Кондак 1
Избранный угодниче Христов и предстателю наш пред Богом, всеблаженне отче Варфоломее, восхваляем тя с любовию, милостиваго предстателя и заступника нашего. Ты же, яко имеяй дерзновение ко Господу, от всяких бед и скорбей свобождай нас, да зовем ти:
Радуйся, блаженне Варфоломее, преславный чудотворче.

Икос 1
Ангел земный и человек небесный был еси, блаженне Варфоломее, от юности твоея юродство Христа ради себе усвоивый: да в жизни временней от всех поругаем и оскорбляем будеши, во блаженней же вечности мзду небесную обрящеши. Темже ублажаем тя:
Радуйся, от благочестивых родителей рожденный.
Радуйся, от юности на служение Богу предъизбранный.
Радуйся, мудрый странниче, единаго Христа любовию усердно взыскавый.
Радуйся, воине Христов, благодатию Его мир, плоть и диавола победивый.
Радуйся, святость жития твоего буйством юрода мудре сокрывый.
Радуйся, яко поругания и биения сладце, Христа ради, претерпевый.
Радуйся, блаженне Варфоломее, преславный чудотворче.

Кондак 2
Видя суетою мира сего ослепленных, досаждающих и оскорбляющих тя неповинно, не гневался еси на гонителей и обидящих тя, отче Варфоломее, но молился еси о них, в сокрушении духа поя Богу: Аллилуиа.

Икос 2
Разумел еси добре, Варфоломее блаженне, вся козни врага диавола, имиже от злых человек поруганьми и биеньми доброе твое произволение сокрушити хотяще; темже тому крепце противостал еси, и за досадители твоя молился еси, нас же взывати тебе подвизаеши таковая:
Радуйся, самопроизвольный мучениче, поношения от неразумных человек претерпевый.
Радуйся, любовию злобу человеческую победивый.
Радуйся, незлобия образ предивный собою явивый.
Радуйся, страсти плоти твоея гладом и жаждею умертвивый.
Радуйся, чистоты душевныя и телесныя хранителю.
Радуйся, буйством о Христе премудрости небесныя стяжателю.
Радуйся, блаженне Варфоломее, преславный чудотворче.

Кондак 3
Сила Божественныя благодати, еюже от юности исполнено бысть сердце твое, блаженне Варфоломее, тако укрепи тя в перенесении всякия тяготы земнаго жития, яко глад и жажду, хлад и зной, поругания и заушения, Христа ради, легце претерпевал еси и николиже вспять обратился еси, радостно воспевая Богу: Аллилуиа.

Икос 3
Имел еси огнь любве Божественныя в сердце твоем, богоблаженне Варфоломее, и яко некий пламеннообразный Серафим непрестанно в молитве пребывал еси, сердцем и душею твоею выну ко Господу Иисусу Христу возношаяся. Темже и Господь дивными дарами духовными тя обогати, да вси радостно вопиют тебе:
Радуйся, воине Христов, необязавыяйся куплями житейскими.
Радуйся, праведниче, сияяй яко солнце во Царствии Небеснем.
Радуйся, смирением твоим Ангелов и человеков удививый.
Радуйся, буйством твоим премудрыя посрамивый.
Радуйся, смиренным и благочестивым тихое пристанище.
Радуйся, подвизающимся добрый помощниче.
Радуйся, блаженне Варфоломее, преславный чудотворче.

Кондак 4
Бурю помыслов и страстей безбедно претерпел еси, угодниче Божий, и пристанище тихое - Христа обрел еси, Емуже во мнозе долготерпении неленостно поработав, ныне на небесех вечнующия славы наслаждаешися, вопиющи: Аллилуиа.

Икос 4
Слышаще и видяще сестры обители Чигиринския чудныя словеса и деяния твоя, отче Варфоломее, яко человека Божия тя почитаху, и, умиляющеся сердцем, духом к небеси устремляшеся, вопиюще ти таковая:
Радуйся, всего себе в жертву Господеви принесый.
Радуйся, вся красная мира сего ни во чтоже вменивый.
Радуйся, яко постом и бдением душу свою просветил еси.
Радуйся, яко от юности твоея Господеви поработати вожделел еси.
Радуйся, истинною любовию к Богу сердца наша наполняяй.
Радуйся, стяжати благодать Святаго Духа нас научаяй.
Радуйся, блаженне Варфоломее, преславный чудотворче.

Кондак 5
Боготечное светило быв, люди чигиринския благочестию христианскому поучал еси, блаженне Варфоломее, образ равноангельнаго жития тем показуя. Кто убо, о твоем великом терпении слыша и совершенное смирение твое воспоминая, како обидящим, по заповеди Христа Бога, вся прощал еси, не умилится? Сего ради Господеви, прославляющему святыя Своя, во умилении глубоцем воспеваем: Аллилуиа.

Икос 5
Видим был еси от человек, яко юрод и безумен, в раздранней одежде ходяй и от всех поругаем, обаче мудр о Христе пребыл еси, блаженне, и сие чудесы многими проявил еси. Темже от людей благочестивых, яко истинный угодник Божий почитаем, слышиши похвалы таковыя:
Радуйся, града Чигирина крепкий заступниче.
Радуйся, верою к тебе притекающих покровителю.
Радуйся, хлад и зной любве ради Божия претерпевый.
Радуйся, всякое упокоение плотское возненавидевый.
Радуйся, образе смирения и послушания.
Радуйся, учителю чистоты и целомудрия.
Радуйся, блаженне Варфоломее, преславный чудотворче.

Кондак 6
Проповедание евангельское, еже не скрывати себе сокровища на земли, совершенно соблюдая, не стяжал еси ни злата, ни сребра, но точию едино рубище раздранное, в немже зиму и лето необувен пребывая, воспевал еси Христу Богу: Аллилуиа.

Икос 6
Возсиял еси, яко звезда пресветлая, во граде Чигирине, угодниче Божий, и чудес благодатию согражданы твоя просветил еси, и многия приходящия к тебе утешил еси. Сего ради воспеваем ти сице:
Радуйся, Богу всею душею твоею прилепивыйся.
Радуйся, кротость совершенную себе усвоивый.
Радуйся, яко тайныя подвиги твоя от Бога явно чудесы прославишася.
Радуйся, прозорливец воистину неложный явивыйся.
Радуйся, сострадательный и милостивый страждущим помощниче.
Радуйся, любвеобильный и благосердный скорбящих утешителю.
Радуйся, блаженне Варфоломее, преславный чудотворче.

Кондак 7
Хотение присное имел еси, отче Варфоломее, да богоугодное и праведное житие твое от человек утаится. Темже всяко тщался еси от людей юродством сие сокрыти и радовался еси безчестиям, тебе наносимым, яко дарам великим, присно зовый во смирении песнь Богу: Аллилуиа.

Икос 7
Новаго по благочестии ревнителя зрим тя, блаженне Варфоломее, душевныя бо ради твоея чистоты дадеся ти свыше благодать чудотворения и прозорливства. Темже величаем тя:
Радуйся, в молитве непрестанно пребывавый.
Радуйся, житием твоим единому Богу послуживый.
Радуйся, вечныя жизни причастниче.
Радуйся, истины Христовы проповедниче.
Радуйся, будущая яко настоящая созерцавый.
Радуйся, помышления человеческая прозревавый.
Радуйся, блаженне Варфоломее, преславный чудотворче.

Кондак 8
Странен мирови показался еси, блаженне Варфоломее, славу его, аки прах вменивый, Ангелом собеседник был еси и тако лику святых сочетаваешися, поющих: Аллилуиа.

Икос 8
Весь был еси в вышних, угодниче Христов, всякое житийское попечение далече от себе отринувый. Ныне же с горних высот богоподражательною любовию к нам низходиши, посещая ны во всех немощех и нуждах наших, возводя умы и сердца наша горе, и всех научая звати тебе сице:
Радуйся, благодатными чудесы житие твое озаривый.
Радуйся, славу небесную паче всего возлюбивый.
Радуйся, вечныя блаженныя жизни наследниче.
Радуйся, Ангелом и ликом святых собеседниче.
Радуйся, недугов душевных и телесных целителю.
Радуйся, стужаемых от злых духов свободителю.
Радуйся, блаженне Варфоломее, преславный чудотворче.

Кондак 9
Всякое наслаждение плотское возненавидев, блаженне Варфоломее, единаго Бога всем сердцем возлюбил еси, яко источника всякия благости. Темже и Господь тя возлюби и обильно щедроты Своя на тя излия, да вси к мощем твоим припадающии и скорую помощь от тебе приемлющии благодарственно вопиют: Аллилуиа.

Икос 9
Витии многословесныя на возмогут по достоянию восхвалити чудеса, по молитве блаженнаго Варфоломея совершаемыя и разумение человеческое превосходящия. Мы же, радости и удивления исполняеми, от усердия нашего приносим ему малыя нехитростныя похвалы сия:
Радуйся, добрый сеятелю благочестия.
Радуйся, обличителю всякаго нечестия.
Радуйся, бедствующих скоропредстательный помощниче.
Радуйся, скорбящих благодатный утешителю.
Радуйся, земли Чигиринския небесный покровителю.
Радуйся, страны нашея всемощный заступниче.
Радуйся, блаженне Варфоломее, преславный чудотворче.

Кондак 10
Спасти хотя душу, о плоти твоей нерадил еси, блаженне, но постом, бдением, молитвами себе смиряя, яко в тимпане, во умерщвлении телесе вопиял еси Богу: Аллилуиа.

Икос 10
Стена еси непоколебима, блаженне отче, всем с верою притекающим к твоему молитвенному предстательству. Темже припадающе, молим ти ся, яко имущему велие дерзновение пред Богом: ходатайствуй о нас, грешных, почитающих тя звании сими:
Радуйся, узкими враты и тесным путем все житие шествовавый.
Радуйся, Царствия Божия усердный взыскателю.
Радуйся, Святыя Церкви благолепное украшение.
Радуйся, православных христиан твердое ограждение.
Радуйся, милость твою страждущим человеком являяй.
Радуйся, верныя души благодатию посещаяй.
Радуйся, блаженне Варфоломее, преславный чудотворче.

Кондак 11
Пение непрестанное во всем житии твоем Богови приносил еси, блаженне Варфоломее, ныне же от нас воспеваемый и по достоянию ублажаемый на земли, тамо - на небеси, купно со Ангелы, прославльшему тя Господеви зовеши: Аллилуиа.

Икос 11
Светлостию чудес твоих, угодниче Божий, помраченныя грехми души наша озаряеши и вся ны от сна лености возбуждаеши, да плоды покаяния принесем Христу, тебе в подвизех богоугождения подражающе, яко да возможем неосужденно благохвалити тя, предстателя нашего, сими песненными глаголы:
Радуйся, яко в горний Сион Царя Небеснаго душею востекл еси.
Радуйся, яко тамо, предстоя Ему, о всех нас тепле ходатайствуеши.
Радуйся, лампадо, светом Христовым всех просвещаяй.
Радуйся, елеем милости твоея сердца болезненная умащаяй.
Радуйся, по Бозе и Пресвятей Богородице упование на тя возлагающих не посрамляяй.
Радуйся, любящим тя и чтущим память твою предстательством небесным воздаваяй.
Радуйся, блаженне Варфоломее, преславный чудотворче.

Кондак 12
Благодать данную ти от Бога ведуще, блаженне Варфоломее, благоговейно преклоняемся пред святыми мощами твоими, лобызаем святолепное изображение лика твоего и молимся: не остави нас твоим предстательством ко Христу Богу, Емуже благодарне поем: Аллилуиа.

Икос 12
Поюще подвиги твоя предивныя и чудеса твоя преславная, праведне Варфоломее, молим тя, заступника нашего: приклонися милостивно к нам, грешным, и вознеси о нас ко Господу твоя благоприятныя молитвы, прося нам от благости Его дары благопотребныя душевному спасению нашему, да возможем не токмо подвиги твоя прославляти, но и добродетелем твоим подражати, зовуще и глаголюще:
Радуйся, яко в ризу чистоты и непорочности облеклся еси.
Радуйся, яко светлый образ богоугождения явился еси.
Радуйся, обители Чигиринския добрый и неусыпный блюстителю.
Радуйся, пред Престолом Царя Славы теплый о нас ходатаю.
Радуйся, евангельских обетований наследниче.
Радуйся, христиан скорый помощниче.
Радуйся, блаженне Варфоломее, преславный чудотворче.

Кондак 13
О всехвальный угодниче Христов, блаженне Варфоломее! Приими сие малое хвалебное пение наше, и избави нас от всякаго злаго обстояния, от напрасныя смерти и вечныя муки, да с тобою и всеми святыми во веки поем Богу: Аллилуиа.
Этот кондак читается трижды, затем икос 1 и кондак 1

Молитва
О преблаженный угодниче Божий Варфоломее, града Чигирина звезда пресветлая и всея Черкасския земли украшение! Ты Вышняго повелением оставил еси вся земная, и ни во чтоже вменяя вся красная мира сего, восприял еси юродство Христа ради: терпением и мужеством перенося наветы вражия, в посте и бдении пребывая день и нощь, тяготы зноя летняго понесл еси и мразы зимния терпя, безмерно плоть твою изнуряя, стяжав смирение велие, и силу Божию восприяв, явился еси источником чудес неисчерпаемым, являя людем милости Божия богатыя.
Сего ради ублажаем тя и молим, яко чудотворца преславна и предивна: услыши нас, грешных и окаянных, испроси нам у Господа слезы покаяния и решимость исправления греховныя жизни, отжени от нас вся прилоги вражия, искорени в земли нашей пороки, соблазны, расколы и неверие, да ограждаемии святыми твоими молитвами, младенцы сподобляются святаго Крещения и христианскаго воспитания, отроки блюдут себя в чистоте и целомудрии, болящия, терпеливо перенося страдания, получают исцеления, пастыри ревностно несут свое служение и пекутся о спасении душ человеческих.
И всем христианом испроси у Господа мирную кончину и добрый ответ на Страшнем Судище Христовом, да вкупе с тобою и со всеми святыми во Царствии Небеснем прославим милость Христа Бога нашего, Емуже подобает со Отцем и Святым Духом слава, честь и поклонение во веки веков. Аминь.

Тропарь, глас 4
Явился еси во граде Чигирине яко в пустыни, в смиренномудрии, чистоте, трудех, подвизех и в терпении мнозе, преблаженне Варфоломее, вся красная мира сего возненавидев, взем бо Крест Христов последовал еси Ему, но яко имея дерзновение многое, моли Христа Бога о верою творящих память твою, да спасет души наша.

Кондак, глас 8
От земли воззвавый тя к небесным селением Господь, соблюдает цельбоносно тело твое, блаженне Варфоломее, помогай всем с верою к тебе притекающим, да избавит ны Господь от варварскаго нашествия и междоусобныя брани и исцелит наша недуги душевныя и телесныя, яко Милосерд.

ЖИТИЕ
Родился блаженный Варфоломей 7 сентября (н. ст.) 1870 года в семье, имевшей родовую фамилию Матюшенко. Детство его прошло близ Свято-Троицкого Чигиринского монастыря.
История не сохранила сведений о детстве и отрочестве его, но то, что произошло с Варфоломеем на Пасху, в корне изменило всю жизнь этого человека. В возрасте 17-ти лет, Варфоломей, вместе со сверстниками, в день Светлого Христова Воскресения, играл возле качели. Во время катания у юноши оторвалась подошва сапог. Варфоломей поспешил домой и принялся чинить свою обувь. Расстроенный происшедшим, парень ударил по подошве сапога и в этот момент в доме раздался сильный раскат грома, сверкнула молния, и появился огонь с дымом. Свидетелями этого события стали родители Варфоломея, потрясенные увиденным. Что же в тот момент открылось самому Варфоломею, он никогда и никому не рассказывал, но происшедшее в корне и навсегда изменило всю жизнь молодого человека.
Варфоломей добровольно отказался от родительского дома и поселился в богадельне Свято-Троицкой обители.
Одевался, с этого дня, Варфоломей только в ветхую, оборванную одежду, в зной и вьюгу ходил простоволосый и босой. Постоянно обвешивался неизвестного назначения барахлом и дырявыми мешками, набитыми камнями и всякой всячиной, а в руке носил палку-посох. На разговоры ни с кем не шел, большей частью молчал, а если выражался, то обрывисто и как бы невнятно, либо наоборот - говорил абсолютно спокойно и ясно, но при этом предельно кратко. Часто его видели сидящим на земле и о чем-то бормотавшим самому себе.
Изначально насельницы монастыря и местные жители воспринимали Варфоломея за человека несчастного, обреченного влачить горькую участь безумия. Тем более, что он всячески избегал здравого отношения к себе, отталкивая показной глупостью и безобразием. Дети часто дразнили старца, насмехались, забрасывая камнями и хламом. Собаки дико лаяли и, набрасываясь, раздраженно преследовали. Варфоломей же принимал все это с услаждением, почитая для себя вожделенным быть поруганным всеми и даже животными.
Но со временем к странностям старца привыкли. Его речами и действиями перестали соблазняться, и наоборот, стали передавать друг другу их пророческий смысл. Позже не только монашествующие, но и приходящий в обитель народ начал отмечать, что Варфоломей человек особенный и Божий. В большинстве стали обращаться к нему на «вы», именуя отцом Варфоломеем. Многие стали приходить к нему за советом и испрашивая молитв. Реакция старца на людей была непредвиденной и разнообразной. Прежде всего, он избегал любой человеческой славы и ни от кого не принимал ни малейшей похвалы. И как только замечал в других хорошее о себе мнение, тотчас старался его уничтожить, обличаясь в маску еще большей глупости и безумия.
Приносимые ему подаяния он чаще всего принимал, а затем раздавал на свое усмотрение. Но, бывало, гневался и все сердито отвергал. Иногда даже выбрасывал гостинец собакам - брезгуя им, словно нечистью. Особо не терпел Варфоломей подачек «на гадание», с которыми много раз приходили к нему некоторые далекие от истинной веры люди, принимая его за вещуна и предсказателя.
Особым почтением пользовался Варфоломей у настоятельницы Свято-Троицкой обители игумении Антонии (Гуровой) (1888-1910 г.г.). Игумения Антония постоянно общалась с Варфоломеем, он регулярно питался за игуменским столом. Она часто брала старца с собой в поездки и держала возле себя во время приема великих гостей.
По ночам Варфоломей, как правило, удалялся в поле за пределы Чигирина для молитвы. Там он иногда попадался на глаза случайным свидетелям, которые видели его в открытом поле, стоящим на коленях.
История сохранила множество предсказаний Варфоломея и молитвенной помощи.
Так, в 1907 году в Свято-Троицкой обители освящали новый Спасо-Преображенский храм. Насельницы искренне радовались этому торжеству, а Варфоломей стоял в стороне и, отвернувшись, бормотал: «Молодец, матушка! Собаки придут - разрушат». Впоследствии, в 1932 году, храм был сравнен с землей.
К средине 20-х годов жизнь Свято-Троицкой обители практически остановилась. От обители остался лишь маленький молитвенный очаг - группа монахинь во главе с настоятельницей - игуменией Рафаилой (Тертацкой). Сестры ютились в домике по улице Дворянской г. Чигирина. Ночью 26 августа 1926 г. Варфоломей взволновано постучал в окно: «Матушка Рафаила, убегай! Через полчаса - тебе смерть!». Игумения ответила: «На все воля Божия. Я сестер не оставлю». Через некоторое время в дом ворвались безбожники и, надругавшись над игуменией, закопали еще живой. Ныне игумения Рафаила (Тертацкая) прославлена в лике святых.
После окончательного закрытия обители Варфоломей потерял место постоянного пристанища. Теперь жизнь его стала еще больше скитальческой и трудной. Безбожные власти всячески преследовали подвижника, устраивали ему аресты и пугали тюрьмой. Варфоломей начал скитаться по близлежащим селам, продолжая свою подвижническую жизнь. Предсказывая затопление сел, при создании Кременчугского водохранилища, он носился по селам и кричал: «Вода! Вода!», показывая в сторону Днепра. В некоторых храмах и обителях Варфоломей открыто нарушал правила поведения, а вскоре эти святыни закрывались или подвергались разорению и уничтожению.
Два последних года жизни Варфоломея прошли в селе Полудниевка Чигиринского района, где его приютила семья А. Гончаренко. Но и там власти не оставляли старца в покое. Отправили его в Киев, в Кирилловскую психиатрическую лечебницу. Через некоторое время Варфоломей, избитый и очень слабый телесно, вернулся назад в село. Впоследствии власти еще неоднократно подвергали подвижника арестам и направляли в Черкасскую тюрьму.
В последние месяцы своей жизни старец предсказывал страшные события предстоящего голода и будущей войны. Днем он выходил в поле и копал там ямы, а ночью молился и кричал: «Вижу кресты. Много крестов!».
Варфоломей скончался тихо и мирно 17 октября 1931 года.
Боголюбивый люд с почтением сохранял в памяти подвижническую жизнь Варфоломея, его мудрые поучения, благословения и предсказания. Многие годы из дома в дом распространялась его единственная фотография, которая хранилась рядом с образами.
Место погребения старца почиталось людьми с момента похорон и многие шли к нему на могилку со своими проблемами и горестями. Несмотря на безбожный период, сохранилось множество фактов помощи по молитвам старца.
20 февраля 2009 года, по благословению митрополита Черкасского и Каневского Софрония, игуменией Чигиринского монастыря Екатериной (Калашник) и духовенством останки блаженного Варфоломея были перенесены из с. Полудниевки и перезахоронены на территории Свято-Троицкого женского монастыря г. Чигирина.
24 июня 2012 года были обретены мощи блж. Варфоломея, которые были перенесены в церковь св. ап. Варфоломея Троицкой обители.
Cуществуют множество свидетельств помощи блаженного Варфоломея, по молитвам к нему.
Так, раба Божия Мария, жительница с. Полудниевка, рассказала, что будучи больна опоясующим лишаем, пришла с мольбой на могилу блаженного Варфоломея. В скором времени от недуга не осталось и следа.
Раб Божий Василий, помолившись в Свято-Троицком монастыре у мощей блаженного Варфоломея, возвращался домой в Киев. Автомобилю, в котором он ехал с большой скоростью, внезапно преградил путь большой грузовик. Василий призвал на помощь блаженного Варфоломея. Грузовик был устранен с пути. Свидетель говорит, что воочию видел перед собой блаженного Варфоломея, именно таким, как на сохранившейся его фотографии.
Раба Божия Ксения свидетельствует, что у нее возникли, на первый взгляд, неразрешимые проблемы на работе. Ей грозило сокращение. Уповать оставалось лишь на Бога. Обратилась со слезной просьбой к блаженному Варфоломею. Уже через три дня о сокращении не было и речи.
В октябре 2013 года, раб Божий Игорь пришел к раке с мощами блаженного Варфоломея с сильной головной болью. Сразу после молитвы боль внезапно исчезла.
Вот уже на протяжении многих десятилетий ежедневно прибегают к блаженному Варфоломею местные жители и паломники: одни с верой просят о помощи, а другие благодарят блаженного за оказанные благодеяния, за то, что блаженный Варфоломей слышит мольбу людей и являет им свои милости.
Решением Священного Синода УПЦ от 16 сентября 2014 года блаженный Варфоломей был причислен к лику местночтимых святых Черкасской епархии.

По благословению митрополита Херсонского и Таврического Иоанна

Взято с сайта Православная Херсонщина"