.
Радуйся, блуждающих во тьме неверия и ереси светозарный наставниче.
Радуйся, древних пустынников искусный подражателю.
Радуйся, земли Американской молитвенное ограждение.
Радуйся, Вселенской Церкви преславный столпе.
Радуйся, спасающимся утешение и ободрение.
Радуйся, молитвенниче за всех плачущих и скорбящих.
Радуйся, болезнованию сердца о благочестии научающий.
Радуйся, преподобне Отче наш Серафиме, Платины и всея Америки преславный Чудотворче.

Кондак 7
Братство устрояя, козни от врага претерпевая, как одна душа живая в духе единая, отцам Валаамским подражая, Отче Серафиме и Отче Германе друга укрепляя, болезнь, печаль, скорбь и радость разделяя, брата утешая и любя, обнимая, всегда быть рядом в Раю обещаяся. Мы славяще Троицу Святую даровавшу любовь верную и братскую и Ей воспеваем: Аллилуиа.

Икос 7
Имея слез источник изобильный, угодниче христов и умиления велию благодать, келию свою слезами орошая, от преизбытка желания божественнаго и любви ко Господу о Рае потерянном печалясь и скорбя. Темже и мы ублажаем тя званими сими:
Радуйся, друг истинный и брат верный.
Радуйся, о помиловании России Господа просивый.
Радуйся, о людях доброе моление возносивый.
Радуйся, Отче наш новый и предивный.
Радуйся, яко никомуже злом за зло не воздававый и по глаголу Христову за врагов своих моливыйся.
Радуйся, Христу работати и искренне Ему служити всех людей научавый.
Радуйся, усердный молитвенниче о всех притекающих к тебе.
Радуйся, яко своими подвигами ты преподобным отцем Валаамским уподобивыйся.
Радуйся, тихаго нрава любомудрий носителю.
Радуйся, даже до смерти за Христа пострадати желавый.
Радуйся, слез неистощимый кладезю.
Радуйся, яко райское утешение во уме твоем присно предносиши.
Радуйся, преподобне Отче наш Серафиме, Платины и всея Америки преславный Чудотворче.

Кондак 8
Бури духа обмирщения и ереси сергианской, дьяволом на западе воздвигнутой, не устрашился еси, но мужественно вооружился еси духом истины и мечом слова правды о Царственных мучениках и новомучениках России на весь мир яко колокол звонкий вещал еси, в Руки Господа всецело себе предав, радостно воспевал Ему: Аллилуиа.

Икос 8
Слышав о тяжких страданиях верных за имя Христово претерпеваемых и в узах томящихся за веру Православную верными православными из России плененной врагами Святой Руси тайно рукописания святых отцов в Платину доставляя, ты Отче труды изучая и на весь мир слова святых оглашая, воспел еси: «сегодня в России а завтра в Америке готовьтесь к страданию за Имя Христа» дивясь словесам пророчества умильно воскликаем:
Радуйся, чаша, жаждущих учения спасительнаго напоившая.
Радуйся, скорый помощниче в бедах сущим.
Радуйся, проповедниче страждущаго православия.
Радуйся, глубинно зрения судеб Божиих.
Радуйся, полагающий жизнь за Веру, Царя, и Русь Святую.
Радуйся, нищих защитителю.
Радуйся, утешитель исповедников Христовых.
Радуйся, посетитель заключенных в темницах.
Радуйся, ереси Сергианской обличителю.
Радуйся, веры истинной хранителю и любителю.
Радуйся, Церкви Русской Православной непоколебимый столпе.
Радуйся, со Царственными Мучениками за Русь молитвенниче.
Радуйся, преподобне Отче наш Серафиме, Платины и всея Америки преславный Чудотворче.

Кондак 9
Все житие твое бе исполнено печалей, скорбей и плачем о Рае потерянном, у Престола Божия служащим в сане священном ты был яко ангел, ликом небесным светом озаренным и сподобивыйся видети Ангела небеснаго сослужащаго тебе в алтаре, благоговея перед твоею святостью и величием в Бозе, со страхом и умилением в радости поем Творцу: Аллилуиа.

Икос 9
Не от мира сего явился еси, Отче Серафиме, духом обитая в обители небесной, Платину молитвой ограждая и святой водой окропляя, гостей небесных встречая, красоту земную созерцая, любя яко в Раю Адам, звери же царя твари зряше в тебе, Отче святой, желая послужити тебе, мы же, дивящиеся о тебе таковому промышлению со умилением вопием Ти:
Радуйся, человече небесный и ангел земной.
Радуйся, пустынный жителю, в телеси ангеле.
Радуйся, молитвиниче наш предобрый.
Радуйся, ангельскаго сослужения сподобивыйся.
Радуйся, о потерянном Рае плачущий.
Радуйся, к звездам в Рай зовущий.
Радуйся, небесным силам духом своим приобщивыйся.
Радуйся, Ангелов и святых собеседниче сладкий.
Радуйся, подвигов пустынных подражателю и ревнителю.
Радуйся, в красоте земной отражение Рая созерцавый.
Радуйся, жертву безкровную со страхом и трепетом приносивый.
Радуйся, земных страстей свободивыйся.
Радуйся, преподобный Отче наш Серафиме, Платины и всея Америки преславный Чудотворче.

Кондак 10
Мученическую кончину твою на смертном одре чада твои видевше, яко на Кресте распятаго, пять дней и ночей дивилися терпению твоему и смирению, Отче Серафиме, страшным недугом пораженнаго, ты, к Отцу Небесному взывая и врага спасения сокрушая, в духе Спасителю воспевал еси: Аллилуиа.

Икос 10
Весь быв образ послушания и смирения в житии твоем, яко в час кончины твоей явися тебе святитель Иоанне, благую весть о переходе в небесную обитель сообщая и путь твой в Рай благословляя, под покров Божией Матери тебя предавая, на праздник Успения Ея, Царица тебя забирая и нам не страшится смерти проповедуя, ибо все воскреснем вслед за Сыном Богом Ея, видя успение твое, Отче Серафиме, со слезами о тебе глаголем:
Радуйся, смирения и нестяжания рачителю.
Радуйся, о смертном часе всегда помышлявый.
Радуйся, свою смерть смиренно принявый.
Радуйся, Пречистою во успении твоем в небесныя обители взятый.
Радуйся, Святителем Иоанном в отшествие благословенный.
Радуйся, подвижниче дарами благими исполненный.
Радуйся, стойкости и мужества тезоименитый подвижниче.
Радуйся, меч огненный веры православной.
Радуйся, в болезни смертной непрестанно Богу молитву приносивый.
Радуйся, на смертном одре молитвой и смирением врага сокрушивый.
Радуйся, верных жаром подвигов возжегший.
Радуйся, монашествующих дивное украшение.
Радуйся, преподобне Отче наш Серафиме, Платины и всея Америки преславный Чудотворче.

Кондак 11
Смерть твоя, Отче преподобне, православную Америку потрясая и пробуждая, яко чтущие тя оплакиваша ранний уход твой и сиротство свое. Ты же на Бога уповать их ведением своим научая и всех в Платину на молебен собирая и единым духом и едиными усты Церковь Небесная и Земная воспевала еси Богу: Аллилуиа.

Икос 11
Тело твое мертвенное, Отче преподобне, возсия благолепною красою и радостью встречи Христа и Рая сладость видения, тайну смерти разгадавый и Рай вперед собрата усилием и трудами восхитивый, у Престола святою славою увенчанный и о всех верных молитвы воспевающий, тебе же яко мощному о нас молитвеннику новому, хвалебная приносим:
Радуйся, плод святости земли американской.
Радуйся, стоящих пред гробом твоим умилению и радости исполнивый.
Радуйся, во гробе себя яко спящим и живым явивый.
Радуйся, духом твоим небесным силам преобщивыйся.
Радуйся, тайну смерти разгадавый.
Радуйся, ревновати о своем спасении нас научающий.
Радуйся, во успение своем всех в Платину на молитву собирающий.
Радуйся, кончиною своею Америку потрясающий и пробуждающий.
Радуйся, трудниче неутомимый покой блаженный обретый.
Радуйся, верных присное веселие.
Радуйся, яко от мира нечего не возжевавый и в Рай вселивыйся.
Радуйся, в книзе жизни златыми буквами начертанный.
Радуйся, преподобне Отче наш Серафиме, Платины и всея Америки преславный Чудотворче.

Кондак 12
Обитель Германову и по успению своему не оставлял еси, собрата Германа и братию духом ободряя и сердце любовию к служению Творцу воспламеняя, всех претекающих к могиле, мощам, и иконе твоей заступление подающий, ибо вся возможно предстательству твоему. Благодатию тебе дарованной молися о нас, Отче преподобне, чтущих святую память твою, да и мы с тобой купно во веки поем Богу: Аллилуиа.

Икос 12
Поюще твое всеславное и дивное житие, преподобне Отче Серафиме, ублажаем труды и подвиги твоя, чтим много попечительное верных окормление, болящих от рака исцеление, младенцев во чреве матерей сохранение и заступление, скорбей терпение, славим пламенное горение и верность и любовь твою к Богу и истине, плоти своей распинание и умерщвление, ты живущим во времена отступления явился еси светильник последняго времени и стена крепкая и несокрушимая Церкви, сохраняй нас от лже пастырей и ересей, благослови, Отче преподобне, пети вечно житие твое и воспевати Ти:
Радуйся, Платину духом твоим пропитавый.
Радуйся, землю Платинскую стопами твоими освятивый.
Радуйся, и по кончине обитель Германову не оставляющий.
Радуйся, обитель твою от всякаго зла сохраняющий.
Радуйся, молящихся у гроба твоего скорую помощь подающий.
Радуйся, Платины и Германовой пустыни слава и украшение.
Радуйся, яко и по преставлении твоем чудеса творити не переставый.
Радуйся, о всей Америке и Вселенной молитвы Господеви возносивый.
Радуйся, недужных раком исцелявый.
Радуйся, младенцев во чреве матерей спасавый и хранивый.
Радуйся, умирающего в узах темничных воскрешающий.
Радуйся, яко к могилке твоей страждующие притекают.
Радуйся, преподобне Отче наш Серафиме, Платины и всея Америки преславный Чудотворче.

Кондак 13
О преподобный и преславный Отче наш Серафиме, Платины и вселенский чудотворче, милостиво приими сие малое моление наше, с любовью тебе возносимое и богоприятным твоим ходатайством да сохранит нас Господь от обольщения близ грядущаго антихриста, страх Божий вселит в сердца наша, плотское мудрование умертвит и от искушений сохранит, в православии утвердит и на подвиг пострадать за Христа благословит, мук адских свободит и селения райския вселит, идеже с тобой вкупе Человеколюбцу Богу воспоем ангельскую песнь: Аллилуиа, Аллилуиа, Аллилуиа!

Молитва
О преподобне, и богоносне Отче наш Серафиме, ты угодниче Христов и крепкий молитвенниче призри на нас грешных ко святей иконе твоей припадающих и просящих твоего заступления, и помощи. Ты дом Пресвятой Богородицы, Русь Святую возлюбил еси и веру православную в чистоте и истине в сердце хранил, народ русский от веры православной отпавший светом истины через слово печатное просвещал еси, и ко спасению наставлял еси, к покаянию за грех цареубийства и вероотступничество призывал еси, и стал ты ныне покровителем небесным Америки, и всех новообращенных Востока и Запада, ходатай и молитвенник, старший брат и пастырь добрый душу за чад Божиих полагающий, в узах томящихся заключенных свободитель, болящих на одре болезни исцелитель, бездомных и неимущих, где гловы приклонити утешитель, пленников свободитель, младенцов во чреве матери носимых хранитель и защититель, ищущих веру истинную напривитетель и наставник.
Восстань в помощь нам, услыши нас грешных молящихся тебе, умоли Христа Бога и Пречистую Богородицу Русь Святую воскресить, Царства Самодержавное восстановить и ниспослать царя нам православного, остаток верных укрепить по лицу всей вселенной рассеянных. Помяни всех веру и любовь к тебе имущих, и имя твое святое призывающих. К тебе, о великий угодниче Божий, прибегаем мы, немощные, грешные и недостойные, от натисков духа мира сего в беснование и маловерие впавшие, испроси у Всемилостивого Бога мир церкви, в отечестве твоем православной веры укрепление и в трудах миссионерских Божие благословение, еретиков и язычников в веру истинную православную обращение, раскольников и обновленцев в лоно Матери-Церкви возвращение.
Обитель твою не оставь, в ней же многие лета усердно подвизался, в мирном благоустроении и благолепии сохрани и всех монашествующих и труждающихся добре во благих желаниих утверди и в подвигах иноческих укрепи от всех видимых и не видимых враг и от всех напастей и бед невредимыми сохрани и братию приумножи. Буди помощник благий всем благочестно живущим и всех попечителей и устраителей обители святой избави от всех недугов и глада от потопления и огня от внезапной смерти и смертоносной язвы и от нашествия иноплеменников и междоусобной брани и от всякого зла и навета вражия.
Отжени волка мысленного и льва рыкающего ищущаго кого погубить и в ад свести души наши огради от соблазнов мира сего и от помыслов суетных и душевредных. Утверди сердца наши в любви и смиренномудрии, в кротости и послушании, терпении болезней и скорбей, не памятозлобии и всяком деле благом и спасительном.
Святой Отче наш Серафиме, простри молитвенно руки твои к Господу и умоли Спасителя да простит нам безчисленные прегрешения наша и не отвратит милость свою от нас, но да явит помощь и Руку спасительную, да воскреснем духом и во славу Христа Русь Святую от ига богоборцев свободим и не убоимся пострадать и умереть во имя Христа и Троицу Святую, Церковь Соборную Апостольскую, царя православного и не примем печать проклятого антихриста и не поклонимся ему. Ибо ты сам Отче святой учил и пророчески сказал «Уже позже чем Вы думаете».
Словеса и учение твое поминая со слезами молим и просим не остави нас, в помощь нам со всеми святыми прейди, да исполним мы волю и промысел Бога нашего во спасение душ наших и унаследуем Царство уготованное не трусливым хоть и малому но верному стаду воинам христовым живот свой положивым за Веру, Царя и Русь Святую воспоем ангельскую песнь и прославим со всеми святыми Отца и Сына и Святого Духа ныне и присно и во веки веков аминь.

Тропарь. Глас 4-й
Пустыни Германовой подвижниче/преподобне Отче наш Серафиме/Учителю благочестия преизрядный/Платины украшение и всея Америки радование/моли Христа Бога спастися душам нашим.

Тропарь. Глас 1-й
Сосуд Избранный быв Отче преподобне/пронесший Имя Господне пред языки,/сего ради и ныне просвещаеши ученьми Твоими,/всех возжадавших познати Веру Истинную,/в последнее время во тьме и сени смертной седящих,/да и нам Спасительную Бодрость Духа подаси,/поминай всех верно чтущих память Твою,/Серафиме Отче наш/.

Тропарь. Глас 3-й
Явился еси свет Востока мысленнаго сыновом страны западныя, изводя их от тьмы неведения словом твоим, и сообразное тому житие являя, в пустыни подобно древним отцем пожил еси в ней же и телом ныне почиваеши, наследие сый некрадомое учеником твоим, с ними же и мы велегласно вопием ти, спасай нас молитвами твоими Серафиме, преподобне отче наш.

Величание
Величаем, величаем Тя, преподобне Отче наш Серафиме, и чтим святую память Твою, Ты бо молиши за нас Христа Бога нашего.

Взято с http://serafimrous.narod.ru/akafist.html